Сұхбат: бос жүрме, еңбектен, бос жүрген адамға шайтан үйір болады (2026.06.21 / Хижри 1448-жыл 06-Мұхаррам)
https://www.nvrislam.net/index.php?j=kz&post=8851
Сұхбат: бос жүрме, еңбектен, бос жүрген адамға шайтан үйір болады (2026.06.21 / Хижри 1448-жыл 06-Мұхаррам)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.
(Akbaba Dergah, Istanbul, Turkiye, 2026) Бисмиллахир рахманир рахим, «وَقُلِ اعْمَلُوا فَسَيَرَى اللَّهُ عَمَلَكُمْ», яғни, «және, істеңдер, Алла істеріңді көрер деп айт», құран 9інші сүре 105інші аят, садақаллахулғазим. Алла Әззә уә-Жәллә бұнда, «бос жүрмеңдер» дейді, Алла ﷻ сіздің ісіңізді көреді, ал жалқаулық ұнатылған қасиет емес. Пайғамбарлар, әулие-машайықтар, сахабалар тынбастан қызмет өтеген, яғни, олар тынбастан ел-жұртқа, мұсылмандарға қызмет қылды. Олар осылай жанбағыс қылған, және исламға қызмет өтеген, сондықтан, бұнда жалқаулыққа, еріншектікке орын жоқ, жалқаулық олардың тәбиғатында болмаған. Пайғамбарлардың, сахабалардың, әулиелердің жұмысы үздіксіз-дүр, олар өмір бойы қызмет өтей алғанынша өтеп кеткен, олар тіпті қайтыс болып кеткен соң да ел-жұртқа пайдалы болуды қалаған.
Бұнда көптеген үлгілі адамдар, көптеген ғұламалар өтті, ертеде адамдар көп болса, 40 я 50 жас өмір сүретін, және олардың өтеген қызметтері осы 40-50 жыл қысқа өмірлерінде істелінген, ал әдеттегі адамдар оны 200 жылда да бітіре алмайды. Сонда бұл қалай болмақ? Алла Әззә уә-Жәллә оларға керемет беріп, адамдарға өтелетін қызметті олар арқылы өтетін етіп қойған. Сол үшін, жалқаулық олардың тәбиғаты емес, ал жалқау адам өзіне де, өзгеге де пайда бере алмас. Адам бос болып, ештеңе істемей отырса, оған шайтан онан арман соққы жасап, тиісетін болады. Шайтан қулық қылып, оған, «сен не істейсің, оны істе, бұны істе» деп, оған күнә істеткізеді. Ал егер адам жұмыс істесе, ең кемінде шайтанның оны айналып, арбауына орай болмайды.
Сондықтан, басқа аятта, «فَإِذَا فَرَغْتَ فَانصَبْ وَإِلَىٰ رَبِّكَ فَارْغَب», яғни, «сондықтан ісіңді бітірген соң, Алланың құлшылығына тұр, және шақыруларыңды Раббыңа бұр» делінер, құран 94інші сүре 7-8інші аяттар. Демек, жұмысыңызды бітіріп болған соң, дереу басқасын бастаңыз, оның мағынасы сол, құлшылықта немесе дүниелік ісіңде болсын, осыны істе демекілік-дүр. Мейлі қайсысы болсын, олардың барлығы Алла үшін істелінсе, олар сізге сауап ретінде жазылатын болады. Яғни, құлшына істеп жүрген істеріңіз Алла ﷻ үшін болса, «мен жанымды бағып, ел-жұртқа көмектесемін» деген ниетпен болса, онда олардың барлығы жақсы амал және сауап ретінде сізге жазылады. Алла ﷻ бізді жалқаулардан етпегей, себебі, өмірді босқа өткізу ысырап-дүр. Алла ﷻ барлығымызға қуат бергей, және бізді шайтанның ойыншығы етіп қоймағай, иншалла.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: بوس جۇرمە، ەڭبەكتەن، بوس جۇرگەن ادامعا شايتان ءۇيىر بولادى (2026.06.21 / حيجري 1448-جىل 06-مۇحاررام)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.
(Akbaba Dergah، Istanbul، Turkiye، 2026) بيسميللاحير راحمانير راحيم، «وَقُلِ اعْمَلُوا فَسَيَرَى اللَّهُ عَمَلَكُمْ»، ياعني، «جانە، ىستەڭدەر، اللا ىستەرىڭدى كورەر دەپ ايت»، قۇران 9ءىنشى سۇرە 105ءىنشى ايات، ساداقاللاحۋلعازيم. اللا ءاززا ءۋا-ءجاللا بۇندا، «بوس جۇرمەڭدەر» دەيدى، اللا ﷻ ءسىزدىڭ ءىسىڭىزدى كورەدى، ال جالقاۋلىق ۇناتىلعان قاسيەت ەمەس. پايعامبارلار، اۋليە-ماشايىقتار، ساحابالار تىنباستان قىزمەت وتەگەن، ياعني، ولار تىنباستان ەل-جۇرتقا، مۇسىلماندارعا قىزمەت قىلدى. ولار وسىلاي جانباعىس قىلعان، جانە يسلامعا قىزمەت وتەگەن، سوندىقتان، بۇندا جالقاۋلىققا، ەرىنشەكتىككە ورىن جوق، جالقاۋلىق ولاردىڭ ءتابيعاتىندا بولماعان. پايعامبارلاردىڭ، ساحابالاردىڭ، اۋليەلەردىڭ جۇمىسى ۇزدىكسىز-ءدۇر، ولار ءومىر بويى قىزمەت وتەي العانىنشا وتەپ كەتكەن، ولار ءتىپتى قايتىس بولىپ كەتكەن سوڭ دا ەل-جۇرتقا پايدالى بولۋدى قالاعان.
بۇندا كوپتەگەن ۇلگىلى ادامدار، كوپتەگەن عۇلامالار ءوتتى، ەرتەدە ادامدار كوپ بولسا، 40 يا 50 جاس ءومىر سۇرەتىن، جانە ولاردىڭ وتەگەن قىزمەتتەرى وسى 40-50 جىل قىسقا ومىرلەرىندە ىستەلىنگەن، ال ادەتتەگى ادامدار ونى 200 جىلدا دا بىتىرە المايدى. سوندا بۇل قالاي بولماق؟ اللا ءاززا ءۋا-ءجاللا ولارعا كەرەمەت بەرىپ، ادامدارعا وتەلەتىن قىزمەتتى ولار ارقىلى وتەتىن ەتىپ قويعان. سول ءۇشىن، جالقاۋلىق ولاردىڭ ءتابيعاتى ەمەس، ال جالقاۋ ادام وزىنە دە، وزگەگە دە پايدا بەرە الماس. ادام بوس بولىپ، ەشتەڭە ىستەمەي وتىرسا، وعان شايتان ونان ارمان سوققى جاساپ، تيىسەتىن بولادى. شايتان قۋلىق قىلىپ، وعان، «سەن نە ىستەيسىڭ، ونى ىستە، بۇنى ىستە» دەپ، وعان كۇنا ىستەتكىزەدى. ال ەگەر ادام جۇمىس ىستەسە، ەڭ كەمىندە شايتاننىڭ ونى اينالىپ، ارباۋىنا وراي بولمايدى.
سوندىقتان، باسقا اياتتا، «فَإِذَا فَرَغْتَ فَانصَبْ وَإِلَىٰ رَبِّكَ فَارْغَب»، ياعني، «سوندىقتان ءىسىڭدى بىتىرگەن سوڭ، اللانىڭ قۇلشىلىعىنا تۇر، جانە شاقىرۋلارىڭدى راببىڭا بۇر» دەلىنەر، قۇران 94ءىنشى سۇرە 7-8ءىنشى اياتتار. دەمەك، جۇمىسىڭىزدى ءبىتىرىپ بولعان سوڭ، دەرەۋ باسقاسىن باستاڭىز، ونىڭ ماعىناسى سول، قۇلشىلىقتا نەمەسە دۇنيەلىك ىسىڭدە بولسىن، وسىنى ىستە دەمەكىلىك-ءدۇر. مەيلى قايسىسى بولسىن، ولاردىڭ بارلىعى اللا ءۇشىن ىستەلىنسە، ولار سىزگە ساۋاپ رەتىندە جازىلاتىن بولادى. ياعني، قۇلشىنا ىستەپ جۇرگەن ىستەرىڭىز اللا ﷻ ءۇشىن بولسا، «مەن جانىمدى باعىپ، ەل-جۇرتقا كومەكتەسەمىن» دەگەن نيەتپەن بولسا، وندا ولاردىڭ بارلىعى جاقسى امال جانە ساۋاپ رەتىندە سىزگە جازىلادى. اللا ﷻ ءبىزدى جالقاۋلاردان ەتپەگەي، سەبەبى، ءومىردى بوسقا وتكىزۋ ىسىراپ-ءدۇر. اللا ﷻ بارلىعىمىزعا قۋات بەرگەي، جانە ءبىزدى شايتاننىڭ ويىنشىعى ەتىپ قويماعاي، ينشاللا.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8851