Мазмұнды Көшіру

https://www.nvrislam.net/index.php?j=kz&post=8644
Сұхбат: ер яғни рижал дегеніміз Аллаға берген сөзінде тұрғандар (2026.01.07 / Хижри 1447-жыл 18-Ражаб)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye, Istanbul, Akbaba Dergah-да айтылған сұхбат) Бисмиллахир рахманир рахим, «‎رِجَالٌ صَدَقُوا۟ مَا عَـٰهَدُوا۟ ٱللَّهَ عَلَيْهِ ۖ فَمِنْهُم مَّن قَضَىٰ نَحْبَهُۥ وَمِنْهُم مَّن يَنتَظِرُ», яғни, «ер дегеніміз Аллаға берген уәдесіне беріктер, ал олардың арасында сертін орындағандар бар, және олардың арасында сертін орындауды күтіп тұрғандар да бар», садақаллахулғазим, құран 33інші сүре 23інші аят. Алла Әззә уә-Жәллә, «Аллаға берген сертінде тұрып, оны бұзбағандар - нағыз ер» дейді, Ол оларды нағыз ер яғни рижал деп бейнелеуде, бұның мағынасы сол, тіпті ол адам әйел кісі болса да, ол осы рижал яғни нағыз ер дәрежесіне көтерілетін болады. Ал өзін «ер» санай тұра, сөзін бұзып, уәдесін сақтамайтындар, я еркек те емес, я әйел де емес біреу болар. Бұнда адамдар мынаны түсінуі керек, бұл жерде ермен әйелді парықтау ісі айтылмады, бірақ Алла ﷻ жағынан айтылған, сөзінде тұрып, уәдесін сақтай алатын адамдардың баяны жәйлы болмақ. Біз бұны не үшін айтып отырмыз? себебі, Алла ﷻдың жолында берік болып, баянды жүре алған адамдар - асыл адамдар, олар жеңіске жетті.

Сөзін бұзбай, уәдесінде тұрған адамдар - Алла ﷻдың қасында қабыл етілген адамдар, ал уақыты келгенде, олар сол тура жол үстінде қайтыс болар, тірі жүрсе, сол жолын жалғастыра берер, уәдесінде тұрар. Ал баяндай келсек, манағы кісі сонау Мәуләнә Шайық Назым хазіреттің кезінде мұсылмандық қабылдаған, оған Алланың рахымы болғай, ол кеше қайтыс болыпты. Ол германиялық неміс еді, бірақ ол осыдан 40 я одан да көп жыл бұрын Мәуләнә Шайық Назым хазіреттің құзырында ислам қабылдады, өзі философия профессоры еді. Ал философия күдікпен күмәнға толған белгісіз нәрселерге құрылады емеспе, бірақ шүкір-Алла, ол сонда да Мәуләнә Шайық Назым хазіреттің кереметімен мұсылман болды. Және ол өзіне, және өз айналасындағыларға 40 жылдан артық қызмет етті, көптеген адамдар ол арқылы хидаятқа келді, олардың арасында мұсылманы да, мұсылман емесі де бар. Тіпті, бей-мұсылмандар ғана емес, жолдан шығып кеткен көптеген мұсылмандардың өзі осы кісі арқылы тура жолға келді, сол кісі оларды хидаятқа қайтарып әкелді. Брақ қазір ол Алла ﷻдың сүйікті бір пендесі ретінде, мына дүниеден аттанып кетті.

Маңызды іс міне осы, яғни біз не үшін бұл дүниеде жаралдық, және біз не істеуіміз керек? ал Алла ﷻ сізді неге жаратқанын айтты, сонда да сіз есі кеткен тауық сияқты, ол жерді, бұл жерді шұқып, босқа сенделесіз, ештеңе түсінбей жүрсіз. Ал осыны түсінетіндер, оны біледі, демек, адам ақиқатты тапқан кезде, ол оған жармасып алуы керек, және Алла рұхсатында, сіз сол ақиқатпен ана дүниеге өтесіз, және сол ақиқатпен Алла Хақтың алдында тік тұра аласыз. Алла ﷻ барлығымызды бекем еткей, адастырып жібермегей, көптеген адамдар жолдан тайып кетеді, ол жерден бұл жерге секеңдеп, секіріп жүреді, «мен бұны ұнатамын, мен бұны ұнатпаймын» деп кергиді. Ал сосын ештеңеге жетпеген күйде кенеттен өздерінің мына дүниеден аттанып кеткенін көреді. Алла ﷻ бізді осылар сияқты етіп қоймағай, бірақ бізды хақ жолында бекем еткей, Раббымыз баршамызды Өзіне кездескенше, пайғамбарымыз ﷺға кездескенше, әулие-машайықтарға кездескенше, осы тура жолда баянды ете бергей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami




سۇحبات: ەر ياعني ريجال دەگەنىمىز اللاعا بەرگەن سوزىندە تۇرعاندار (2026.01.07 / حيجري 1447-جىل 18-راجاب)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye، Istanbul، Akbaba Dergah-دا ايتىلعان سۇحبات) بيسميللاحير راحمانير راحيم، «رِجَالٌ صَدَقُوا۟ مَا عَـٰهَدُوا۟ ٱللَّهَ عَلَيْهِ ۖ فَمِنْهُم مَّن قَضَىٰ نَحْبَهُۥ وَمِنْهُم مَّن يَنتَظِرُ»، ياعني، «ەر دەگەنىمىز اللاعا بەرگەن ۋادەسىنە بەرىكتەر، ال ولاردىڭ اراسىندا سەرتىن ورىنداعاندار بار، جانە ولاردىڭ اراسىندا سەرتىن ورىنداۋدى كۇتىپ تۇرعاندار دا بار»، ساداقاللاحۋلعازيم، قۇران 33ءىنشى سۇرە 23ءىنشى ايات. اللا ءاززا ءۋا-ءجاللا، «اللاعا بەرگەن سەرتىندە تۇرىپ، ونى بۇزباعاندار - ناعىز ەر» دەيدى، ول ولاردى ناعىز ەر ياعني ريجال دەپ بەينەلەۋدە، بۇنىڭ ماعىناسى سول، ءتىپتى ول ادام ايەل كىسى بولسا دا، ول وسى ريجال ياعني ناعىز ەر دارەجەسىنە كوتەرىلەتىن بولادى. ال ءوزىن «ەر» ساناي تۇرا، ءسوزىن بۇزىپ، ۋادەسىن ساقتامايتىندار، يا ەركەك تە ەمەس، يا ايەل دە ەمەس بىرەۋ بولار. بۇندا ادامدار مىنانى ءتۇسىنۋى كەرەك، بۇل جەردە ەرمەن ايەلدى پارىقتاۋ ءىسى ايتىلمادى، ءبىراق اللا ﷻ جاعىنان ايتىلعان، سوزىندە تۇرىپ، ۋادەسىن ساقتاي الاتىن ادامداردىڭ بايانى ءجايلى بولماق. ءبىز بۇنى نە ءۇشىن ايتىپ وتىرمىز؟ سەبەبى، اللا ﷻدىڭ جولىندا بەرىك بولىپ، باياندى جۇرە العان ادامدار - اسىل ادامدار، ولار جەڭىسكە جەتتى.

ءسوزىن بۇزباي، ۋادەسىندە تۇرعان ادامدار - اللا ﷻدىڭ قاسىندا قابىل ەتىلگەن ادامدار، ال ۋاقىتى كەلگەندە، ولار سول تۋرا جول ۇستىندە قايتىس بولار، ءتىرى جۇرسە، سول جولىن جالعاستىرا بەرەر، ۋادەسىندە تۇرار. ال بايانداي كەلسەك، ماناعى كىسى سوناۋ ءماۋلانا شايىق نازىم حازىرەتتىڭ كەزىندە مۇسىلماندىق قابىلداعان، وعان اللانىڭ راحىمى بولعاي، ول كەشە قايتىس بولىپتى. ول گەرمانيالىق نەمىس ەدى، ءبىراق ول وسىدان 40 يا ودان دا كوپ جىل بۇرىن ءماۋلانا شايىق نازىم حازىرەتتىڭ قۇزىرىندا يسلام قابىلدادى، ءوزى فيلوسوفيا پروفەسسورى ەدى. ال فيلوسوفيا كۇدىكپەن كۇمانعا تولعان بەلگىسىز نارسەلەرگە قۇرىلادى ەمەسپە، ءبىراق شۇكىر-اللا، ول سوندا دا ءماۋلانا شايىق نازىم حازىرەتتىڭ كەرەمەتىمەن مۇسىلمان بولدى. جانە ول وزىنە، جانە ءوز اينالاسىنداعىلارعا 40 جىلدان ارتىق قىزمەت ەتتى، كوپتەگەن ادامدار ول ارقىلى حيداياتقا كەلدى، ولاردىڭ اراسىندا مۇسىلمانى دا، مۇسىلمان ەمەسى دە بار. ءتىپتى، بەي-مۇسىلماندار عانا ەمەس، جولدان شىعىپ كەتكەن كوپتەگەن مۇسىلمانداردىڭ ءوزى وسى كىسى ارقىلى تۋرا جولعا كەلدى، سول كىسى ولاردى حيداياتقا قايتارىپ اكەلدى. براق ءقازىر ول اللا ﷻدىڭ سۇيىكتى ءبىر پەندەسى رەتىندە، مىنا دۇنيەدەن اتتانىپ كەتتى.

ماڭىزدى ءىس مىنە وسى، ياعني ءبىز نە ءۇشىن بۇل دۇنيەدە جارالدىق، جانە ءبىز نە ىستەۋىمىز كەرەك؟ ال اللا ﷻ ءسىزدى نەگە جاراتقانىن ايتتى، سوندا دا ءسىز ەسى كەتكەن تاۋىق سياقتى، ول جەردى، بۇل جەردى شۇقىپ، بوسقا سەندەلەسىز، ەشتەڭە تۇسىنبەي ءجۇرسىز. ال وسىنى تۇسىنەتىندەر، ونى بىلەدى، دەمەك، ادام اقيقاتتى تاپقان كەزدە، ول وعان جارماسىپ الۋى كەرەك، جانە اللا رۇحساتىندا، ءسىز سول اقيقاتپەن انا دۇنيەگە وتەسىز، جانە سول اقيقاتپەن اللا حاقتىڭ الدىندا تىك تۇرا الاسىز. اللا ﷻ بارلىعىمىزدى بەكەم ەتكەي، اداستىرىپ جىبەرمەگەي، كوپتەگەن ادامدار جولدان تايىپ كەتەدى، ول جەردەن بۇل جەرگە سەكەڭدەپ، سەكىرىپ جۇرەدى، «مەن بۇنى ۇناتامىن، مەن بۇنى ۇناتپايمىن» دەپ كەرگيدى. ال سوسىن ەشتەڭەگە جەتپەگەن كۇيدە كەنەتتەن وزدەرىنىڭ مىنا دۇنيەدەن اتتانىپ كەتكەنىن كورەدى. اللا ﷻ ءبىزدى وسىلار سياقتى ەتىپ قويماعاي، ءبىراق ءبىزدى حاق جولىندا بەكەم ەتكەي، راببىمىز بارشامىزدى وزىنە كەزدەسكەنشە، پايعامبارىمىز ﷺعا كەزدەسكەنشە، اۋليە-ماشايىقتارعا كەزدەسكەنشە، وسى تۋرا جولدا باياندى ەتە بەرگەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8644