Сұхбат: Алла әміріне бойұсынған кезде ғана аман-есен боласың (2026.01.29 / Хижри 1447-жыл 10-Шағбан)
https://www.nvrislam.net/index.php?j=kz&post=8690
Сұхбат: Алла әміріне бойұсынған кезде ғана аман-есен боласың (2026.01.29 / Хижри 1447-жыл 10-Шағбан)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.
(Fajr Prayer – Sheikh Nazim Dergah, London, UK, 2026) Англияда айтылған сұхбат. Ражаб айы бітіп, қазір біз шағбан айының ортасына жақындап қалдық, ол пайғамбарымыз ﷺның құтты айы. Ал Алла ﷻдың жақсы көретін ісін істеу аса зор нығымет болмақ, Ол бізге Алла махаббаты үшін, пайғамбар махаббаты үшін, әулиелер махаббаты үшін жиналған осындай жиналыстарды, осындай нығыметтерді берді. Бұнда адамдардың жүрегіне жаман нәрсе, жаман ой бермей, керісінше махаббатпен қуаныш беру аса маңызды, ол Алла ﷻдан бір үлкен нығымет, ал бұндағы ең үлкен іс дегеніміз Алла әмірінің астында болу, Оның әмірінен шығып кетпеу болмақ.
Себебі, сіз Алла әмірі астында болған кезде, аман боласыз, ал Оның әмірі астында болмасаңыз, қарсы келген бүлікші біреу боласыз, сонымен бүкіл мәселелер сізді шыр айналатын болады, еш жақсылық таппайсыз. Мүмкін, мәлім біреулерге еріп жүрмін деп ойларсыз, мүмкін біреулер сізге, «кел, біз саған барлығын береміз, оны таста» дер. Алайда көптеген адамдар дүниенің артына түсіп кетеді де, істеп жатқан істерін тастайды, бірақ бұл оларға мазасыздық әкеледі, өз ойлағандарына кері нәрселерді ғана береді. Кейбірі, Алла ﷻ бізді есендікте еткей, өзі сақтағай, яғни кейбір адамдар кетеді, сосын қайтып келеді, ал кейбірі сол бойы кетер, қайтып келмес, міне бұл олар үшін расында бір жаман іс, кесірлі іс болмақ.
Біз, «Аллахумма сәббитна ғәләлхақ», яғни, «о Алла бізді бұл жолда баянды ет, тұрақты ет, бізді жолдан шығарып жіберме» деп, ұдайы айтамыз, міне бұл аса маңызды, себебі шайтан жақсы іс істеп жүрген әр адамның артында жүр. Ол ешқашан шаршамайды, ешқашан зерікпейді, ол өзінің ең соңғы өмір сәтіне дейін солай жүре береді. Сол үшін осындай жиналыстар, я мүриттермен бірге болған кезкелген осындай отырыстар ұдайы болып тұруы тиіс. Тіпті әр апта, я әр екі апта, әр үш аптада болса да, сіздер жақсы адамдармен жиналып бірге отырыңыздар, себебі сонда Алла ﷻ сіздерді берекелейді, иншалла, жолдан шығып кетуден сақтайды. Алла ﷻ бізді құтқарғай.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: اللا امىرىنە بويۇسىنعان كەزدە عانا امان-ەسەن بولاسىڭ (2026.01.29 / حيجري 1447-جىل 10-شاعبان)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.
(Fajr Prayer – Sheikh Nazim Dergah، London، UK، 2026) انگليادا ايتىلعان سۇحبات. راجاب ايى ءبىتىپ، ءقازىر ءبىز شاعبان ايىنىڭ ورتاسىنا جاقىنداپ قالدىق، ول پايعامبارىمىز ﷺنىڭ قۇتتى ايى. ال اللا ﷻدىڭ جاقسى كورەتىن ءىسىن ىستەۋ اسا زور نىعىمەت بولماق، ول بىزگە اللا ماحابباتى ءۇشىن، پايعامبار ماحابباتى ءۇشىن، اۋليەلەر ماحابباتى ءۇشىن جينالعان وسىنداي جينالىستاردى، وسىنداي نىعىمەتتەردى بەردى. بۇندا ادامداردىڭ جۇرەگىنە جامان نارسە، جامان وي بەرمەي، كەرىسىنشە ماحابباتپەن قۋانىش بەرۋ اسا ماڭىزدى، ول اللا ﷻدان ءبىر ۇلكەن نىعىمەت، ال بۇنداعى ەڭ ۇلكەن ءىس دەگەنىمىز اللا ءامىرىنىڭ استىندا بولۋ، ونىڭ امىرىنەن شىعىپ كەتپەۋ بولماق.
سەبەبى، ءسىز اللا ءامىرى استىندا بولعان كەزدە، امان بولاسىز، ال ونىڭ ءامىرى استىندا بولماساڭىز، قارسى كەلگەن بۇلىكشى بىرەۋ بولاسىز، سونىمەن بۇكىل ماسەلەلەر ءسىزدى شىر اينالاتىن بولادى، ەش جاقسىلىق تاپپايسىز. مۇمكىن، ءمالىم بىرەۋلەرگە ەرىپ ءجۇرمىن دەپ ويلارسىز، مۇمكىن بىرەۋلەر سىزگە، «كەل، ءبىز ساعان بارلىعىن بەرەمىز، ونى تاستا» دەر. الايدا كوپتەگەن ادامدار دۇنيەنىڭ ارتىنا ءتۇسىپ كەتەدى دە، ىستەپ جاتقان ىستەرىن تاستايدى، ءبىراق بۇل ولارعا مازاسىزدىق اكەلەدى، ءوز ويلاعاندارىنا كەرى نارسەلەردى عانا بەرەدى. كەيبىرى، اللا ﷻ ءبىزدى ەسەندىكتە ەتكەي، ءوزى ساقتاعاي، ياعني كەيبىر ادامدار كەتەدى، سوسىن قايتىپ كەلەدى، ال كەيبىرى سول بويى كەتەر، قايتىپ كەلمەس، مىنە بۇل ولار ءۇشىن راسىندا ءبىر جامان ءىس، كەسىرلى ءىس بولماق.
ءبىز، «اللاحۋمما ءساببيتنا ءعالالحاق»، ياعني، «و اللا ءبىزدى بۇل جولدا باياندى ەت، تۇراقتى ەت، ءبىزدى جولدان شىعارىپ جىبەرمە» دەپ، ۇدايى ايتامىز، مىنە بۇل اسا ماڭىزدى، سەبەبى شايتان جاقسى ءىس ىستەپ جۇرگەن ءار ادامنىڭ ارتىندا ءجۇر. ول ەشقاشان شارشامايدى، ەشقاشان زەرىكپەيدى، ول ءوزىنىڭ ەڭ سوڭعى ءومىر ساتىنە دەيىن سولاي جۇرە بەرەدى. سول ءۇشىن وسىنداي جينالىستار، يا مۇريتتەرمەن بىرگە بولعان كەزكەلگەن وسىنداي وتىرىستار ۇدايى بولىپ تۇرۋى ءتيىس. ءتىپتى ءار اپتا، يا ءار ەكى اپتا، ءار ءۇش اپتادا بولسا دا، سىزدەر جاقسى ادامدارمەن جينالىپ بىرگە وتىرىڭىزدار، سەبەبى سوندا اللا ﷻ سىزدەردى بەرەكەلەيدى، ينشاللا، جولدان شىعىپ كەتۋدەن ساقتايدى. اللا ﷻ ءبىزدى قۇتقارعاي.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8690