Сұхбат: ар-ұжданың болмаса, мұсылмандығың бір тиін (2025.10.11 / Хижри 1447-жыл 18-Рабих Әл-Ақир)
https://www.nvrislam.net/index.php?j=kz&post=8545
Сұхбат: ар-ұжданың болмаса, мұсылмандығың бір тиін (2025.10.11 / Хижри 1447-жыл 18-Рабих Әл-Ақир)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
(Türkiye, Istanbul, Akbaba Dergah-да айтылған сұхбат) Алла Әззә уә-Жәллә адам баласын жаратқанда, Ол оны өзге жаратылстардан үстем етіп жаратты, биік дәрежеде етті, және Ол оған барша игілік атаулыны үйіп төге салды. Ал бұнда нәпсі бар болып, Алла Әззә уә-Жәллә осы нәпсіні де адамның ішіне салды, бірақ тынбай айтып жүргеніміздей, нәпсі жамандықты қалайды. Алла ﷻ бізге жамандықты қаламайтын нәрсені де салды, ол ар-ұждан еді, әр адамда ар-ұждан бар, ол мұсылманмен мұсылман еместе де бар. Демек әр жанда Алла Әззә уә-Жәллә салып қойған ар-ұждан бар, Ол оны салды, сонда адамдар ой жүгіртер, әділетсіздік етпес. Алла Әззә уә-Жәллә адамға рахымды да салды, бірақ оң істерді істеу үшін, адам өз нәпсісін жеңуі керек. Себебі адамда ар-ұждан болған кезде, ол ешкімге зұлымдық қылмайды, ешкімге жамандық істемейді, ешкімнің байлығына қол сұқпайды немесе ешкімді алдамайды. Міне осыдан соң иман біртіндеп өсе бастайды, ал соңына барғанда көбінесе ол адам хидаятқа жететін болады.
Ал егер адамда ар-ұждан болмаса, ол игі-жақсы амалдарды істемейтін болады, тіпті ол мұсылман болса да солай, демек ол мұсылман болса да, ар-ұжданы жоқ адам дұрыс-бұрысты білмейді, заңдарды білмейді, ненің халал, ненің харам екендігін де білмейді. Мейлі олар, «мен мұсылманмын» деп, бес уақ намазын оқысын, тіпті қажылыққа барсын, бірақ оларда ар-ұждан деген нәрсе болмаса, олар нәпсілеріне еріп, нәпсілерінің артынан кететін болады. Сондықтан бұл Алла Әззә уә-Жәлләның бір хикіметінен, ал Алла Әззә уә-Жәлләның хикіметін түсіндіріп бітіруге келмейді, оны адамның миы, санасы, ақылы оны қамти алмайды, оған ақыл-сана жетпейді. Алла ﷻ, «Мен адам баласын ең әдемі бейнеде жараттым» дейді, демек, «وَلَقَدْ كَرَّمْنَا بَنِي آدَمَ» яғни «және Біз адам балаларын абыройлы еттік» (құран 17інші сүре 70інші аят). Міне, Алла Әззә уә-Жәллә, «Мен адам баласын ең биік дәрежеде жараттым, ең әдемі сапамен жараттым, Біз оны жерде, мұхитта және әр жәйда абыройлы еттік» дейді.
Ал адамдық қайдан келеді? адамдық, адамилық яғни адами қасиеттер ар-ұждан арқылы келеді, егер ар-ұждан болмаса, адамдық жоғалады, бұндайда адам өз нәпсісі үшін барлығын істейтін болады. Мүмкін сіз бір мұсылман емес кісіні көрерсіз, бірақ сіз оның ар-ұжданы бар екендігін байқайсыз, сондықтан олар мұсылмандар істемеген жақсы істерді де істейді. Адамдар, «бұл қалай, ол қайдан келген» деп сұрар, ал оның жауабы сол, бұл олардың ар-ұжданынан келген, ар-ұжданды Алла Әззә уә-Жәллә әрбір адам баласына сонау әуелде салып қойған нәрсе. Мәселен, сіз бір мұсылманның барша зұлымдық атаулыны істеп, небір алдамшылықпен жамандықтарды қылып жатқанын көріп қаласыз, сонда бұл қалай болғаны, ол үшін? себебі оларда ар-ұждан қалмады, олар өздерінің ар-ұжданын өлтіріп тастады. Әрине, егер сіз ар-ұжданыңызды өлтіріп алсаңыз, оны әрең тірілдіресіз, ал оны сақтай білсеңіз, ол сізге мол пайда әкеледі, істегеніңіздің барлығы керемет болады.
Бұндағы ең жақсы, ең қайырлы іс сол, Алла ﷻмен пайғамбарымыз ﷺның құзіретінде қабыл етілу болмақ, ал ар-ұжданды адам, мейірімді адам Алла Әззә уә-Жәллә жағынан, пайғамбарымыз ﷺ жағынан, әулиелер жағынан, және мүминдер жағынан сүйілген жандар. Бұндағы маңыздысы міне осы, ал сіздің ел-жұртты алдау арқылы, тонау арқылы, жалған нәрсе арқылы жинаған мал-мүліктеріңізбен ақша-байлықтарыңыздың еш пайдасы жоқ. Алла Әззә уә-Жәллә оларды керек етпейді, демек істегендеріңіз Оған қажет емес. Сондықтан адамдар сол ар-ұждандарын қалпына келтірсін, сонда олар тыныштық табатын болады. Ел-жұрт, «ары тазаның жүрегі таза» дейді, демек сіздің ар-ұжданыңыз таза-анық болса, жүрегіңіз жәйлы болады, тыныш болады, жеңіл жүреді. Алла ﷻ бізді арсыздардан етпегей, иншалла, Алла ﷻ адамдарға хидаят бергей, сонда олар осыбір нәрсесін өлтіріп алмайтын болады, иншалла.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #сүннет #әулие #жүрек #қазақ #дін #тәриқат #сопылық #намаз #алла #аллаһ #ораза #нақшыбанд #kazakhstan #kazakh #islam
nvrislam.net
instagram.com/nvrislami
سۇحبات: ار-ۇجدانىڭ بولماسا، مۇسىلماندىعىڭ ءبىر ءتيىن (2025.10.10 / حيجري 1447-جىل 18-رابيح ءال-اقير)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
(Türkiye، Istanbul، Akbaba Dergah-دا ايتىلعان سۇحبات) اللا ءاززا ءۋا-ءجاللا ادام بالاسىن جاراتقاندا، ول ونى وزگە جاراتىلستاردان ۇستەم ەتىپ جاراتتى، بيىك دارەجەدە ەتتى، جانە ول وعان بارشا يگىلىك اتاۋلىنى ءۇيىپ توگە سالدى. ال بۇندا ءناپسى بار بولىپ، اللا ءاززا ءۋا-ءجاللا وسى ءناپسىنى دە ادامنىڭ ىشىنە سالدى، ءبىراق تىنباي ايتىپ جۇرگەنىمىزدەي، ءناپسى جاماندىقتى قالايدى. اللا ﷻ بىزگە جاماندىقتى قالامايتىن نارسەنى دە سالدى، ول ار-ۇجدان ەدى، ءار ادامدا ار-ۇجدان بار، ول مۇسىلمانمەن مۇسىلمان ەمەستە دە بار. دەمەك ءار جاندا اللا ءاززا ءۋا-ءجاللا سالىپ قويعان ار-ۇجدان بار، ول ونى سالدى، سوندا ادامدار وي جۇگىرتەر، ادىلەتسىزدىك ەتپەس. اللا ءاززا ءۋا-ءجاللا ادامعا راحىمدى دا سالدى، ءبىراق وڭ ىستەردى ىستەۋ ءۇشىن، ادام ءوز ءناپسىسىن جەڭۋى كەرەك. سەبەبى ادامدا ار-ۇجدان بولعان كەزدە، ول ەشكىمگە زۇلىمدىق قىلمايدى، ەشكىمگە جاماندىق ىستەمەيدى، ەشكىمنىڭ بايلىعىنا قول سۇقپايدى نەمەسە ەشكىمدى الدامايدى. مىنە وسىدان سوڭ يمان بىرتىندەپ وسە باستايدى، ال سوڭىنا بارعاندا كوبىنەسە ول ادام حيداياتقا جەتەتىن بولادى.
ال ەگەر ادامدا ار-ۇجدان بولماسا، ول يگى-جاقسى امالداردى ىستەمەيتىن بولادى، ءتىپتى ول مۇسىلمان بولسا دا سولاي، دەمەك ول مۇسىلمان بولسا دا، ار-ۇجدانى جوق ادام دۇرىس-بۇرىستى بىلمەيدى، زاڭداردى بىلمەيدى، نەنىڭ حالال، نەنىڭ حارام ەكەندىگىن دە بىلمەيدى. مەيلى ولار، «مەن مۇسىلمانمىن» دەپ، بەس ۋاق نامازىن وقىسىن، ءتىپتى قاجىلىققا بارسىن، ءبىراق ولاردا ار-ۇجدان دەگەن نارسە بولماسا، ولار ناپسىلەرىنە ەرىپ، ناپسىلەرىنىڭ ارتىنان كەتەتىن بولادى. سوندىقتان بۇل اللا ءاززا ءۋا-ءجاللانىڭ ءبىر حيكىمەتىنەن، ال اللا ءاززا ءۋا-ءجاللانىڭ حيكىمەتىن ءتۇسىندىرىپ بىتىرۋگە كەلمەيدى، ونى ادامنىڭ ميى، ساناسى، اقىلى ونى قامتي المايدى، وعان اقىل-سانا جەتپەيدى. اللا ﷻ، «مەن ادام بالاسىن ەڭ ادەمى بەينەدە جاراتتىم» دەيدى، دەمەك، «وَلَقَدْ كَرَّمْنَا بَنِي آدَمَ» ياعني «جانە ءبىز ادام بالالارىن ابىرويلى ەتتىك» (قۇران 17ءىنشى سۇرە 70ءىنشى ايات). مىنە، اللا ءاززا ءۋا-ءجاللا، «مەن ادام بالاسىن ەڭ بيىك دارەجەدە جاراتتىم، ەڭ ادەمى ساپامەن جاراتتىم، ءبىز ونى جەردە، مۇحيتتا جانە ءار ءجايدا ابىرويلى ەتتىك» دەيدى.
ال ادامدىق قايدان كەلەدى؟ ادامدىق، اداميلىق ياعني ادامي قاسيەتتەر ار-ۇجدان ارقىلى كەلەدى، ەگەر ار-ۇجدان بولماسا، ادامدىق جوعالادى، بۇندايدا ادام ءوز ءناپسىسى ءۇشىن بارلىعىن ىستەيتىن بولادى. مۇمكىن ءسىز ءبىر مۇسىلمان ەمەس كىسىنى كورەرسىز، ءبىراق ءسىز ونىڭ ار-ۇجدانى بار ەكەندىگىن بايقايسىز، سوندىقتان ولار مۇسىلماندار ىستەمەگەن جاقسى ىستەردى دە ىستەيدى. ادامدار، «بۇل قالاي، ول قايدان كەلگەن» دەپ سۇرار، ال ونىڭ جاۋابى سول، بۇل ولاردىڭ ار-ۇجدانىنان كەلگەن، ار-ۇجداندى اللا ءاززا ءۋا-ءجاللا ءاربىر ادام بالاسىنا سوناۋ اۋەلدە سالىپ قويعان نارسە. ماسەلەن، ءسىز ءبىر مۇسىلماننىڭ بارشا زۇلىمدىق اتاۋلىنى ىستەپ، نەبىر الدامشىلىقپەن جاماندىقتاردى قىلىپ جاتقانىن كورىپ قالاسىز، سوندا بۇل قالاي بولعانى، ول ءۇشىن؟ سەبەبى ولاردا ار-ۇجدان قالمادى، ولار وزدەرىنىڭ ار-ۇجدانىن ءولتىرىپ تاستادى. ارينە، ەگەر ءسىز ار-ۇجدانىڭىزدى ءولتىرىپ الساڭىز، ونى ارەڭ تىرىلدىرەسىز، ال ونى ساقتاي بىلسەڭىز، ول سىزگە مول پايدا اكەلەدى، ىستەگەنىڭىزدىڭ بارلىعى كەرەمەت بولادى.
بۇنداعى ەڭ جاقسى، ەڭ قايىرلى ءىس سول، اللا ﷻمەن پايعامبارىمىز ﷺنىڭ قۇزىرەتىندە قابىل ەتىلۋ بولماق، ال ار-ۇجداندى ادام، مەيىرىمدى ادام اللا ءاززا ءۋا-ءجاللا جاعىنان، پايعامبارىمىز ﷺ جاعىنان، اۋليەلەر جاعىنان، جانە مۇميندەر جاعىنان سۇيىلگەن جاندار. بۇنداعى ماڭىزدىسى مىنە وسى، ال ءسىزدىڭ ەل-جۇرتتى الداۋ ارقىلى، توناۋ ارقىلى، جالعان نارسە ارقىلى جيناعان مال-مۇلىكتەرىڭىزبەن اقشا-بايلىقتارىڭىزدىڭ ەش پايداسى جوق. اللا ءاززا ءۋا-ءجاللا ولاردى كەرەك ەتپەيدى، دەمەك ىستەگەندەرىڭىز وعان قاجەت ەمەس. سوندىقتان ادامدار سول ار-ۇجداندارىن قالپىنا كەلتىرسىن، سوندا ولار تىنىشتىق تاباتىن بولادى. ەل-جۇرت، «ارى تازانىڭ جۇرەگى تازا» دەيدى، دەمەك ءسىزدىڭ ار-ۇجدانىڭىز تازا-انىق بولسا، جۇرەگىڭىز ءجايلى بولادى، تىنىش بولادى، جەڭىل جۇرەدى. اللا ﷻ ءبىزدى ارسىزداردان ەتپەگەي، ينشاللا، اللا ﷻ ادامدارعا حيدايات بەرگەي، سوندا ولار ءوسىبىر نارسەسىن ءولتىرىپ المايتىن بولادى، ينشاللا.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپىلىق #ناماز #اللا #اللاھ #ورازا #ناقشىباند #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8545