Мазмұнды Көшіру

https://www.nvrislam.net/index.php?j=kz&post=8963
Сұхбат: алаңдама, оқыған құраныңды түзетіп, Аллаға ұсынатын періштелер бар (2026.10.09 / Хижри 1448-жыл 28-Рабих Әл-Ақир)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Türkiye, 2026) Бисмиллахир рахманир рахим, «إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ», яғни, «расында, құранды Біз жібердік, және расында Біз оның қорғаушысы боламыз», садақаллахулғазим, құран 15інші сүре 9інші аят. Алла Әззә уә-Жәллә, «пайғамбарға құран әзиму-шәнді Біз уахи еттік, және Біз оны сақтаймыз» дейді. Демек, оның еш жері жоғалмайды, немесе өзгермейді, себебі, құран әзиму-шән Алла Әззә уә-Жәлләның сөзі, ал Оның сөзі мәңгілік, сондықтан, ол илаһи қорғаудың астында болады. Әрине, кітап және парақшалар басқа пайғамбарларға да көптеп түсті, бірақ олардың ешбірі саф-таза күйінде қалмады. Расында, олардың қайсыбірінің болса да әуелгі нұсқасынан қалған бөлшектері жоқтың қасы, олар қайта-қайта өзгертілумен, соңында олар адамдардың қалауларына сәйкес нәрсе болып кетті.

Олар оны, «қасиетті кітап» дер, бірақ ол кітаптардың киесі жоғалған, себебі адамдар ол кітаптардың кейбір бөлімін жасырса, ал кейбір жерлерін өз ойлары бойынша жазып жіберген. Бірақ құран әзиму-шән адамзаттың арасындағы Алла Әззә уә-Жәлләның шын кітабі болып қала берді, оның ішінде ештеңе өзгертілген жоқ. Кейде оны оқығанда, я жаттағанда, біз қателік кетіреміз, ал өзгелер де оны қате оқуы да мүмкін. Бірақ ол мәселе емес, ол залал әкелмейді, себебі, ол илаһи қорғаудың астында. Алайда, істелген қателік оның мағынасын мүлдем өзгеріп жіберсе, оны қабыл етуге болмайды. Әрине, Алла ﷻ кешіреді, яғни, біреу надандықпен сөйлесе, немесе, қасақана істелінбеген қателіктер болса, Алла ﷻ оларды кешіреді. Мәселен, арап-еместер бар, ал құранның тілі арап тілі болғандықтан, араптарға оны қателіксіз оқу біраз оңай келеді.

Ал арап-еместер яғни әжәмдар оның ондағы кейбір әріп немесе дауыстарды оқуға қиналуы мүмкін, олардың кейбірі оны дұрыс оқыса, кейбірі қате оқуы мүмкін. Бірақ, пайғамбарымыз ﷺ, «адам құран оқығанда оны түзетіп, Алланың құзіретіне көтеріп апаратын екі періште бар» дейді. Сондықтан, бұл жайлы мәселе жоқ, демек, біреу оны оқи алғанынша оқи берсін, адам баласы қателік істеуге және кемшілікке бейім тұрады, бірақ Алла ﷻ оларды кешіреді. Адамның ниеті дұрыс болса болғаны, олардың барлығы қабыл етіледі, ол жайлы, «мен оны жақсы оқи алмаймын» деп, алаңдаудың қажеті жоқ. Мейлі, біреу қалай оқыса да, айтып өткеніміздей, оны түзетіп, оны ең әдемі түрде Алла Әззә уә-Жәлләның құзыретіне жеткізетін періштелер бар, және Алла оны қабыл етеді.

Ал құранды құрметтеп, Аллаға ілтипатпен құлшылық ететін адамды Алла Әззә уә-Жәллә сүйеді, Алла ﷻ барлығымызды Өзінің сүйікті құлдарының арасынан еткей, иншалла. Алла ﷻ сіздерге риза болғай, біз бағы зор бақытты адамдармыз, демек, біз пайғамбарымыздың үмбетінің бөлшегі болып, осы заманда өмір сүргеніміз үшін бақыттымыз, Алланың сөзі болған кітапті оқып, оған шамамыз келгенше амал еткендігіміз үшін бақыттымыз. Зор бақыт деген міне осы, ал шындығында кедейлік я ауру-сырқау сияқты нәрселер мәселе емес, демек маңыздысы, Алла жолында болу, Оның жолында жүру, және Оның әдемі сөздерін оқу болмақ. Ол сөз - шипа, ол - нұр, және ол - әр түрдегі игілік-дүр. Алла ﷻ бізді панасында еткей, оны жүрегімізде арттырғай, және бізге оны ұмыттырмағай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: الاڭداما، وقىعان قۇرانىڭدى تۇزەتىپ، اللاعا ۇسىناتىن پەرىشتەلەر بار (2026.10.09 / حيجري 1448-جىل 28-رابيح ءال-اقير)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Türkiye، 2026) بيسميللاحير راحمانير راحيم، «إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ»، ياعني، «راسىندا، قۇراندى ءبىز جىبەردىك، جانە راسىندا ءبىز ونىڭ قورعاۋشىسى بولامىز»، ساداقاللاحۋلعازيم، قۇران 15ءىنشى سۇرە 9ءىنشى ايات. اللا ءاززا ءۋا-ءجاللا، «پايعامبارعا قۇران ءازيمۋ-ءشاندى ءبىز ۋاحي ەتتىك، جانە ءبىز ونى ساقتايمىز» دەيدى. دەمەك، ونىڭ ەش جەرى جوعالمايدى، نەمەسە وزگەرمەيدى، سەبەبى، قۇران ءازيمۋ-ءشان اللا ءاززا ءۋا-ءجاللانىڭ ءسوزى، ال ونىڭ ءسوزى ماڭگىلىك، سوندىقتان، ول يلاھي قورعاۋدىڭ استىندا بولادى. ارينە، كىتاپ جانە پاراقشالار باسقا پايعامبارلارعا دا كوپتەپ ءتۇستى، ءبىراق ولاردىڭ ەشبىرى ساف-تازا كۇيىندە قالمادى. راسىندا، ولاردىڭ ءقايسىبىرىنىڭ بولسا دا اۋەلگى نۇسقاسىنان قالعان بولشەكتەرى جوقتىڭ قاسى، ولار قايتا-قايتا وزگەرتىلۋمەن، سوڭىندا ولار ادامداردىڭ قالاۋلارىنا سايكەس نارسە بولىپ كەتتى.

ولار ونى، «قاسيەتتى كىتاپ» دەر، ءبىراق ول كىتاپتاردىڭ كيەسى جوعالعان، سەبەبى ادامدار ول كىتاپتاردىڭ كەيبىر ءبولىمىن جاسىرسا، ال كەيبىر جەرلەرىن ءوز ويلارى بويىنشا جازىپ جىبەرگەن. ءبىراق قۇران ءازيمۋ-ءشان ادامزاتتىڭ اراسىنداعى اللا ءاززا ءۋا-ءجاللانىڭ شىن كىتابى بولىپ قالا بەردى، ونىڭ ىشىندە ەشتەڭە وزگەرتىلگەن جوق. كەيدە ونى وقىعاندا، يا جاتتاعاندا، ءبىز قاتەلىك كەتىرەمىز، ال وزگەلەر دە ونى قاتە وقۋى دا مۇمكىن. ءبىراق ول ماسەلە ەمەس، ول زالال اكەلمەيدى، سەبەبى، ول يلاھي قورعاۋدىڭ استىندا. الايدا، ىستەلگەن قاتەلىك ونىڭ ماعىناسىن مۇلدەم وزگەرىپ جىبەرسە، ونى قابىل ەتۋگە بولمايدى. ارينە، اللا ﷻ كەشىرەدى، ياعني، بىرەۋ ناداندىقپەن سويلەسە، نەمەسە، قاساقانا ىستەلىنبەگەن قاتەلىكتەر بولسا، اللا ﷻ ولاردى كەشىرەدى. ماسەلەن، اراپ-ەمەستەر بار، ال قۇراننىڭ ءتىلى اراپ ءتىلى بولعاندىقتان، اراپتارعا ونى قاتەلىكسىز وقۋ ءبىراز وڭاي كەلەدى.

ال اراپ-ەمەستەر ياعني ءاجامدار ونىڭ ونداعى كەيبىر ءارىپ نەمەسە داۋىستاردى وقۋعا قينالۋى مۇمكىن، ولاردىڭ كەيبىرى ونى دۇرىس وقىسا، كەيبىرى قاتە وقۋى مۇمكىن. ءبىراق، پايعامبارىمىز ﷺ، «ادام قۇران وقىعاندا ونى تۇزەتىپ، اللانىڭ قۇزىرەتىنە كوتەرىپ اپاراتىن ەكى پەرىشتە بار» دەيدى. سوندىقتان، بۇل جايلى ماسەلە جوق، دەمەك، بىرەۋ ونى وقي العانىنشا وقي بەرسىن، ادام بالاسى قاتەلىك ىستەۋگە جانە كەمشىلىككە بەيىم تۇرادى، ءبىراق اللا ﷻ ولاردى كەشىرەدى. ادامنىڭ نيەتى دۇرىس بولسا بولعانى، ولاردىڭ بارلىعى قابىل ەتىلەدى، ول جايلى، «مەن ونى جاقسى وقي المايمىن» دەپ، الاڭداۋدىڭ قاجەتى جوق. مەيلى، بىرەۋ قالاي وقىسا دا، ايتىپ وتكەنىمىزدەي، ونى تۇزەتىپ، ونى ەڭ ادەمى تۇردە اللا ءاززا ءۋا-ءجاللانىڭ قۇزىرەتىنە جەتكىزەتىن پەرىشتەلەر بار، جانە اللا ونى قابىل ەتەدى.

ال قۇراندى قۇرمەتتەپ، اللاعا ىلتيپاتپەن قۇلشىلىق ەتەتىن ادامدى اللا ءاززا ءۋا-ءجاللا سۇيەدى، اللا ﷻ بارلىعىمىزدى ءوزىنىڭ سۇيىكتى قۇلدارىنىڭ اراسىنان ەتكەي، ينشاللا. اللا ﷻ سىزدەرگە ريزا بولعاي، ءبىز باعى زور باقىتتى ادامدارمىز، دەمەك، ءبىز پايعامبارىمىزدىڭ ۇمبەتىنىڭ بولشەگى بولىپ، وسى زاماندا ءومىر سۇرگەنىمىز ءۇشىن باقىتتىمىز، اللانىڭ ءسوزى بولعان كىتاپتى وقىپ، وعان شامامىز كەلگەنشە امال ەتكەندىگىمىز ءۇشىن باقىتتىمىز. زور باقىت دەگەن مىنە وسى، ال شىندىعىندا كەدەيلىك يا اۋرۋ-سىرقاۋ سياقتى نارسەلەر ماسەلە ەمەس، دەمەك ماڭىزدىسى، اللا جولىندا بولۋ، ونىڭ جولىندا ءجۇرۋ، جانە ونىڭ ادەمى سوزدەرىن وقۋ بولماق. ول ءسوز - شيپا، ول - نۇر، جانە ول - ءار تۇردەگى يگىلىك-ءدۇر. اللا ﷻ ءبىزدى پاناسىندا ەتكەي، ونى جۇرەگىمىزدە ارتتىرعاي، جانە بىزگە ونى ۇمىتتىرماعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8963