You are using an outdated browser. For a faster, safer browsing experience, upgrade for free today.



https://www.nvrislam.net/index.php?j=tote&post=9003
Сұхбат: өзара сауға беріңдер, және ондағы ниет Алла үшін болсын (2026.11.19 / Хижри 1448-жыл 09-Жұмада Әл-Ақира)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, 2026) Пайғамбарымыз, «تَهَادَوْا تَحَابُّوا», «тәхәду тәхаббу», немесе мүмкін, «تَحَابُّوا تَهَادَوْا», «тәхәббу тәхәду» дейді, ол қайсысын айтқанын Алла ﷻ ең жақсы білер, ауқамал. Демек, пайғамбарымыз ﷺ бізді бір-бірімізді сүюге және өзара сауға алысып-берісуге нұсқайды, мейлі алдынғысы я кейінгісі болсын, мен нақты айта алмадым, пайғамбарымыздың дәл қалай айтқанын Алла ең жақсы біледі. Қалай болмасын, ол адамдарды сый-сауға алуға және беруге шабыттандырады, сонда олардың арасындағы махаббатпен сыйластық артады. Сауға қуаныш әкеледі, одан оны беруші де, алушы да қуаныш табады, ол жүректі қуантып, жылы леп әкеледі.

Егер біреу сізге сауға берсе, сіз де бірдеңе беріңіз, ал олай ете алмасаңыз, оларға жақсы дұға жасаңыз, дұғаның өзі үлкен сауға. Мәселен, егер бір сауға алсаңыз, әрине бұнда сіз оған мұхтаж емессіз, бірақ оған материялдық сауға қайтара алмасаңыз, онда оларға, «Алла сіздерге риза болғай» деген дұға жасасаңыз да, соның өзі сауғалардың ең ұлығы болар. Адамдар берген сауғаны Алла Әззә уә-Жәллә берген сауғаға салыстырса, ол ештеңе емес қой? тіпті оларды олай салыстыруға болмайды. Міне осы әдемі нәрселерді бізге үйреткен пайғамбарымыз ﷺ еді, және осылардың бірі осы сауға беру шаруасы болатын. Алла ﷻ барлығымызға риза болғай, көптеген адамдар бір-біріне сый-сауғалар беріп жатады.

Ал әдетте, бұлар тек Алла үшін істелінуі керек, жеке пайда үшін болмауы керек. Дүниелік адамдар кейде мәлім шаруа я мақсат үшін сауға ұсынады, Алла бізді қорғағай, бірақ бұндай ишара кейде жаман ниеттен туындайды. Сондықтан, адам сақ болу керек, демек, сауға берсеңіз, жеке пайданы көздемей, тек Алла ﷻ үшін беріңіз. Онда Алланың ризалығын болдырайық, ең ұлы игілік міне осы, өзгелерге игілік болсын деген ниетпен бірге тек осындай мақсат болсын. Ал саяси себеп я басқа жасырын ниетпен берілген сауға шын сауға есептелінбейді, Алла ﷻ бізді бұдан сақтағай. Сондықтан, адам осыған көңіл бөлуі керек, демек, мүминдер бірдеңе берерде, оның тек қана Алла ﷻ үшін екендігіне кепілдік етсін.

Ертеде көптеген тұлғалар, ұлы ғұламалар болған, олар ешқашан сауға алмаған, мүлдем алмаған, мәселен, Имам Ағзам Әбу-Ханифа хазірет ешқашан сауға алмайтын, олар мейлі харам я халал болсын, оларды қаламайтын. Бұл тақуалық мәселесіне саятын шаруа болып, Имам Ағзам, яғни бар мәзхаптардың имамы болған оның бұл ісінің астарында өз қасиетіне титтей де дақ түсірмеу хикіметі бар болса керек, бірақ оның бұл істеріндегі шын хикіметті Алла ғана білер. Мейлі қашан болсын, ол қатаң түрде сауға алудан бас тартқан, жиын-тойларға тым сирек қатысқан, ол сондай зор тақуалықпен өзіне келуі мүмкін болған харам нәрсені тұтынып қоюдан сақтанған, демек, ол денесіне титтей харам жұғындысының кіруінен сақтанған.

Ол осындай көптеген адамдардың бірі, ал бұнда осындай жолға ілескен көптеген әулиелермен салихтар өткен. Олар ешқашан сауға алмаған, және қайнары анық болмаған жерден келген тамақтарды жемеген. Көп жерлерде олар шақыруға қатыспаған, олардың жағдайы бөлек, ал бізге келсек, Алла ﷻ бізге жәрдем еткей. Біз алдымызға келген барлығын қабыл ете береміз, және береміз, Алла бізді кешіргей, Алла ﷻ барлығының ниетіне қарай бергей, иншалла. Ал сауға берушілердің ақысы кешірілгей, және ол оларға қайырлы болғай. Иншалла, олардың бір-біріне деген махаббаты артқай, ниеттер пайғамбарымыздың айтқанына сай болғай. Ал пайғамбарымыз ﷺ, «сауға берумен жақындық артар» дейді.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ءوزارا ساۋعا بەرىڭدەر، جانە ونداعى نيەت اللا ءۇشىن بولسىن (2026.11.19 / حيجري 1448-جىل 09-جۇمادا ءال-اقيرا)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، 2026) پايعامبارىمىز، «تَهَادَوْا تَحَابُّوا»، «ءتاحادۋ ءتاحاببۋ»، نەمەسە مۇمكىن، «تَحَابُّوا تَهَادَوْا»، «ءتاحاببۋ ءتاحادۋ» دەيدى، ول قايسىسىن ايتقانىن اللا ﷻ ەڭ جاقسى بىلەر، اۋقامال. دەمەك، پايعامبارىمىز ﷺ ءبىزدى ءبىر-ءبىرىمىزدى سۇيۋگە جانە ءوزارا ساۋعا الىسىپ-بەرىسۋگە نۇسقايدى، مەيلى الدىنعىسى يا كەيىنگىسى بولسىن، مەن ناقتى ايتا المادىم، پايعامبارىمىزدىڭ ءدال قالاي ايتقانىن اللا ەڭ جاقسى بىلەدى. قالاي بولماسىن، ول ادامداردى سىي-ساۋعا الۋعا جانە بەرۋگە شابىتتاندىرادى، سوندا ولاردىڭ اراسىنداعى ماحابباتپەن سىيلاستىق ارتادى. ساۋعا قۋانىش اكەلەدى، ودان ونى بەرۋشى دە، الۋشى دا قۋانىش تابادى، ول جۇرەكتى قۋانتىپ، جىلى لەپ اكەلەدى.

ەگەر بىرەۋ سىزگە ساۋعا بەرسە، ءسىز دە بىردەڭە بەرىڭىز، ال ولاي ەتە الماساڭىز، ولارعا جاقسى دۇعا جاساڭىز، دۇعانىڭ ءوزى ۇلكەن ساۋعا. ماسەلەن، ەگەر ءبىر ساۋعا الساڭىز، ارينە بۇندا ءسىز وعان مۇحتاج ەمەسسىز، ءبىراق وعان ماتەريالدىق ساۋعا قايتارا الماساڭىز، وندا ولارعا، «اللا سىزدەرگە ريزا بولعاي» دەگەن دۇعا جاساساڭىز دا، سونىڭ ءوزى ساۋعالاردىڭ ەڭ ۇلىعى بولار. ادامدار بەرگەن ساۋعانى اللا ءاززا ءۋا-ءجاللا بەرگەن ساۋعاعا سالىستىرسا، ول ەشتەڭە ەمەس قوي؟ ءتىپتى ولاردى ولاي سالىستىرۋعا بولمايدى. مىنە وسى ادەمى نارسەلەردى بىزگە ۇيرەتكەن پايعامبارىمىز ﷺ ەدى، جانە وسىلاردىڭ ءبىرى وسى ساۋعا بەرۋ شارۋاسى بولاتىن. اللا ﷻ بارلىعىمىزعا ريزا بولعاي، كوپتەگەن ادامدار ءبىر-بىرىنە سىي-ساۋعالار بەرىپ جاتادى.

ال ادەتتە، بۇلار تەك اللا ءۇشىن ىستەلىنۋى كەرەك، جەكە پايدا ءۇشىن بولماۋى كەرەك. دۇنيەلىك ادامدار كەيدە ءمالىم شارۋا يا ماقسات ءۇشىن ساۋعا ۇسىنادى، اللا ءبىزدى قورعاعاي، ءبىراق بۇنداي يشارا كەيدە جامان نيەتتەن تۋىندايدى. سوندىقتان، ادام ساق بولۋ كەرەك، دەمەك، ساۋعا بەرسەڭىز، جەكە پايدانى كوزدەمەي، تەك اللا ﷻ ءۇشىن بەرىڭىز. وندا اللانىڭ ريزالىعىن بولدىرايىق، ەڭ ۇلى يگىلىك مىنە وسى، وزگەلەرگە يگىلىك بولسىن دەگەن نيەتپەن بىرگە تەك وسىنداي ماقسات بولسىن. ال ساياسي سەبەپ يا باسقا جاسىرىن نيەتپەن بەرىلگەن ساۋعا شىن ساۋعا ەسەپتەلىنبەيدى، اللا ﷻ ءبىزدى بۇدان ساقتاعاي. سوندىقتان، ادام وسىعان كوڭىل ءبولۋى كەرەك، دەمەك، مۇميندەر بىردەڭە بەرەردە، ونىڭ تەك قانا اللا ﷻ ءۇشىن ەكەندىگىنە كەپىلدىك ەتسىن.

ەرتەدە كوپتەگەن تۇلعالار، ۇلى عۇلامالار بولعان، ولار ەشقاشان ساۋعا الماعان، مۇلدەم الماعان، ماسەلەن، يمام اعزام ءابۋ-حانيفا حازىرەت ەشقاشان ساۋعا المايتىن، ولار مەيلى حارام يا حالال بولسىن، ولاردى قالامايتىن. بۇل تاقۋالىق ماسەلەسىنە ساياتىن شارۋا بولىپ، يمام اعزام، ياعني بار ءمازحاپتاردىڭ يمامى بولعان ونىڭ بۇل ءىسىنىڭ استارىندا ءوز قاسيەتىنە تيتتەي دە داق تۇسىرمەۋ حيكىمەتى بار بولسا كەرەك، ءبىراق ونىڭ بۇل ىستەرىندەگى شىن حيكىمەتتى اللا عانا بىلەر. مەيلى قاشان بولسىن، ول قاتاڭ تۇردە ساۋعا الۋدان باس تارتقان، جيىن-تويلارعا تىم سيرەك قاتىسقان، ول سونداي زور تاقۋالىقپەن وزىنە كەلۋى مۇمكىن بولعان حارام نارسەنى تۇتىنىپ قويۋدان ساقتانعان، دەمەك، ول دەنەسىنە تيتتەي حارام جۇعىندىسىنىڭ كىرۋىنەن ساقتانعان.

ول وسىنداي كوپتەگەن ادامداردىڭ ءبىرى، ال بۇندا وسىنداي جولعا ىلەسكەن كوپتەگەن اۋليەلەرمەن ساليحتار وتكەن. ولار ەشقاشان ساۋعا الماعان، جانە قاينارى انىق بولماعان جەردەن كەلگەن تاماقتاردى جەمەگەن. كوپ جەرلەردە ولار شاقىرۋعا قاتىسپاعان، ولاردىڭ جاعدايى بولەك، ال بىزگە كەلسەك، اللا ﷻ بىزگە جاردەم ەتكەي. ءبىز الدىمىزعا كەلگەن بارلىعىن قابىل ەتە بەرەمىز، جانە بەرەمىز، اللا ءبىزدى كەشىرگەي، اللا ﷻ بارلىعىنىڭ نيەتىنە قاراي بەرگەي، ينشاللا. ال ساۋعا بەرۋشىلەردىڭ اقىسى كەشىرىلگەي، جانە ول ولارعا قايىرلى بولعاي. ينشاللا، ولاردىڭ ءبىر-بىرىنە دەگەن ماحابباتى ارتقاي، نيەتتەر پايعامبارىمىزدىڭ ايتقانىنا ساي بولعاي. ال پايعامبارىمىز ﷺ، «ساۋعا بەرۋمەن جاقىندىق ارتار» دەيدى.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
سىلتەمە: https://www.nvrislam.net/index.php?j=tote&post=9003