Сұхбат: жақсы амал істесең, ол екі дүниеде де пайда береді (2025.12.29 / Хижри 1447-жыл 09-Ражаб)
https://www.nvrislam.net/index.php?j=kz&post=8633
Сұхбат: жақсы амал істесең, ол екі дүниеде де пайда береді (2025.12.29 / Хижри 1447-жыл 09-Ражаб)
Исламбол (Станбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
(Türkiye, Istanbul, Akbaba Dergah-да айтылған сұхбат) Жақсылық болғай, иншалла, жақсылық тіпті де көп жақсылықтарға жол болғай, жақсылық жақсылықты шақырар, жамандық жамандықты шақырар. Сондықтан, шүкір-Алла, Мәуләнә Шайық Назым хазірет жағынан, және басқа машайықтар жағынан көрсетіліп кеткен жол адамзат үшін, мұсылмандар үшін, яғни барлық адам үшін арналған игіліктің жолы. Жұрт, «жақсылық етсең, жақсылыққа жетесің» дер, ал Алла Әззә уә-Жәллә сіздің істеген тым болымсыз жақсы амалыңызды ұмытпайды, сіз оның сауабын алатын боласыз. Егер сіз кішкене жамандық істеген болсаңыз, және ол үшін тәубе етіп, кешірім сұрамасаңыз, онда оның жазасын тартатын боласыз, Алла Әззә уә-Жәллә осылай дейді. Біздің пайғамбарымыз ﷺ да, және барлық пайғамбарлар да адамдарға осыны үйретті.
Қазір адамдар, «бұл жақсы амалдар тек ақирет үшін ғана, оны істеу тек ақиретке арналған» деп ойлар, алайда ол барлығы үшін еді, ол осы дүниеге де, ақиретке де арналған, яғни ол тек ақирет үшін ғана емес. Демек, сіз осы дүниеде жақсылық істесеңіз, сөзсіз оның сауабына жетесіз, ал жамандық істесеңіз, осы дүниеде де оның жазасын аласыз, яғни сіз ол үшін осында да, ақиретте де жазаланасыз, әрине, тәубе етпесеңіз, осылай болар. Егер сіз осы дүниеде жаман іс істесеңіз, осында оның жазасын көресіз, және сіз, «мен қате іс қылып қойдым, мен бұнда сол үшін жазаландым, ал мен оның ақиреттегі азабынан сақтанғым келер» деп ойласаңыз, онда сіз тәубе етіп, кешірім сұраңыз, Алла ﷻға бұрылыңыз. Сонда сіз оның ақиреттегі азабынан құтыласыз, алайда жаман істердің жазасы осы дүниеде міндетті түрде атқарылатын болады.
Сондықтан, мұсылмандардың жолы, иманның жолы, исламның жолы ең әдемі жол, демек, сіз ең кемінде жаман ісіңіздің нәтижесін я жазасын осы дүниеде көре бастайсыз, себебі мына дүние сынақ алаңы, онда сөзсіз мәлім істер туылады. Ал сіз есіңізді жинау үшін және одан арылу үшін, жаман ісіңіздің жазасын осында тартатын боласыз, бірақ сіз тоңмойын біреу болсаңыз, оның бұл дүниеде пайдасы болмас. Демек, істеген жамандығыңыз бұл дүниеде сізге тек жазамен азап алып келеді, ал ақиретте бұл арадағы жазадан да сұмдық жазамен жазаланатын боласыз, Алла ﷻ бізді панасына алғай, адамдар осыны білуі керек. Барша пайғамбарлар, сахабалар, және мүминдер игілік үшін, жақсылық үшін өмір сүреді, олар жамандықты, кесірді аңсамайды, олар Алла ﷻ сүйгенді сүйеді, Алла ﷻ жек көргенді жек көреді. Алла ﷻ барлығымызды жамандықтан, кесір-кесапаттан, күнәдан, және бұзықтықтан қорғағай.
- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы
#ислам #әулие #жүрек #қазақ #сопылық
nvrislam.net
instagram.com/nvrislami
سۇحبات: جاقسى امال ىستەسەڭ، ول ەكى دۇنيەدە دە پايدا بەرەدى (2025.12.29 / حيجري 1447-جىل 09-راجاب)
يسلامبول (ستانبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
(Türkiye، Istanbul، Akbaba Dergah-دا ايتىلعان سۇحبات) جاقسىلىق بولعاي، ينشاللا، جاقسىلىق ءتىپتى دە كوپ جاقسىلىقتارعا جول بولعاي، جاقسىلىق جاقسىلىقتى شاقىرار، جاماندىق جاماندىقتى شاقىرار. سوندىقتان، شۇكىر-اللا، ءماۋلانا شايىق نازىم حازىرەت جاعىنان، جانە باسقا ماشايىقتار جاعىنان كورسەتىلىپ كەتكەن جول ادامزات ءۇشىن، مۇسىلماندار ءۇشىن، ياعني بارلىق ادام ءۇشىن ارنالعان يگىلىكتىڭ جولى. جۇرت، «جاقسىلىق ەتسەڭ، جاقسىلىققا جەتەسىڭ» دەر، ال اللا ءاززا ءۋا-ءجاللا ءسىزدىڭ ىستەگەن تىم بولىمسىز جاقسى امالىڭىزدى ۇمىتپايدى، ءسىز ونىڭ ساۋابىن الاتىن بولاسىز. ەگەر ءسىز كىشكەنە جاماندىق ىستەگەن بولساڭىز، جانە ول ءۇشىن تاۋبە ەتىپ، كەشىرىم سۇراماساڭىز، وندا ونىڭ جازاسىن تارتاتىن بولاسىز، اللا ءاززا ءۋا-ءجاللا وسىلاي دەيدى. ءبىزدىڭ پايعامبارىمىز ﷺ دا، جانە بارلىق پايعامبارلار دا ادامدارعا وسىنى ۇيرەتتى.
ءقازىر ادامدار، «بۇل جاقسى امالدار تەك اقيرەت ءۇشىن عانا، ونى ىستەۋ تەك اقيرەتكە ارنالعان» دەپ ويلار، الايدا ول بارلىعى ءۇشىن ەدى، ول وسى دۇنيەگە دە، اقيرەتكە دە ارنالعان، ياعني ول تەك اقيرەت ءۇشىن عانا ەمەس. دەمەك، ءسىز وسى دۇنيەدە جاقسىلىق ىستەسەڭىز، ءسوزسىز ونىڭ ساۋابىنا جەتەسىز، ال جاماندىق ىستەسەڭىز، وسى دۇنيەدە دە ونىڭ جازاسىن الاسىز، ياعني ءسىز ول ءۇشىن وسىندا دا، اقيرەتتە دە جازالاناسىز، ارينە، تاۋبە ەتپەسەڭىز، وسىلاي بولار. ەگەر ءسىز وسى دۇنيەدە جامان ءىس ىستەسەڭىز، وسىندا ونىڭ جازاسىن كورەسىز، جانە ءسىز، «مەن قاتە ءىس قىلىپ قويدىم، مەن بۇندا سول ءۇشىن جازالاندىم، ال مەن ونىڭ اقيرەتتەگى ازابىنان ساقتانعىم كەلەر» دەپ ويلاساڭىز، وندا ءسىز تاۋبە ەتىپ، كەشىرىم سۇراڭىز، اللا ﷻعا بۇرىلىڭىز. سوندا ءسىز ونىڭ اقيرەتتەگى ازابىنان قۇتىلاسىز، الايدا جامان ىستەردىڭ جازاسى وسى دۇنيەدە مىندەتتى تۇردە اتقارىلاتىن بولادى.
سوندىقتان، مۇسىلمانداردىڭ جولى، يماننىڭ جولى، يسلامنىڭ جولى ەڭ ادەمى جول، دەمەك، ءسىز ەڭ كەمىندە جامان ءىسىڭىزدىڭ ناتيجەسىن يا جازاسىن وسى دۇنيەدە كورە باستايسىز، سەبەبى مىنا دۇنيە سىناق الاڭى، وندا ءسوزسىز ءمالىم ىستەر تۋىلادى. ال ءسىز ەسىڭىزدى جيناۋ ءۇشىن جانە ودان ارىلۋ ءۇشىن، جامان ءىسىڭىزدىڭ جازاسىن وسىندا تارتاتىن بولاسىز، ءبىراق ءسىز توڭمويىن بىرەۋ بولساڭىز، ونىڭ بۇل دۇنيەدە پايداسى بولماس. دەمەك، ىستەگەن جاماندىعىڭىز بۇل دۇنيەدە سىزگە تەك جازامەن ازاپ الىپ كەلەدى، ال اقيرەتتە بۇل اراداعى جازادان دا سۇمدىق جازامەن جازالاناتىن بولاسىز، اللا ﷻ ءبىزدى پاناسىنا العاي، ادامدار وسىنى ءبىلۋى كەرەك. بارشا پايعامبارلار، ساحابالار، جانە مۇميندەر يگىلىك ءۇشىن، جاقسىلىق ءۇشىن ءومىر سۇرەدى، ولار جاماندىقتى، كەسىردى اڭسامايدى، ولار اللا ﷻ سۇيگەندى سۇيەدى، اللا ﷻ جەك كورگەندى جەك كورەدى. اللا ﷻ بارلىعىمىزدى جاماندىقتان، كەسىر-كەساپاتتان، كۇنادان، جانە بۇزىقتىقتان قورعاعاي.
- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى
#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8633