Мазмұнды Көшіру

https://www.nvrislam.net/index.php?j=kz&post=8822
Сұхбат: ең ұлық бақыт дегеніміз Алла жолында болу (2026.05.24 / Хижри 1447-жыл 07-Зұл-Хижа)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, Turkiye, 2026) Алла Әззә уә-Жәлләның адамдарға берген ең үлкен сауғасы иман-дүр, ислам-дүр, бұнда одан өткен әдемі нәрсе жоқ, сондықтан, мұсылмандар қуанып жүрсін. Оларға Алла ﷻдың іззетімен нығыметі түсіп тұрады, демек, осындай әдемі хәлдер Алланың сүйетіндеріне түсіп тұрады. Сол үшін мұсылман болған адам, Аллаға бойұсынған адам ең бақытты, ең қуанышты, ең тәлейлі адам болмақ, бақ-тәлей дегеніміз, қуаныш-бақыт дегеніміз міне осы, одан басқа бақыт жоқ. Ал таусылып қалатын бақытты бақыт деуге келмейді, бұндағы қажеттісі - мәңгілік бақыт. Сіз мына дүниеде мың жыл өмір сүрсеңіз де, ол көзі ашып жұмғанша өтіп кетеді, ал онда нендей қайыр, нендей жақсылық бар? жоқ, ештеңе жоқ. Ал мәңгілік дегеніміз Алла ﷻдың мұсылманға, мүминге берген берекесі, міне осы игілік-ихсан мәңгілік-дүр, ол уақыт шектемесіне ұшырамайды.

Олар осы алдағы күндерімізге ұқсар, бүгін зұл-хижа айының жетінші күні, ал ертең тарауиях күні, демек, қажышылар арафатқа шығатын уақыт, әрине, оның ертесі арафат күні болмақ. Міне осы күндер жылдың ішіндегі ең берекелі күндер, олар Алла Әззә уә-Жәлләдан исламға, мұсылмандарға берілген бір сауға. Әрине, барлық адам онда болғысы келеді, тіпті ол қиын болса да, жапалы болса да, әр жылы адамдар онда болғысы келеді. Өткен жылы, шүкір-Алла, біз де сонда болдық, ал биыл ол бізге нәсіп болмады, бірақ жұрт айтқандай, адамның жүрегі сол жерді аңсап тұрар, демек, адамдар ол жерді аңсайды. Алла ﷻ Өз іззетімен, Өз жомарттығымен, осыбір күндерде осыбір игіліктерді, яғни ондағы қажыларға берілген сауғалармен нығыметтерді бізге тағы да бергей, барлығымызға нәсіп еткей, иншалла.

Ал адамдар ғафилетте жүр, Сәйдина Әли хазірет, «النَّاسُ نِيَامٌ، إذَا مَاتُوا استفاقوا», яғни, «адамдар ұйқыда, олар өлгенде ғана оянар» дейді, демек, адамдар ұйқыда жатыр, бірақ олар өлген соң оянғанда оларға не жақсылық бар дейсіз? егер олар қазір оянбаса, не жақсылық табар дейсіз? демек, сіз осында оянып алуыңыз керек. Яғни, сіз Алла Әззә уә-Жәллә жолында болуыңыз керек, барлығы Алла ﷻ үшін болмаса, сізге еш пайда жоқ. Сіз дүниелік нәрселерді қуалауыңызға болады, бірақ сіз осыбір дүниелік істерді Алла ﷻдың ризалығы үшін істеңіз. Тіпті сіз мына дүниедегі ең бай адамнан да бай болсаңыз, және Алла жолында бола білсеңіз, бұл ешқандай мәселе емес, және осыбір істерді Алла ﷻ үшін істеңіз. Алайда, сіз тек қана дүниелік нәрселерді қуып кетсеңіз, ештеңе таба алмайсыз, ештеңеге жетпейсіз, одан еш пайда болмас.

Ақшаға малтап жүрген адамдар бар, оларда есеп-қисапсыз ақша бар, бірақ олар онымен не істемек? олар өздерін қалай қанағаттандырмақ? олар аптасына жеті күн жұмыс істейді, күніне 24 сағат жұмыс істейді, демалыс деген атымен жоқ. Демек, олар күнде жұмыста, және олар қанша ақша тапқаны жәйлы бөсіп-есіп, мақтанып отырады. Бірақ, одан нендей қайыр бар? ештеңе жоқ, мүлдем жоқ, олардың бұнысының осы дүниеде де, ақиретте де пайдасы жоқ. Алла ﷻ бізді солар сияқты етіп қоймағай. Ең ұлық бақыт дегеніміз Алла ﷻдың жолында болу, бары міне осы, демек, иманның тәтті дәмін татқан адам басқа ештеңеден қызық таба алмайды. Ал Алла ﷻ осыбір құтты күндердің құрметі үшін барлығымызға иманның осыбір тәтті дәмін татуға нәсіп еткей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: ەڭ ۇلىق باقىت دەگەنىمىز اللا جولىندا بولۋ (2026.05.24 / حيجري 1447-جىل 07-زۇل-حيجا)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، Turkiye، 2026) اللا ءاززا ءۋا-ءجاللانىڭ ادامدارعا بەرگەن ەڭ ۇلكەن ساۋعاسى يمان-ءدۇر، يسلام-ءدۇر، بۇندا ودان وتكەن ادەمى نارسە جوق، سوندىقتان، مۇسىلماندار قۋانىپ ءجۇرسىن. ولارعا اللا ﷻدىڭ ىززەتىمەن نىعىمەتى ءتۇسىپ تۇرادى، دەمەك، وسىنداي ادەمى حالدەر اللانىڭ سۇيەتىندەرىنە ءتۇسىپ تۇرادى. سول ءۇشىن مۇسىلمان بولعان ادام، اللاعا بويۇسىنعان ادام ەڭ باقىتتى، ەڭ قۋانىشتى، ەڭ تالەيلى ادام بولماق، باق-تالەي دەگەنىمىز، قۋانىش-باقىت دەگەنىمىز مىنە وسى، ودان باسقا باقىت جوق. ال تاۋسىلىپ قالاتىن باقىتتى باقىت دەۋگە كەلمەيدى، بۇنداعى قاجەتتىسى - ماڭگىلىك باقىت. ءسىز مىنا دۇنيەدە مىڭ جىل ءومىر سۇرسەڭىز دە، ول كوزى اشىپ جۇمعانشا ءوتىپ كەتەدى، ال وندا نەندەي قايىر، نەندەي جاقسىلىق بار؟ جوق، ەشتەڭە جوق. ال ماڭگىلىك دەگەنىمىز اللا ﷻدىڭ مۇسىلمانعا، مۇمينگە بەرگەن بەرەكەسى، مىنە وسى يگىلىك-يحسان ماڭگىلىك-ءدۇر، ول ۋاقىت شەكتەمەسىنە ۇشىرامايدى.

ولار وسى الداعى كۇندەرىمىزگە ۇقسار، بۇگىن زۇل-حيجا ايىنىڭ جەتىنشى كۇنى، ال ەرتەڭ تاراۋياح كۇنى، دەمەك، قاجىشىلار ارافاتقا شىعاتىن ۋاقىت، ارينە، ونىڭ ەرتەسى ارافات كۇنى بولماق. مىنە وسى كۇندەر جىلدىڭ ىشىندەگى ەڭ بەرەكەلى كۇندەر، ولار اللا ءاززا ءۋا-ءجاللادان يسلامعا، مۇسىلماندارعا بەرىلگەن ءبىر ساۋعا. ارينە، بارلىق ادام وندا بولعىسى كەلەدى، ءتىپتى ول قيىن بولسا دا، جاپالى بولسا دا، ءار جىلى ادامدار وندا بولعىسى كەلەدى. وتكەن جىلى، شۇكىر-اللا، ءبىز دە سوندا بولدىق، ال بيىل ول بىزگە ءناسىپ بولمادى، ءبىراق جۇرت ايتقانداي، ادامنىڭ جۇرەگى سول جەردى اڭساپ تۇرار، دەمەك، ادامدار ول جەردى اڭسايدى. اللا ﷻ ءوز ىززەتىمەن، ءوز جومارتتىعىمەن، ءوسىبىر كۇندەردە ءوسىبىر يگىلىكتەردى، ياعني ونداعى قاجىلارعا بەرىلگەن ساۋعالارمەن نىعىمەتتەردى بىزگە تاعى دا بەرگەي، بارلىعىمىزعا ءناسىپ ەتكەي، ينشاللا.

ال ادامدار عافيلەتتە ءجۇر، ءسايدينا ءالي حازىرەت، «النَّاسُ نِيَامٌ، إذَا مَاتُوا استفاقوا»، ياعني، «ادامدار ۇيقىدا، ولار ولگەندە عانا ويانار» دەيدى، دەمەك، ادامدار ۇيقىدا جاتىر، ءبىراق ولار ولگەن سوڭ ويانعاندا ولارعا نە جاقسىلىق بار دەيسىز؟ ەگەر ولار ءقازىر ويانباسا، نە جاقسىلىق تابار دەيسىز؟ دەمەك، ءسىز وسىندا ويانىپ الۋىڭىز كەرەك. ياعني، ءسىز اللا ءاززا ءۋا-ءجاللا جولىندا بولۋىڭىز كەرەك، بارلىعى اللا ﷻ ءۇشىن بولماسا، سىزگە ەش پايدا جوق. ءسىز دۇنيەلىك نارسەلەردى قۋالاۋىڭىزعا بولادى، ءبىراق ءسىز ءوسىبىر دۇنيەلىك ىستەردى اللا ﷻدىڭ ريزالىعى ءۇشىن ىستەڭىز. ءتىپتى ءسىز مىنا دۇنيەدەگى ەڭ باي ادامنان دا باي بولساڭىز، جانە اللا جولىندا بولا بىلسەڭىز، بۇل ەشقانداي ماسەلە ەمەس، جانە ءوسىبىر ىستەردى اللا ﷻ ءۇشىن ىستەڭىز. الايدا، ءسىز تەك قانا دۇنيەلىك نارسەلەردى قۋىپ كەتسەڭىز، ەشتەڭە تابا المايسىز، ەشتەڭەگە جەتپەيسىز، ودان ەش پايدا بولماس.

اقشاعا مالتاپ جۇرگەن ادامدار بار، ولاردا ەسەپ-قيساپسىز اقشا بار، ءبىراق ولار ونىمەن نە ىستەمەك؟ ولار وزدەرىن قالاي قاناعاتتاندىرماق؟ ولار اپتاسىنا جەتى كۇن جۇمىس ىستەيدى، كۇنىنە 24 ساعات جۇمىس ىستەيدى، دەمالىس دەگەن اتىمەن جوق. دەمەك، ولار كۇندە جۇمىستا، جانە ولار قانشا اقشا تاپقانى ءجايلى ءبوسىپ-ەسىپ، ماقتانىپ وتىرادى. ءبىراق، ودان نەندەي قايىر بار؟ ەشتەڭە جوق، مۇلدەم جوق، ولاردىڭ بۇنىسىنىڭ وسى دۇنيەدە دە، اقيرەتتە دە پايداسى جوق. اللا ﷻ ءبىزدى سولار سياقتى ەتىپ قويماعاي. ەڭ ۇلىق باقىت دەگەنىمىز اللا ﷻدىڭ جولىندا بولۋ، بارى مىنە وسى، دەمەك، يماننىڭ ءتاتتى ءدامىن تاتقان ادام باسقا ەشتەڭەدەن قىزىق تابا المايدى. ال اللا ﷻ ءوسىبىر قۇتتى كۇندەردىڭ قۇرمەتى ءۇشىن بارلىعىمىزعا يماننىڭ ءوسىبىر ءتاتتى ءدامىن تاتۋعا ءناسىپ ەتكەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8822