Сұхбат: күпірліктен асқан күнә жоқ, ол бар сұмдықтың бастауы (2026.01.04 / Хижри 1447-жыл 15-Ражаб)
https://www.nvrislam.net/index.php?j=kz&post=8640
Сұхбат: күпірліктен асқан күнә жоқ, ол бар сұмдықтың бастауы (2026.01.04 / Хижри 1447-жыл 15-Ражаб)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
(Türkiye, Istanbul, Akbaba Dergah-да айтылған сұхбат) Пайғамбарымыз ﷺ хазіреті, «لَيْسَ بَعْدَ الْكُفْرِ ذَنْب» яғни, «кәпірліктен соң күнә жоқ» дейді, демек күпірлікке түсіп, кәпір болудан асқан күнә жоқ, яғни кәпір болу ең үлкен күнә, одан өткен сұмдық іс жоқ. Сондықтан, сіз кәпірлерге барып, «арақ ішу, зина істеу, шошқа жеу күнә» деп айта алмайсыз, себебі, расында олар бұлардан әлдеқайда зор болған күнә күпірлікке түсіп кетті. Алайда, адамнан осы күпірлік кетсе, оның күнәлары ештеңе болмай қалар, ол мүлдем тазарар, сондықтан ислам қабылдап мұсылман болғандар, жаңа туылғанға, бәрін нөлден бастауға ұқсайды. Демек, Алла Әззә уә-Жәллә олардың істеген барлық күнәларын сол сәттен бастап кешіріп жібереді, және олар Алла ﷻдың жолында жалғасты жүрер. Себебі, қазір біз, «ол оны істеді, ол оны өлтірді, ол біреуді атып кетті, ол алай, ол былай» деген нәрселерді көріп жүрміз.
Ал бұларды кәпір істейді, себебі ол күпірлікке түсіп кетті, ал одан соң ол нені істегісі келсе, соны істей береді, оған ештеңе бұйым емес. Ал Алла ﷻдың қасындағы ең ұлық іс мынау, егер біреу ислам қабылдаса, ол жәйлы пайғамбарымыз ﷺ хазіреті, «الإِسلَامُ يَجُبُّ مَا قَبلَه» яғни, «ислам оның бұрынғы жаман амалдарын өшірер» дейді, демек, ислам оның бұрын істеген барлық істерін кешіреді. Ал бүгінгі адамдар өз ойлары бойынша заңдар жасап алады, және олардан үкім сұрайды, бірақ біреу исламға кіріп, мұсылман болса, Алла ﷻның алдында ол жаңадан туылған сәби іспетті болады. Сондықтан, Алла ﷻдың үкімі хақ үкім, ал адамның үкімі бос бірдеңе, ол тек мәселелер туындатады, бірақ әрине, сіз осы дүниеге келген соң, олар нендей үкім орнатса, соған бағынуыңыз керек, сіз өз ойыңыз бойынша үкім ете алмайсыз. Бірақ нағыз үкім Алла ﷻға, Алла Әззә уә-Жәлләға тән.
Алла ﷻдың үкімі мына дүниелік үкімдерден бөлек, ол солай, ал адам исламмен мәртебеленген соң, айтып өткеніміздей, ол Алла ﷻдың құзіретінде жаңадан туылғандай болады, және ол осыбір сауапқа жетеді. Мәселен, пайғамбарымыз ﷺның кезіндегі қайбар шайқасында бір қойшы болған еді, ал осы қойшы ислам қабылдайды, бірақ ол тіпті бір ракат намаз оқудан бұрын шәхит болып кетеді де, оған шәхиттік дәреже беріледі. Сол кезде пайғамбарымыз ﷺ күлімсіреп, «мына адам тіпті бір ракат намаз оқымастан жәннәтқа жетті» дейді, сондықтан қараңыз, үкімнің қалай болатындығын көріңіз. Ислам адам баласы үшін құтылыс және бақыт, шүкір-Алла, кім исламмен мәртебеленсе, ол Алла Әззә уә-Жәлләның берекесімен іззетіне жетеді. Алла ﷻ барлығымызды Алла жолында бекем еткей, баянды еткей, және бізді жолдан адастырып жібермегей, иншалла.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: كۇپىرلىكتەن اسقان كۇنا جوق، ول بار سۇمدىقتىڭ باستاۋى (2026.01.04 / حيجري 1447-جىل 15-راجاب)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
(Türkiye، Istanbul، Akbaba Dergah-دا ايتىلعان سۇحبات) پايعامبارىمىز ﷺ حازىرەتى، «لَيْسَ بَعْدَ الْكُفْرِ ذَنْب» ياعني، «كاپىرلىكتەن سوڭ كۇنا جوق» دەيدى، دەمەك كۇپىرلىككە ءتۇسىپ، كاپىر بولۋدان اسقان كۇنا جوق، ياعني كاپىر بولۋ ەڭ ۇلكەن كۇنا، ودان وتكەن سۇمدىق ءىس جوق. سوندىقتان، ءسىز كاپىرلەرگە بارىپ، «اراق ءىشۋ، زينا ىستەۋ، شوشقا جەۋ كۇنا» دەپ ايتا المايسىز، سەبەبى، راسىندا ولار بۇلاردان الدەقايدا زور بولعان كۇنا كۇپىرلىككە ءتۇسىپ كەتتى. الايدا، ادامنان وسى كۇپىرلىك كەتسە، ونىڭ كۇنالارى ەشتەڭە بولماي قالار، ول مۇلدەم تازارار، سوندىقتان يسلام قابىلداپ مۇسىلمان بولعاندار، جاڭا تۋىلعانعا، ءبارىن نولدەن باستاۋعا ۇقسايدى. دەمەك، اللا ءاززا ءۋا-ءجاللا ولاردىڭ ىستەگەن بارلىق كۇنالارىن سول ساتتەن باستاپ كەشىرىپ جىبەرەدى، جانە ولار اللا ﷻدىڭ جولىندا جالعاستى جۇرەر. سەبەبى، ءقازىر ءبىز، «ول ونى ىستەدى، ول ونى ءولتىردى، ول بىرەۋدى اتىپ كەتتى، ول الاي، ول بىلاي» دەگەن نارسەلەردى كورىپ ءجۇرمىز.
ال بۇلاردى كاپىر ىستەيدى، سەبەبى ول كۇپىرلىككە ءتۇسىپ كەتتى، ال ودان سوڭ ول نەنى ىستەگىسى كەلسە، سونى ىستەي بەرەدى، وعان ەشتەڭە بۇيىم ەمەس. ال اللا ﷻدىڭ قاسىنداعى ەڭ ۇلىق ءىس مىناۋ، ەگەر بىرەۋ يسلام قابىلداسا، ول ءجايلى پايعامبارىمىز ﷺ حازىرەتى، «الإِسلَامُ يَجُبُّ مَا قَبلَه» ياعني، «يسلام ونىڭ بۇرىنعى جامان امالدارىن وشىرەر» دەيدى، دەمەك، يسلام ونىڭ بۇرىن ىستەگەن بارلىق ىستەرىن كەشىرەدى. ال بۇگىنگى ادامدار ءوز ويلارى بويىنشا زاڭدار جاساپ الادى، جانە ولاردان ۇكىم سۇرايدى، ءبىراق بىرەۋ يسلامعا كىرىپ، مۇسىلمان بولسا، اللا ﷻنىڭ الدىندا ول جاڭادان تۋىلعان ءسابي ىسپەتتى بولادى. سوندىقتان، اللا ﷻدىڭ ۇكىمى حاق ۇكىم، ال ادامنىڭ ۇكىمى بوس بىردەڭە، ول تەك ماسەلەلەر تۋىنداتادى، ءبىراق ارينە، ءسىز وسى دۇنيەگە كەلگەن سوڭ، ولار نەندەي ۇكىم ورناتسا، سوعان باعىنۋىڭىز كەرەك، ءسىز ءوز ويىڭىز بويىنشا ۇكىم ەتە المايسىز. ءبىراق ناعىز ۇكىم اللا ﷻعا، اللا ءاززا ءۋا-ءجاللاعا ءتان.
اللا ﷻدىڭ ۇكىمى مىنا دۇنيەلىك ۇكىمدەردەن بولەك، ول سولاي، ال ادام يسلاممەن مارتەبەلەنگەن سوڭ، ايتىپ وتكەنىمىزدەي، ول اللا ﷻدىڭ قۇزىرەتىندە جاڭادان تۋىلعانداي بولادى، جانە ول ءوسىبىر ساۋاپقا جەتەدى. ماسەلەن، پايعامبارىمىز ﷺنىڭ كەزىندەگى قايبار شايقاسىندا ءبىر قويشى بولعان ەدى، ال وسى قويشى يسلام قابىلدايدى، ءبىراق ول ءتىپتى ءبىر راكات ناماز وقۋدان بۇرىن ءشاحيت بولىپ كەتەدى دە، وعان شاحيتتىك دارەجە بەرىلەدى. سول كەزدە پايعامبارىمىز ﷺ كۇلىمسىرەپ، «مىنا ادام ءتىپتى ءبىر راكات ناماز وقىماستان ءجانناتقا جەتتى» دەيدى، سوندىقتان قاراڭىز، ۇكىمنىڭ قالاي بولاتىندىعىن كورىڭىز. يسلام ادام بالاسى ءۇشىن قۇتىلىس جانە باقىت، شۇكىر-اللا، كىم يسلاممەن مارتەبەلەنسە، ول اللا ءاززا ءۋا-ءجاللانىڭ بەرەكەسىمەن ىززەتىنە جەتەدى. اللا ﷻ بارلىعىمىزدى اللا جولىندا بەكەم ەتكەي، باياندى ەتكەي، جانە ءبىزدى جولدان اداستىرىپ جىبەرمەگەي، ينشاللا.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8640