You are using an outdated browser. For a faster, safer browsing experience, upgrade for free today.



https://www.nvrislam.net/index.php?j=tote&post=6603
Сұхбат: намаз барлығының басы-дүр (2023.03.15, 23 Шағбан 1444)
Исламбол (Стамбул), Түркия

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

Біз кеше пайғамбарымыз саллал-лаху әлейхис-саламның дәрет алумен намазға қатысты берекеге толы хадистерін оқып өттік, онда ол бізге намаз өтеудің Алла Жәллә Жәләлухудан мұсылмандарға берілген аса ірі сауға екендігін айтады.

Ол «кімде-кім мешітке барып, жамағатпен намаз оқыса, оның басқан әрбір сол қадамы үшін оның күнәлары кешіріледі, ал әрбір оң қадамы үшін оған сауаптар жазылады» дейді, мейлі алыс я жақын болсын, осылай болмақ, демек, көп қадам басқан сайын Алла Әззә уә-Жәллә жағынан берілетін сауап та мол бола бермек, одан соң пайғамбарымыз «егер адамдар жамағатпен өтелген таң және құптан намаз сауабының қандай көп екендігін білсе, олар оған жүріп қана емес, еңбектей тізерлеп немесе жатып алып, жармасып болса да келер еді» дейді, онда аса үлкен іззеттермен сауаптар бар.

Намаз - діннің тірегі, намаз құлшылығынсыз дін жоқ, ондай дін толық болмас, кейбір адамдар «мен тәсбих тартамын, барлығын істеймін» дер, алайда, сіз бүкіл өмір бойы тәсбих тартсаңыз да, оның құны бір намазға да татымас, демек, оның бір парыз намаздай күші жоқ, міне бұл не үшін біздің намаз жәйлі аса сақ болатын себебіміз-дүр (істеген жақсылығыңызбен өзге құлшылығыңыздың сәні намазбен кірер).

Намаз әрбір жақсылыққа барар қақпа яғни намаз осы дүниемен ақиреттің игілігі үшін берілген, ал намаз оқымайтын адамның дұғасымен баталары қабыл болмайды, ісі оңына жүрмейді, Мәуләнә Шайық Назым әулие «тіпті әулиелер намаз оқымайтын адам үшін дұға жасаса да, ол қабыл болмайды» деп айтып отыратын, сондықтан біз дұғаларды намазбен бірге алып жүруіміз керек, ол ұдайы «әр күніңді намазсыз өткізіп жіберме» деуші еді, оны көп өтеген сайын, оның пайдасына кенелетін боласыз, бірақ олар «біз істей алмаймыз» дейді, онда олар оны толықтай істеп кеткенінше аз-аздан істеуі керек, мейлі ол аз немесе көп өтелінсін, одан адамдарға мол игіліктер келетін болады.

Қазір бүкіл дүние қысыммен торығуда қалып, жарылардай болып отыр, ал бұл мәселерді кетірудің жолы намаз құлшылығы-дүр, олар намаз өтеулері керек, кейінірек қалдырған нәрселерін толықтаулары керек, иншалла, Алла Жәллә Жәләлуху бізді шайтанның қолында қалдырып қоймағай және бізді нәпсіміздің қолына тастап кетпегей.

Шайтанмен нәпсі адамдарды намазға келгенде жалқауластырады да, басқа істердің артынан жүгіртіп қояды, олар намаз еш қиын нәрсе болмаса да, оны тым қиын етіп көрсетеді, тіпті намазды өтеу мүмкін еместей етіп қояды, алайда Алла Әззә уә-Жәллә адамдардың шамасы келмейтін істі ешқашан әмір етпейді емеспе, демек, намаз өтеуді қиындатып жүрген нәрсе сіздегі нәпсімен шайтан-дүр, біздің рухымыздың яғни жанымыздың ішер асы, жер тамағы - намаз, ол барлығының басында келеді, Алла Жәллә Жәләлуху біздің өтеп жүрген намаз құлшылықтарымызды қабыл еткей. Алла Жәллә Жәләлуху барша ел-жұртқа намаздың, құлшылықтың дәмін татуға нәсіп еткей, иншалла.

Уәмин Аллаһ ат-Тауфиқ, әл-Фатиха.

- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw


سۇحبات: ناماز بارلىعىنىڭ باسى-ءدۇر (2023.03.15، 23 شاعبان 1444)
يسلامبول (ستامبۋل)، تۇركيا

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

ءبىز كەشە پايعامبارىمىز ساللال-لاحۋ الەيحيس-سالامنىڭ دارەت الۋمەن نامازعا قاتىستى بەرەكەگە تولى حاديستەرىن وقىپ وتتىك، وندا ول بىزگە ناماز وتەۋدىڭ اللا ءجاللا ءجالالۋحۋدان مۇسىلماندارعا بەرىلگەن اسا ءىرى ساۋعا ەكەندىگىن ايتادى.

ول «كىمدە-كىم مەشىتكە بارىپ، جاماعاتپەن ناماز وقىسا، ونىڭ باسقان ءاربىر سول قادامى ءۇشىن ونىڭ كۇنالارى كەشىرىلەدى، ال ءاربىر وڭ قادامى ءۇشىن وعان ساۋاپتار جازىلادى» دەيدى، مەيلى الىس يا جاقىن بولسىن، وسىلاي بولماق، دەمەك، كوپ قادام باسقان سايىن اللا ءاززا ءۋا-ءجاللا جاعىنان بەرىلەتىن ساۋاپ تا مول بولا بەرمەك، ودان سوڭ پايعامبارىمىز «ەگەر ادامدار جاماعاتپەن وتەلگەن تاڭ جانە قۇپتان ناماز ساۋابىنىڭ قانداي كوپ ەكەندىگىن بىلسە، ولار وعان ءجۇرىپ قانا ەمەس، ەڭبەكتەي تىزەرلەپ نەمەسە جاتىپ الىپ، جارماسىپ بولسا دا كەلەر ەدى» دەيدى، وندا اسا ۇلكەن ىززەتتەرمەن ساۋاپتار بار.

ناماز - ءدىننىڭ تىرەگى، ناماز قۇلشىلىعىنسىز ءدىن جوق، ونداي ءدىن تولىق بولماس، كەيبىر ادامدار «مەن ءتاسبيح تارتامىن، بارلىعىن ىستەيمىن» دەر، الايدا، ءسىز بۇكىل ءومىر بويى ءتاسبيح تارتساڭىز دا، ونىڭ قۇنى ءبىر نامازعا دا تاتىماس، دەمەك، ونىڭ ءبىر پارىز نامازداي كۇشى جوق، مىنە بۇل نە ءۇشىن ءبىزدىڭ ناماز ءجايلى اسا ساق بولاتىن سەبەبىمىز-ءدۇر (ىستەگەن جاقسىلىعىڭىزبەن وزگە قۇلشىلىعىڭىزدىڭ ءسانى نامازبەن كىرەر).

ناماز ءاربىر جاقسىلىققا بارار قاقپا ياعني ناماز وسى دۇنيەمەن اقيرەتتىڭ يگىلىگى ءۇشىن بەرىلگەن، ال ناماز وقىمايتىن ادامنىڭ دۇعاسىمەن باتالارى قابىل بولمايدى، ءىسى وڭىنا جۇرمەيدى، ءماۋلانا شايىق نازىم اۋليە «ءتىپتى اۋليەلەر ناماز وقىمايتىن ادام ءۇشىن دۇعا جاساسا دا، ول قابىل بولمايدى» دەپ ايتىپ وتىراتىن، سوندىقتان ءبىز دۇعالاردى نامازبەن بىرگە الىپ ءجۇرۋىمىز كەرەك، ول ۇدايى «ءار كۇنىڭدى نامازسىز وتكىزىپ جىبەرمە» دەۋشى ەدى، ونى كوپ وتەگەن سايىن، ونىڭ پايداسىنا كەنەلەتىن بولاسىز، ءبىراق ولار «ءبىز ىستەي المايمىز» دەيدى، وندا ولار ونى تولىقتاي ىستەپ كەتكەنىنشە از-ازدان ىستەۋى كەرەك، مەيلى ول از نەمەسە كوپ وتەلىنسىن، ودان ادامدارعا مول يگىلىكتەر كەلەتىن بولادى.

ءقازىر بۇكىل دۇنيە قىسىممەن تورىعۋدا قالىپ، جارىلارداي بولىپ وتىر، ال بۇل ماسەلەردى كەتىرۋدىڭ جولى ناماز قۇلشىلىعى-ءدۇر، ولار ناماز وتەۋلەرى كەرەك، كەيىنىرەك قالدىرعان نارسەلەرىن تولىقتاۋلارى كەرەك، ينشاللا، اللا ءجاللا ءجالالۋحۋ ءبىزدى شايتاننىڭ قولىندا قالدىرىپ قويماعاي جانە ءبىزدى ءناپسىمىزدىڭ قولىنا تاستاپ كەتپەگەي.

شايتانمەن ءناپسى ادامداردى نامازعا كەلگەندە جالقاۋلاستىرادى دا، باسقا ىستەردىڭ ارتىنان جۇگىرتىپ قويادى، ولار ناماز ەش قيىن نارسە بولماسا دا، ونى تىم قيىن ەتىپ كورسەتەدى، ءتىپتى نامازدى وتەۋ مۇمكىن ەمەستەي ەتىپ قويادى، الايدا اللا ءاززا ءۋا-ءجاللا ادامداردىڭ شاماسى كەلمەيتىن ءىستى ەشقاشان ءامىر ەتپەيدى ەمەسپە، دەمەك، ناماز وتەۋدى قيىنداتىپ جۇرگەن نارسە سىزدەگى ناپسىمەن شايتان-ءدۇر، ءبىزدىڭ رۋحىمىزدىڭ ياعني جانىمىزدىڭ ىشەر اسى، جەر تاماعى - ناماز، ول بارلىعىنىڭ باسىندا كەلەدى، اللا ءجاللا ءجالالۋحۋ ءبىزدىڭ وتەپ جۇرگەن ناماز قۇلشىلىقتارىمىزدى قابىل ەتكەي. اللا ءجاللا ءجالالۋحۋ بارشا ەل-جۇرتقا نامازدىڭ، قۇلشىلىقتىڭ ءدامىن تاتۋعا ءناسىپ ەتكەي، ينشاللا.

ءۋامين اللاھ ات-تاۋفيق، ءال-فاتيحا.

- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
سىلتەمە: https://www.nvrislam.net/index.php?j=tote&post=6603