Мазмұнды Көшіру

https://www.nvrislam.net/index.php?j=kz&post=8889
Сұхбат: нәпсіңмен шайтанға алданбай мұсылман болшы, ал қалғанын Алла өзі кешіретін болады (2026.07.27 / Хижри 1448-жыл 13-Сафар)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Бисмиллахир рахманир рахим, «إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ», яғни, «мүминдер өзара бауырлар, сондықтан бауырлар арасын жарастырыңдар, және Алладан қорқыңдар, сонда рахымға жетерсіңдер», құран 49інші сүре 10інші аят, садақаллахулғазим. Алла Әззә уә-Жәллә, «мүминдер өзара бауырлар» дейді, ал осы бауырлар арасында келіспеушілік болса, оларды жарастырып, бір-бірімен тыныштыққа келтіріңдер, сонда Алла сіздерге рахыммен мәміле жасайтын болады. Қазір, кейбір адамдар мұсылман бола тұра, өзгелерді қабыл етпейді, олар, «біз мұсылманбыз, ал басқалар емес» дер, алайда, «ләилахә иллаллах мұхаммадун расуаллах» деп айтқан әрбір адам мұсылман.

Олар мүмкін күнәкар шығар, әртүрлі істерді істеген шығар, бірақ ақырында олар бәрібір мұсылман, әрине, олар жөнделуі де қажет. Алайда, олардың арасында мейлі қандай келіспеушілік болсын, олар шешілуі керек, бірақ бұл келіспеушіліктер, әрине, тек Мәхди әлейхис-салам шыққанда ғана түгелдей шешілетін болады. Ол кезде еш мәселе қалмайды, содан соң қиямет күні тым тақау келеді. Ал қазір не жағдай болса да, мұсылмандардың жарасымға келуі Алладан түскен бір әмір, ал біз олардың байланысын жақсартуымыз керек, сонда Алла бізге рахым етер. Бұл адамдар күнәкар шығар, немесе адасқан шығар, бірақ олар, «ләилахә иллаллах мұхаммадун расуаллах» деп айтқандықтан, олар мұсылман ретінде саналуы керек.

Алла ﷻ бізді панасына алғай, қазір кейбір надан адамдар өздерін бірдеңе тындырып жүргендей санап, «біз дінді тастап кеттік» дер, және басқа істерді істер. Алла бізді қорғағай, ақиқатында олар қатты ұтылды, ештеңеге жеткен жоқ. Олар нәпсілерін қанағаттандырды, нәпсілерінің астында қалып, мылжасы шықты, және олар шайтанның құлдары болып кетті. Демек, олар Алланың құлы болудың орнына, шайтанның құлы болды, яғни, біреу Алланың қызметкері болса, енді бірі шайтанның құлы болды. Сондықтан, адамдар сақ болуы керек, айтып өткеніміздей, шәхаданы қабыл еткен соң, сол кәлимат таухитты кемінде бір рет айтуы керек, мейлі, олар қанша күнә істесе де, солай етсін, ал қалғандары оңай. Себебі, ол адам ақырында Алла рахымына жететін болады.

Бірақ, олар дінді тастаса, онда оларға өкінш болсын! Алла бізді қорғағай. Жастар арасында көптеген надандар бар болып, олар оқыған сайын, тіпті де қараңғы наданға өзгеріп кетеді. Олар өздерін бірдеңе тындырғандай сезініп көтерілер, және бәлен философ, түгілен ойшылға еріп, ақырында адасып кетер. Және олар оқыған сайын, «біз тіпті де көп бірдеңе тындырып жатырмыз, біз ерекшеміз» деп, ойлап қалады. Содан олар, ата-анасын және қоғамды «надан» деп, мінеп сынайды, ал ақиқатында, нағыз надандар олардың өзі еді. Демек, Алла Әззә уә-Жәлләны білмейтін адам - нағыз надан адам, ол - оқыған надан. Олар көптеп оқыған сайын, көптеп надан бола түседі, көптеп білімсіз бола түседі, және онан арман адасады.

Алла бізді панасына алғай, «وَزَيَّنَ لَهُمُ الشَّيْطَانُ أَعْمَالَهُمْ», яғни, «және шәйтан олардың ісін оларға әдемі көрсетіп қойды», құран 27інші сүре 24інші аят. Демек, шайтан оларға мәлім істерді тартымды, әдемі етіп көрсетеді, яғни, ол қате істерді оларға тартымды көрсетеді, алайда онысы бос нәрселер еді. Сондықтан, шәхадані кемінде бір рет айтқан соң, басқасы Алла рұхсатында, оның кешірім қанатының астына кіретін болады, Алла ﷻ олардың жүректеріне әртүрлі игіліктерді беретін болады. Ал Алланы білмейтіндер, еш жақсылық таппас, Алла бізді панасына алғай, олардың жүздері қарайып, жүректері қараңғыланады, сүйілмеген сүйкімсіз жаратылыстарға өзгеріп кетеді. Алла ﷻ надандармен тура жолдан адасқандарға хидаят бергей, иншалла, оларды туралыққа бастағай.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami


سۇحبات: ناپسىڭمەن شايتانعا الدانباي مۇسىلمان بولشى، ال قالعانىن اللا ءوزى كەشىرەتىن بولادى (2026.07.27 / حيجري 1448-جىل 13-سافار)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) بيسميللاحير راحمانير راحيم، «إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ»، ياعني، «مۇميندەر ءوزارا باۋىرلار، سوندىقتان باۋىرلار اراسىن جاراستىرىڭدار، جانە اللادان قورقىڭدار، سوندا راحىمعا جەتەرسىڭدەر»، قۇران 49ءىنشى سۇرە 10ءىنشى ايات، ساداقاللاحۋلعازيم. اللا ءاززا ءۋا-ءجاللا، «مۇميندەر ءوزارا باۋىرلار» دەيدى، ال وسى باۋىرلار اراسىندا كەلىسپەۋشىلىك بولسا، ولاردى جاراستىرىپ، ءبىر-بىرىمەن تىنىشتىققا كەلتىرىڭدەر، سوندا اللا سىزدەرگە راحىممەن مامىلە جاسايتىن بولادى. ءقازىر، كەيبىر ادامدار مۇسىلمان بولا تۇرا، وزگەلەردى قابىل ەتپەيدى، ولار، «ءبىز مۇسىلمانبىز، ال باسقالار ەمەس» دەر، الايدا، «ءلايلاحا يللاللاح مۇحاممادۋن راسۋاللاح» دەپ ايتقان ءاربىر ادام مۇسىلمان.

ولار مۇمكىن كۇناكار شىعار، ءارتۇرلى ىستەردى ىستەگەن شىعار، ءبىراق اقىرىندا ولار ءبارىبىر مۇسىلمان، ارينە، ولار جوندەلۋى دە قاجەت. الايدا، ولاردىڭ اراسىندا مەيلى قانداي كەلىسپەۋشىلىك بولسىن، ولار شەشىلۋى كەرەك، ءبىراق بۇل كەلىسپەۋشىلىكتەر، ارينە، تەك ءماحدي الەيحيس-سالام شىققاندا عانا تۇگەلدەي شەشىلەتىن بولادى. ول كەزدە ەش ماسەلە قالمايدى، سودان سوڭ قيامەت كۇنى تىم تاقاۋ كەلەدى. ال ءقازىر نە جاعداي بولسا دا، مۇسىلمانداردىڭ جاراسىمعا كەلۋى اللادان تۇسكەن ءبىر ءامىر، ال ءبىز ولاردىڭ بايلانىسىن جاقسارتۋىمىز كەرەك، سوندا اللا بىزگە راحىم ەتەر. بۇل ادامدار كۇناكار شىعار، نەمەسە اداسقان شىعار، ءبىراق ولار، «ءلايلاحا يللاللاح مۇحاممادۋن راسۋاللاح» دەپ ايتقاندىقتان، ولار مۇسىلمان رەتىندە سانالۋى كەرەك.

اللا ﷻ ءبىزدى پاناسىنا العاي، ءقازىر كەيبىر نادان ادامدار وزدەرىن بىردەڭە تىندىرىپ جۇرگەندەي ساناپ، «ءبىز ءدىندى تاستاپ كەتتىك» دەر، جانە باسقا ىستەردى ىستەر. اللا ءبىزدى قورعاعاي، اقيقاتىندا ولار قاتتى ۇتىلدى، ەشتەڭەگە جەتكەن جوق. ولار ناپسىلەرىن قاناعاتتاندىردى، ناپسىلەرىنىڭ استىندا قالىپ، مىلجاسى شىقتى، جانە ولار شايتاننىڭ قۇلدارى بولىپ كەتتى. دەمەك، ولار اللانىڭ قۇلى بولۋدىڭ ورنىنا، شايتاننىڭ قۇلى بولدى، ياعني، بىرەۋ اللانىڭ قىزمەتكەرى بولسا، ەندى ءبىرى شايتاننىڭ قۇلى بولدى. سوندىقتان، ادامدار ساق بولۋى كەرەك، ايتىپ وتكەنىمىزدەي، ءشاحادانى قابىل ەتكەن سوڭ، سول كاليمات تاۋحيتتى كەمىندە ءبىر رەت ايتۋى كەرەك، مەيلى، ولار قانشا كۇنا ىستەسە دە، سولاي ەتسىن، ال قالعاندارى وڭاي. سەبەبى، ول ادام اقىرىندا اللا راحىمىنا جەتەتىن بولادى.

ءبىراق، ولار ءدىندى تاستاسا، وندا ولارعا وكىنش بولسىن! اللا ءبىزدى قورعاعاي. جاستار اراسىندا كوپتەگەن ناداندار بار بولىپ، ولار وقىعان سايىن، ءتىپتى دە قاراڭعى نادانعا وزگەرىپ كەتەدى. ولار وزدەرىن بىردەڭە تىندىرعانداي سەزىنىپ كوتەرىلەر، جانە بالەن فيلوسوف، تۇگىلەن ويشىلعا ەرىپ، اقىرىندا اداسىپ كەتەر. جانە ولار وقىعان سايىن، «ءبىز ءتىپتى دە كوپ بىردەڭە تىندىرىپ جاتىرمىز، ءبىز ەرەكشەمىز» دەپ، ويلاپ قالادى. سودان ولار، اتا-اناسىن جانە قوعامدى «نادان» دەپ، مىنەپ سىنايدى، ال اقيقاتىندا، ناعىز ناداندار ولاردىڭ ءوزى ەدى. دەمەك، اللا ءاززا ءۋا-ءجاللانى بىلمەيتىن ادام - ناعىز نادان ادام، ول - وقىعان نادان. ولار كوپتەپ وقىعان سايىن، كوپتەپ نادان بولا تۇسەدى، كوپتەپ ءبىلىمسىز بولا تۇسەدى، جانە ونان ارمان اداسادى.

اللا ءبىزدى پاناسىنا العاي، «وَزَيَّنَ لَهُمُ الشَّيْطَانُ أَعْمَالَهُمْ»، ياعني، «جانە ءشايتان ولاردىڭ ءىسىن ولارعا ادەمى كورسەتىپ قويدى»، قۇران 27ءىنشى سۇرە 24ءىنشى ايات. دەمەك، شايتان ولارعا ءمالىم ىستەردى تارتىمدى، ادەمى ەتىپ كورسەتەدى، ياعني، ول قاتە ىستەردى ولارعا تارتىمدى كورسەتەدى، الايدا ونىسى بوس نارسەلەر ەدى. سوندىقتان، ءشاحادانى كەمىندە ءبىر رەت ايتقان سوڭ، باسقاسى اللا رۇحساتىندا، ونىڭ كەشىرىم قاناتىنىڭ استىنا كىرەتىن بولادى، اللا ﷻ ولاردىڭ جۇرەكتەرىنە ءارتۇرلى يگىلىكتەردى بەرەتىن بولادى. ال اللانى بىلمەيتىندەر، ەش جاقسىلىق تاپپاس، اللا ءبىزدى پاناسىنا العاي، ولاردىڭ جۇزدەرى قارايىپ، جۇرەكتەرى قاراڭعىلانادى، سۇيىلمەگەن سۇيكىمسىز جاراتىلىستارعا وزگەرىپ كەتەدى. اللا ﷻ ناداندارمەن تۋرا جولدان اداسقاندارعا حيدايات بەرگەي، ينشاللا، ولاردى تۋرالىققا باستاعاي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8889