Мазмұнды Көшіру

https://www.nvrislam.net/index.php?j=kz&post=8976
Сұхбат: қабырда әулиеден сұрамайсың, бірақ әулие арқылы сұрайсың (2026.10.19 / Хижри 1448-жыл 08-Жұмада Әл-Ауал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Isha Prayer – Maqam of Shaykh Kaful Ali - Penang, Malaysia, 2026) Малайзияда айтылған сұхбат. Аллаға сүйікті болу бұл дүниедегі барлығынан да жақсы іс, міне бұл Алла Әззә уә-Жәлләдан берілген ең жақсы нығымет. Себебі, Аллаға сүйікті болу мәңгілік-дүр, ол осы дүниедегі тек уақытша қысқа ғана мезгіл үшін емес. Ал адамдардың бұл дүниеден көптеген нәрселері бар. Мүмкін олар өте бай болар, өте қуатты болар, өте өтімді болар, бірақ олардың ақирет үшін ештеңесі жоқ. Міне нағыз кедейлер осылар, себебі, байлық дегеніміз аз ғана уақыт болып, одан соң ештеңесі қалмайтын нәрсе емес. Әлхамдулилла, сіздерде де, бізде де иншалла, осы нығымет бар, яғни мәңгілік болған байлық бар. Әлхамдулилла, біз Алла ﷻ үшін жиналып жатырмыз. Ал бұрындар әулиеге жақын бір жан осы араға келіп, Алла үшін қызмет өтеген екен, ол адамдардың қысқа мезеттік үшін емес, бірақ мәңгі бай болуына қызымет қылыпты.

Ал осындай адамдар осы ел үшін, осы жер үшін, ислам үшін көптеген істерді істеп кетті, және олар хидаятқа әкелген әр адам үшін сауап табады. Пайғамбарымыз ﷺ, «егер біреу сен арқылы хидаят тапса, ол мына жершарымен оның ішіндегі бар қазынадан да қымбат» дер. Тек кішке жер, кішкене ел, немесе бір құрлық емес, бірақ мына тұтас дүниені Алланың бергеніне салыстырсақ ештеңе болмай қалар. Біз Алла өзінің рахымын төккен осыбір адамдарға зиярат жасаудамыз, бұл рахым, әлхамдулилла, оларды зиярат еткендерге де түсетін болады, және олар арқылы, пайғамбарымыз арқылы дұға еткендердің дұғасы қабыл болады. Бұл адамдардың барлығы Алла ﷻдың илаһи құзіретінде қабыл етілген адамдар, ал біз олардан сұрамаймыз, бірақ олар арқылы сұраймыз.

Алайда, қазір көптеген адамдар шығып, «бұлар қабырға құлшылық етіп жүр, Аллаға құлшылық еткен жоқ» деп, өзге ел-жұртты алдауда, хаша, бұл одан жырақ-дүр. Әлхамдулилла, барша ел-жұрт исламға өздері келе қалған жоқ, манағы берекелі адамдар арқылы келді, және бұл құтты адамдар, «келіңдер, бізге құлшылық етіңдер» деген жоқ. Бірақ олар тек, «Аллаға құлшылық етіңдер, біз сендерді Аллаға бастаймыз, жәннәтқа жетелейміз, пайғамбарымызға және оның айтқанына еріңдер, сонда жәннәтқа барасыңдар» деп айтты. Ешкім, «пайғамбарға құлшылық ет, маған құлшылық ет, қабырға құлшылық ет» деген жоқ. Жоқ, олай емес, манағының барлығы таза ислам, және олар ең биігі, шын мүминдер, себебі, бұнда мүмин бар, және мұсылман бар.

Алла Әззә уә-Жәллә, «قَالَتِ الْأَعْرَابُ آمَنَّا قُل لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُم», яғни, «бедеуиндер, біз сендік дер, ал оларға, сенбедіңдер, бірақ біз тіл жүзінде бағындық деңдер, ал иман жүректеріңе әлі кірген жоқ деп айт» дейді, құран 49інші сүре 14інші аят. Араптар, бедеуиндер, «біз сендік» деп айтар, бірақ Алла ﷻ, «иманым бар демеңдер, тек мұсылманмын деп айтыңдар» дейді, демек, иман маңызды, ол биік нәрсе, ал иман манағы адамдар арқылы келеді. Олар адамдардың жүректері арқылы оларға иман салады, оларды биіктетеді, ал кімде иман болса, шын иман болса, оған ештеңе әсер ете алмайды. Тіпті адамдар оны отқа тастаса да, оған ештеңе әсер етпейді, ол жеуге ештеңе таппаса да, оған ештеңе әсер ете алмайды, тіпті ол шөлден өліп бара жатса да, оған ештеңе әсер ете алмайды.

Себебі, иманмен ол Алла Әззә уә-Жәлләның оған беретінін біледі, имандағы маңыздысы сол, сіз мынаны білуіңіз керек, демек, «آمنت بالله وملائكته وكتبه ورسله واليوم الآخر والقدر خيره وشره من الله», яғни, «мен Аллаға, Оның періштелеріне, кітаптарына, елшілеріне, қияметке, және тағдырға, жақсы- жаманның бірдей Одан келетініне сенемін» делінер. Барлығы Алла Әззә уә-Жәлләдан келер, міне бұл иман, біз әркүні таңда осыны айтамыз, ал иманның қағидасы сол, мейлі қандай іс туылсын, Аллаға толық сену, ондай кезде көңілсіз болмау, мазасы кетпеу, «неге» деп айтпау сияқтылар. Кейде біз көптеген адамдардың, «неге маған» деп айтып жатқанын көреміз, иә, сол үшін солай. Демек, сіз мүмин емессіз, тек мұсылман ғанасыз, сондықтан, осындай нәрселер туылар.

Содан сіз қиналасыз, көңілсіз боласыз, қуана алмайсыз, көп сұрайсыз, Алла Әззә уә-Жәлләға жаман әдеп көрсетесіз, «неген маған» дейсіз, ал Аллаға, «неге, не үшін, неге маған» дейтін сен кім едің, міне бұл ең сұмдық құтырыну. Демек, «неге мен, неге маған» деп сұрай беретіндер ең ақылсыздар. Олай етпе, себебі Ол Алла ﷻ. Аллаға олай айтуыңызға болмайды, және сіз Алла Әззә уә-Жәлләдан қаша алмайсыз, мына дүние, ақирет, мейлі қай жер болсын, сіз Алла Әззә уә-Жәлләның қолындасыз. Бұнда қашып кетерлік ешқандай жер жоқ, сол үшін, Алла ﷻ бізді кешіргей. Алла ﷻ бізді Оған және Оның бергеніне әдепсіздік ететін, я жаман қылық көрсететін етіп қоймағай. Алла ﷻ сіздерді берекелегей, бізді сақтағай, Алла ﷻ сіздерді, бұндағы, барша малайзиядағы, иншалла, бүкіл дүниедегі мүминдерді тіпті де көбейте бергей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: قابىردا اۋليەدەن سۇرامايسىڭ، ءبىراق اۋليە ارقىلى سۇرايسىڭ (2026.10.19 / حيجري 1448-جىل 08-جۇمادا ءال-اۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Isha Prayer – Maqam of Shaykh Kaful Ali - Penang، Malaysia، 2026) مالايزيادا ايتىلعان سۇحبات. اللاعا سۇيىكتى بولۋ بۇل دۇنيەدەگى بارلىعىنان دا جاقسى ءىس، مىنە بۇل اللا ءاززا ءۋا-ءجاللادان بەرىلگەن ەڭ جاقسى نىعىمەت. سەبەبى، اللاعا سۇيىكتى بولۋ ماڭگىلىك-ءدۇر، ول وسى دۇنيەدەگى تەك ۋاقىتشا قىسقا عانا مەزگىل ءۇشىن ەمەس. ال ادامداردىڭ بۇل دۇنيەدەن كوپتەگەن نارسەلەرى بار. مۇمكىن ولار وتە باي بولار، وتە قۋاتتى بولار، وتە ءوتىمدى بولار، ءبىراق ولاردىڭ اقيرەت ءۇشىن ەشتەڭەسى جوق. مىنە ناعىز كەدەيلەر وسىلار، سەبەبى، بايلىق دەگەنىمىز از عانا ۋاقىت بولىپ، ودان سوڭ ەشتەڭەسى قالمايتىن نارسە ەمەس. ءالحامدۋليللا، سىزدەردە دە، بىزدە دە ينشاللا، وسى نىعىمەت بار، ياعني ماڭگىلىك بولعان بايلىق بار. ءالحامدۋليللا، ءبىز اللا ﷻ ءۇشىن جينالىپ جاتىرمىز. ال بۇرىندار اۋليەگە جاقىن ءبىر جان وسى اراعا كەلىپ، اللا ءۇشىن قىزمەت وتەگەن ەكەن، ول ادامداردىڭ قىسقا مەزەتتىك ءۇشىن ەمەس، ءبىراق ماڭگى باي بولۋىنا قىزىمەت قىلىپتى.

ال وسىنداي ادامدار وسى ەل ءۇشىن، وسى جەر ءۇشىن، يسلام ءۇشىن كوپتەگەن ىستەردى ىستەپ كەتتى، جانە ولار حيداياتقا اكەلگەن ءار ادام ءۇشىن ساۋاپ تابادى. پايعامبارىمىز ﷺ، «ەگەر بىرەۋ سەن ارقىلى حيدايات تاپسا، ول مىنا جەرشارىمەن ونىڭ ىشىندەگى بار قازىنادان دا قىمبات» دەر. تەك كىشكە جەر، كىشكەنە ەل، نەمەسە ءبىر قۇرلىق ەمەس، ءبىراق مىنا تۇتاس دۇنيەنى اللانىڭ بەرگەنىنە سالىستىرساق ەشتەڭە بولماي قالار. ءبىز اللا ءوزىنىڭ راحىمىن توككەن ءوسىبىر ادامدارعا زيارات جاساۋدامىز، بۇل راحىم، ءالحامدۋليللا، ولاردى زيارات ەتكەندەرگە دە تۇسەتىن بولادى، جانە ولار ارقىلى، پايعامبارىمىز ارقىلى دۇعا ەتكەندەردىڭ دۇعاسى قابىل بولادى. بۇل ادامداردىڭ بارلىعى اللا ﷻدىڭ يلاھي قۇزىرەتىندە قابىل ەتىلگەن ادامدار، ال ءبىز ولاردان سۇرامايمىز، ءبىراق ولار ارقىلى سۇرايمىز.

الايدا، ءقازىر كوپتەگەن ادامدار شىعىپ، «بۇلار قابىرعا قۇلشىلىق ەتىپ ءجۇر، اللاعا قۇلشىلىق ەتكەن جوق» دەپ، وزگە ەل-جۇرتتى الداۋدا، حاشا، بۇل ودان جىراق-ءدۇر. ءالحامدۋليللا، بارشا ەل-جۇرت يسلامعا وزدەرى كەلە قالعان جوق، ماناعى بەرەكەلى ادامدار ارقىلى كەلدى، جانە بۇل قۇتتى ادامدار، «كەلىڭدەر، بىزگە قۇلشىلىق ەتىڭدەر» دەگەن جوق. ءبىراق ولار تەك، «اللاعا قۇلشىلىق ەتىڭدەر، ءبىز سەندەردى اللاعا باستايمىز، ءجانناتقا جەتەلەيمىز، پايعامبارىمىزعا جانە ونىڭ ايتقانىنا ەرىڭدەر، سوندا ءجانناتقا باراسىڭدار» دەپ ايتتى. ەشكىم، «پايعامبارعا قۇلشىلىق ەت، ماعان قۇلشىلىق ەت، قابىرعا قۇلشىلىق ەت» دەگەن جوق. جوق، ولاي ەمەس، ماناعىنىڭ بارلىعى تازا يسلام، جانە ولار ەڭ بيىگى، شىن مۇميندەر، سەبەبى، بۇندا ءمۇمين بار، جانە مۇسىلمان بار.

اللا ءاززا ءۋا-ءجاللا، «قَالَتِ الْأَعْرَابُ آمَنَّا قُل لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُم»، ياعني، «بەدەۋيندەر، ءبىز سەندىك دەر، ال ولارعا، سەنبەدىڭدەر، ءبىراق ءبىز ءتىل جۇزىندە باعىندىق دەڭدەر، ال يمان جۇرەكتەرىڭە ءالى كىرگەن جوق دەپ ايت» دەيدى، قۇران 49ءىنشى سۇرە 14ءىنشى ايات. اراپتار، بەدەۋيندەر، «ءبىز سەندىك» دەپ ايتار، ءبىراق اللا ﷻ، «يمانىم بار دەمەڭدەر، تەك مۇسىلمانمىن دەپ ايتىڭدار» دەيدى، دەمەك، يمان ماڭىزدى، ول بيىك نارسە، ال يمان ماناعى ادامدار ارقىلى كەلەدى. ولار ادامداردىڭ جۇرەكتەرى ارقىلى ولارعا يمان سالادى، ولاردى بيىكتەتەدى، ال كىمدە يمان بولسا، شىن يمان بولسا، وعان ەشتەڭە اسەر ەتە المايدى. ءتىپتى ادامدار ونى وتقا تاستاسا دا، وعان ەشتەڭە اسەر ەتپەيدى، ول جەۋگە ەشتەڭە تاپپاسا دا، وعان ەشتەڭە اسەر ەتە المايدى، ءتىپتى ول شولدەن ءولىپ بارا جاتسا دا، وعان ەشتەڭە اسەر ەتە المايدى.

سەبەبى، يمانمەن ول اللا ءاززا ءۋا-ءجاللانىڭ وعان بەرەتىنىن بىلەدى، يمانداعى ماڭىزدىسى سول، ءسىز مىنانى ءبىلۋىڭىز كەرەك، دەمەك، «آمنت بالله وملائكته وكتبه ورسله واليوم الآخر والقدر خيره وشره من الله»، ياعني، «مەن اللاعا، ونىڭ پەرىشتەلەرىنە، كىتاپتارىنا، ەلشىلەرىنە، قيامەتكە، جانە تاعدىرعا، جاقسى- جاماننىڭ بىردەي ودان كەلەتىنىنە سەنەمىن» دەلىنەر. بارلىعى اللا ءاززا ءۋا-ءجاللادان كەلەر، مىنە بۇل يمان، ءبىز اركۇنى تاڭدا وسىنى ايتامىز، ال يماننىڭ قاعيداسى سول، مەيلى قانداي ءىس تۋىلسىن، اللاعا تولىق سەنۋ، ونداي كەزدە كوڭىلسىز بولماۋ، مازاسى كەتپەۋ، «نەگە» دەپ ايتپاۋ سياقتىلار. كەيدە ءبىز كوپتەگەن ادامداردىڭ، «نەگە ماعان» دەپ ايتىپ جاتقانىن كورەمىز، ءيا، سول ءۇشىن سولاي. دەمەك، ءسىز ءمۇمين ەمەسسىز، تەك مۇسىلمان عاناسىز، سوندىقتان، وسىنداي نارسەلەر تۋىلار.

سودان ءسىز قينالاسىز، كوڭىلسىز بولاسىز، قۋانا المايسىز، كوپ سۇرايسىز، اللا ءاززا ءۋا-ءجاللاعا جامان ادەپ كورسەتەسىز، «نەگەن ماعان» دەيسىز، ال اللاعا، «نەگە، نە ءۇشىن، نەگە ماعان» دەيتىن سەن كىم ەدىڭ، مىنە بۇل ەڭ سۇمدىق قۇتىرىنۋ. دەمەك، «نەگە مەن، نەگە ماعان» دەپ سۇراي بەرەتىندەر ەڭ اقىلسىزدار. ولاي ەتپە، سەبەبى ول اللا ﷻ. اللاعا ولاي ايتۋىڭىزعا بولمايدى، جانە ءسىز اللا ءاززا ءۋا-ءجاللادان قاشا المايسىز، مىنا دۇنيە، اقيرەت، مەيلى قاي جەر بولسىن، ءسىز اللا ءاززا ءۋا-ءجاللانىڭ قولىنداسىز. بۇندا قاشىپ كەتەرلىك ەشقانداي جەر جوق، سول ءۇشىن، اللا ﷻ ءبىزدى كەشىرگەي. اللا ﷻ ءبىزدى وعان جانە ونىڭ بەرگەنىنە ادەپسىزدىك ەتەتىن، يا جامان قىلىق كورسەتەتىن ەتىپ قويماعاي. اللا ﷻ سىزدەردى بەرەكەلەگەي، ءبىزدى ساقتاعاي، اللا ﷻ سىزدەردى، بۇنداعى، بارشا مالايزياداعى، ينشاللا، بۇكىل دۇنيەدەگى مۇميندەردى ءتىپتى دە كوبەيتە بەرگەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8976