Мазмұнды Көшіру

https://www.nvrislam.net/index.php?j=kz&post=8853
Сұхбат: Алланың қасиетті белгілерін құрметтеу имандылықтан (2026.06.23 / Хижри 1448-жыл 08-Мұхаррам)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Akbaba Dergah, Istanbul, Turkiye, 2026) Бисмиллахир рахманир рахим, «وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ», яғни, «және кім алланың белгілерін құрметтесе, ол жүректің тақуалығынан», құран 22інші сүре 32інші аят. Алла қастерлеп, ұлықтаған нәрселерге құрмет көрсеткен адам тақуа адам, және ол Алланың сүйікті құлдарының бірі болады. Ал Алла ﷻ не нәрселерді абыройлы етті? бірінші, және ең алдымен пайғамбарымыз ﷺды, және оның сахабаларын абыройлы етті, Алла оларды әлемдегі ең ұлықтардан етті, одан соң қасиетті күндер, қасиетті жерлер, және өтелеуге тиісті жақсы амалдар қастерлі етілді. Міне осылардың барлығы құрметтеліп, мәртебеленетін нәрселер, уақыттың да арнайы құлшылық өтелетін, мұстахап, және сүннет кездері де бар. Ал оларды шама келгенше орындау әр мұсылманға, әр адамға зор игілік алып келеді.

Хадисте пайғамбарымыз ﷺ осы күндер жәйлы айтқан, мәселен ол, «кім мұхаррамның алғашқы он күні ораза ұстаса, фердауыс жәннәттағы ең биік дәрежелерге жетер» дейді. Сондықтан, осы күндерді құрметтеу біздің өз пайдамыз үшін болмақ, шүкір-Алла, қазір біздің елімізде көптеген адамдар осы күндерді біледі, және құрметтейді. Бірақ, кейбір жерлерде оны басқа ұқсамаған нәрсе сияқты көреді, олар, «сен басқа ағым-сектадансыңба, ол немене» деп сұрау арқылы ел-жұртты алжастырады. Алайда, сүннеті тірілдіру, сүннетке еру, пайғамбарымыз ﷺ көрсеткен жолға бекем болу адамдар істейтін ең жоғары дәрежелі құлшылықтар болмақ. Адамдар шамасы келгенше осы істерді істеуі керек, ал Алла ﷻ істей алмағандарды кешіргей.

Басқа жерлерде осы нәрселерді қисайтып, қыңыр етіп, басқа ұқсамаған бағыттармен көрсетеді, сондықтан, бұны істесеңіз, ондағы адамдар сізге бір түрлі көзбен қарайды, «мына адам шиғама, ол немене, олар неге бұндай нәрселерді істер» деп сұрайды. Алайда, пайғамбарымыздың сүннетін орындау Алла Әззә уә-Жәлләдан бір әмір, міне осыған ілесу Алланың сүйіктісі болуда аса маңызды келеді. Алла Әззә уә-Жәллә құран әзиму-шәнда, «قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ», яғни, «егер Алланы сүйсең, онда маған ер, сонда Алла сені сүйер» дейді, құран 3інші сүре 31інші аят. Ал егер пайғамбарымызға бойұсынбасаң, оның істегенін істемесең, өз ойың бойынша іс қылсаң, онда Алла сені өзі сүймейтін құлдарынан етіп қояды. Алла бізді панасына алғай.

Содан соң, мейлі қанша намаз оқы, қанша құлшылық қыл, нені істегің келсе, соны істе, олардан саған еш пайда келмейтін болады. Ал, шүкір-Алла, пайғамбарымыз ﷺ ашура күні жәйлы айта келіп, «біз бір күн ораза ұстамаймыз, себебі, еврейлер бір күн ораза ұстаған, ал оларға кері түрде, сендер мұхаррамның 9інші және 10інші күндері, немесе 10інші және 11інші күндері, немесе 9, 10, 11інші күндері ораза ұстаңдар» дейді. Кім қаласа, олардың барлығын ұстауына болады, және бұнда мұхаррамның 10інші күні, яғни ашура күнінде оқылатын 4 ракат намаз бар. Ең жақсысы оны екінті намазынан бұрын оқып болу керек, себебі ақшам намаз кіргенде мұхаррамның 11інші күні басталып кетеді де, ашура күні өтіп кетеді. Сіз бұл 4 ракат намазды таңертеңнен екінті намаз аралығында орындап болыңыз, онда әр ракатта 11 ықылас сүресі оқылады, одан соң дұға жасалады.

Сонымен бірге, пайғамбарымыз ﷺ сол күні толық шомылып, ғұсыл алуға кеңес береді, осы арқылы адам денсаулығын қайта жақсартып, бір жыл бойы сау-саламат жүруіне болады. Бұл өте маңызды, себебі қазіргі кезде білінген және білінбеген көптеген ауру-кеселдер бар, Алла ﷻ бізді панасына алғай. Ал ғұсыл осы түгел бір жылды жақсы денсаулықпен өткізу ниет етумен алынады, адамдар оны осы ниетпен істесін, сонда олар жақсы денсаулық және сау-саламаттық ішінде болар. Сондықтан да, біз пайғамбарымыз ﷺның құтты сөздерін орындап жатырмыз. Содан, адамдар садақа беруі керек, үйлеріне керекті риздықтарды сатып алсын, және отбасына жақсы іспен, мейіріммен мәміле жасасын.

Егер мүмкін болса, олар көздеріне кохл яғни сүрме жақсын, ол сөзсіз қара сүрме болуы шарт емес, басқа жақсы нәрселер де бола береді, міне осылар осы күнде істелінуге тиісті жақсы амалдар. Әрине, ораза ұстау да аса маңызды, оны мұхаррамның 9інші және 10інші, немесе, 10інші және 11інші күні ұстау пайғамбарымыз жағынан кеңес етілген. Пайғамбарымыз ﷺ, «егер мен келер жылы тірі болсам, оны ұстар едім» дейді, расында, исламның ертедегі жылдарында ораза рамазан айында емес, мұхаррам айында ұсталынатын еді, кейін ол рамазанға өзгертілді. Ал осыбір құтты күндерді құлшылықпен, намазбен өткізу расында біздің игілігіміз үшін-дүр. Алла ﷻ осыбір күндермен түндерді құтты еткей. Ал біз иншалла, шамамыз келгенше Алланың ұлықтағандарын ұлықтайық, және бұл бізге нәсіп болғай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: اللانىڭ قاسيەتتى بەلگىلەرىن قۇرمەتتەۋ يماندىلىقتان (2026.06.23 / حيجري 1448-جىل 08-مۇحاررام)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Akbaba Dergah، Istanbul، Turkiye، 2026) بيسميللاحير راحمانير راحيم، «وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ»، ياعني، «جانە كىم اللانىڭ بەلگىلەرىن قۇرمەتتەسە، ول جۇرەكتىڭ تاقۋالىعىنان»، قۇران 22ءىنشى سۇرە 32ءىنشى ايات. اللا قاستەرلەپ، ۇلىقتاعان نارسەلەرگە قۇرمەت كورسەتكەن ادام تاقۋا ادام، جانە ول اللانىڭ سۇيىكتى قۇلدارىنىڭ ءبىرى بولادى. ال اللا ﷻ نە نارسەلەردى ابىرويلى ەتتى؟ ءبىرىنشى، جانە ەڭ الدىمەن پايعامبارىمىز ﷺدى، جانە ونىڭ ساحابالارىن ابىرويلى ەتتى، اللا ولاردى الەمدەگى ەڭ ۇلىقتاردان ەتتى، ودان سوڭ قاسيەتتى كۇندەر، قاسيەتتى جەرلەر، جانە وتەلەۋگە ءتيىستى جاقسى امالدار قاستەرلى ەتىلدى. مىنە وسىلاردىڭ بارلىعى قۇرمەتتەلىپ، مارتەبەلەنەتىن نارسەلەر، ۋاقىتتىڭ دا ارنايى قۇلشىلىق وتەلەتىن، مۇستاحاپ، جانە سۇننەت كەزدەرى دە بار. ال ولاردى شاما كەلگەنشە ورىنداۋ ءار مۇسىلمانعا، ءار ادامعا زور يگىلىك الىپ كەلەدى.

حاديستە پايعامبارىمىز ﷺ وسى كۇندەر ءجايلى ايتقان، ماسەلەن ول، «كىم مۇحاررامنىڭ العاشقى ون كۇنى ورازا ۇستاسا، فەرداۋىس ءجانناتتاعى ەڭ بيىك دارەجەلەرگە جەتەر» دەيدى. سوندىقتان، وسى كۇندەردى قۇرمەتتەۋ ءبىزدىڭ ءوز پايدامىز ءۇشىن بولماق، شۇكىر-اللا، ءقازىر ءبىزدىڭ ەلىمىزدە كوپتەگەن ادامدار وسى كۇندەردى بىلەدى، جانە قۇرمەتتەيدى. ءبىراق، كەيبىر جەرلەردە ونى باسقا ۇقساماعان نارسە سياقتى كورەدى، ولار، «سەن باسقا اعىم-سەكتادانسىڭبا، ول نەمەنە» دەپ سۇراۋ ارقىلى ەل-جۇرتتى الجاستىرادى. الايدا، سۇننەتى ءتىرىلدىرۋ، سۇننەتكە ەرۋ، پايعامبارىمىز ﷺ كورسەتكەن جولعا بەكەم بولۋ ادامدار ىستەيتىن ەڭ جوعارى دارەجەلى قۇلشىلىقتار بولماق. ادامدار شاماسى كەلگەنشە وسى ىستەردى ىستەۋى كەرەك، ال اللا ﷻ ىستەي الماعانداردى كەشىرگەي.

باسقا جەرلەردە وسى نارسەلەردى قيسايتىپ، قىڭىر ەتىپ، باسقا ۇقساماعان باعىتتارمەن كورسەتەدى، سوندىقتان، بۇنى ىستەسەڭىز، ونداعى ادامدار سىزگە ءبىر ءتۇرلى كوزبەن قارايدى، «مىنا ادام شيعاما، ول نەمەنە، ولار نەگە بۇنداي نارسەلەردى ىستەر» دەپ سۇرايدى. الايدا، پايعامبارىمىزدىڭ سۇننەتىن ورىنداۋ اللا ءاززا ءۋا-ءجاللادان ءبىر ءامىر، مىنە وسىعان ىلەسۋ اللانىڭ سۇيىكتىسى بولۋدا اسا ماڭىزدى كەلەدى. اللا ءاززا ءۋا-ءجاللا قۇران ءازيمۋ-ءشاندا، «قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ»، ياعني، «ەگەر اللانى سۇيسەڭ، وندا ماعان ەر، سوندا اللا سەنى سۇيەر» دەيدى، قۇران 3ءىنشى سۇرە 31ءىنشى ايات. ال ەگەر پايعامبارىمىزعا بويۇسىنباساڭ، ونىڭ ىستەگەنىن ىستەمەسەڭ، ءوز ويىڭ بويىنشا ءىس قىلساڭ، وندا اللا سەنى ءوزى سۇيمەيتىن قۇلدارىنان ەتىپ قويادى. اللا ءبىزدى پاناسىنا العاي.

سودان سوڭ، مەيلى قانشا ناماز وقى، قانشا قۇلشىلىق قىل، نەنى ىستەگىڭ كەلسە، سونى ىستە، ولاردان ساعان ەش پايدا كەلمەيتىن بولادى. ال، شۇكىر-اللا، پايعامبارىمىز ﷺ اشۋرا كۇنى ءجايلى ايتا كەلىپ، «ءبىز ءبىر كۇن ورازا ۇستامايمىز، سەبەبى، ەۆرەيلەر ءبىر كۇن ورازا ۇستاعان، ال ولارعا كەرى تۇردە، سەندەر مۇحاررامنىڭ 9ءىنشى جانە 10ءىنشى كۇندەرى، نەمەسە 10ءىنشى جانە 11ءىنشى كۇندەرى، نەمەسە 9، 10، 11ءىنشى كۇندەرى ورازا ۇستاڭدار» دەيدى. كىم قالاسا، ولاردىڭ بارلىعىن ۇستاۋىنا بولادى، جانە بۇندا مۇحاررامنىڭ 10ءىنشى كۇنى، ياعني اشۋرا كۇنىندە وقىلاتىن 4 راكات ناماز بار. ەڭ جاقسىسى ونى ەكىنتى نامازىنان بۇرىن وقىپ بولۋ كەرەك، سەبەبى اقشام ناماز كىرگەندە مۇحاررامنىڭ 11ءىنشى كۇنى باستالىپ كەتەدى دە، اشۋرا كۇنى ءوتىپ كەتەدى. ءسىز بۇل 4 راكات نامازدى تاڭەرتەڭنەن ەكىنتى ناماز ارالىعىندا ورىنداپ بولىڭىز، وندا ءار راكاتتا 11 ىقىلاس سۇرەسى وقىلادى، ودان سوڭ دۇعا جاسالادى.

سونىمەن بىرگە، پايعامبارىمىز ﷺ سول كۇنى تولىق شومىلىپ، عۇسىل الۋعا كەڭەس بەرەدى، وسى ارقىلى ادام دەنساۋلىعىن قايتا جاقسارتىپ، ءبىر جىل بويى ساۋ-سالامات جۇرۋىنە بولادى. بۇل وتە ماڭىزدى، سەبەبى قازىرگى كەزدە بىلىنگەن جانە بىلىنبەگەن كوپتەگەن اۋرۋ-كەسەلدەر بار، اللا ﷻ ءبىزدى پاناسىنا العاي. ال عۇسىل وسى تۇگەل ءبىر جىلدى جاقسى دەنساۋلىقپەن وتكىزۋ نيەت ەتۋمەن الىنادى، ادامدار ونى وسى نيەتپەن ىستەسىن، سوندا ولار جاقسى دەنساۋلىق جانە ساۋ-سالاماتتىق ىشىندە بولار. سوندىقتان دا، ءبىز پايعامبارىمىز ﷺنىڭ قۇتتى سوزدەرىن ورىنداپ جاتىرمىز. سودان، ادامدار ساداقا بەرۋى كەرەك، ۇيلەرىنە كەرەكتى ريزدىقتاردى ساتىپ السىن، جانە وتباسىنا جاقسى ىسپەن، مەيىرىممەن مامىلە جاساسىن.

ەگەر مۇمكىن بولسا، ولار كوزدەرىنە كوحل ياعني سۇرمە جاقسىن، ول ءسوزسىز قارا سۇرمە بولۋى شارت ەمەس، باسقا جاقسى نارسەلەر دە بولا بەرەدى، مىنە وسىلار وسى كۇندە ىستەلىنۋگە ءتيىستى جاقسى امالدار. ارينە، ورازا ۇستاۋ دا اسا ماڭىزدى، ونى مۇحاررامنىڭ 9ءىنشى جانە 10ءىنشى، نەمەسە، 10ءىنشى جانە 11ءىنشى كۇنى ۇستاۋ پايعامبارىمىز جاعىنان كەڭەس ەتىلگەن. پايعامبارىمىز ﷺ، «ەگەر مەن كەلەر جىلى ءتىرى بولسام، ونى ۇستار ەدىم» دەيدى، راسىندا، يسلامنىڭ ەرتەدەگى جىلدارىندا ورازا رامازان ايىندا ەمەس، مۇحاررام ايىندا ۇستالىناتىن ەدى، كەيىن ول رامازانعا وزگەرتىلدى. ال ءوسىبىر قۇتتى كۇندەردى قۇلشىلىقپەن، نامازبەن وتكىزۋ راسىندا ءبىزدىڭ يگىلىگىمىز ءۇشىن-ءدۇر. اللا ﷻ ءوسىبىر كۇندەرمەن تۇندەردى قۇتتى ەتكەي. ال ءبىز ينشاللا، شامامىز كەلگەنشە اللانىڭ ۇلىقتاعاندارىن ۇلىقتايىق، جانە بۇل بىزگە ءناسىپ بولعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8853