Сұхбат: мына дүниеде де жәннәт бақшасы бар, ал осы жәннәт қайда? (2026.06.11 / Хижри 1447-жыл 25-Зұл-Хижа)
https://www.nvrislam.net/index.php?j=kz&post=8838
Сұхбат: мына дүниеде де жәннәт бақшасы бар, ал осы жәннәт қайда? (2026.06.11 / Хижри 1447-жыл 25-Зұл-Хижа)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.
(Akbaba Dergah, Istanbul, Turkiye, 2026) Пайғамбарымыз ﷺ, «жәннәт бақшаларынан өткенде, оған кіріңдер, оның ырысынан игіліктеніңдер» дер. Ал сахабалар одан, «олар қандай жәннәт бақшалары, мына дүниеде жәннәт бақшасы қайда» деп сұрар. Сонда ол, «олар - білім жиндары, кім білім үйретілген жерге кірсе, ол жәннәт бақшасына кірген болар» дейді. Алайда, адам ол жерде шын және дұрыс білімнің бар-жоқтығына қатты назар аудару керек. Себебі, қарамаққа білім көрінгенімен, бірақ шын біліммен еш қатысы жоқ нәрселер де өте көп. Демек, адамдар жәй өздері жасап алған нәрселер көп, сүйте тұра олар, «біз құраннан үйретіп жатырмыз» деп, айтуы мүмкін.
Бірақ құран әзиму-шәнды сүннетпен хадис болмаса, түсінуге келмейді, демек, пайғамбарымыз ﷺның хадисы құранды түсіндіреді, ол оның әмірлерін көрсетіп, ненің рұхсат етілген, ненің харам етілгендігін анықтап береді. Ал мүмин үшін ең пайғамбарымыз ﷺның жолына ілесу аса маңызды. Сондықтан, мүмкіндігінше оның үлгісіне еліктеп, сүннетін орындау әрбір мүмин үшін, мұсылман үшін, және сопылық тәриқаттағылар үшін қажетті болмақ. Демек, әр адам өз шамасы келгенше осылай істеуі керек.
Ал істей алмаса, Алла өзі кешірер, ол парыз болмаса болғаны, сүннет, я басқа ерікті құлшылықты қалдыру күнәға я жазаға қалдырмайды. Алайда, адам парызды қалдырса, ол жаза әкелер, сондықтан, оны сөзсіз толықтауы керек. Бірақ, сүннетпен басқа да ерікті нәфил құлшылық амалдарды өтеуде зор сый-сауаптар бар. Міне осылар пайғамбарымыз айтып кеткен осы дүниедегі жәннәт бақшалары, ол тағы, «оның ырысынан қызық көріңдер» дейді. Демек, сіз одан көптеп пайда алған сайын, көптеп үйреніп, табанды болған сайын, сіздің одан алар рухани байлығыңыз онан арман молая берер. Және олар адамға бірдей рухани және физикалық қуат береді.
Ал адамның руханияты артқанда, оның тәні де күшейе түседі, және бұлар адамға осы дүниеде де, ақиретте де игілік әкеледі. Алла бізге осындай білім шеңберлерінің ішінде жүруді нәсіп еткей. Ал пайғамбарымыз ﷺның осы жолына ілескен адамдар, «әхлул сүннә уәл жамаға» деп, дүйім жұртқа білінген. Ал бұдан басқалары, яғни, кім пайғамбарымыз ﷺның жолын қабыл етпесе, олар әхлул сүннә уәл жамағаның бөлігі ретінде саналмайды. Тіпті олар өздерін «әхлул сүннә уәл жамағамыз» деп айғайласа да, ақиқатында, олардың әхлул сүннә уәл жамағамен еш қатысы жоқ. Бұндағы дұрыс жол, пайғамбарымыз ﷺның жолы ғана. Міне осы жолға ілесу құтылысқа жеткізеді. Алла ﷻ бізді осы жолда баянды еткей, иншалла.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: مىنا دۇنيەدە دە ءجاننات باقشاسى بار، ال وسى ءجاننات قايدا؟ (2026.06.11 / حيجري 1447-جىل 25-زۇل-حيجا)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.
(Akbaba Dergah، Istanbul، Turkiye، 2026) پايعامبارىمىز ﷺ، «ءجاننات باقشالارىنان وتكەندە، وعان كىرىڭدەر، ونىڭ ىرىسىنان يگىلىكتەنىڭدەر» دەر. ال ساحابالار ودان، «ولار قانداي ءجاننات باقشالارى، مىنا دۇنيەدە ءجاننات باقشاسى قايدا» دەپ سۇرار. سوندا ول، «ولار - ءبىلىم جيندارى، كىم ءبىلىم ۇيرەتىلگەن جەرگە كىرسە، ول ءجاننات باقشاسىنا كىرگەن بولار» دەيدى. الايدا، ادام ول جەردە شىن جانە دۇرىس ءبىلىمنىڭ بار-جوقتىعىنا قاتتى نازار اۋدارۋ كەرەك. سەبەبى، قاراماققا ءبىلىم كورىنگەنىمەن، ءبىراق شىن بىلىممەن ەش قاتىسى جوق نارسەلەر دە وتە كوپ. دەمەك، ادامدار ءجاي وزدەرى جاساپ العان نارسەلەر كوپ، سۇيتە تۇرا ولار، «ءبىز قۇراننان ۇيرەتىپ جاتىرمىز» دەپ، ايتۋى مۇمكىن.
ءبىراق قۇران ءازيمۋ-ءشاندى سۇننەتپەن حاديس بولماسا، تۇسىنۋگە كەلمەيدى، دەمەك، پايعامبارىمىز ﷺنىڭ حاديسى قۇراندى تۇسىندىرەدى، ول ونىڭ امىرلەرىن كورسەتىپ، نەنىڭ رۇحسات ەتىلگەن، نەنىڭ حارام ەتىلگەندىگىن انىقتاپ بەرەدى. ال ءمۇمين ءۇشىن ەڭ پايعامبارىمىز ﷺنىڭ جولىنا ىلەسۋ اسا ماڭىزدى. سوندىقتان، مۇمكىندىگىنشە ونىڭ ۇلگىسىنە ەلىكتەپ، سۇننەتىن ورىنداۋ ءاربىر ءمۇمين ءۇشىن، مۇسىلمان ءۇشىن، جانە سوپىلىق ءتاريقاتتاعىلار ءۇشىن قاجەتتى بولماق. دەمەك، ءار ادام ءوز شاماسى كەلگەنشە وسىلاي ىستەۋى كەرەك.
ال ىستەي الماسا، اللا ءوزى كەشىرەر، ول پارىز بولماسا بولعانى، سۇننەت، يا باسقا ەرىكتى قۇلشىلىقتى قالدىرۋ كۇناعا يا جازاعا قالدىرمايدى. الايدا، ادام پارىزدى قالدىرسا، ول جازا اكەلەر، سوندىقتان، ونى ءسوزسىز تولىقتاۋى كەرەك. ءبىراق، سۇننەتپەن باسقا دا ەرىكتى ءنافيل قۇلشىلىق امالداردى وتەۋدە زور سىي-ساۋاپتار بار. مىنە وسىلار پايعامبارىمىز ايتىپ كەتكەن وسى دۇنيەدەگى ءجاننات باقشالارى، ول تاعى، «ونىڭ ىرىسىنان قىزىق كورىڭدەر» دەيدى. دەمەك، ءسىز ودان كوپتەپ پايدا العان سايىن، كوپتەپ ۇيرەنىپ، تاباندى بولعان سايىن، ءسىزدىڭ ودان الار رۋحاني بايلىعىڭىز ونان ارمان مولايا بەرەر. جانە ولار ادامعا بىردەي رۋحاني جانە فيزيكالىق قۋات بەرەدى.
ال ادامنىڭ رۋحانياتى ارتقاندا، ونىڭ ءتانى دە كۇشەيە تۇسەدى، جانە بۇلار ادامعا وسى دۇنيەدە دە، اقيرەتتە دە يگىلىك اكەلەدى. اللا بىزگە وسىنداي ءبىلىم شەڭبەرلەرىنىڭ ىشىندە ءجۇرۋدى ءناسىپ ەتكەي. ال پايعامبارىمىز ﷺنىڭ وسى جولىنا ىلەسكەن ادامدار، «ءاحلۋل ءسۇننا ءۋال جاماعا» دەپ، ءدۇيىم جۇرتقا بىلىنگەن. ال بۇدان باسقالارى، ياعني، كىم پايعامبارىمىز ﷺنىڭ جولىن قابىل ەتپەسە، ولار ءاحلۋل ءسۇننا ءۋال جاماعانىڭ بولىگى رەتىندە سانالمايدى. ءتىپتى ولار وزدەرىن «ءاحلۋل ءسۇننا ءۋال جاماعامىز» دەپ ايعايلاسا دا، اقيقاتىندا، ولاردىڭ ءاحلۋل ءسۇننا ءۋال جاماعامەن ەش قاتىسى جوق. بۇنداعى دۇرىس جول، پايعامبارىمىز ﷺنىڭ جولى عانا. مىنە وسى جولعا ىلەسۋ قۇتىلىسقا جەتكىزەدى. اللا ﷻ ءبىزدى وسى جولدا باياندى ەتكەي، ينشاللا.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8838