Мазмұнды Көшіру

https://www.nvrislam.net/index.php?j=kz&post=8917
Сұхбат: шайтанға алданғандар мәулитті «шірік» дейді, және оны өткізбейді (2026.08.20 / Хижри 1448-жыл 07-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Шүкір-Алла, біз мәулит айында тұрмыз, ол ай пайғамбарымыз ﷺның берекелі құзіреті мына дүниені әдемі еткен ай, ал осыбір құтты айды құттықтау, оның әркүніне қуану, мүмин жанның Алла ﷻға қылған сансыз мадақтары болмақ. Пайғамбарымыз ﷺның үмбетінен болу аса зор мәртебе, оның істеген әр нәрсесін, атқарған әр нәрсесін, оған қатысты барлығын құрметтеу және сүю, біз үшін зор береке. Ол осыны істей алғандар үшін зор іззет, зор береке-дүр. Ал оны істей алмағандар бағы жоқ тәлейсіз және бақытсыз адамдар. Алла Әззә уә-Жәллә оларға бұл нығыметті нәсіп етпеді, олар одан құр қалды, ал оларды одан құр қалдырған шайтан еді.

Шайтанның ең үлкен қасиеті тоңмойындық, іштарлық, көре алмастық, іштарлық деген сол, адамдарға, «мен пайғамбарды құрметтемеймін, неге өзгелер оны құрметтейді» деп ойлаттыратын барлық түрдегі көре алмаушылықтар. Олар пайғамбарымыз ﷺды құрметтейтіндерге, оның жолына еретіндерге, оның сүннетін ұстанатындарға ұдайы дұшпандық қылады. Олар, «бұлар жаман адамдар, олар Аллаға серік қосып, шірік жасауда, олар Аллаға сенбейді, пайғамбар біз сияқты жәй біреу, егер оны құрметтесең, шірік істеген боласың, Аллаға серік қосасың» деп ойлайды. Ал оларды осындай жолмен алдап кеткен шайтан еді, олар алданды, және құрыды, Алла ﷻ бізді панасына алғай.

Ал пайғамбарымыз ﷺды сүйіп, оның жолында болғандар бағы зор өте тәлейлі адамдар, олардың бағы мәңгі жанулы. Ол сіздің әдеттегі айтып жүрген, «мен бағы зор тәлейлімін» дегеніңізге ұқсамайды, себебі бұныңыз өтіп кетеді, бітеді. Бірақ, пайғамбарымыз ﷺды сүйген адам шынында бағы зор тәлейлі адам, Алла Әззә уә-Жәллә ол адамға өз іззетімен жомарттығын сыйлады. Ол адам мәңгілік болған әдемілкпен қуаныш ішінде болады, шүкір-Алла. Алла ﷻ бізді пайғамбарымыз ﷺның жолына ермейтіндерден, оны сүймейтіндерден, оны құрметтемейтіндерден сақтағай.

Бұндай адамдар тіпті имандарын тастап, имансыз хәлде өлуі мүмкін, ал осы жолымызда жүргендер пайғамбарымыз ﷺның жолында жүргендер. Егер біреу осы жолды тастап, «мен мұсылманмын, бірақ оны-бұны құрметтеуім қажетсіз» десе, ол да манағылар сияқты болар. Міне осы адамдар жолдан адасқан, жолдарын жоғалытқан адамдар. Алла ﷻ мұсылман адамдарға ақыл және түсінік бергей, қазірге дейін осындай адамдар бар. Ал қазір мен олардың атын айтқым келмейді, жұрт оларға қатысты, «ол керемет ғұлама, ол бұндай, ол андай» дер, демек, осындай адамдарды құрмет тұтатын көптеген ақымақ мұсылмандар бар.

Себебі, олар пайғамбарымыз ﷺның жолын қабыл етпеді, олар, «біз бұны істей аламыз, біз исламды жаңалап, оған реформа жүргізе аламыз» дейді. Ал пайғамбарымыз ﷺды құрметтемейтін адамдар сөзсіз түрде осындай жаман біреулерге еріп кететін болады. Сондықтан, пайғамбарымыз ﷺды әр кезде, әр орайда құрметтеу, мәртебелеу, аса үлкен құлшылық амалы болмақ. Демек, ең ұлық құлшылық амалы дегеніміз сол, пайғамбарымыз ﷺның жолына ілесу, оны құрметтеу, оған мәртебе беру-дүр.

Айтып өткеніміздей, бұл ай рабиул-аууал айы, мәулит айы, ертедегі мұсылмандар оны көптеп өткізетін, көптеген нәрселерді істейтін, бірақ, қазір адамдардың ақылы алжасты да, шатасып кетті, сергелдеңдікке түсті. Бірақ сонда да, бағы бар адамдар пайғамбарымыз ﷺның жолына ілеседі, олар оның әрбір атомын, әрбір мысқалын құрметтейді, мәртебелейді, және оның шапағатын сұрайды. Ал мұсылман істеуге тиісті нәрсе міне осы, ал қалғандары, айтып өткеніміздей, бағы жоқ тәлейсіз адамдар, сормаңдай адамдар. Шайтан олармен ойнап, оларды құртты, олар шайтанның қолындағы қуыршақ болып қалды. Олар өздерін де, өзгелерді де зияндады. Алла ﷻ бізді олардың кесір-кесапатынан сақтағай.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: شايتانعا الدانعاندار ءماۋليتتى «شىرىك» دەيدى، جانە ونى وتكىزبەيدى (2026.08.20 / حيجري 1448-جىل 07-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) شۇكىر-اللا، ءبىز ءماۋليت ايىندا تۇرمىز، ول اي پايعامبارىمىز ﷺنىڭ بەرەكەلى قۇزىرەتى مىنا دۇنيەنى ادەمى ەتكەن اي، ال ءوسىبىر قۇتتى ايدى قۇتتىقتاۋ، ونىڭ اركۇنىنە قۋانۋ، ءمۇمين جاننىڭ اللا ﷻعا قىلعان سانسىز ماداقتارى بولماق. پايعامبارىمىز ﷺنىڭ ۇمبەتىنەن بولۋ اسا زور مارتەبە، ونىڭ ىستەگەن ءار نارسەسىن، اتقارعان ءار نارسەسىن، وعان قاتىستى بارلىعىن قۇرمەتتەۋ جانە ءسۇيۋ، ءبىز ءۇشىن زور بەرەكە. ول وسىنى ىستەي العاندار ءۇشىن زور ىززەت، زور بەرەكە-ءدۇر. ال ونى ىستەي الماعاندار باعى جوق تالەيسىز جانە باقىتسىز ادامدار. اللا ءاززا ءۋا-ءجاللا ولارعا بۇل نىعىمەتتى ءناسىپ ەتپەدى، ولار ودان قۇر قالدى، ال ولاردى ودان قۇر قالدىرعان شايتان ەدى.

شايتاننىڭ ەڭ ۇلكەن قاسيەتى توڭمويىندىق، ءىشتارلىق، كورە الماستىق، ءىشتارلىق دەگەن سول، ادامدارعا، «مەن پايعامباردى قۇرمەتتەمەيمىن، نەگە وزگەلەر ونى قۇرمەتتەيدى» دەپ ويلاتتىراتىن بارلىق تۇردەگى كورە الماۋشىلىقتار. ولار پايعامبارىمىز ﷺدى قۇرمەتتەيتىندەرگە، ونىڭ جولىنا ەرەتىندەرگە، ونىڭ سۇننەتىن ۇستاناتىندارعا ۇدايى دۇشپاندىق قىلادى. ولار، «بۇلار جامان ادامدار، ولار اللاعا سەرىك قوسىپ، شىرىك جاساۋدا، ولار اللاعا سەنبەيدى، پايعامبار ءبىز سياقتى ءجاي بىرەۋ، ەگەر ونى قۇرمەتتەسەڭ، شىرىك ىستەگەن بولاسىڭ، اللاعا سەرىك قوساسىڭ» دەپ ويلايدى. ال ولاردى وسىنداي جولمەن الداپ كەتكەن شايتان ەدى، ولار الداندى، جانە قۇرىدى، اللا ﷻ ءبىزدى پاناسىنا العاي.

ال پايعامبارىمىز ﷺدى ءسۇيىپ، ونىڭ جولىندا بولعاندار باعى زور وتە تالەيلى ادامدار، ولاردىڭ باعى ماڭگى جانۋلى. ول ءسىزدىڭ ادەتتەگى ايتىپ جۇرگەن، «مەن باعى زور تالەيلىمىن» دەگەنىڭىزگە ۇقسامايدى، سەبەبى بۇنىڭىز ءوتىپ كەتەدى، بىتەدى. ءبىراق، پايعامبارىمىز ﷺدى سۇيگەن ادام شىنىندا باعى زور تالەيلى ادام، اللا ءاززا ءۋا-ءجاللا ول ادامعا ءوز ىززەتىمەن جومارتتىعىن سىيلادى. ول ادام ماڭگىلىك بولعان ادەمىلكپەن قۋانىش ىشىندە بولادى، شۇكىر-اللا. اللا ﷻ ءبىزدى پايعامبارىمىز ﷺنىڭ جولىنا ەرمەيتىندەردەن، ونى سۇيمەيتىندەردەن، ونى قۇرمەتتەمەيتىندەردەن ساقتاعاي.

بۇنداي ادامدار ءتىپتى يماندارىن تاستاپ، يمانسىز حالدە ءولۋى مۇمكىن، ال وسى جولىمىزدا جۇرگەندەر پايعامبارىمىز ﷺنىڭ جولىندا جۇرگەندەر. ەگەر بىرەۋ وسى جولدى تاستاپ، «مەن مۇسىلمانمىن، ءبىراق ونى-بۇنى قۇرمەتتەۋىم قاجەتسىز» دەسە، ول دا ماناعىلار سياقتى بولار. مىنە وسى ادامدار جولدان اداسقان، جولدارىن جوعالىتقان ادامدار. اللا ﷻ مۇسىلمان ادامدارعا اقىل جانە تۇسىنىك بەرگەي، قازىرگە دەيىن وسىنداي ادامدار بار. ال ءقازىر مەن ولاردىڭ اتىن ايتقىم كەلمەيدى، جۇرت ولارعا قاتىستى، «ول كەرەمەت عۇلاما، ول بۇنداي، ول انداي» دەر، دەمەك، وسىنداي ادامداردى قۇرمەت تۇتاتىن كوپتەگەن اقىماق مۇسىلماندار بار.

سەبەبى، ولار پايعامبارىمىز ﷺنىڭ جولىن قابىل ەتپەدى، ولار، «ءبىز بۇنى ىستەي الامىز، ءبىز يسلامدى جاڭالاپ، وعان رەفورما جۇرگىزە الامىز» دەيدى. ال پايعامبارىمىز ﷺدى قۇرمەتتەمەيتىن ادامدار ءسوزسىز تۇردە وسىنداي جامان بىرەۋلەرگە ەرىپ كەتەتىن بولادى. سوندىقتان، پايعامبارىمىز ﷺدى ءار كەزدە، ءار ورايدا قۇرمەتتەۋ، مارتەبەلەۋ، اسا ۇلكەن قۇلشىلىق امالى بولماق. دەمەك، ەڭ ۇلىق قۇلشىلىق امالى دەگەنىمىز سول، پايعامبارىمىز ﷺنىڭ جولىنا ىلەسۋ، ونى قۇرمەتتەۋ، وعان مارتەبە بەرۋ-ءدۇر.

ايتىپ وتكەنىمىزدەي، بۇل اي رابيۋل-اۋۋال ايى، ءماۋليت ايى، ەرتەدەگى مۇسىلماندار ونى كوپتەپ وتكىزەتىن، كوپتەگەن نارسەلەردى ىستەيتىن، ءبىراق، ءقازىر ادامداردىڭ اقىلى الجاستى دا، شاتاسىپ كەتتى، سەرگەلدەڭدىككە ءتۇستى. ءبىراق سوندا دا، باعى بار ادامدار پايعامبارىمىز ﷺنىڭ جولىنا ىلەسەدى، ولار ونىڭ ءاربىر اتومىن، ءاربىر مىسقالىن قۇرمەتتەيدى، مارتەبەلەيدى، جانە ونىڭ شاپاعاتىن سۇرايدى. ال مۇسىلمان ىستەۋگە ءتيىستى نارسە مىنە وسى، ال قالعاندارى، ايتىپ وتكەنىمىزدەي، باعى جوق تالەيسىز ادامدار، سورماڭداي ادامدار. شايتان ولارمەن ويناپ، ولاردى قۇرتتى، ولار شايتاننىڭ قولىنداعى قۋىرشاق بولىپ قالدى. ولار وزدەرىن دە، وزگەلەردى دە زياندادى. اللا ﷻ ءبىزدى ولاردىڭ كەسىر-كەساپاتىنان ساقتاعاي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8917