Мазмұнды Көшіру

https://www.nvrislam.net/index.php?j=kz&post=8597
Сұхбат: ақырзаманда жауын апат боп түседі, бала қитұрқы боп өседі (2025.11.30 / Хижри 1447-жыл 09-Жұмадал Әл-Тәни)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye, Istanbul, Akbaba Dergah-да айтылған сұхбат) Алла Әззә уә-Жәллә бізді панасына алғай, біздер, мүминдер жүрегімізді бекем етелік, иншалла, себебі ақырзаманда өмір сүріп жатырмыз, ал ақырзаманның бүлігі аса зор болып, барлығы да қиындасты. Пайғамбарымыз ﷺ ақырзаманда, «يكونَ المطرُ قَيْظًا والوَلَدُ غَيْظًا» яғни «жауын бәле болып жауар, бала жақсы болмай өсер» дейді, ауқамал. Ол ақырзаманда жауынның апат болып келетінін айтуда, әдетте, жауын жаумайды, көп жаумай қояды, ал жауа қалса, тасқын болып, барлығын ағызып әкетеді, біз бұны дүниенің әр жерінен көріп жатырмыз. Адамдар тасқынның астында қалып құруда, жер, үй, мал-мүлік, атыз барлығы қирады, міне бұлар ақырзаманның белгілерінен, себебі біз қазір ақырзаманда өмір сүріп жатырмыз. Ал бұндағы ең сұмдығы, «والوَلَدُ غَيْظًا», «уал-уаладу ғайзан» яғни «баланың жақсы болмауы» еді, демек, пайғамбарымыз ﷺ ата-анасына азап болып келетін жаман балалардың болатындығын айтуда. Міне бұл да ақырзаманның белгілерінен, бұл әрине, баланы өсіруге байланысты болмақ, себебі балаларды өсіріп тәрбиелеу ислам жолымен болмады да, балалар білместікпен жолдан шығып кетеді, одан соң ол отбасына азапқа айналады, адамдарға да бәле болып тиеді, және олар өздерін де зияндайды.

Ал біз ақырзаманда өмір сүріп жатқандықтан Алла ﷻ ұдайы қайырлы жаңбыр беруін сұраймыз, және сіз балаларыңыздың сәлихалы жақсы балалардан болып ержетуі үшін дұға етіңіз. Қазір адамдар балаларының керағар қыңыр болып кеткендігі жәйлы көп ренжиді, олардың ұлдары оларға залал әкеледі, ал қыздары сәл ержеткен соң оларға құлақ аспай кетеді. Ал біздің айтарымыз сол, баланы сонау бастан, жас сәби кезінен жақсы өсіру керек, оларға жолды қаттылықпен емес, жұмсақтықпен, мейіріммен көрсету керек. Оларға әдеп, мөрал, исламдық иба, пайғамбарымыз ﷺның әдептерін көрсетіңіз, және олардың тура жолға ілесулері үшін Алла ﷻға ұдайы дұға жасаңыз, айтып өткеніміздей, бұндағы ең маңыздысы осы балаларымыз. Жауынмен тасқын да апат, алайда адамдарда жақсы баланың болмауы онан да өткен әлдеқайда зор апат болмақ, бұл тек отбасы үшін ғана емес, бүкіл қоғам үшін маңызды. Қазір балалар ата-анасын ұнатпайды, бірақ түк құны жоқ мәнсіз адамдардың артынан ереді, соларды қуалайды, міне осылай олар өздерін зияндайды, және өзгелерге де залал әкеледі.

Сондықтан, Алла ﷻ мұсылмандарды, және исламның балаларын панасына алғай. Қазір адам шайтандар бар, олар балаларды шегімдікке үйретеді, соған әдеттендіреді, ал олар шегімдікке әдет болған соң, бәрі қиын болар, Алла ﷻ оларды одан сақтасын. Сол үшін балаларыңызға орта жолды ұстаныңыз, оларға барлығын бере бермеңіз, оларға аздап жұмыс істетіп тұрыңыз, құлшындырыңыз, ал олар істі істесе де, сұрағанын дереу бере салмаңыз, оларды күттіріп, сабырын күшейтіңіз. Әсілі балалар ата-анасына қызмет өтеуі керек еді, ал қазір оның керісі болуда, олар, «баламыз кейін не істемек, баламыз нені қалар» деп, басы қатады, және бар болса да, түгі жоқ болса да, балаларына барлығын бере береді. Олар өздері қиналып жүреді, бірақ сүйте тұра баласын жекеменшік университеттерге жібереді, бұлай оқытудың қажеті жоқ, университет сөзсіз міндет емес. Оларға жұмыс істетіңіз, оларды адам етіңіз, оларды Алла ﷻға иман еткен жан етіп тәрбиелеп алыңыз. Оларды ата-анасын құрметтейтін, және ата-анасына қызмет өтейтін адам етіп, жетістіріп шығыңыз, ал сіз баланы университетке жіберсеңіз, олар онда барған соң тіпті бұзылып кетеді. Ол бала онсыз да не істерін білмей алжасып жүрген еді, ал университетке барып, сонда тұрған кезде ол өзін мүлдем құртып алатын болады.

Сол үшін үйренуге бейімі бар оқи алатын баланы оқуға жіберіңіз, ал егер олар оқуға бейімсіз болса, жақсы оқымаса, оларды өзіңіз тәрбиелеңіз, сонда олар үйде бос отырудың орнына жұмыс істейтін болады. Әдетте, балалар оқуын тауысқан соң үйге келеді, үйде тұрады, одан сыртқа шығады, онда барады, бұнда барады, одан соң оның айналасы жаман дос, бұзық ағайындарға толады, ал санасы жаман ой-идеяларға толады, міне осылардан кейін барып қана, сіз қазір оның дереу жақсы бала, сәлихалы ұрпақ бола қалуын қалайсыз. Алла ﷻ бізді панасына алғай, маңыздысы міне осы істер, себебі қазіргі кездегі адамдардың ең үлкен кеселі балаларын тәрбиелеуде жатыр. Олар балаларын дүниенің ана бұрышындағы бір жерлерге оқуға жібереді, одан соң олар не істерін білмейді, одан ренжиді. Алла ﷻ барлығымызға ақыл және түсінік бергей. Алла ﷻ бізді тура жолдан бөліп жібермегей.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #сүннет #әулие #жүрек #қазақ #дін #тәриқат #сопылық #намаз #алла #аллаһ #ораза #нақшыбанд #kazakhstan #kazakh #islam
nvrislam.net
instagram.com/nvrislami



سۇحبات: اقىرزاماندا جاۋىن اپات بوپ تۇسەدى، بالا قيتۇرقى بوپ وسەدى (2025.11.30 / حيجري 1447-جىل 09-جۇمادال ءال-ءتاني)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye، Istanbul، Akbaba Dergah-دا ايتىلعان سۇحبات) اللا ءاززا ءۋا-ءجاللا ءبىزدى پاناسىنا العاي، بىزدەر، مۇميندەر جۇرەگىمىزدى بەكەم ەتەلىك، ينشاللا، سەبەبى اقىرزاماندا ءومىر ءسۇرىپ جاتىرمىز، ال اقىرزاماننىڭ بۇلىگى اسا زور بولىپ، بارلىعى دا قيىنداستى. پايعامبارىمىز ﷺ اقىرزاماندا، «يكونَ المطرُ قَيْظًا والوَلَدُ غَيْظًا» ياعني «جاۋىن بالە بولىپ جاۋار، بالا جاقسى بولماي وسەر» دەيدى، اۋقامال. ول اقىرزاماندا جاۋىننىڭ اپات بولىپ كەلەتىنىن ايتۋدا، ادەتتە، جاۋىن جاۋمايدى، كوپ جاۋماي قويادى، ال جاۋا قالسا، تاسقىن بولىپ، بارلىعىن اعىزىپ اكەتەدى، ءبىز بۇنى دۇنيەنىڭ ءار جەرىنەن كورىپ جاتىرمىز. ادامدار تاسقىننىڭ استىندا قالىپ قۇرۋدا، جەر، ءۇي، مال-مۇلىك، اتىز بارلىعى قيرادى، مىنە بۇلار اقىرزاماننىڭ بەلگىلەرىنەن، سەبەبى ءبىز ءقازىر اقىرزاماندا ءومىر ءسۇرىپ جاتىرمىز. ال بۇنداعى ەڭ سۇمدىعى، «والوَلَدُ غَيْظًا»، «ۋال-ۋالادۋ عايزان» ياعني «بالانىڭ جاقسى بولماۋى» ەدى، دەمەك، پايعامبارىمىز ﷺ اتا-اناسىنا ازاپ بولىپ كەلەتىن جامان بالالاردىڭ بولاتىندىعىن ايتۋدا. مىنە بۇل دا اقىرزاماننىڭ بەلگىلەرىنەن، بۇل ارينە، بالانى وسىرۋگە بايلانىستى بولماق، سەبەبى بالالاردى ءوسىرىپ تاربيەلەۋ يسلام جولىمەن بولمادى دا، بالالار بىلمەستىكپەن جولدان شىعىپ كەتەدى، ودان سوڭ ول وتباسىنا ازاپقا اينالادى، ادامدارعا دا بالە بولىپ تيەدى، جانە ولار وزدەرىن دە زياندايدى.

ال ءبىز اقىرزاماندا ءومىر ءسۇرىپ جاتقاندىقتان اللا ﷻ ۇدايى قايىرلى جاڭبىر بەرۋىن سۇرايمىز، جانە ءسىز بالالارىڭىزدىڭ ءساليحالى جاقسى بالالاردان بولىپ ەرجەتۋى ءۇشىن دۇعا ەتىڭىز. ءقازىر ادامدار بالالارىنىڭ كەراعار قىڭىر بولىپ كەتكەندىگى ءجايلى كوپ رەنجيدى، ولاردىڭ ۇلدارى ولارعا زالال اكەلەدى، ال قىزدارى ءسال ەرجەتكەن سوڭ ولارعا قۇلاق اسپاي كەتەدى. ال ءبىزدىڭ ايتارىمىز سول، بالانى سوناۋ باستان، جاس ءسابي كەزىنەن جاقسى ءوسىرۋ كەرەك، ولارعا جولدى قاتتىلىقپەن ەمەس، جۇمساقتىقپەن، مەيىرىممەن كورسەتۋ كەرەك. ولارعا ادەپ، ءمورال، يسلامدىق يبا، پايعامبارىمىز ﷺنىڭ ادەپتەرىن كورسەتىڭىز، جانە ولاردىڭ تۋرا جولعا ىلەسۋلەرى ءۇشىن اللا ﷻعا ۇدايى دۇعا جاساڭىز، ايتىپ وتكەنىمىزدەي، بۇنداعى ەڭ ماڭىزدىسى وسى بالالارىمىز. جاۋىنمەن تاسقىن دا اپات، الايدا ادامداردا جاقسى بالانىڭ بولماۋى ونان دا وتكەن الدەقايدا زور اپات بولماق، بۇل تەك وتباسى ءۇشىن عانا ەمەس، بۇكىل قوعام ءۇشىن ماڭىزدى. ءقازىر بالالار اتا-اناسىن ۇناتپايدى، ءبىراق تۇك قۇنى جوق ءمانسىز ادامداردىڭ ارتىنان ەرەدى، سولاردى قۋالايدى، مىنە وسىلاي ولار وزدەرىن زياندايدى، جانە وزگەلەرگە دە زالال اكەلەدى.

سوندىقتان، اللا ﷻ مۇسىلمانداردى، جانە يسلامنىڭ بالالارىن پاناسىنا العاي. ءقازىر ادام شايتاندار بار، ولار بالالاردى شەگىمدىككە ۇيرەتەدى، سوعان ادەتتەندىرەدى، ال ولار شەگىمدىككە ادەت بولعان سوڭ، ءبارى قيىن بولار، اللا ﷻ ولاردى ودان ساقتاسىن. سول ءۇشىن بالالارىڭىزعا ورتا جولدى ۇستانىڭىز، ولارعا بارلىعىن بەرە بەرمەڭىز، ولارعا ازداپ جۇمىس ىستەتىپ تۇرىڭىز، قۇلشىندىرىڭىز، ال ولار ءىستى ىستەسە دە، سۇراعانىن دەرەۋ بەرە سالماڭىز، ولاردى كۇتتىرىپ، سابىرىن كۇشەيتىڭىز. ءاسىلى بالالار اتا-اناسىنا قىزمەت وتەۋى كەرەك ەدى، ال ءقازىر ونىڭ كەرىسى بولۋدا، ولار، «بالامىز كەيىن نە ىستەمەك، بالامىز نەنى قالار» دەپ، باسى قاتادى، جانە بار بولسا دا، تۇگى جوق بولسا دا، بالالارىنا بارلىعىن بەرە بەرەدى. ولار وزدەرى قينالىپ جۇرەدى، ءبىراق سۇيتە تۇرا بالاسىن جەكەمەنشىك ۋنيۆەرسيتەتتەرگە جىبەرەدى، بۇلاي وقىتۋدىڭ قاجەتى جوق، ۋنيۆەرسيتەت ءسوزسىز مىندەت ەمەس. ولارعا جۇمىس ىستەتىڭىز، ولاردى ادام ەتىڭىز، ولاردى اللا ﷻعا يمان ەتكەن جان ەتىپ تاربيەلەپ الىڭىز. ولاردى اتا-اناسىن قۇرمەتتەيتىن، جانە اتا-اناسىنا قىزمەت وتەيتىن ادام ەتىپ، جەتىستىرىپ شىعىڭىز، ال ءسىز بالانى ۋنيۆەرسيتەتكە جىبەرسەڭىز، ولار وندا بارعان سوڭ ءتىپتى بۇزىلىپ كەتەدى. ول بالا ونسىز دا نە ىستەرىن بىلمەي الجاسىپ جۇرگەن ەدى، ال ۋنيۆەرسيتەتكە بارىپ، سوندا تۇرعان كەزدە ول ءوزىن مۇلدەم قۇرتىپ الاتىن بولادى.

سول ءۇشىن ۇيرەنۋگە بەيىمى بار وقي الاتىن بالانى وقۋعا جىبەرىڭىز، ال ەگەر ولار وقۋعا بەيىمسىز بولسا، جاقسى وقىماسا، ولاردى ءوزىڭىز تاربيەلەڭىز، سوندا ولار ۇيدە بوس وتىرۋدىڭ ورنىنا جۇمىس ىستەيتىن بولادى. ادەتتە، بالالار وقۋىن تاۋىسقان سوڭ ۇيگە كەلەدى، ۇيدە تۇرادى، ودان سىرتقا شىعادى، وندا بارادى، بۇندا بارادى، ودان سوڭ ونىڭ اينالاسى جامان دوس، بۇزىق اعايىندارعا تولادى، ال ساناسى جامان وي-يدەيالارعا تولادى، مىنە وسىلاردان كەيىن بارىپ قانا، ءسىز ءقازىر ونىڭ دەرەۋ جاقسى بالا، ءساليحالى ۇرپاق بولا قالۋىن قالايسىز. اللا ﷻ ءبىزدى پاناسىنا العاي، ماڭىزدىسى مىنە وسى ىستەر، سەبەبى قازىرگى كەزدەگى ادامداردىڭ ەڭ ۇلكەن كەسەلى بالالارىن تاربيەلەۋدە جاتىر. ولار بالالارىن دۇنيەنىڭ انا بۇرىشىنداعى ءبىر جەرلەرگە وقۋعا جىبەرەدى، ودان سوڭ ولار نە ىستەرىن بىلمەيدى، ودان رەنجيدى. اللا ﷻ بارلىعىمىزعا اقىل جانە تۇسىنىك بەرگەي. اللا ﷻ ءبىزدى تۋرا جولدان ءبولىپ جىبەرمەگەي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپىلىق #ناماز #اللا #اللاھ #ورازا #ناقشىباند #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8597