Сұхбат: шайтанды ешқашан тәрбиелей алмайсың, бірақ өз нәпсіңді тәрбиелеуге болады (2026.08.02 / Хижри 1448-жыл 19-Сафар)
https://www.nvrislam.net/index.php?j=kz&post=8895
Сұхбат: шайтанды ешқашан тәрбиелей алмайсың, бірақ өз нәпсіңді тәрбиелеуге болады (2026.08.02 / Хижри 1448-жыл 19-Сафар)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.
(Akbaba Dergah, Istanbul, Turkiye, 2026) Жиналысымыз берекелі болғай, бұл - бір берекелі жамағат, біз бұнда Алла махаббаты үшін, Алла ризалығы үшін бірге болудамыз, Оның ризалығы біздің үстімізде. Бұл жиындар - білім жиындары, ал кім кеңес іздесе, осы жерден сол кеңесін табар, және бұл кеңестер тек Алла ﷻ ризалығы үшін берілер. Пайғамбарымыз, «الدين النصيحة», «әд-дину нәсих», яғни, «дін деген нәсихат» дейді, демек, дін дегеніміз шыншыл кеңес-дүр, ол тура жолды көрсетіп, не жақсы болса, соған нұсқайды. Сондықтан, осындай жиындарға қатысып, білім алуға құлшыну бір парыз, ол әрбір мұсылман үшін міндет, демек, тал бесіктен көр төсекке дейін білім іздену біздің міндетіміз.
Мейлі, біреу білім шеңберіне қатыссын, немесе өзгелердің кеңесін қабыл етсін, барлығы оны білім қуған шәкірт етер, ал білім қуған шәкірт болу бір зор іззет. Сол үшін адам дұрыс ниет ете білуі керек, себебі, ниет дұрыс болмаса, ештеңе болмас, ал біздің ниетіміз Алла ﷻдың ризалығы үшін жақсы нәрселерді, және дінімізді үйрену болуы керек. Пайғамбарымыз ﷺды сүю, сахабаларды сүю, оның әулетін сүю болсын, бұның барлығы да білім. Жаман және харам нәрселерді танып, парықтай білу де білімнің бөлшектері болып табылады. Ал біз бар мүмкіндігінше жақсы кеңесті қабыл етуіміз керек, әдетте, таза кеңес ұдайы Алла ризалығы үшін берілер.
Бірақ, көптеген адамдар бірдеңеге нұсқалғанын, я кеңес етілгенін ұнатпас, не үшін бұлай? себебі, адам нәпсісі әсірсе ескертуді және жақсы нәрсені ұнатпайды. Нәпсі жуасытылмаған, егер ол тәрбиеленбесе, ол ұдайы жақсы кеңестен қашады, мейлі, оған не айтсаңыз да, ол оған қарсы тұрар. Бірақ адам нәпсісін тәрбиелеуге болады, оны тәрбиелеп жуасыту мүмкін іс. Ал шайтанды ешқашан тәрбиелеуге келмейді, бірақ нәпсіні бүкілдей тәрбиелеуге келеді. Шайтан, нәпсі, дүниелік қалау, және хауа-әуестер әрбір адам баласында жұмыс істейді, ал адам олардың әсерінде қалмауы керек. Бұнда шайтан бізге жаман нәрселерді сыбырлап, ойымызға салады, бірақ біз оны ешқашан естімеуіміз керек. Ал біреу бар күшін салса да, ешқашан шайтанды тәрбиелей алмайды.
Алайда, адам өз нәпсісін тәрбиелей алады, сонда бұл қалай іске асар? бұнда жаман нәрселерден аулақ болу арқылы нәпсіні біртіндеп тәрбиелеуге болады. Бірақ, тәрбиеленген күнде де, нәпсі орайды күтіп, өтірікке салынады, сондықтан, адам ұдайы қорғаныста, сақтықта болуы керек. Себебі, нәпсі қайта бас көтеріп, қарсылық істеп көреді, жаман істерді істемекші болады. Егер біреу өзін қауіпсіз сезінудей жалған сезімге беріліп, «менің нәпсім қазір жеңілді» десе, оның нәпсісі оны лезде алып ұратын болады. Алла ﷻ бізді бұдан сақтағай, және барлығымызға ақыл-кеңес қабыл етуді нәсіп еткей, иншалла. Иншалла, Алла Әззә уә-Жәллә бізді осы жолда баянды еткей, және өзгелердің хидаятқа келуіне үлес қосуымызды нәсіп еткей.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: شايتاندى ەشقاشان تاربيەلەي المايسىڭ، ءبىراق ءوز ءناپسىڭدى تاربيەلەۋگە بولادى (2026.08.02 / حيجري 1448-جىل 19-سافار)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.
(Akbaba Dergah، Istanbul، Turkiye، 2026) جينالىسىمىز بەرەكەلى بولعاي، بۇل - ءبىر بەرەكەلى جاماعات، ءبىز بۇندا اللا ماحابباتى ءۇشىن، اللا ريزالىعى ءۇشىن بىرگە بولۋدامىز، ونىڭ ريزالىعى ءبىزدىڭ ۇستىمىزدە. بۇل جيىندار - ءبىلىم جيىندارى، ال كىم كەڭەس ىزدەسە، وسى جەردەن سول كەڭەسىن تابار، جانە بۇل كەڭەستەر تەك اللا ﷻ ريزالىعى ءۇشىن بەرىلەر. پايعامبارىمىز، «الدين النصيحة»، «ءاد-دينۋ ءناسيح»، ياعني، «ءدىن دەگەن ءناسيحات» دەيدى، دەمەك، ءدىن دەگەنىمىز شىنشىل كەڭەس-ءدۇر، ول تۋرا جولدى كورسەتىپ، نە جاقسى بولسا، سوعان نۇسقايدى. سوندىقتان، وسىنداي جيىندارعا قاتىسىپ، ءبىلىم الۋعا قۇلشىنۋ ءبىر پارىز، ول ءاربىر مۇسىلمان ءۇشىن مىندەت، دەمەك، تال بەسىكتەن كور توسەككە دەيىن ءبىلىم ىزدەنۋ ءبىزدىڭ مىندەتىمىز.
مەيلى، بىرەۋ ءبىلىم شەڭبەرىنە قاتىسسىن، نەمەسە وزگەلەردىڭ كەڭەسىن قابىل ەتسىن، بارلىعى ونى ءبىلىم قۋعان شاكىرت ەتەر، ال ءبىلىم قۋعان شاكىرت بولۋ ءبىر زور ىززەت. سول ءۇشىن ادام دۇرىس نيەت ەتە ءبىلۋى كەرەك، سەبەبى، نيەت دۇرىس بولماسا، ەشتەڭە بولماس، ال ءبىزدىڭ نيەتىمىز اللا ﷻدىڭ ريزالىعى ءۇشىن جاقسى نارسەلەردى، جانە ءدىنىمىزدى ۇيرەنۋ بولۋى كەرەك. پايعامبارىمىز ﷺدى ءسۇيۋ، ساحابالاردى ءسۇيۋ، ونىڭ اۋلەتىن ءسۇيۋ بولسىن، بۇنىڭ بارلىعى دا ءبىلىم. جامان جانە حارام نارسەلەردى تانىپ، پارىقتاي ءبىلۋ دە ءبىلىمنىڭ بولشەكتەرى بولىپ تابىلادى. ال ءبىز بار مۇمكىندىگىنشە جاقسى كەڭەستى قابىل ەتۋىمىز كەرەك، ادەتتە، تازا كەڭەس ۇدايى اللا ريزالىعى ءۇشىن بەرىلەر.
ءبىراق، كوپتەگەن ادامدار بىردەڭەگە نۇسقالعانىن، يا كەڭەس ەتىلگەنىن ۇناتپاس، نە ءۇشىن بۇلاي؟ سەبەبى، ادام ءناپسىسى اسىرسە ەسكەرتۋدى جانە جاقسى نارسەنى ۇناتپايدى. ءناپسى جۋاسىتىلماعان، ەگەر ول تاربيەلەنبەسە، ول ۇدايى جاقسى كەڭەستەن قاشادى، مەيلى، وعان نە ايتساڭىز دا، ول وعان قارسى تۇرار. ءبىراق ادام ءناپسىسىن تاربيەلەۋگە بولادى، ونى تاربيەلەپ جۋاسىتۋ مۇمكىن ءىس. ال شايتاندى ەشقاشان تاربيەلەۋگە كەلمەيدى، ءبىراق ءناپسىنى بۇكىلدەي تاربيەلەۋگە كەلەدى. شايتان، ءناپسى، دۇنيەلىك قالاۋ، جانە حاۋا-اۋەستەر ءاربىر ادام بالاسىندا جۇمىس ىستەيدى، ال ادام ولاردىڭ اسەرىندە قالماۋى كەرەك. بۇندا شايتان بىزگە جامان نارسەلەردى سىبىرلاپ، ويىمىزعا سالادى، ءبىراق ءبىز ونى ەشقاشان ەستىمەۋىمىز كەرەك. ال بىرەۋ بار كۇشىن سالسا دا، ەشقاشان شايتاندى تاربيەلەي المايدى.
الايدا، ادام ءوز ءناپسىسىن تاربيەلەي الادى، سوندا بۇل قالاي ىسكە اسار؟ بۇندا جامان نارسەلەردەن اۋلاق بولۋ ارقىلى ءناپسىنى بىرتىندەپ تاربيەلەۋگە بولادى. ءبىراق، تاربيەلەنگەن كۇندە دە، ءناپسى ورايدى كۇتىپ، وتىرىككە سالىنادى، سوندىقتان، ادام ۇدايى قورعانىستا، ساقتىقتا بولۋى كەرەك. سەبەبى، ءناپسى قايتا باس كوتەرىپ، قارسىلىق ىستەپ كورەدى، جامان ىستەردى ىستەمەكشى بولادى. ەگەر بىرەۋ ءوزىن ءقاۋىپسىز سەزىنۋدەي جالعان سەزىمگە بەرىلىپ، «مەنىڭ ءناپسىم ءقازىر جەڭىلدى» دەسە، ونىڭ ءناپسىسى ونى لەزدە الىپ ۇراتىن بولادى. اللا ﷻ ءبىزدى بۇدان ساقتاعاي، جانە بارلىعىمىزعا اقىل-كەڭەس قابىل ەتۋدى ءناسىپ ەتكەي، ينشاللا. ينشاللا، اللا ءاززا ءۋا-ءجاللا ءبىزدى وسى جولدا باياندى ەتكەي، جانە وزگەلەردىڭ حيداياتقا كەلۋىنە ۇلەس قوسۋىمىزدى ءناسىپ ەتكەي.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8895