Сұхбат: игілік істей алмасаң да, өзгелердің игілік істеуіне жол сілте, игілік істегендей боласың (2026.08.06 / Хижри 1448-жыл 23-Сафар)
https://www.nvrislam.net/index.php?j=kz&post=8899
Сұхбат: игілік істей алмасаң да, өзгелердің игілік істеуіне жол сілте, игілік істегендей боласың (2026.08.06 / Хижри 1448-жыл 23-Сафар)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.
(Akbaba Dergah, Istanbul, Turkiye, 2026) Пайғамбарымыз, «الدالُّ على الخيرِ كفاعلِه», яғни, «игілікке бастаған, сол игілікті істегендей болар» дейді. Демек, егер біреу жақсылық істеуге құлшынса, немесе, өзгелерге игілік жолын нұсқаса, ол адам сол жақсы амалды өзі істегендей болып саналады. Сан түрлі игілік жолдарын көрсетіп, адамдардың оны істеуіне оған жол сілтеген адам, ел-жұртқа көмектескен адам, немесе, өздері көмектесе алмаса да, бірақ өзгелердің көмектесуіне мүмкіндік жасаған адам, осы жақсы амалдарды істей алған адаммен ұқсас сауапқа ие болады. Пайғамбарымыз ﷺ осылай дер, себебі мұсылманның басты мақсаты, исламның басты мақсаты ел-жұртқа көмектесу, игілік істеу, барша адамзатқа жақсылық қылу.
Алла Әззә уә-Жәллә исламды жіберді, және Ол тек адамзатқа ғана емес, жануар, орта, және басқа барлық нәрселерге де пайдалы болуға әмір етті, исламда жамандық жоқ, кесір жоқ, тек қана әдемілік бар. Сондықтан, исламда, пайғамбарымыз ﷺ айтқандай, өзгелерді игілік істеуге бастаған адам, сол игілікті істеген адаммен ұқсас сауапқа жетер. Оның сөздері құтқа толы, әрине, кейбір адамдар осыбір жақсы амалдарды істегісі келіп жүргенде, шайтан бос отырмас, оған бұлар ұнамас, ол жақсы амалдың көрсетілуін, я істелінуін қаламас. Шайтан тек жамандық, кесір, қайшылық, алжастыру, бүлік, былық, тынышсыздықты қалар, сондықтан, ол игі іс істеген адамды қинайды, оған шабуыл жасайды.
бірақ, Алла Әззә уә-Жәлләның жолында жүрген адам бұларға көңіл бөлмейді, қарамайды, ол өз жолымен алға қарай жүре береді, ол ешкімнен алғыс сұрамайды, ештеңе дәме етпейді. Ол ешкімнен мақтау сөз сұрамайды, ол барлығын тек Алла Әззә уә-Жәллә үшін істейді, ол, «біз бұны Алла үшін істейміз, кім ұнатса, ұнатсын, ал ұнатпаса, ұнатпай жүре берсін» дейді. Оған Алла Әззә уә-Жәллә риза болса болғаны, керегі сол, ал қалғандары оған еш маңызды емес. Ал Алла Әззә уә-Жәлләның ризалығы ұдайы үстімізде болғай, және біз игілікке бағдар нұсқап, жол ашқандардан болайық, иншалла.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: يگىلىك ىستەي الماساڭ دا، وزگەلەردىڭ يگىلىك ىستەۋىنە جول سىلتە، يگىلىك ىستەگەندەي بولاسىڭ (2026.08.06 / حيجري 1448-جىل 23-سافار)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.
(Akbaba Dergah، Istanbul، Turkiye، 2026) پايعامبارىمىز، «الدالُّ على الخيرِ كفاعلِه»، ياعني، «يگىلىككە باستاعان، سول يگىلىكتى ىستەگەندەي بولار» دەيدى. دەمەك، ەگەر بىرەۋ جاقسىلىق ىستەۋگە قۇلشىنسا، نەمەسە، وزگەلەرگە يگىلىك جولىن نۇسقاسا، ول ادام سول جاقسى امالدى ءوزى ىستەگەندەي بولىپ سانالادى. سان ءتۇرلى يگىلىك جولدارىن كورسەتىپ، ادامداردىڭ ونى ىستەۋىنە وعان جول سىلتەگەن ادام، ەل-جۇرتقا كومەكتەسكەن ادام، نەمەسە، وزدەرى كومەكتەسە الماسا دا، ءبىراق وزگەلەردىڭ كومەكتەسۋىنە مۇمكىندىك جاساعان ادام، وسى جاقسى امالداردى ىستەي العان اداممەن ۇقساس ساۋاپقا يە بولادى. پايعامبارىمىز ﷺ وسىلاي دەر، سەبەبى مۇسىلماننىڭ باستى ماقساتى، يسلامنىڭ باستى ماقساتى ەل-جۇرتقا كومەكتەسۋ، يگىلىك ىستەۋ، بارشا ادامزاتقا جاقسىلىق قىلۋ.
اللا ءاززا ءۋا-ءجاللا يسلامدى جىبەردى، جانە ول تەك ادامزاتقا عانا ەمەس، جانۋار، ورتا، جانە باسقا بارلىق نارسەلەرگە دە پايدالى بولۋعا ءامىر ەتتى، يسلامدا جاماندىق جوق، كەسىر جوق، تەك قانا ادەمىلىك بار. سوندىقتان، يسلامدا، پايعامبارىمىز ﷺ ايتقانداي، وزگەلەردى يگىلىك ىستەۋگە باستاعان ادام، سول يگىلىكتى ىستەگەن اداممەن ۇقساس ساۋاپقا جەتەر. ونىڭ سوزدەرى قۇتقا تولى، ارينە، كەيبىر ادامدار ءوسىبىر جاقسى امالداردى ىستەگىسى كەلىپ جۇرگەندە، شايتان بوس وتىرماس، وعان بۇلار ۇناماس، ول جاقسى امالدىڭ كورسەتىلۋىن، يا ىستەلىنۋىن قالاماس. شايتان تەك جاماندىق، كەسىر، قايشىلىق، الجاستىرۋ، بۇلىك، بىلىق، تىنىشسىزدىقتى قالار، سوندىقتان، ول يگى ءىس ىستەگەن ادامدى قينايدى، وعان شابۋىل جاسايدى.
ءبىراق، اللا ءاززا ءۋا-ءجاللانىڭ جولىندا جۇرگەن ادام بۇلارعا كوڭىل بولمەيدى، قارامايدى، ول ءوز جولىمەن العا قاراي جۇرە بەرەدى، ول ەشكىمنەن العىس سۇرامايدى، ەشتەڭە دامە ەتپەيدى. ول ەشكىمنەن ماقتاۋ ءسوز سۇرامايدى، ول بارلىعىن تەك اللا ءاززا ءۋا-ءجاللا ءۇشىن ىستەيدى، ول، «ءبىز بۇنى اللا ءۇشىن ىستەيمىز، كىم ۇناتسا، ۇناتسىن، ال ۇناتپاسا، ۇناتپاي جۇرە بەرسىن» دەيدى. وعان اللا ءاززا ءۋا-ءجاللا ريزا بولسا بولعانى، كەرەگى سول، ال قالعاندارى وعان ەش ماڭىزدى ەمەس. ال اللا ءاززا ءۋا-ءجاللانىڭ ريزالىعى ۇدايى ۇستىمىزدە بولعاي، جانە ءبىز يگىلىككە باعدار نۇسقاپ، جول اشقانداردان بولايىق، ينشاللا.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8899