Мазмұнды Көшіру

https://www.nvrislam.net/index.php?j=kz&post=8898
Сұхбат: намазда бұтты керу, қырма сақал, мұрты жоқтық, тобыққа дейін қысқа киу сияқтылар сүннет емес (2026.08.05 / Хижри 1448-жыл 22-Сафар)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Пайғамбарымыз, «مَنْ أَحْيَا سُنَّتِي عِنْدَ فَسَادٍ أُمَّتِي فَلَهُ أَجْرُ مِائَةِ شَهِيدٍ», яғни, «менің үмбетім бұзылған заманда, кім менің сүннетімді тірілдірсе, оған 100 шәхиттың сауабы берілер» дейді, аукамақал. Демек, пайғамбарымыз ﷺ, «менің үмбетім адасып кеткен заманда, кім менің сүннетімді тірілдірсе, оның тірілдірген әрбір сүннетті үшін 100 шәхиттың сауабы бар» дейді. Ал сүннет дегеніміз пайғамбарымыз ﷺның істегендері, біз оларды ұмтып қалмауымыз керек. Сопылық тәриқатқа ерген адамдар шамасы келгенше осы сүннеттерге ереді, бірақ бұнда сүннетті ұнатпайтын кейбір адамдар бар.

Олар, «біз мұсылманбыз» дер, бірақ олар пайғамбарымыз ﷺ жәйлы, «пайғамбар да біз сияқты жәй адам, оның сүннеттеріне еру қажетсіз» дейді. Ал сіз олардың киген киімдеріне қарап, оларды мұсылман деп ойларсыз, бірақ олардың іс-әрекет, харектірлері мұсылмандық бейнемен еш қатысы жоқ, олар сүннет болмаған нәрселерді сүннет сияқты көрсетіп жүр. Ал елдің бәрі соларға еліктеуде, және олар, «сүннет деген осы» деп ойлап, шамасы келгенше олар сияқты болуға тыраштанар. Бұның айқын бір көрнісі мынау, мәселен, олар намазға тұрғанда бұттарын тым кере, талтайып тұрады, және, «аяқтар бір-біріне тиіп тұруы керек» дейді.

Бірақ бұның сүннетпен еш қатысы жоқ, ал намазда аяқтардың емес, иықтардың бір-біріне тиіп тұруы сүннет. Ханафи мәзхабында аяқтардың аралығы көп болса, 5-10 сәтиметір, сол жетеді, ал шафиғи мәзхабында одан сәл көбірек болса болады, бірақ бұтты тым үлкен ашу керек емес, Алла сақтасын, бұтты кере талтаю, ішті босатпақ болғанға ұқсар. Ол сүннет емес, оның сүннетпен еш қатысы жоқ, міне бұл сүннетті ұнатпайтын адамдардың ең басты айқын бейнелерінің бірі. Және, олардың осыбір ерсі қылығын дүйім елге сүннет сияқты етіп көрсетуі, бір күнә-дүр. Себебі, пайғамбарымыз ﷺ оны істемеген, істеуге де әмір етпеген.

Ал оның әмір еткені мынау, яғни, жамағат намазға тұрғанда, қатардағы адамдардың иықтары бір-біріне тақасып тұру керек, ал жамағат намаздан тыс кезде, бұл қажет емес, сүннет намазда да солай, әр адам өз бөлек жерлерде тұрып оқи береді. Бірақ парыз намазға тұрғанда, адамдар аяқтарын тақап емес, бірақ бір-біріне иықтарын жақындатып, қатар қалыптастырады. Ал манағы адамдар манағы ерсі қылықтарын сүннет деп, ел-жұртты алдап жүр. Тағы бір сүннет сол, басқа бірдеңе киу болмақ, әдетте, әйелдер онсызда басты толық жабатын жаулығын киеді емеспе, ал ерлер басына кемінде тақия киу керек, демек, басын жабуы керек, сүннет деген міне осы.

Ал бұнда жоғары дәрежелі сүннет, тұрбан-сәлде киу болмақ, бірақ манағы адамдар өмірі тұрбан-сәлде кимейді, ал бірдеңе кимекші болса, әйелдердің жаулығына ұқсайтын шүпіректі бастарына киіп алады, әйелдер сияқты орайды, және олар оны бейне бір сүннет сияқты көрсетеді. Ал сүннет деген тақия киу, пайғамбарымыз ﷺ оны, «құлунсуа» деп атаған, оның мағынасы сол тақияны білдіреді. Ал тұрбанға сәлде орау сүннет болып, оның сауабы тіпті де зор, сүннетке еретін адамдар осы нәрселерді істейді. Бірақ, аяқты барынша керуді сүннет атымен көрсетіп, қыңыр нәрселерді енгізу, расында ешқандай сүннет емес.

Басы жабылмаған, тақиясы жоқ, ұзын қырма сақал, мұрты жоқ, тобыққа дейін шолақ киу сияқты нәрселер, сүннет емес, сүннет бұндай болмайды. Сүннет дегеніміз пайғамбарымыз ﷺның көрсеткен әдемі өмір жолы. Оған ергендер одан басқа ештеңе істемейді, ал халалды харам сияқты етіп көрсету де аса үлкен күнә, тіпті біз бауырларымыздың арасында да бұтты керетін жағдайларды көріп қаламыз. Олар умыраға, я қажылыққа барады, және олар сонда бұтты кере намаз оқитындарды көріп, «ислам деген осы, сен бұтыңды солай кер» дейді. Бірақ іс олай емес, мүлдем олай емес! Демек, не сүннет, не сүннет емес, соған көңіл бөліңіз.

Бұл нәрселерге, әсіресе сүннетті ұнатпайтындар, пайғамбарымыз ﷺға құрмет көрсетпейтіндер еріп алады, бұл - олардың жолы. Ал сіздер оларға ермеңіздер, олардан аулақ жүріңіздер, оларға еліктемеңіздер. Пайғамбарымыз ﷺға еліктеңіздер, себебі, ол, «مَنْ تَشَبَّهَ بِقَوْمٍ فَهُوَ مِنْهُمْ», яғни, «кім қайсы жұртқа еліктесе, ол солардың бірі болар» дейді. Алла ﷻ бізді кесір-кесапаттан қорғағай, шайтанның кесірі тым зор, ол жақсыны жаман, ал жаманды жақсы етіп, көрсете береді. Алла ﷻ бізді сақтағай, және барлығымызға қырағылық нәсіп еткей.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: نامازدا بۇتتى كەرۋ، قىرما ساقال، مۇرتى جوقتىق، توبىققا دەيىن قىسقا كيۋ سياقتىلار سۇننەت ەمەس (2026.08.05 / حيجري 1448-جىل 22-سافار)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) پايعامبارىمىز، «مَنْ أَحْيَا سُنَّتِي عِنْدَ فَسَادٍ أُمَّتِي فَلَهُ أَجْرُ مِائَةِ شَهِيدٍ»، ياعني، «مەنىڭ ۇمبەتىم بۇزىلعان زاماندا، كىم مەنىڭ سۇننەتىمدى تىرىلدىرسە، وعان 100 ءشاحيتتىڭ ساۋابى بەرىلەر» دەيدى، اۋكاماقال. دەمەك، پايعامبارىمىز ﷺ، «مەنىڭ ۇمبەتىم اداسىپ كەتكەن زاماندا، كىم مەنىڭ سۇننەتىمدى تىرىلدىرسە، ونىڭ تىرىلدىرگەن ءاربىر سۇننەتتى ءۇشىن 100 ءشاحيتتىڭ ساۋابى بار» دەيدى. ال سۇننەت دەگەنىمىز پايعامبارىمىز ﷺنىڭ ىستەگەندەرى، ءبىز ولاردى ۇمتىپ قالماۋىمىز كەرەك. سوپىلىق ءتاريقاتقا ەرگەن ادامدار شاماسى كەلگەنشە وسى سۇننەتتەرگە ەرەدى، ءبىراق بۇندا سۇننەتتى ۇناتپايتىن كەيبىر ادامدار بار.

ولار، «ءبىز مۇسىلمانبىز» دەر، ءبىراق ولار پايعامبارىمىز ﷺ ءجايلى، «پايعامبار دا ءبىز سياقتى ءجاي ادام، ونىڭ سۇننەتتەرىنە ەرۋ قاجەتسىز» دەيدى. ال ءسىز ولاردىڭ كيگەن كيىمدەرىنە قاراپ، ولاردى مۇسىلمان دەپ ويلارسىز، ءبىراق ولاردىڭ ءىس-ارەكەت، حارەكتىرلەرى مۇسىلماندىق بەينەمەن ەش قاتىسى جوق، ولار سۇننەت بولماعان نارسەلەردى سۇننەت سياقتى كورسەتىپ ءجۇر. ال ەلدىڭ ءبارى سولارعا ەلىكتەۋدە، جانە ولار، «سۇننەت دەگەن وسى» دەپ ويلاپ، شاماسى كەلگەنشە ولار سياقتى بولۋعا تىراشتانار. بۇنىڭ ايقىن ءبىر كورنىسى مىناۋ، ماسەلەن، ولار نامازعا تۇرعاندا بۇتتارىن تىم كەرە، تالتايىپ تۇرادى، جانە، «اياقتار ءبىر-بىرىنە ءتيىپ تۇرۋى كەرەك» دەيدى.

ءبىراق بۇنىڭ سۇننەتپەن ەش قاتىسى جوق، ال نامازدا اياقتاردىڭ ەمەس، يىقتاردىڭ ءبىر-بىرىنە ءتيىپ تۇرۋى سۇننەت. حانافي ءمازحابىندا اياقتاردىڭ ارالىعى كوپ بولسا، 5-10 ساتيمەتىر، سول جەتەدى، ال شافيعي ءمازحابىندا ودان ءسال كوبىرەك بولسا بولادى، ءبىراق بۇتتى تىم ۇلكەن اشۋ كەرەك ەمەس، اللا ساقتاسىن، بۇتتى كەرە تالتايۋ، ءىشتى بوساتپاق بولعانعا ۇقسار. ول سۇننەت ەمەس، ونىڭ سۇننەتپەن ەش قاتىسى جوق، مىنە بۇل سۇننەتتى ۇناتپايتىن ادامداردىڭ ەڭ باستى ايقىن بەينەلەرىنىڭ ءبىرى. جانە، ولاردىڭ ءوسىبىر ەرسى قىلىعىن ءدۇيىم ەلگە سۇننەت سياقتى ەتىپ كورسەتۋى، ءبىر كۇنا-ءدۇر. سەبەبى، پايعامبارىمىز ﷺ ونى ىستەمەگەن، ىستەۋگە دە ءامىر ەتپەگەن.

ال ونىڭ ءامىر ەتكەنى مىناۋ، ياعني، جاماعات نامازعا تۇرعاندا، قاتارداعى ادامداردىڭ يىقتارى ءبىر-بىرىنە تاقاسىپ تۇرۋ كەرەك، ال جاماعات نامازدان تىس كەزدە، بۇل قاجەت ەمەس، سۇننەت نامازدا دا سولاي، ءار ادام ءوز بولەك جەرلەردە تۇرىپ وقي بەرەدى. ءبىراق پارىز نامازعا تۇرعاندا، ادامدار اياقتارىن تاقاپ ەمەس، ءبىراق ءبىر-بىرىنە يىقتارىن جاقىنداتىپ، قاتار قالىپتاستىرادى. ال ماناعى ادامدار ماناعى ەرسى قىلىقتارىن سۇننەت دەپ، ەل-جۇرتتى الداپ ءجۇر. تاعى ءبىر سۇننەت سول، باسقا بىردەڭە كيۋ بولماق، ادەتتە، ايەلدەر ونسىزدا باستى تولىق جاباتىن جاۋلىعىن كيەدى ەمەسپە، ال ەرلەر باسىنا كەمىندە تاقيا كيۋ كەرەك، دەمەك، باسىن جابۋى كەرەك، سۇننەت دەگەن مىنە وسى.

ال بۇندا جوعارى دارەجەلى سۇننەت، تۇربان-سالدە كيۋ بولماق، ءبىراق ماناعى ادامدار ءومىرى تۇربان-سالدە كيمەيدى، ال بىردەڭە كيمەكشى بولسا، ايەلدەردىڭ جاۋلىعىنا ۇقسايتىن شۇپىرەكتى باستارىنا كيىپ الادى، ايەلدەر سياقتى ورايدى، جانە ولار ونى بەينە ءبىر سۇننەت سياقتى كورسەتەدى. ال سۇننەت دەگەن تاقيا كيۋ، پايعامبارىمىز ﷺ ونى، «قۇلۋنسۋا» دەپ اتاعان، ونىڭ ماعىناسى سول تاقيانى بىلدىرەدى. ال تۇربانعا سالدە وراۋ سۇننەت بولىپ، ونىڭ ساۋابى ءتىپتى دە زور، سۇننەتكە ەرەتىن ادامدار وسى نارسەلەردى ىستەيدى. ءبىراق، اياقتى بارىنشا كەرۋدى سۇننەت اتىمەن كورسەتىپ، قىڭىر نارسەلەردى ەنگىزۋ، راسىندا ەشقانداي سۇننەت ەمەس.

باسى جابىلماعان، تاقياسى جوق، ۇزىن قىرما ساقال، مۇرتى جوق، توبىققا دەيىن شولاق كيۋ سياقتى نارسەلەر، سۇننەت ەمەس، سۇننەت بۇنداي بولمايدى. سۇننەت دەگەنىمىز پايعامبارىمىز ﷺنىڭ كورسەتكەن ادەمى ءومىر جولى. وعان ەرگەندەر ودان باسقا ەشتەڭە ىستەمەيدى، ال حالالدى حارام سياقتى ەتىپ كورسەتۋ دە اسا ۇلكەن كۇنا، ءتىپتى ءبىز باۋىرلارىمىزدىڭ اراسىندا دا بۇتتى كەرەتىن جاعدايلاردى كورىپ قالامىز. ولار ۋمىراعا، يا قاجىلىققا بارادى، جانە ولار سوندا بۇتتى كەرە ناماز وقيتىنداردى كورىپ، «يسلام دەگەن وسى، سەن بۇتىڭدى سولاي كەر» دەيدى. ءبىراق ءىس ولاي ەمەس، مۇلدەم ولاي ەمەس! دەمەك، نە سۇننەت، نە سۇننەت ەمەس، سوعان كوڭىل ءبولىڭىز.

بۇل نارسەلەرگە، اسىرەسە سۇننەتتى ۇناتپايتىندار، پايعامبارىمىز ﷺعا قۇرمەت كورسەتپەيتىندەر ەرىپ الادى، بۇل - ولاردىڭ جولى. ال سىزدەر ولارعا ەرمەڭىزدەر، ولاردان اۋلاق جۇرىڭىزدەر، ولارعا ەلىكتەمەڭىزدەر. پايعامبارىمىز ﷺعا ەلىكتەڭىزدەر، سەبەبى، ول، «مَنْ تَشَبَّهَ بِقَوْمٍ فَهُوَ مِنْهُمْ»، ياعني، «كىم قايسى جۇرتقا ەلىكتەسە، ول سولاردىڭ ءبىرى بولار» دەيدى. اللا ﷻ ءبىزدى كەسىر-كەساپاتتان قورعاعاي، شايتاننىڭ كەسىرى تىم زور، ول جاقسىنى جامان، ال جاماندى جاقسى ەتىپ، كورسەتە بەرەدى. اللا ﷻ ءبىزدى ساقتاعاي، جانە بارلىعىمىزعا قىراعىلىق ءناسىپ ەتكەي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8898