Мазмұнды Көшіру

https://www.nvrislam.net/index.php?j=kz&post=8753
Сұхбат: құмар ойнау шайтанның ісінен, оған мүлдем жолама (2026.03.25 / Хижри 1447-жыл 06-Шәуал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уас-Саламу ғалә Расулина Мұхамадин Сәйидил-Ауалина уал-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уал-Қайру фил-Жәмиях.

(Lefke, Cyprus, Türkiye, 2026) Бисмилахир рахманир рахим, «إِنَّمَا ٱلْخَمْرُ وَٱلْمَيْسِرُ وَٱلْأَنصَابُ وَٱلْأَزْلَـٰمُ رِجْسٌ مِّنْ عَمَلِ ٱلشَّيْطَـٰنِ فَٱجْتَنِبُوهُ», яғни, «мас қылатын нәрселер, құмар, бұд, және бал ашулар шайтанның даргайындағы өрнектер, сондықтан олардан қаш, сонда жеңіске жетерсің», құран 5інші сүре 90інші аят, садақаллахулғазим. Алла Әззә уә-Жәллә құран әзиму-шәнда, «арақ ішу, құмар ойнау, бұттарға құлшылық ету шайтанның істерінен, олар - шайтанның тапқырлығы, шайтанның амалдарын істемеңдер, оның ісінен аулақ болыңдар» дейді, Алла Әззә уә-Жәллә міне осылай дер.

Олар адамды тек зияндайды, мұсылманды ғана емес, кезкелген адамды, бүкіл ел-жұртты зияндайды, оның зияны барлығына келеді, ал бұндағы басты іс сол, мұсылмандар харамнан алыс тұруы керек. Егер оны істегендер мұсылман болмаса, оларға қатысты бір айтылым бар, яғни олар мұсылман болмаса, оларға қатысты, «لَيْسَ بَعْدَ الْكُفْرِ ذَنْب», яғни, «күпірліктен үлкен күнә жоқ» деген қағида бар. Демек, күпір болудан өткен күнә жоқ, сондықтан олар не сұмдық істесе де, олардың кәпірлігінен үлкен бола алмайды, яғни ең зор күнә кәпір болып, шірік істеу. Ондай адамдар тозақта мәңгілік қалады, Алла ﷻ бізді панасына алғай. Бірақ біз, яғни мұсылмандар манағы жаман нәрселерден аулақ болуымыз керек, себебі бұл нәрселер оларды құртады, олардың отбасын, жамағатын, қоғамын құртады.

Жұрт, «арақ - күнәлардың анасы» дер, ал құмар ойнау тұрған бір сұмдық кесел, кім оған ілінсе, одан құтылмағы қиын болады, құтылу мүмкін болмай қалады, демек, аз ғана адам оны тастай алады. Олар қалай тастайды? олар еш ақшасы қалмаған кезде ғана тастайды, олар ештеңе қалдырмайды, барлығын жоқ етеді. Содан оларда құмар ойнауға еш мүмкіндік қалмайды, тіпті солай болса да, олар бірдеңе таба қалса, дереу құмар ойнайды, ал таба алмаса, тастай тұрады. Оларда түк қалмай, ештеңе істей алмаған соң, құмар ойнауын тоқтатады. Ал қазір біз өмір сүріп отырған заман шайтанның билігі жүріп тұрған заман болғандықтан, бұл кезде жақсы бірдеңе істеу шектелінген. Олар сізге, «жақсы іс істеуден сақтан, бірақ күнә істе, құлшылық қылма, жақсы бірдеңе істей көрме, намаз оқыма, ораза ұстама» дейді. Демек, олардың санасы бойынша барша бұзықтықпен қате нәрселерді істеу күнә емес, бірақ жақсы істен басқаның барлығын істеуге еркіндік бар, ал құмар ойыны да соның бір бөлігі.

Мейлі қайда отырсаңыз да, олар телефоныңызға хабар жібереді, мәселен, кеше біздің телефонымызға, «сүйікті бәленбай, біз саған ең жақсы касино жасап қойдық, қай жерде тұрсаң да, оны ойнай бересің, қазір үйіңде отырып құмар ойнай бересің» деген хабар келді. Ал мен, «Алла сендердің жазаларыңды бергей, лайықты жазаларыңды бергей, себебі сендер өте зияндысыңдар, залал әкеліп жатсыңдар, сол залал сендердің өз бастарыңа келгей, сендер біреуге залал әкелсеңдер, сендерге де залал келер» дедім. Сендер касиноны үйге алып кіргілерің келеді, оны балаларға, бүкіл ел-жұртқа, әйелдерге, қыздарға таныстырып, «енді құмарды қалағаныңша ойна» дейсіңдер. Ал ақша жәйлы олар, «ақша жәйлы алаң болма, біз ақшаны қалай алуды білеміз, біздің касино ең жақсы касино, қабыл етіп, қай жерде жүрсең де ойнай бер, сыртқа шыққың келмесе, үйіңде ойна, біздің қызмет өтеу қандай керемет» дейді. Демек олар, «біз шайтанның қызметін аяқ астыларыңа әкеліп қойдық, тозақтың шаруасын, кесірлі ісін әкелдік, біз сені құртамыз, саған Алланың қарғысын әкелеміз» деп тұр емеспе.

Онда басқа не бар? онда осындай кесірден басқа ештеңе жоқ, олардың аталмыш қызмет өтеуі міне осы, біз бұлардан жалғып кеттік, я Алла, мына дүние өзінің соңғы жеріне келіп қалды. Адамдар онсызда құрып бітті, сонда да олар түбін тіпті де ұрып, түсіргісі келеді, олар адамдарды онан арман быт-шыт қылғысы келеді. Олар адамдарға тыныс алғызғысы да келмейді, олардың адамдығын мүлдем жоқ еткісі келеді, адамзатты өздеріне құл еткісі келеді, олардың қалағаны міне осы. Алла ﷻ жұртты панасына алғай, және оларға жәрдем еткей, бұндай нәрселерге ермеңіздер, қазір өкпе айтар жер де қалмады. Егер көмек сұрап, жақсы іс істемек болсаң, саған мың адам қарсы шыға келеді, тұра келіп ренжиді, жабылып ұрсады. Содан үйіңе сақшы келіп, «сен бірдеңе істепсің ғой, сенің фотоң бар екен» дер. Бірақ біреулер құмар ойнын үйге алып кірсе, оларға сендер үндемейсіңдер. Демек, біз ақырзаманда тұрмыз, Алла ﷻ бізге жәрдем еткей, бізді құтқарғай, тезірек Сахибул Заман Мәхди әлейхис-саламды жібергей, ол тез келгей, әйтпесе, ештеңе дұрыс болмас, Алла ﷻ адамдарды оңалытқай.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: قۇمار ويناۋ شايتاننىڭ ىسىنەن، وعان مۇلدەم جولاما (2026.03.25 / حيجري 1447-جىل 06-ءشاۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋاس-سالامۋ ءعالا راسۋلينا مۇحامادين ءسايديل-اۋالينا ۋال-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋال-قايرۋ فيل-ءجامياح.

(Lefke، Cyprus، Türkiye، 2026) بيسميلاحير راحمانير راحيم، «إِنَّمَا ٱلْخَمْرُ وَٱلْمَيْسِرُ وَٱلْأَنصَابُ وَٱلْأَزْلَـٰمُ رِجْسٌ مِّنْ عَمَلِ ٱلشَّيْطَـٰنِ فَٱجْتَنِبُوهُ»، ياعني، «ماس قىلاتىن نارسەلەر، قۇمار، بۇد، جانە بال اشۋلار شايتاننىڭ دارگايىنداعى ورنەكتەر، سوندىقتان ولاردان قاش، سوندا جەڭىسكە جەتەرسىڭ»، قۇران 5ءىنشى سۇرە 90ءىنشى ايات، ساداقاللاحۋلعازيم. اللا ءاززا ءۋا-ءجاللا قۇران ءازيمۋ-ءشاندا، «اراق ءىشۋ، قۇمار ويناۋ، بۇتتارعا قۇلشىلىق ەتۋ شايتاننىڭ ىستەرىنەن، ولار - شايتاننىڭ تاپقىرلىعى، شايتاننىڭ امالدارىن ىستەمەڭدەر، ونىڭ ىسىنەن اۋلاق بولىڭدار» دەيدى، اللا ءاززا ءۋا-ءجاللا مىنە وسىلاي دەر.

ولار ادامدى تەك زياندايدى، مۇسىلماندى عانا ەمەس، كەزكەلگەن ادامدى، بۇكىل ەل-جۇرتتى زياندايدى، ونىڭ زيانى بارلىعىنا كەلەدى، ال بۇنداعى باستى ءىس سول، مۇسىلماندار حارامنان الىس تۇرۋى كەرەك. ەگەر ونى ىستەگەندەر مۇسىلمان بولماسا، ولارعا قاتىستى ءبىر ايتىلىم بار، ياعني ولار مۇسىلمان بولماسا، ولارعا قاتىستى، «لَيْسَ بَعْدَ الْكُفْرِ ذَنْب»، ياعني، «كۇپىرلىكتەن ۇلكەن كۇنا جوق» دەگەن قاعيدا بار. دەمەك، كۇپىر بولۋدان وتكەن كۇنا جوق، سوندىقتان ولار نە سۇمدىق ىستەسە دە، ولاردىڭ كاپىرلىگىنەن ۇلكەن بولا المايدى، ياعني ەڭ زور كۇنا كاپىر بولىپ، شىرىك ىستەۋ. ونداي ادامدار توزاقتا ماڭگىلىك قالادى، اللا ﷻ ءبىزدى پاناسىنا العاي. ءبىراق ءبىز، ياعني مۇسىلماندار ماناعى جامان نارسەلەردەن اۋلاق بولۋىمىز كەرەك، سەبەبى بۇل نارسەلەر ولاردى قۇرتادى، ولاردىڭ وتباسىن، جاماعاتىن، قوعامىن قۇرتادى.

جۇرت، «اراق - كۇنالاردىڭ اناسى» دەر، ال قۇمار ويناۋ تۇرعان ءبىر سۇمدىق كەسەل، كىم وعان ىلىنسە، ودان قۇتىلماعى قيىن بولادى، قۇتىلۋ مۇمكىن بولماي قالادى، دەمەك، از عانا ادام ونى تاستاي الادى. ولار قالاي تاستايدى؟ ولار ەش اقشاسى قالماعان كەزدە عانا تاستايدى، ولار ەشتەڭە قالدىرمايدى، بارلىعىن جوق ەتەدى. سودان ولاردا قۇمار ويناۋعا ەش مۇمكىندىك قالمايدى، ءتىپتى سولاي بولسا دا، ولار بىردەڭە تابا قالسا، دەرەۋ قۇمار وينايدى، ال تابا الماسا، تاستاي تۇرادى. ولاردا تۇك قالماي، ەشتەڭە ىستەي الماعان سوڭ، قۇمار ويناۋىن توقتاتادى. ال ءقازىر ءبىز ءومىر ءسۇرىپ وتىرعان زامان شايتاننىڭ بيلىگى ءجۇرىپ تۇرعان زامان بولعاندىقتان، بۇل كەزدە جاقسى بىردەڭە ىستەۋ شەكتەلىنگەن. ولار سىزگە، «جاقسى ءىس ىستەۋدەن ساقتان، ءبىراق كۇنا ىستە، قۇلشىلىق قىلما، جاقسى بىردەڭە ىستەي كورمە، ناماز وقىما، ورازا ۇستاما» دەيدى. دەمەك، ولاردىڭ ساناسى بويىنشا بارشا بۇزىقتىقپەن قاتە نارسەلەردى ىستەۋ كۇنا ەمەس، ءبىراق جاقسى ىستەن باسقانىڭ بارلىعىن ىستەۋگە ەركىندىك بار، ال قۇمار ويىنى دا سونىڭ ءبىر بولىگى.

مەيلى قايدا وتىرساڭىز دا، ولار تەلەفونىڭىزعا حابار جىبەرەدى، ماسەلەن، كەشە ءبىزدىڭ تەلەفونىمىزعا، «سۇيىكتى بالەنباي، ءبىز ساعان ەڭ جاقسى كاسينو جاساپ قويدىق، قاي جەردە تۇرساڭ دا، ونى ويناي بەرەسىڭ، ءقازىر ۇيىڭدە وتىرىپ قۇمار ويناي بەرەسىڭ» دەگەن حابار كەلدى. ال مەن، «اللا سەندەردىڭ جازالارىڭدى بەرگەي، لايىقتى جازالارىڭدى بەرگەي، سەبەبى سەندەر وتە زياندىسىڭدار، زالال اكەلىپ جاتسىڭدار، سول زالال سەندەردىڭ ءوز باستارىڭا كەلگەي، سەندەر بىرەۋگە زالال اكەلسەڭدەر، سەندەرگە دە زالال كەلەر» دەدىم. سەندەر كاسينونى ۇيگە الىپ كىرگىلەرىڭ كەلەدى، ونى بالالارعا، بۇكىل ەل-جۇرتقا، ايەلدەرگە، قىزدارعا تانىستىرىپ، «ەندى قۇماردى قالاعانىڭشا وينا» دەيسىڭدەر. ال اقشا ءجايلى ولار، «اقشا ءجايلى الاڭ بولما، ءبىز اقشانى قالاي الۋدى بىلەمىز، ءبىزدىڭ كاسينو ەڭ جاقسى كاسينو، قابىل ەتىپ، قاي جەردە جۇرسەڭ دە ويناي بەر، سىرتقا شىققىڭ كەلمەسە، ۇيىڭدە وينا، ءبىزدىڭ قىزمەت وتەۋ قانداي كەرەمەت» دەيدى. دەمەك ولار، «ءبىز شايتاننىڭ قىزمەتىن اياق استىلارىڭا اكەلىپ قويدىق، توزاقتىڭ شارۋاسىن، كەسىرلى ءىسىن اكەلدىك، ءبىز سەنى قۇرتامىز، ساعان اللانىڭ قارعىسىن اكەلەمىز» دەپ تۇر ەمەسپە.

وندا باسقا نە بار؟ وندا وسىنداي كەسىردەن باسقا ەشتەڭە جوق، ولاردىڭ اتالمىش قىزمەت وتەۋى مىنە وسى، ءبىز بۇلاردان جالعىپ كەتتىك، يا اللا، مىنا دۇنيە ءوزىنىڭ سوڭعى جەرىنە كەلىپ قالدى. ادامدار ونسىزدا قۇرىپ ءبىتتى، سوندا دا ولار ءتۇبىن ءتىپتى دە ۇرىپ، تۇسىرگىسى كەلەدى، ولار ادامداردى ونان ارمان بىت-شىت قىلعىسى كەلەدى. ولار ادامدارعا تىنىس العىزعىسى دا كەلمەيدى، ولاردىڭ ادامدىعىن مۇلدەم جوق ەتكىسى كەلەدى، ادامزاتتى وزدەرىنە قۇل ەتكىسى كەلەدى، ولاردىڭ قالاعانى مىنە وسى. اللا ﷻ جۇرتتى پاناسىنا العاي، جانە ولارعا جاردەم ەتكەي، بۇنداي نارسەلەرگە ەرمەڭىزدەر، ءقازىر وكپە ايتار جەر دە قالمادى. ەگەر كومەك سۇراپ، جاقسى ءىس ىستەمەك بولساڭ، ساعان مىڭ ادام قارسى شىعا كەلەدى، تۇرا كەلىپ رەنجيدى، جابىلىپ ۇرسادى. سودان ۇيىڭە ساقشى كەلىپ، «سەن بىردەڭە ىستەپسىڭ عوي، سەنىڭ فوتوڭ بار ەكەن» دەر. ءبىراق بىرەۋلەر قۇمار وينىن ۇيگە الىپ كىرسە، ولارعا سەندەر ۇندەمەيسىڭدەر. دەمەك، ءبىز اقىرزاماندا تۇرمىز، اللا ﷻ بىزگە جاردەم ەتكەي، ءبىزدى قۇتقارعاي، تەزىرەك ساحيبۋل زامان ءماحدي الەيحيس-سالامدى جىبەرگەي، ول تەز كەلگەي، ايتپەسە، ەشتەڭە دۇرىس بولماس، اللا ﷻ ادامداردى وڭالىتقاي.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8753