Мазмұнды Көшіру

https://www.nvrislam.net/index.php?j=kz&post=8928
Сұхбат: Аллаға қарсы келме, уақыты келгенде Алла барлығын жоқ етеді (2026.08.29 / Хижри 1448-жыл 16-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Shaykh Nazim Dergah, Lefka, Cyprus, Turkiye, 2026) Адам баласы құдіретті болуды аңсайды, олар ең қуатты болғысы келеді, мәселен, құдіретті бір ел болса, адамдар ол елден көмек сұрайды, міне бұл адам баласының тәбиғаты. Адамдар, «егер біз құдіретті болсақ, күшті болсақ, өзімізді қорғай аламыз» деп ойлар, бірақ олар Ең Құдіретті Ие жәйлы ойланбас. Ең құдіретті Ол - Алла Әззә уә-Жәллә, бүкіл құдірет Аллада болғандықтан, Ол нені қаласа, сол болады, ал нені қаламаса, сол болмайды. Алла Әззә уә-Жәллә, «وَمَا ذَٰلِكَ عَلَى اللَّهِ بِعَزِيزٍ», яғни, «және ол Аллаға еш қиын емес» дейді, құран 14інші сүре 20інші аят. Демек, Алла ﷻ үшін ештеңе қиын емес, Оған ештеңе қарсы тұра алмайды.

Бүкіл дүние, бүкіл билік, бүкіл адамзат, бүкіл жаратылыс жиналып, Аллаға қарсы келсе, олар Аллаға ештеңе емес, Алла Әззә уә-Жәлләның ұлылығына салыстырса, олар бір үрлеген жел де болмас. Сондықтан, егер сізде ақыл болса, қуатты жақта яғни Алла Әззә уә-Жәллә жағында болуды тілеңіз, Ол әркүні бізге жаңа нәрселерді көрсетуде. Ертеде Аллаға қарсы болғандар құрыған еді, олар тағы да құритын болады, олар ешқашан Аллаға қарсы болып, бірдеңе ұтқан емес, бұл мүмкін де емес. Бәзбіреулерге жармасып алсам, «құтыламын» деп ойлаған адам құтыла алмайды, ал сіз құтылу үшін Алла Әззә уә-Жәлләмен бірге болуыңыз керек.

Бұдан басқа құтылар жол жоқ, бұл заң осы дүниеге де, ақиретке де үйлеседі, демек, басқа қашар жер жоқ. Қайда қашпақсыз? мейлі қуысқа кіріп алсаңыз да, Алла Әззә уә-Жәлләдан қаша алмайсыз. Мейлі тауға қанша биік өрлесеңіз де, қаша алмайсыз, мейлі қанша қаруларың болса да, Алла Әззә уә-Жәлләдан қаша алмайсың. Бұнда бір құтылыс жолы бар, ол Алла ﷻдан қорқу, және Онымен бірге болу, басқа ештеңе жоқ. Ал шайтан болса, адамдармен қауымдарды алдағандықтан, олар, «біз соншама көп құралдар, машиналар қарулар жасадық, оны істедік, бұны істедік» деп ойлар, бұны қоя тұралық, олар бізден көп ақылды машиналарды да жасап тастады.

Алайда, «бізге ештеңе болмайды» деп ойлап жүрген бұл адамдар қатты қателеседі, олар өте үлкен қателікке ұрынуда, ең үлкен кемшілікке басуда. Себебі, олардың бұл құралдары сізге өмір де, жан да бере алмайды, және сізді құтқара да алмайды. Демек, Алланың қалауы келген кезде, ол барлығын лезде жоқ қылатын болады, олардан ештеңе қалдырмайды. Олардың ақылдысы да, жындысы да, қарсы келгіші де, залымы да қалмайды, Алла Әззә уә-Жәллә алдында олардың еш құны жоқ. Сондықтан, біз бүкіл елге, «Аллаға бет бұрыңдар» деп айтамыз, жоқтан барды жаратқан да сол Алла. Жаратушы сенің әкең де, анаң да емес, сол бір Алла.

Кейбір адамдар тым надан, олар ата-анасына, «мені неге мына дүниеге әкелдіңдер» деп ашуланады, бұдан Алла сақтасын, олар кәдімгі төрт аяқты есекке ұқсар, бұнда есек деп, сол біз білетін төрт аяқты хайуанды меңзеудеміз. Сіз бұл дүниеге Алла қалауымен келдіңіз, рухыңыз, тәніңіз барлығы Алла әмірімен келді. Ал манағындай мәнсіз сөздер әуелі сіздің өзіңізге көптеген көңілсіздіктермен қысымдар әкеледі, біз осыны түсінуіміз керек. Біз барлығымыз Алламен біргеміз, біз Алладан бізді өзінің сүйікті құлдарының арасынан етуін тілеп, дұға етуіміз керек. Алла ﷻ бізді өзіне қарсы болғандардан етпегей, бізді олардан алыс еткей. Ал Алланы оларға салыструдың өзі бір күнә, және ол Алла Әззә уә-Жәлләның ұлықтығына қарсы істелінген үлкен әдепсіздік-дүр.

Бұндай қате істерді аз бөлім адамдар ғана ашық істейді, олар Аллаға қарсы келіп, қатты кетеді, «мен әтеистпін, мен мынаумын, мен анаумын» дейді. Бірақ, титтей бірдеңе туыла қалса, я өлімнен қорықса, олар үрейден өле сақтайды, міне осындай надан, ақылсыз, тепе-теңдігінен айырылған адамдар өте көп кездеседі. Алла ﷻ бізді олар сияқты етіп қоймағай, және оларды хидаятқа әкелгей, олар Аллаға қарсы болмағай. Алланың қаһары аса зор, оған ештеңе қарсы келе алмайды, оған қарсы тұрар ешбір күш жоқ. Алла ﷻ бізді панасына алғай, біз әрдайым Алламен бірге болайық, иншалла. Ол бізге қуат бергей, рухани қуат бергей, тыныштық бергей, және одан келген қуатпен біз өзге адамдардың хидаятқа келуіне себепші болайық, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami


سۇحبات: اللاعا قارسى كەلمە، ۋاقىتى كەلگەندە اللا بارلىعىن جوق ەتەدى (2026.08.29 / حيجري 1448-جىل 16-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Shaykh Nazim Dergah، Lefka، Cyprus، Turkiye، 2026) ادام بالاسى قۇدىرەتتى بولۋدى اڭسايدى، ولار ەڭ قۋاتتى بولعىسى كەلەدى، ماسەلەن، قۇدىرەتتى ءبىر ەل بولسا، ادامدار ول ەلدەن كومەك سۇرايدى، مىنە بۇل ادام بالاسىنىڭ ءتابيعاتى. ادامدار، «ەگەر ءبىز قۇدىرەتتى بولساق، كۇشتى بولساق، ءوزىمىزدى قورعاي الامىز» دەپ ويلار، ءبىراق ولار ەڭ قۇدىرەتتى يە ءجايلى ويلانباس. ەڭ قۇدىرەتتى ول - اللا ءاززا ءۋا-ءجاللا، بۇكىل قۇدىرەت اللادا بولعاندىقتان، ول نەنى قالاسا، سول بولادى، ال نەنى قالاماسا، سول بولمايدى. اللا ءاززا ءۋا-ءجاللا، «وَمَا ذَٰلِكَ عَلَى اللَّهِ بِعَزِيزٍ»، ياعني، «جانە ول اللاعا ەش قيىن ەمەس» دەيدى، قۇران 14ءىنشى سۇرە 20ءىنشى ايات. دەمەك، اللا ﷻ ءۇشىن ەشتەڭە قيىن ەمەس، وعان ەشتەڭە قارسى تۇرا المايدى.

بۇكىل دۇنيە، بۇكىل بيلىك، بۇكىل ادامزات، بۇكىل جاراتىلىس جينالىپ، اللاعا قارسى كەلسە، ولار اللاعا ەشتەڭە ەمەس، اللا ءاززا ءۋا-ءجاللانىڭ ۇلىلىعىنا سالىستىرسا، ولار ءبىر ۇرلەگەن جەل دە بولماس. سوندىقتان، ەگەر سىزدە اقىل بولسا، قۋاتتى جاقتا ياعني اللا ءاززا ءۋا-ءجاللا جاعىندا بولۋدى تىلەڭىز، ول اركۇنى بىزگە جاڭا نارسەلەردى كورسەتۋدە. ەرتەدە اللاعا قارسى بولعاندار قۇرىعان ەدى، ولار تاعى دا قۇريتىن بولادى، ولار ەشقاشان اللاعا قارسى بولىپ، بىردەڭە ۇتقان ەمەس، بۇل مۇمكىن دە ەمەس. بازبىرەۋلەرگە جارماسىپ السام، «قۇتىلامىن» دەپ ويلاعان ادام قۇتىلا المايدى، ال ءسىز قۇتىلۋ ءۇشىن اللا ءاززا ءۋا-جاللامەن بىرگە بولۋىڭىز كەرەك.

بۇدان باسقا قۇتىلار جول جوق، بۇل زاڭ وسى دۇنيەگە دە، اقيرەتكە دە ۇيلەسەدى، دەمەك، باسقا قاشار جەر جوق. قايدا قاشپاقسىز؟ مەيلى قۋىسقا كىرىپ الساڭىز دا، اللا ءاززا ءۋا-ءجاللادان قاشا المايسىز. مەيلى تاۋعا قانشا بيىك ورلەسەڭىز دە، قاشا المايسىز، مەيلى قانشا قارۋلارىڭ بولسا دا، اللا ءاززا ءۋا-ءجاللادان قاشا المايسىڭ. بۇندا ءبىر قۇتىلىس جولى بار، ول اللا ﷻدان قورقۋ، جانە ونىمەن بىرگە بولۋ، باسقا ەشتەڭە جوق. ال شايتان بولسا، ادامدارمەن قاۋىمداردى الداعاندىقتان، ولار، «ءبىز سونشاما كوپ قۇرالدار، ماشينالار قارۋلار جاسادىق، ونى ىستەدىك، بۇنى ىستەدىك» دەپ ويلار، بۇنى قويا تۇرالىق، ولار بىزدەن كوپ اقىلدى ماشينالاردى دا جاساپ تاستادى.

الايدا، «بىزگە ەشتەڭە بولمايدى» دەپ ويلاپ جۇرگەن بۇل ادامدار قاتتى قاتەلەسەدى، ولار وتە ۇلكەن قاتەلىككە ۇرىنۋدا، ەڭ ۇلكەن كەمشىلىككە باسۋدا. سەبەبى، ولاردىڭ بۇل قۇرالدارى سىزگە ءومىر دە، جان دا بەرە المايدى، جانە ءسىزدى قۇتقارا دا المايدى. دەمەك، اللانىڭ قالاۋى كەلگەن كەزدە، ول بارلىعىن لەزدە جوق قىلاتىن بولادى، ولاردان ەشتەڭە قالدىرمايدى. ولاردىڭ اقىلدىسى دا، جىندىسى دا، قارسى كەلگىشى دە، زالىمى دا قالمايدى، اللا ءاززا ءۋا-ءجاللا الدىندا ولاردىڭ ەش قۇنى جوق. سوندىقتان، ءبىز بۇكىل ەلگە، «اللاعا بەت بۇرىڭدار» دەپ ايتامىز، جوقتان باردى جاراتقان دا سول اللا. جاراتۋشى سەنىڭ اكەڭ دە، اناڭ دا ەمەس، سول ءبىر اللا.

كەيبىر ادامدار تىم نادان، ولار اتا-اناسىنا، «مەنى نەگە مىنا دۇنيەگە اكەلدىڭدەر» دەپ اشۋلانادى، بۇدان اللا ساقتاسىن، ولار كادىمگى ءتورت اياقتى ەسەككە ۇقسار، بۇندا ەسەك دەپ، سول ءبىز بىلەتىن ءتورت اياقتى حايۋاندى مەڭزەۋدەمىز. ءسىز بۇل دۇنيەگە اللا قالاۋىمەن كەلدىڭىز، رۋحىڭىز، ءتانىڭىز بارلىعى اللا امىرىمەن كەلدى. ال ماناعىنداي ءمانسىز سوزدەر اۋەلى ءسىزدىڭ وزىڭىزگە كوپتەگەن كوڭىلسىزدىكتەرمەن قىسىمدار اكەلەدى، ءبىز وسىنى ءتۇسىنۋىمىز كەرەك. ءبىز بارلىعىمىز اللامەن بىرگەمىز، ءبىز اللادان ءبىزدى ءوزىنىڭ سۇيىكتى قۇلدارىنىڭ اراسىنان ەتۋىن تىلەپ، دۇعا ەتۋىمىز كەرەك. اللا ﷻ ءبىزدى وزىنە قارسى بولعانداردان ەتپەگەي، ءبىزدى ولاردان الىس ەتكەي. ال اللانى ولارعا سالىسترۋدىڭ ءوزى ءبىر كۇنا، جانە ول اللا ءاززا ءۋا-ءجاللانىڭ ۇلىقتىعىنا قارسى ىستەلىنگەن ۇلكەن ادەپسىزدىك-ءدۇر.

بۇنداي قاتە ىستەردى از ءبولىم ادامدار عانا اشىق ىستەيدى، ولار اللاعا قارسى كەلىپ، قاتتى كەتەدى، «مەن اتەيستپىن، مەن مىناۋمىن، مەن اناۋمىن» دەيدى. ءبىراق، تيتتەي بىردەڭە تۋىلا قالسا، يا ولىمنەن قورىقسا، ولار ۇرەيدەن ولە ساقتايدى، مىنە وسىنداي نادان، اقىلسىز، تەپە-تەڭدىگىنەن ايىرىلعان ادامدار وتە كوپ كەزدەسەدى. اللا ﷻ ءبىزدى ولار سياقتى ەتىپ قويماعاي، جانە ولاردى حيداياتقا اكەلگەي، ولار اللاعا قارسى بولماعاي. اللانىڭ قاھارى اسا زور، وعان ەشتەڭە قارسى كەلە المايدى، وعان قارسى تۇرار ەشبىر كۇش جوق. اللا ﷻ ءبىزدى پاناسىنا العاي، ءبىز ءاردايىم اللامەن بىرگە بولايىق، ينشاللا. ول بىزگە قۋات بەرگەي، رۋحاني قۋات بەرگەي، تىنىشتىق بەرگەي، جانە ودان كەلگەن قۋاتپەن ءبىز وزگە ادامداردىڭ حيداياتقا كەلۋىنە سەبەپشى بولايىق، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8928