ОРАЗА ҮШ ТҮРЛІ: АСҚАЗАН, ТІЛ-КӨЗ, ЖӘНЕ ЖҮРЕК ОРАЗАСЫ
https://www.nvrislam.net/index.php?j=kz&post=8676
ОРАЗА ҮШ ТҮРЛІ: АСҚАЗАН, ТІЛ-КӨЗ, ЖӘНЕ ЖҮРЕК ОРАЗАСЫ
медицинаның бірінші принципі - ораза. Сондықтан, ауыз бекітіп ораза ұста да, жан-рухыңның көрсеткен қуатын бір байқап көр, және сау-саламаттылыққа жет. Асқазанның бос жатуында да жасырынған мәлім сыр бар, қысқасын айтқанда артық та емес, кем де емес, біз домбыраға ұқсаймыз. Мәселен, домбыраның шанағына бірдеңелерді тығып толтырып қойса, домбырадан үн шығама? Жоқ, дауыс жоқ, үн жоқ, әсем әуен, тәтті күй жоқ. Сол сияқты, егер миыңмен құрсағың тамаққа толса, сенен де жанның үні шықпайды. Ал олар оразамен күйдіріліп тазарса, сәт сайын сол жанған отыңнан сан түрлі әсем күйлер шығатын болады. Және тұман сейіледі, жаңа қуат, жаңа күш келіп, алда тұрған баспалдақтардан серпінмен өткізіп жіберетін болады. Іш жағыңды босат, яғни іш жағың қамыс сияқты бос болсын, сонда сенен сыбызғыдай сызылып, хикіметті үндер, сырлы дауыстар шығар. Ораза ұстау сондай керемет, ауыз бекіткенде барша жақсы нәрселер сізге көмектескісі келген достардай жинала бастайды. Оразаны сүлеймен пайғамбардың сырлы жүзігі дерсің, бос қиял-елестерге алданып, осы қуаттан айырылып қалма. Тіпті осы барша қайратпен күшті жоғалтып қойсаңыз да ораза ұстаңыз, олар сізге қайта қайтып келетін болады. Егер тамақпен суға тойынып алсаң, қағбаның орнына қойылған ұсқынсыз темір бұт сияқты, рухың отыруға тиісті орынға шайтан келіп, отырып алатын болады. Ал ораза ұстасаң жақсы нәрселер жан-жақтан әскерлер сияқты ағылып келіп, саған көмек етеді. Төбеңде құс сияқты ары-бері ұшып жүреді. Ал үйіңе Иса пайғамбарға көктен түскен дастарқан сияқты дастарқан түсер. Міне осыны күт, сіз ораза ұстап, ауыз бекіткенде бұл дастарқан басқа илаһи астармен толтырылар, олар күнде ішіп жүрген әрқандай асыңнан әлдеқайда артық. Бірақ, оразаны тек асқазанға ұстама, оны тілге де, жүрекке де ұста. Яғни, жақсы сөз ғана сөйле, ал жүрегің махаббатқа толы болсын. Адам өз тәнін тамақтан тиылумен тазалай алады, бірақ жүрегін тек махаббатпен тазалай алады, оған тамақпен сөз оразасы жеткіліксіз. Яғни, жүрекке жаман ой, жаман ниет, ластық, атақ, дүние кіргізбе, жүрек тек кіршіксіз өте таза нәрселер ғана тұратын жер. Ораза ұстау тек қана ішпеу-жемеу емес, бірақ Алла жақсы көрмеген нәрселерді істемеуді де білдіреді. Ал әулиелер, егер ораза ұстағаның шын болса, тіліңді өтіріктен, көзіңді күнәдан ти, айтысып тартыспа, жаңжалдаспа, іштарлық қылма, өсек айтпа, өтірік сөйлеме, әдепсізікдік етпе, арсыз болма, ашуланба, мазақтама, жала жаппа дейді. Демек, асқазанның оразасы тамақтан тиылу болса, тілдің оразасы өтірік, өсек, мақтан, жаман сөзден тиылу, ал жүректің оразасы күнәлі ойдан тиылу болмақ. Сондықтан, жүректің оразасы тілдің оразасынан, ал тілдің оразасы асқазанның оразасынан артық делінер. Егер адам ораза ұстап жүріп, тілін, көзін, тәнін, жүрегін күнәдан тимаса, оның оразасы не болмақ.
- СОПЫЛАР ТАҒЫЛЫМЫ
ورازا ءۇش ءتۇرلى: اسقازان، ءتىل-كوز، جانە جۇرەك ورازاسى
مەديتسينانىڭ ءبىرىنشى ءپرينتسيپى - ورازا. سوندىقتان، اۋىز بەكىتىپ ورازا ۇستا دا، جان-رۋحىڭنىڭ كورسەتكەن قۋاتىن ءبىر بايقاپ كور، جانە ساۋ-سالاماتتىلىققا جەت. اسقازاننىڭ بوس جاتۋىندا دا جاسىرىنعان ءمالىم سىر بار، قىسقاسىن ايتقاندا ارتىق تا ەمەس، كەم دە ەمەس، ءبىز دومبىراعا ۇقسايمىز. ماسەلەن، دومبىرانىڭ شاناعىنا بىردەڭەلەردى تىعىپ تولتىرىپ قويسا، دومبىرادان ءۇن شىعاما؟ جوق، داۋىس جوق، ءۇن جوق، اسەم اۋەن، ءتاتتى كۇي جوق. سول سياقتى، ەگەر ميىڭمەن قۇرساعىڭ تاماققا تولسا، سەنەن دە جاننىڭ ءۇنى شىقپايدى. ال ولار ورازامەن كۇيدىرىلىپ تازارسا، ءسات سايىن سول جانعان وتىڭنان سان ءتۇرلى اسەم كۇيلەر شىعاتىن بولادى. جانە تۇمان سەيىلەدى، جاڭا قۋات، جاڭا كۇش كەلىپ، الدا تۇرعان باسپالداقتاردان سەرپىنمەن وتكىزىپ جىبەرەتىن بولادى. ءىش جاعىڭدى بوسات، ياعني ءىش جاعىڭ قامىس سياقتى بوس بولسىن، سوندا سەنەن سىبىزعىداي سىزىلىپ، حيكىمەتتى ۇندەر، سىرلى داۋىستار شىعار. ورازا ۇستاۋ سونداي كەرەمەت، اۋىز بەكىتكەندە بارشا جاقسى نارسەلەر سىزگە كومەكتەسكىسى كەلگەن دوستارداي جينالا باستايدى. ورازانى سۇلەيمەن پايعامباردىڭ سىرلى جۇزىگى دەرسىڭ، بوس قيال-ەلەستەرگە الدانىپ، وسى قۋاتتان ايىرىلىپ قالما. ءتىپتى وسى بارشا قايراتپەن كۇشتى جوعالتىپ قويساڭىز دا ورازا ۇستاڭىز، ولار سىزگە قايتا قايتىپ كەلەتىن بولادى. ەگەر تاماقپەن سۋعا تويىنىپ الساڭ، قاعبانىڭ ورنىنا قويىلعان ۇسقىنسىز تەمىر بۇت سياقتى، رۋحىڭ وتىرۋعا ءتيىستى ورىنعا شايتان كەلىپ، وتىرىپ الاتىن بولادى. ال ورازا ۇستاساڭ جاقسى نارسەلەر جان-جاقتان اسكەرلەر سياقتى اعىلىپ كەلىپ، ساعان كومەك ەتەدى. توبەڭدە قۇس سياقتى ارى-بەرى ۇشىپ جۇرەدى. ال ۇيىڭە يسا پايعامبارعا كوكتەن تۇسكەن داستارقان سياقتى داستارقان تۇسەر. مىنە وسىنى كۇت، ءسىز ورازا ۇستاپ، اۋىز بەكىتكەندە بۇل داستارقان باسقا يلاھي استارمەن تولتىرىلار، ولار كۇندە ءىشىپ جۇرگەن ءارقانداي اسىڭنان الدەقايدا ارتىق. ءبىراق، ورازانى تەك اسقازانعا ۇستاما، ونى تىلگە دە، جۇرەككە دە ۇستا. ياعني، جاقسى ءسوز عانا سويلە، ال جۇرەگىڭ ماحابباتقا تولى بولسىن. ادام ءوز ءتانىن تاماقتان تيىلۋمەن تازالاي الادى، ءبىراق جۇرەگىن تەك ماحابباتپەن تازالاي الادى، وعان تاماقپەن ءسوز ورازاسى جەتكىلىكسىز. ياعني، جۇرەككە جامان وي، جامان نيەت، لاستىق، اتاق، دۇنيە كىرگىزبە، جۇرەك تەك كىرشىكسىز وتە تازا نارسەلەر عانا تۇراتىن جەر. ورازا ۇستاۋ تەك قانا ىشپەۋ-جەمەۋ ەمەس، ءبىراق اللا جاقسى كورمەگەن نارسەلەردى ىستەمەۋدى دە بىلدىرەدى. ال اۋليەلەر، ەگەر ورازا ۇستاعانىڭ شىن بولسا، ءتىلىڭدى وتىرىكتەن، كوزىڭدى كۇنادان تي، ايتىسىپ تارتىسپا، جاڭجالداسپا، ءىشتارلىق قىلما، وسەك ايتپا، وتىرىك سويلەمە، ادەپسىزىكدىك ەتپە، ارسىز بولما، اشۋلانبا، مازاقتاما، جالا جاپپا دەيدى. دەمەك، اسقازاننىڭ ورازاسى تاماقتان تيىلۋ بولسا، ءتىلدىڭ ورازاسى وتىرىك، وسەك، ماقتان، جامان سوزدەن تيىلۋ، ال جۇرەكتىڭ ورازاسى كۇنالى ويدان تيىلۋ بولماق. سوندىقتان، جۇرەكتىڭ ورازاسى ءتىلدىڭ ورازاسىنان، ال ءتىلدىڭ ورازاسى اسقازاننىڭ ورازاسىنان ارتىق دەلىنەر. ەگەر ادام ورازا ۇستاپ ءجۇرىپ، ءتىلىن، كوزىن، ءتانىن، جۇرەگىن كۇنادان تيماسا، ونىڭ ورازاسى نە بولماق.
- سوپىلار تاعىلىمى
#қазақ #салауат #әулие #ислам #сопылық
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8676