You are using an outdated browser. For a faster, safer browsing experience, upgrade for free today.



https://www.nvrislam.net/index.php?j=tote&post=8996
Сұхбат: білімді, шешен уағызшы, қари мұнафиқтар исламға өте қауіпті (2026.11.13 / Хижри 1448-жыл 03-Жұмада Әл-Ақира)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, 2026) Пайғамбарымыз ﷺ барлық мұнафиқ-екіжүзділерді білген, бірақ әдепке байланысты ол оларды ашық көрсетпеген, немесе оларды белгілемеген. Бірақ пайғамбарымыз ﷺ олардың өзінің заманынан кейін де жалғаса беретінін айтып кеткен. Ал мұнафиқ яғни екіжүзді дегеніміз сыртқы білімде немесе исламға амал етуде мұсылман сияқты көрінеді, бірақ ішінде күпірлігін құпия сақтайды, шын иманы болмайды, немесе исламға дұшпандықта жүреді. Бұл аят-кәримада да айтылған, егер олар тәубеге келсе, Алла ﷻ оларды кешірер, ал тәубеге келмесе, не боларын Алла Өзі білер. Пайғамбарымыз ﷺның мына хадисінде ол ерекшеленіп айтылған, онда ол, «менің ең қорқатыным үмбетімдегі тілі шешен мұнафиқтар» дейді. Бұл біліммен жұртты өзіне сендіре сөйлетін, және өзін дінді үйретуші ретінде көрсететін адамдарды меңзейді.

Ең үлкен залал тудыратын адам міне осындай адам, бұндай адам ел-жұртты шешен тілімен өзіне баурап алады, одан соң исламда жоқ идеяларды, исламда жоқ нәрселерді, тіпті олар исламда, құранда я сүннетте болмаса да, оларды исламның бөлшегі сияқты көрсетіп, адамдарға бірітіндеп енгізеді. Адамдар оның әдемі сөздеріне, сайраған тіліне алданып, оны «ұлы ғұлама» санай бастайды, және оған еріп кетеді, ал ақиқатында ол исламды құрту үшін жұмыс істеп жатыр. Сол үшін де пайғамбарымыз ﷺ, «менің ең қорқатыным осылар» деп айтып кеткен. Ал адамдар ол, «құран былай дейді, құран олай дейді, бұл адамдар тура жолда емес, елдің 1000 я 1500 жылдан бері еріп келген жолы дұрыс емес» деген кезде ұдайы сене қалып, оңай адасады, олар осылай сөйлеп, өзгелерді алдайды.

Ал қазір олардың уағыздары өте кең тарап кетті, бұрынғы кезде бұндай мұнафиқ алыстағы бір ауылда, я жергілікті бір мешітте ғана сөйлейтін де, оның сөздерің басқаларға жетуі тым қиын болатын, оған мүмкін бірнеше адам ғана ерер. Ал қазір олар әр жерде жүр, олар тікелей эфер таратады, оларға мыңдаған адамдар ереді. Және олар жиналыс өткізссе, оған 30-40 мың адам қатысады, не үшін бұлай? себебі, адамдар жаңылып оны шын ғұлама санады, «ол шешен сөйлейді, оның айтқаны шындық» деп сенді. Бірақ олар өтірікті шындай көрсетіп, исламға мүлдем қарсы және кері ағар болған нәрселерді үйретеді. Ал исламға қарсы келіп тұрған ең үлкен нәрсе не? осыбір екіжүз мұнафиқтар, ал олардың дұшпаны пайғамбарымыз-дүр, ол - олардың жауы.

Бейне пайғамбарымыз ﷺ шайтанның ең үлкен дұшпаны болғаны сияқты, осыбір тұлғаларда да сондай ұқсас дұшпандық бар. Қашан пайғамбарымыз ﷺның есімі атала қалса, олардың мазасы кетеді және ашуланады, бұл оларды қуандырмай қояды, міне бұл олардың айырықша белгісі-дүр. Егер сіз пайғамбарымыз ﷺды айтсаңыз, немесе оны мадақтасаңыз, олар өзгелерді, «сен Аллаға серік қосып жатырсың» деп, алдай кетеді. Демек, олар пайғамбарымызды сұхбат-сабақтардан бүкілдей өшіріп жібергісі келеді, міне бұл екіжүзді мұнафиқтың ең жоғарғы белгісі-дүр. Ал кім пайғамбарымыз ﷺға құрмет көрсетуден жаңылса немесе оны құрметтемесе, ол нағыз мұнафиқ болар.

Егер біреу бүкіл құранмен хадистерді жаттап, есіне сақтап алса да, және оған қоса әр саладағы білімдерді игеріп алса да, бірақ ол пайғамбарымыз ﷺға құрмет көрсетуден жаңылса, ол бәрібір екіжүзді мұнафиқ болып қала берер. Ал біреу үш сүре ғана білсе, бірақ оның пайғамбарымыз ﷺға деген махаббаты болса, ол манағы білімді мұнафиқтардан әлдеқайда артық жан болар. Демек, пайғамбарымыз ﷺға құрмет көрсетпейтіндер бұл адамның бір тырнағына да татымайды. Себебі, Алла Әззә уә-Жәллә бүкіл әлемді пайғамбарымыз ﷺ үшін жаратты, ең биік мақам-дәреже тек оған ғана тән. Солай бола тұра, «мен ғұламамын, мен оқығам, мен оны былай түсіндіремін» десең, немесе, өзге ғұламалардың көзғарастарын келтіріп, пайғамбарымызға деген құрметсіздігіңді ақтамақ болсаң, онда сен өте үлкен мұнафиқ боларсың.

Себебі, сен білімге иесің, және өзгелерді адастырдың, бұл шайтанмен бірге екендігіңді білдірер. Алла ﷻ бізді қорғағай, ондай шайтандардан сақтағай. Пайғамбарымыздың, «ең қорқатыным» деп, айтып кеткен адамдары міне осылар. Расында, олар ең зор залал келтірушілер, пайғамбарымыз неге үмбеті үшін қорықты? ол оларды «менің үмбетім» деп атады, демек, ол оларға көңіл бөледі, және олардың құтылысқа жетуін қалайды. Бірақ, сондай шайтандар шыққан кезде ол, «мен олардан қорқамын» деді, бұның себебі сол, адам баласы 1-2 ауыз сөзге бола, оңай ауытқып, тура жолдан таяды, және манағындай адамдарға ілесуге бет бұрады. Ал пайғамбарымыздың ең қорыққаны дәл осы нәрсе еді. Алла ﷻ барлығымызды олардың әкелген кесір-кесапатынан сақтағай, және оларға хидаят нәсіп еткей. Алла Әззә уә-Жәллә, егер олар тәубе етсе, олардың тәубесін қабыл ететіндігін айтар. Алла ﷻ оларға хидаят бергей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ءبىلىمدى، شەشەن ۋاعىزشى، قاري مۇنافيقتار يسلامعا وتە ءقاۋىپتى (2026.11.13 / حيجري 1448-جىل 03-جۇمادا ءال-اقيرا)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، 2026) پايعامبارىمىز ﷺ بارلىق مۇنافيق-ەكىجۇزدىلەردى بىلگەن، ءبىراق ادەپكە بايلانىستى ول ولاردى اشىق كورسەتپەگەن، نەمەسە ولاردى بەلگىلەمەگەن. ءبىراق پايعامبارىمىز ﷺ ولاردىڭ ءوزىنىڭ زامانىنان كەيىن دە جالعاسا بەرەتىنىن ايتىپ كەتكەن. ال مۇنافيق ياعني ەكىجۇزدى دەگەنىمىز سىرتقى بىلىمدە نەمەسە يسلامعا امال ەتۋدە مۇسىلمان سياقتى كورىنەدى، ءبىراق ىشىندە كۇپىرلىگىن قۇپيا ساقتايدى، شىن يمانى بولمايدى، نەمەسە يسلامعا دۇشپاندىقتا جۇرەدى. بۇل ايات-كاريمادا دا ايتىلعان، ەگەر ولار تاۋبەگە كەلسە، اللا ﷻ ولاردى كەشىرەر، ال تاۋبەگە كەلمەسە، نە بولارىن اللا ءوزى بىلەر. پايعامبارىمىز ﷺنىڭ مىنا حاديسىندە ول ەرەكشەلەنىپ ايتىلعان، وندا ول، «مەنىڭ ەڭ قورقاتىنىم ۇمبەتىمدەگى ءتىلى شەشەن مۇنافيقتار» دەيدى. بۇل بىلىممەن جۇرتتى وزىنە سەندىرە سويلەتىن، جانە ءوزىن ءدىندى ۇيرەتۋشى رەتىندە كورسەتەتىن ادامداردى مەڭزەيدى.

ەڭ ۇلكەن زالال تۋدىراتىن ادام مىنە وسىنداي ادام، بۇنداي ادام ەل-جۇرتتى شەشەن تىلىمەن وزىنە باۋراپ الادى، ودان سوڭ يسلامدا جوق يدەيالاردى، يسلامدا جوق نارسەلەردى، ءتىپتى ولار يسلامدا، قۇراندا يا سۇننەتتە بولماسا دا، ولاردى يسلامنىڭ بولشەگى سياقتى كورسەتىپ، ادامدارعا بىرىتىندەپ ەنگىزەدى. ادامدار ونىڭ ادەمى سوزدەرىنە، سايراعان تىلىنە الدانىپ، ونى «ۇلى عۇلاما» ساناي باستايدى، جانە وعان ەرىپ كەتەدى، ال اقيقاتىندا ول يسلامدى قۇرتۋ ءۇشىن جۇمىس ىستەپ جاتىر. سول ءۇشىن دە پايعامبارىمىز ﷺ، «مەنىڭ ەڭ قورقاتىنىم وسىلار» دەپ ايتىپ كەتكەن. ال ادامدار ول، «قۇران بىلاي دەيدى، قۇران ولاي دەيدى، بۇل ادامدار تۋرا جولدا ەمەس، ەلدىڭ 1000 يا 1500 جىلدان بەرى ەرىپ كەلگەن جولى دۇرىس ەمەس» دەگەن كەزدە ۇدايى سەنە قالىپ، وڭاي اداسادى، ولار وسىلاي سويلەپ، وزگەلەردى الدايدى.

ال ءقازىر ولاردىڭ ۋاعىزدارى وتە كەڭ تاراپ كەتتى، بۇرىنعى كەزدە بۇنداي مۇنافيق الىستاعى ءبىر اۋىلدا، يا جەرگىلىكتى ءبىر مەشىتتە عانا سويلەيتىن دە، ونىڭ سوزدەرىڭ باسقالارعا جەتۋى تىم قيىن بولاتىن، وعان مۇمكىن بىرنەشە ادام عانا ەرەر. ال ءقازىر ولار ءار جەردە ءجۇر، ولار تىكەلەي ەفەر تاراتادى، ولارعا مىڭداعان ادامدار ەرەدى. جانە ولار جينالىس وتكىزسسە، وعان 30-40 مىڭ ادام قاتىسادى، نە ءۇشىن بۇلاي؟ سەبەبى، ادامدار جاڭىلىپ ونى شىن عۇلاما سانادى، «ول شەشەن سويلەيدى، ونىڭ ايتقانى شىندىق» دەپ سەندى. ءبىراق ولار وتىرىكتى شىنداي كورسەتىپ، يسلامعا مۇلدەم قارسى جانە كەرى اعار بولعان نارسەلەردى ۇيرەتەدى. ال يسلامعا قارسى كەلىپ تۇرعان ەڭ ۇلكەن نارسە نە؟ ءوسىبىر ەكىجۇز مۇنافيقتار، ال ولاردىڭ دۇشپانى پايعامبارىمىز-ءدۇر، ول - ولاردىڭ جاۋى.

بەينە پايعامبارىمىز ﷺ شايتاننىڭ ەڭ ۇلكەن دۇشپانى بولعانى سياقتى، ءوسىبىر تۇلعالاردا دا سونداي ۇقساس دۇشپاندىق بار. قاشان پايعامبارىمىز ﷺنىڭ ەسىمى اتالا قالسا، ولاردىڭ مازاسى كەتەدى جانە اشۋلانادى، بۇل ولاردى قۋاندىرماي قويادى، مىنە بۇل ولاردىڭ ايىرىقشا بەلگىسى-ءدۇر. ەگەر ءسىز پايعامبارىمىز ﷺدى ايتساڭىز، نەمەسە ونى ماداقتاساڭىز، ولار وزگەلەردى، «سەن اللاعا سەرىك قوسىپ جاتىرسىڭ» دەپ، الداي كەتەدى. دەمەك، ولار پايعامبارىمىزدى سۇحبات-ساباقتاردان بۇكىلدەي ءوشىرىپ جىبەرگىسى كەلەدى، مىنە بۇل ەكىجۇزدى مۇنافيقتىڭ ەڭ جوعارعى بەلگىسى-ءدۇر. ال كىم پايعامبارىمىز ﷺعا قۇرمەت كورسەتۋدەن جاڭىلسا نەمەسە ونى قۇرمەتتەمەسە، ول ناعىز مۇنافيق بولار.

ەگەر بىرەۋ بۇكىل قۇرانمەن حاديستەردى جاتتاپ، ەسىنە ساقتاپ السا دا، جانە وعان قوسا ءار سالاداعى بىلىمدەردى يگەرىپ السا دا، ءبىراق ول پايعامبارىمىز ﷺعا قۇرمەت كورسەتۋدەن جاڭىلسا، ول ءبارىبىر ەكىجۇزدى مۇنافيق بولىپ قالا بەرەر. ال بىرەۋ ءۇش سۇرە عانا بىلسە، ءبىراق ونىڭ پايعامبارىمىز ﷺعا دەگەن ماحابباتى بولسا، ول ماناعى ءبىلىمدى مۇنافيقتاردان الدەقايدا ارتىق جان بولار. دەمەك، پايعامبارىمىز ﷺعا قۇرمەت كورسەتپەيتىندەر بۇل ادامنىڭ ءبىر تىرناعىنا دا تاتىمايدى. سەبەبى، اللا ءاززا ءۋا-ءجاللا بۇكىل الەمدى پايعامبارىمىز ﷺ ءۇشىن جاراتتى، ەڭ بيىك ماقام-دارەجە تەك وعان عانا ءتان. سولاي بولا تۇرا، «مەن عۇلامامىن، مەن وقىعام، مەن ونى بىلاي تۇسىندىرەمىن» دەسەڭ، نەمەسە، وزگە عۇلامالاردىڭ كوزعاراستارىن كەلتىرىپ، پايعامبارىمىزعا دەگەن قۇرمەتسىزدىگىڭدى اقتاماق بولساڭ، وندا سەن وتە ۇلكەن مۇنافيق بولارسىڭ.

سەبەبى، سەن بىلىمگە يەسىڭ، جانە وزگەلەردى اداستىردىڭ، بۇل شايتانمەن بىرگە ەكەندىگىڭدى بىلدىرەر. اللا ﷻ ءبىزدى قورعاعاي، ونداي شايتانداردان ساقتاعاي. پايعامبارىمىزدىڭ، «ەڭ قورقاتىنىم» دەپ، ايتىپ كەتكەن ادامدارى مىنە وسىلار. راسىندا، ولار ەڭ زور زالال كەلتىرۋشىلەر، پايعامبارىمىز نەگە ۇمبەتى ءۇشىن قورىقتى؟ ول ولاردى «مەنىڭ ۇمبەتىم» دەپ اتادى، دەمەك، ول ولارعا كوڭىل بولەدى، جانە ولاردىڭ قۇتىلىسقا جەتۋىن قالايدى. ءبىراق، سونداي شايتاندار شىققان كەزدە ول، «مەن ولاردان قورقامىن» دەدى، بۇنىڭ سەبەبى سول، ادام بالاسى 1-2 اۋىز سوزگە بولا، وڭاي اۋىتقىپ، تۋرا جولدان تايادى، جانە ماناعىنداي ادامدارعا ىلەسۋگە بەت بۇرادى. ال پايعامبارىمىزدىڭ ەڭ قورىققانى ءدال وسى نارسە ەدى. اللا ﷻ بارلىعىمىزدى ولاردىڭ اكەلگەن كەسىر-كەساپاتىنان ساقتاعاي، جانە ولارعا حيدايات ءناسىپ ەتكەي. اللا ءاززا ءۋا-ءجاللا، ەگەر ولار تاۋبە ەتسە، ولاردىڭ تاۋبەسىن قابىل ەتەتىندىگىن ايتار. اللا ﷻ ولارعا حيدايات بەرگەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
سىلتەمە: https://www.nvrislam.net/index.php?j=tote&post=8996