Мазмұнды Көшіру

https://www.nvrislam.net/index.php?j=kz&post=8913
Сұхбат: Алла сізді кешіре алады, тек уақытында өкініп, тәубе етсеңіз болғаны (2026.08.16 / Хижри 1448-жыл 03-Рабиул-Аууал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Бисмиллахир рахманир рахим, «إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ», яғни, «расында, Алла барлық күнәларды кешіреді, расында, Ол - Кешірімді, Рахымды», садақаллахулғазим, құран 39інші сүре 53інші аят. Алла - Әл-Ғаффар, яғни, Ол - барлық күнәларды кешіруші. Құран әзиму-шәнның қасиетті аятында Алла Әззә уә-Жәллә, егер біреу өкіне тәубе етсе, Ол барлық күнәларды кешіретіндігін айтады, әрине, күнәсіз адам жоқ, күнәсіз пенде жоқ. Тек қана пайғамбарлар күнәсіз, олар күнә жасамайды, Алла Әззә уә-Жәлләның пайғамбарларға берген бір қасиеті сол, осы қателеспеушілік. Қателеспеу дегеніміз күнә істемеушілік-дүр, демек, Алла Әззә уә-Жәлләның қалауында пайғамбарлар ешқашан күнә істемейді.

Ал басқа адамдардың барлығында қателіктермен күнәлар болады, яғни, әр адам біліп-білмей күнә істер, егер біреу күнә істеп қойса, дереу өкіне тәубе етуі керек, опық жеуі керек. Егер сіз, «мен күнә істедім, енді не істермін, менікі жөн» деп, сылтау айтар болсаңыз, ол күнә сізбен бірге қалар, және ол кешірілмес. Сондықтан, ұдайы күнәларыңыз үшін Алладан кешірім сұрап, өкіне тәубе етіңіз, жүрегіңіздегі барша жаман нәрселерді кетіріп жіберуіңіз керек. Егер сіз қателік етсеңіз, оған қатып семіп алмаңыз, ал қатып сему, тоңмойындық ету күпірліктің белгісі. Демек, қателікпен күнәға қатып сему, тоңмойындық қылу, шайтанның ең үлкен қасиеті. Егер сіз осыны істесеңіз, ол күнәңыз қияметке дейін сізбен бірге болар, содан сіз өкінесіз, және оның жазасының азабын тартасыз.

Сондықтан, Алла Әззә уә-Жәллә, «өлуден бұрын тәубе ет» дейді, әркүні тәубе етіп, кешірім сұраңыз, себебі күнәнің жүгі өте ауыр. Біреулер күнә істегенде, олар бірдеңе тындырғандай ойлап, оның ауырлығын сезбейді. Алайда, ақиретте бұл күнәлар оның алдына таудай үлкен болып, үйілетін болады. Демек, егер біреу осы дүниеде күнәсінің сол жүгін көтеріп жүрсе, тәубе етпесе, оның ақыры өте жаман жерге бастап апарады. Ал осы тым сүркейлі жер тозақ оты деген атпен мәшхұр, Алла ﷻ бізді панасына алғай. Әрине, бұл күнәлар өзгелердің ұқығына қол салу, өзге ақысын жеу сияқтыларды да қамтиды. Ал егер біреу тағы басқа біреудің ұқығына қол салса, олар мүмкіндігінше оны төлеп, елдің ақысын өтеп кетуі керек.

Тіпті егер біреу өкініп, өзіне ақысы кеткен адамды іздесе, «мен бұл адамдарға қателік қылдым, мен оларды іздейін, олар мені кешірер» десе де, кейде бұл тым кеш болып кетеді, олар оны таба алмай қалады. Ал бұндайда олар не істеуі керек? олар өкіне тәубе етіп, «мен бұл адамдарға қателік істеп қойдым» десін, және мүмкіндік болса, амал болса, олардың кеткен ақысын төлесін. Егер оларды таба алмаса, олардан алған нәрсесін төте қайтара алмаса, онда оның орнына садақа берсін. Олар опық жегенін білдіруі керек, «менде ақысы кеткен және шығысуға үлгірмеген осыбір кісілердің ақысы менімен қалып қоймағай, және менің құлшылық амалдарым оларға жеткей» деп, айтуы керек.

Егер олар өкіне тәубе етсе, және оларды тауып кешірім сұрауды қаласа, онда оларға бағыштау ниетімен садақа берсін, және сан түрлі жақсы амалдар істесін, Алла қалауында, Алла ﷻ оларды кешіретін болады. Алайда, олар қателігіне қатып-семіп тұрып алса, тоңмойындық қылса, жағдайы келсе де, оларды тауып, олардан кешірім сұрау мүмкіндігі болса да, кешірім сұрамаса, олардың жағдайы тым қиын болар. Алла ﷻ бізді панасына алғай, біз ешкімнің ақысына қол сұққандардан болмайық, Алла ﷻ біздің күнәларімізді кешіре алады. Бұл жәйлы еш күмән болмасын, оған күмән ету иманымызды зияндайды. Себебі, Алла Әззә уә-Жәллә, «өкінгеннің тәубесін қабыл етуші Менмін» дейді. Егер сіз, «жоқ, Алла менің күнәмді кешірмейді» десеңіз, онда сіздің иманыңыз әлсіреп кететін болады. Алла ﷻ бізді панасына алғай.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: اللا ءسىزدى كەشىرە الادى، تەك ۋاقىتىندا وكىنىپ، تاۋبە ەتسەڭىز بولعانى (2026.08.16 / حيجري 1448-جىل 03-رابيۋل-اۋۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) بيسميللاحير راحمانير راحيم، «إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ»، ياعني، «راسىندا، اللا بارلىق كۇنالاردى كەشىرەدى، راسىندا، ول - كەشىرىمدى، راحىمدى»، ساداقاللاحۋلعازيم، قۇران 39ءىنشى سۇرە 53ءىنشى ايات. اللا - ءال-عاففار، ياعني، ول - بارلىق كۇنالاردى كەشىرۋشى. قۇران ءازيمۋ-ءشاننىڭ قاسيەتتى اياتىندا اللا ءاززا ءۋا-ءجاللا، ەگەر بىرەۋ وكىنە تاۋبە ەتسە، ول بارلىق كۇنالاردى كەشىرەتىندىگىن ايتادى، ارينە، كۇناسىز ادام جوق، كۇناسىز پەندە جوق. تەك قانا پايعامبارلار كۇناسىز، ولار كۇنا جاسامايدى، اللا ءاززا ءۋا-ءجاللانىڭ پايعامبارلارعا بەرگەن ءبىر قاسيەتى سول، وسى قاتەلەسپەۋشىلىك. قاتەلەسپەۋ دەگەنىمىز كۇنا ىستەمەۋشىلىك-ءدۇر، دەمەك، اللا ءاززا ءۋا-ءجاللانىڭ قالاۋىندا پايعامبارلار ەشقاشان كۇنا ىستەمەيدى.

ال باسقا ادامداردىڭ بارلىعىندا قاتەلىكتەرمەن كۇنالار بولادى، ياعني، ءار ادام ءبىلىپ-بىلمەي كۇنا ىستەر، ەگەر بىرەۋ كۇنا ىستەپ قويسا، دەرەۋ وكىنە تاۋبە ەتۋى كەرەك، وپىق جەۋى كەرەك. ەگەر ءسىز، «مەن كۇنا ىستەدىم، ەندى نە ىستەرمىن، مەنىكى ءجون» دەپ، سىلتاۋ ايتار بولساڭىز، ول كۇنا سىزبەن بىرگە قالار، جانە ول كەشىرىلمەس. سوندىقتان، ۇدايى كۇنالارىڭىز ءۇشىن اللادان كەشىرىم سۇراپ، وكىنە تاۋبە ەتىڭىز، جۇرەگىڭىزدەگى بارشا جامان نارسەلەردى كەتىرىپ جىبەرۋىڭىز كەرەك. ەگەر ءسىز قاتەلىك ەتسەڭىز، وعان قاتىپ سەمىپ الماڭىز، ال قاتىپ سەمۋ، توڭمويىندىق ەتۋ كۇپىرلىكتىڭ بەلگىسى. دەمەك، قاتەلىكپەن كۇناعا قاتىپ سەمۋ، توڭمويىندىق قىلۋ، شايتاننىڭ ەڭ ۇلكەن قاسيەتى. ەگەر ءسىز وسىنى ىستەسەڭىز، ول كۇناڭىز قيامەتكە دەيىن سىزبەن بىرگە بولار، سودان ءسىز وكىنەسىز، جانە ونىڭ جازاسىنىڭ ازابىن تارتاسىز.

سوندىقتان، اللا ءاززا ءۋا-ءجاللا، «ولۋدەن بۇرىن تاۋبە ەت» دەيدى، اركۇنى تاۋبە ەتىپ، كەشىرىم سۇراڭىز، سەبەبى كۇنانىڭ جۇگى وتە اۋىر. بىرەۋلەر كۇنا ىستەگەندە، ولار بىردەڭە تىندىرعانداي ويلاپ، ونىڭ اۋىرلىعىن سەزبەيدى. الايدا، اقيرەتتە بۇل كۇنالار ونىڭ الدىنا تاۋداي ۇلكەن بولىپ، ۇيىلەتىن بولادى. دەمەك، ەگەر بىرەۋ وسى دۇنيەدە كۇناسىنىڭ سول جۇگىن كوتەرىپ جۇرسە، تاۋبە ەتپەسە، ونىڭ اقىرى وتە جامان جەرگە باستاپ اپارادى. ال وسى تىم سۇركەيلى جەر توزاق وتى دەگەن اتپەن ءماشحۇر، اللا ﷻ ءبىزدى پاناسىنا العاي. ارينە، بۇل كۇنالار وزگەلەردىڭ ۇقىعىنا قول سالۋ، وزگە اقىسىن جەۋ سياقتىلاردى دا قامتيدى. ال ەگەر بىرەۋ تاعى باسقا بىرەۋدىڭ ۇقىعىنا قول سالسا، ولار مۇمكىندىگىنشە ونى تولەپ، ەلدىڭ اقىسىن وتەپ كەتۋى كەرەك.

ءتىپتى ەگەر بىرەۋ وكىنىپ، وزىنە اقىسى كەتكەن ادامدى ىزدەسە، «مەن بۇل ادامدارعا قاتەلىك قىلدىم، مەن ولاردى ىزدەيىن، ولار مەنى كەشىرەر» دەسە دە، كەيدە بۇل تىم كەش بولىپ كەتەدى، ولار ونى تابا الماي قالادى. ال بۇندايدا ولار نە ىستەۋى كەرەك؟ ولار وكىنە تاۋبە ەتىپ، «مەن بۇل ادامدارعا قاتەلىك ىستەپ قويدىم» دەسىن، جانە مۇمكىندىك بولسا، امال بولسا، ولاردىڭ كەتكەن اقىسىن تولەسىن. ەگەر ولاردى تابا الماسا، ولاردان العان نارسەسىن توتە قايتارا الماسا، وندا ونىڭ ورنىنا ساداقا بەرسىن. ولار وپىق جەگەنىن ءبىلدىرۋى كەرەك، «مەندە اقىسى كەتكەن جانە شىعىسۋعا ۇلگىرمەگەن ءوسىبىر كىسىلەردىڭ اقىسى مەنىمەن قالىپ قويماعاي، جانە مەنىڭ قۇلشىلىق امالدارىم ولارعا جەتكەي» دەپ، ايتۋى كەرەك.

ەگەر ولار وكىنە تاۋبە ەتسە، جانە ولاردى تاۋىپ كەشىرىم سۇراۋدى قالاسا، وندا ولارعا باعىشتاۋ نيەتىمەن ساداقا بەرسىن، جانە سان ءتۇرلى جاقسى امالدار ىستەسىن، اللا قالاۋىندا، اللا ﷻ ولاردى كەشىرەتىن بولادى. الايدا، ولار قاتەلىگىنە قاتىپ-سەمىپ تۇرىپ السا، توڭمويىندىق قىلسا، جاعدايى كەلسە دە، ولاردى تاۋىپ، ولاردان كەشىرىم سۇراۋ مۇمكىندىگى بولسا دا، كەشىرىم سۇراماسا، ولاردىڭ جاعدايى تىم قيىن بولار. اللا ﷻ ءبىزدى پاناسىنا العاي، ءبىز ەشكىمنىڭ اقىسىنا قول سۇققانداردان بولمايىق، اللا ﷻ ءبىزدىڭ كۇنالارىمىزدى كەشىرە الادى. بۇل ءجايلى ەش كۇمان بولماسىن، وعان كۇمان ەتۋ يمانىمىزدى زياندايدى. سەبەبى، اللا ءاززا ءۋا-ءجاللا، «وكىنگەننىڭ تاۋبەسىن قابىل ەتۋشى مەنمىن» دەيدى. ەگەر ءسىز، «جوق، اللا مەنىڭ كۇنامدى كەشىرمەيدى» دەسەڭىز، وندا ءسىزدىڭ يمانىڭىز السىرەپ كەتەتىن بولادى. اللا ﷻ ءبىزدى پاناسىنا العاي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8913