Мазмұнды Көшіру

https://www.nvrislam.net/index.php?j=kz&post=8959
Сұхбат: бар хикіметпен жақсылықтың басы Алладан қорқуда жатыр (2026.10.05 / Хижри 1448-жыл 24-Рабих Әл-Ақир)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Türkiye, 2026) Пайғамбарымыз ﷺ, «мен білімнің қаласымын» деп айта келе, Сәйдина Әли хазірет жайлы, «Әли оның қақпасы» дейді. Ал бұның мағынасы сол, барша түрдегі білімдер Сәйдина Әли хазіретте жатыр демекілік-дүр. Және ол барлық білімді, «رَأْسُ الْحِكْمَةِ مَخَافَةُ الله», яғни, «хикіметтің басы Алладан қорқу» деп, бір ауыз сөзбен жинақтай салған. Демек, барша білім, игілік, және ақыл-кеңестің басы Алладан қорқуда жатыр. Ал Алла ﷻдан қорқу болмаған кезде әрқандай іс туыла берер, яғни, ахуал қазіргі кездегі дүниенің жағдайы сияқты болар. Қазір Алладан қорқуды қоя тұралық, Аллаға сенбейтіндер қаншама. Ал барлығының түпкі себебі осыдан келген, демек, барша былық, кесір-кесапат, жамандық, зұлымдық, және әрбір келеңсіздік Алладан қорқудың кемшілдігінен туындаған.

Алладан қорқатын адам жамандық істемейді, өзгелерге зұлымдық қылмайды, ұрлық қылмайды, Алладан қорқатын кісі арақ ішпейді, зина жасамайды, және өзін барша жаман істерден аулақ ұстайды. Ал қазір Алладан қорқу былай тұрсын, айтып өткеніміздей, манағы адамдар Аллаға сенетін имандарын жоғалтып алды. Олар Алладан қорқуды ұмытқан соң, тағы айналып келіп, «жағдай неге бұлай болып кетті» деп сұрайды, иә, ол шын солай. Ал Сәйдина Әли хазірет бұны сонау 1500 жылдың алдында айтып кеткен, демек, Алладан қорқу болмаса, құлшылық та болмайды, я бойұсыну да болмайды...

Әнеу күні бір бауырымыз, «адам қалай әулие болар» деп сұраған еді. Ал кейбір жердегі мәлім адамдар «қалай әулие болу» тақырыбы жайлы куріс ашып жүрген сияқты. Ал әулие дегеніміз Алланың досы, егер сіз Алладан шын қорықсаңыз, Алла ﷻ сізді сүйетін болады. Әулие, яғни, уәлиулла дегеніміз Алланың сүйікті құлы, ол керемет көрсету мәселесі емес, демек, әулие дегеніміз Алланың бір сүйікті құлы, ол Алладан қорқатын, және Оның алдында құрметпен ұялу түйсігі бар адам. Алладан қорқу дегеніміз, «Оның алдында бұндай абыройсыз хәлге түсіп қалмайын» деп ұялу, осындай ұят сезімінде болу. Істің маңызы міне осы, ал Алла ﷻ барлығын кешіруші.

Демек, біздің айтып жүрген Алладан қорқу дегеніміз негізінен міне осындай ұялу, тартына білу. Ал үрейленіп нақ қорқуға тиісті адамдар, зұлымдық жасаушылар, міне осылар үреймен қорқады, кесір істейтіндер үреймен қорқады, солар қорқа берсін. Бірақ, кешіріммен ғапудың қақпасы әрдайым ашық, Алла Әззә уә-Жәллә аса рахымды. Мейлі біреу қаншама күнә істесін, сонда да Ол өкіне тәубе еткендерді кешіре алады. Сондықтан, адам Алладан қорқып, Оған қарай бұрылуы керек, сонда жағдай жақсарар, ал қалғаны пайда бермес. Сіздер, «біз бұны істейміз, оны істейміз» деп, жәй сөйлеумен ештеңе бітіре алмайсыздар. Демек, Алладан қорқу болмаса, ештеңе нәтижелі болмайды. Алла ﷻ адамзатқа жәрдем еткей, және барлығымызға хидаят нәсіп еткей.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: بار حيكىمەتپەن جاقسىلىقتىڭ باسى اللادان قورقۋدا جاتىر (2026.10.05 / حيجري 1448-جىل 24-رابيح ءال-اقير)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Türkiye، 2026) پايعامبارىمىز ﷺ، «مەن ءبىلىمنىڭ قالاسىمىن» دەپ ايتا كەلە، ءسايدينا ءالي حازىرەت جايلى، «ءالي ونىڭ قاقپاسى» دەيدى. ال بۇنىڭ ماعىناسى سول، بارشا تۇردەگى بىلىمدەر ءسايدينا ءالي حازىرەتتە جاتىر دەمەكىلىك-ءدۇر. جانە ول بارلىق ءبىلىمدى، «رَأْسُ الْحِكْمَةِ مَخَافَةُ الله»، ياعني، «حيكىمەتتىڭ باسى اللادان قورقۋ» دەپ، ءبىر اۋىز سوزبەن جيناقتاي سالعان. دەمەك، بارشا ءبىلىم، يگىلىك، جانە اقىل-كەڭەستىڭ باسى اللادان قورقۋدا جاتىر. ال اللا ﷻدان قورقۋ بولماعان كەزدە ءارقانداي ءىس تۋىلا بەرەر، ياعني، احۋال قازىرگى كەزدەگى دۇنيەنىڭ جاعدايى سياقتى بولار. ءقازىر اللادان قورقۋدى قويا تۇرالىق، اللاعا سەنبەيتىندەر قانشاما. ال بارلىعىنىڭ تۇپكى سەبەبى وسىدان كەلگەن، دەمەك، بارشا بىلىق، كەسىر-كەساپات، جاماندىق، زۇلىمدىق، جانە ءاربىر كەلەڭسىزدىك اللادان قورقۋدىڭ كەمشىلدىگىنەن تۋىنداعان.

اللادان قورقاتىن ادام جاماندىق ىستەمەيدى، وزگەلەرگە زۇلىمدىق قىلمايدى، ۇرلىق قىلمايدى، اللادان قورقاتىن كىسى اراق ىشپەيدى، زينا جاسامايدى، جانە ءوزىن بارشا جامان ىستەردەن اۋلاق ۇستايدى. ال ءقازىر اللادان قورقۋ بىلاي تۇرسىن، ايتىپ وتكەنىمىزدەي، ماناعى ادامدار اللاعا سەنەتىن يماندارىن جوعالتىپ الدى. ولار اللادان قورقۋدى ۇمىتقان سوڭ، تاعى اينالىپ كەلىپ، «جاعداي نەگە بۇلاي بولىپ كەتتى» دەپ سۇرايدى، ءيا، ول شىن سولاي. ال ءسايدينا ءالي حازىرەت بۇنى سوناۋ 1500 جىلدىڭ الدىندا ايتىپ كەتكەن، دەمەك، اللادان قورقۋ بولماسا، قۇلشىلىق تا بولمايدى، يا بويۇسىنۋ دا بولمايدى...

انەۋ كۇنى ءبىر باۋىرىمىز، «ادام قالاي اۋليە بولار» دەپ سۇراعان ەدى. ال كەيبىر جەردەگى ءمالىم ادامدار «قالاي اۋليە بولۋ» تاقىرىبى جايلى كۋرىس اشىپ جۇرگەن سياقتى. ال اۋليە دەگەنىمىز اللانىڭ دوسى، ەگەر ءسىز اللادان شىن قورىقساڭىز، اللا ﷻ ءسىزدى سۇيەتىن بولادى. اۋليە، ياعني، ءۋاليۋللا دەگەنىمىز اللانىڭ سۇيىكتى قۇلى، ول كەرەمەت كورسەتۋ ماسەلەسى ەمەس، دەمەك، اۋليە دەگەنىمىز اللانىڭ ءبىر سۇيىكتى قۇلى، ول اللادان قورقاتىن، جانە ونىڭ الدىندا قۇرمەتپەن ۇيالۋ تۇيسىگى بار ادام. اللادان قورقۋ دەگەنىمىز، «ونىڭ الدىندا بۇنداي ابىرويسىز حالگە ءتۇسىپ قالمايىن» دەپ ۇيالۋ، وسىنداي ۇيات سەزىمىندە بولۋ. ءىستىڭ ماڭىزى مىنە وسى، ال اللا ﷻ بارلىعىن كەشىرۋشى.

دەمەك، ءبىزدىڭ ايتىپ جۇرگەن اللادان قورقۋ دەگەنىمىز نەگىزىنەن مىنە وسىنداي ۇيالۋ، تارتىنا ءبىلۋ. ال ۇرەيلەنىپ ناق قورقۋعا ءتيىستى ادامدار، زۇلىمدىق جاساۋشىلار، مىنە وسىلار ۇرەيمەن قورقادى، كەسىر ىستەيتىندەر ۇرەيمەن قورقادى، سولار قورقا بەرسىن. ءبىراق، كەشىرىممەن عاپۋدىڭ قاقپاسى ءاردايىم اشىق، اللا ءاززا ءۋا-ءجاللا اسا راحىمدى. مەيلى بىرەۋ قانشاما كۇنا ىستەسىن، سوندا دا ول وكىنە تاۋبە ەتكەندەردى كەشىرە الادى. سوندىقتان، ادام اللادان قورقىپ، وعان قاراي بۇرىلۋى كەرەك، سوندا جاعداي جاقسارار، ال قالعانى پايدا بەرمەس. سىزدەر، «ءبىز بۇنى ىستەيمىز، ونى ىستەيمىز» دەپ، ءجاي سويلەۋمەن ەشتەڭە بىتىرە المايسىزدار. دەمەك، اللادان قورقۋ بولماسا، ەشتەڭە ناتيجەلى بولمايدى. اللا ﷻ ادامزاتقا جاردەم ەتكەي، جانە بارلىعىمىزعا حيدايات ءناسىپ ەتكەي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8959