Мазмұнды Көшіру

https://www.nvrislam.net/index.php?j=kz&post=8623
Сұхбат: Алла құранда, «адамдар Алланың жаратылыстарын өзгертпеші болар» дейді (2025.12.20 / Хижри 1447-жыл 29-Жұмадал Әл-Тәни)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye, Istanbul, Akbaba Dergah-да айтылған сұхбат) Бисмиллахир рахманир рахим, «فَتَبَارَكَ اللَّهُ أَحْسَنُ الْخَالِقِينَ» яғни «өте құтты, ол - Алла, жаратушылардың Ең Жақсысы», (құран 23інші сүре 14інші аят), садақаллахулғазим. Алла Әззә уә-Жәллә барлығын ең әдемі етіп жаратты, Оның есімі ең құрметті, біз, «табарака» дейміз, демек одан биігі немесе одан жақсысы жоқ, Алла Әззә уә-Жәллә барлығын ең жақсы бейнеде жаратты. Алайда, адам баласы оны ұнатпай, оны өзгерткісі келер, ал олар оны өзгерткенде, ол әдемі болмай қалады, ол қарамаққа әдемі көрінсе де, кейін ол адамдарды зияндар. Міне бұл біз атап жүрген ақырзаман еді, адамдар, «біз жақсы етеміз, біз бәрін жақсы қыламыз» деп ойлар, бірақ олар осылай «жақсы қылып жібереміз» деп жүргенде, істі онан арман ұшықтырып жіберер. Одан соң олар бұрынғы қалпына қайтпақшы болады, бірақ бұл кезде олар қайта алмайды, себебі сендер оны әлдеқашан құртып болған едіңдер, оны қайтадан істей алмайсыңдар, яғни сендер Алла Әззә уә-Жәллә жасаған нәрсені қайталай алмайсыңдар.

Сондықтан, сіз оған араласпаңыз, демек Алла Әззә уә-Жәллә сізге бірдеңе берсе, оған қанағат етіп, риза болыңыз, барыңызға шүкірлік етіңіз де, алға жүре беріңіз, бұнда «тіпті де әдемі бола түсеміз» деген есек дәмеге салынып, басқа қажетсіз істерді істеудің қажеті жоқ. Алайда, кейбір мәселелер көтерілсе, мәселен, денсаулыққа қатысты істер болса, оны істеуге болар, бірақ қызық үшін түсініксіз бірдеңелерді істеу еш жақсылық емес. Себебі, Алла ﷻ, «فَلَيُغَيِّرُنَّ خَلْقَ اللَّهِ» яғни «олар Алланың жаратылыстарын өзгертер» дейді, (құран 4інші сүре 119інші аят). Демек, адамдар Алла ﷻдың жаратқандарын өзгертеді, бұнда кішкене істер бар, және үлкен істер де бар. Хаша, беті аулақ болғай, яғни ақырзамандағы адамдар ерді әйел, ал әйелді ер етіп, өзгерткісі келеді. Бұдан тыс, олар адамдардың беттерін, көздерін, бойларын ұзын я қысқа етіп өзгерткісі келер, мүмкін олар бұны істер, алайда бұл оларға үлкен залал әкелетін болады.

Сондықтан, Алла Әззә уә-Жәлләның жаратқанына риза болып, оған шүкірлік ету қажет, онсызда, бұл өмір қанша ұзын дейсіз? демек, сіз мәңгі өмір сүрмейсіз, 50 жыл, 100 жыл өмір сүресіз, мейлі қанша өмір сүріңіз, ел сізді сол қалпыңызбен біледі, олар сізді қабыл етер. Алайда, сіз не үшін өзіңізді яғни жаратылысыңызды өзгерткіңіз келеді? бұлар мүлдем қажетсіз нәрселер, ал егер сіз бірдеңені өзгерткіңіз келсе, онда өз нәпсіңізді өзгертіңіз. Жақсы жанға айналыңыз, нәпсіңізге ермеңіз, бірақ нәпсіңіз сізге ерсін, ал сыртқы бейнеңізбен сыртқы түріңізді сізге Алла ﷻ өзі берген. «Риза бол, о нәпсім» деңіз де, өзіңізді, нәпсіңізді өзгертіңіз, нәпсіңізге оператсия жасаңыз, яғни жаман әдет, жаман қасиеттеріңізді кетіріңіз, оларды лақтырып жіберіңіз. Ал егер сіз Алла ﷻ жаратып қойған нәрсені, Алла жаратқан тән-денеңізді ұнатпасаңыз, онда өз нәпсіңізді өзгертіңіз, сонда Алла ﷻ сізге риза болар, оның басқаша болуы мүмкін емес.

Иә, шаруа осылай, сыртқы бейне маңызды емес, демек мәселе сыртқы бейнеде емес, бірақ ішкі адамдықта, ішкі жан дүниеде, егер адамгершілігіңіз жақсы болмаса, оны өзгертіңіз, егер Алла ﷻға риза болмасаңыз, бұл жаман қасиетіңізді де өзгертіңіз, және Алла ﷻға риза болыңыз. Алла ﷻдың сізге бергеніне риза болыңыз, шүкірлік етіңіз, маңызды іс міне осы, ал сыртқы бейне, сыртқа тұлға маңызды емес, яғни бейне ең соңында топыраққа айналып кетеді, одан ештеңе қалмайды. Бірақ нәпсіңіз, жаныңыз қалады, міне осылар қалады, және сіз олардың игілігін көретін боласыз. Бейне Алла ﷻ адамдарға білім бергендей, Ол адамдарға ақылмен түсінік берді. Алла ﷻ адамдарға өз ақылымен дарынын істете алатын қабілет бергей, сонда олар тыныштық табар еді. Әйтпесе, адамдар еш тыныштық таба алмас, ештеңеге риза бола алмас, және олар ештеңеге қанағат етпейтін болады. Алла ﷻ адамдарға жәрдем еткей, оларды шайтаннан және өз нәпсілерінен қорғағай, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #әулие #жүрек #қазақ #сопылық
nvrislam.net
instagram.com/nvrislami



سۇحبات: اللا قۇراندا، «ادامدار اللانىڭ جاراتىلىستارىن وزگەرتپەشى بولار» دەيدى (2025.12.20 / حيجري 1447-جىل 29-جۇمادال ءال-ءتاني)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye، Istanbul، Akbaba Dergah-دا ايتىلعان سۇحبات) بيسميللاحير راحمانير راحيم، «فَتَبَارَكَ اللَّهُ أَحْسَنُ الْخَالِقِينَ» ياعني «وتە قۇتتى، ول - اللا، جاراتۋشىلاردىڭ ەڭ جاقسىسى»، (قۇران 23ءىنشى سۇرە 14ءىنشى ايات)، ساداقاللاحۋلعازيم. اللا ءاززا ءۋا-ءجاللا بارلىعىن ەڭ ادەمى ەتىپ جاراتتى، ونىڭ ەسىمى ەڭ قۇرمەتتى، ءبىز، «تاباراكا» دەيمىز، دەمەك ودان بيىگى نەمەسە ودان جاقسىسى جوق، اللا ءاززا ءۋا-ءجاللا بارلىعىن ەڭ جاقسى بەينەدە جاراتتى. الايدا، ادام بالاسى ونى ۇناتپاي، ونى وزگەرتكىسى كەلەر، ال ولار ونى وزگەرتكەندە، ول ادەمى بولماي قالادى، ول قاراماققا ادەمى كورىنسە دە، كەيىن ول ادامداردى زياندار. مىنە بۇل ءبىز اتاپ جۇرگەن اقىرزامان ەدى، ادامدار، «ءبىز جاقسى ەتەمىز، ءبىز ءبارىن جاقسى قىلامىز» دەپ ويلار، ءبىراق ولار وسىلاي «جاقسى قىلىپ جىبەرەمىز» دەپ جۇرگەندە، ءىستى ونان ارمان ۇشىقتىرىپ جىبەرەر. ودان سوڭ ولار بۇرىنعى قالپىنا قايتپاقشى بولادى، ءبىراق بۇل كەزدە ولار قايتا المايدى، سەبەبى سەندەر ونى الدەقاشان قۇرتىپ بولعان ەدىڭدەر، ونى قايتادان ىستەي المايسىڭدار، ياعني سەندەر اللا ءاززا ءۋا-ءجاللا جاساعان نارسەنى قايتالاي المايسىڭدار.

سوندىقتان، ءسىز وعان ارالاسپاڭىز، دەمەك اللا ءاززا ءۋا-ءجاللا سىزگە بىردەڭە بەرسە، وعان قاناعات ەتىپ، ريزا بولىڭىز، بارىڭىزعا شۇكىرلىك ەتىڭىز دە، العا جۇرە بەرىڭىز، بۇندا «ءتىپتى دە ادەمى بولا تۇسەمىز» دەگەن ەسەك دامەگە سالىنىپ، باسقا قاجەتسىز ىستەردى ىستەۋدىڭ قاجەتى جوق. الايدا، كەيبىر ماسەلەلەر كوتەرىلسە، ماسەلەن، دەنساۋلىققا قاتىستى ىستەر بولسا، ونى ىستەۋگە بولار، ءبىراق قىزىق ءۇشىن تۇسىنىكسىز بىردەڭەلەردى ىستەۋ ەش جاقسىلىق ەمەس. سەبەبى، اللا ﷻ، «فَلَيُغَيِّرُنَّ خَلْقَ اللَّهِ» ياعني «ولار اللانىڭ جاراتىلىستارىن وزگەرتەر» دەيدى، (قۇران 4ءىنشى سۇرە 119ءىنشى ايات). دەمەك، ادامدار اللا ﷻدىڭ جاراتقاندارىن وزگەرتەدى، بۇندا كىشكەنە ىستەر بار، جانە ۇلكەن ىستەر دە بار. حاشا، بەتى اۋلاق بولعاي، ياعني اقىرزامانداعى ادامدار ەردى ايەل، ال ايەلدى ەر ەتىپ، وزگەرتكىسى كەلەدى. بۇدان تىس، ولار ادامداردىڭ بەتتەرىن، كوزدەرىن، بويلارىن ۇزىن يا قىسقا ەتىپ وزگەرتكىسى كەلەر، مۇمكىن ولار بۇنى ىستەر، الايدا بۇل ولارعا ۇلكەن زالال اكەلەتىن بولادى.

سوندىقتان، اللا ءاززا ءۋا-ءجاللانىڭ جاراتقانىنا ريزا بولىپ، وعان شۇكىرلىك ەتۋ قاجەت، ونسىزدا، بۇل ءومىر قانشا ۇزىن دەيسىز؟ دەمەك، ءسىز ماڭگى ءومىر سۇرمەيسىز، 50 جىل، 100 جىل ءومىر سۇرەسىز، مەيلى قانشا ءومىر ءسۇرىڭىز، ەل ءسىزدى سول قالپىڭىزبەن بىلەدى، ولار ءسىزدى قابىل ەتەر. الايدا، ءسىز نە ءۇشىن ءوزىڭىزدى ياعني جاراتىلىسىڭىزدى وزگەرتكىڭىز كەلەدى؟ بۇلار مۇلدەم قاجەتسىز نارسەلەر، ال ەگەر ءسىز بىردەڭەنى وزگەرتكىڭىز كەلسە، وندا ءوز ءناپسىڭىزدى وزگەرتىڭىز. جاقسى جانعا اينالىڭىز، ناپسىڭىزگە ەرمەڭىز، ءبىراق ءناپسىڭىز سىزگە ەرسىن، ال سىرتقى بەينەڭىزبەن سىرتقى ءتۇرىڭىزدى سىزگە اللا ﷻ ءوزى بەرگەن. «ريزا بول، و ءناپسىم» دەڭىز دە، ءوزىڭىزدى، ءناپسىڭىزدى وزگەرتىڭىز، ناپسىڭىزگە وپەراتسيا جاساڭىز، ياعني جامان ادەت، جامان قاسيەتتەرىڭىزدى كەتىرىڭىز، ولاردى لاقتىرىپ جىبەرىڭىز. ال ەگەر ءسىز اللا ﷻ جاراتىپ قويعان نارسەنى، اللا جاراتقان ءتان-دەنەڭىزدى ۇناتپاساڭىز، وندا ءوز ءناپسىڭىزدى وزگەرتىڭىز، سوندا اللا ﷻ سىزگە ريزا بولار، ونىڭ باسقاشا بولۋى مۇمكىن ەمەس.

ءيا، شارۋا وسىلاي، سىرتقى بەينە ماڭىزدى ەمەس، دەمەك ماسەلە سىرتقى بەينەدە ەمەس، ءبىراق ىشكى ادامدىقتا، ىشكى جان دۇنيەدە، ەگەر ادامگەرشىلىگىڭىز جاقسى بولماسا، ونى وزگەرتىڭىز، ەگەر اللا ﷻعا ريزا بولماساڭىز، بۇل جامان قاسيەتىڭىزدى دە وزگەرتىڭىز، جانە اللا ﷻعا ريزا بولىڭىز. اللا ﷻدىڭ سىزگە بەرگەنىنە ريزا بولىڭىز، شۇكىرلىك ەتىڭىز، ماڭىزدى ءىس مىنە وسى، ال سىرتقى بەينە، سىرتقا تۇلعا ماڭىزدى ەمەس، ياعني بەينە ەڭ سوڭىندا توپىراققا اينالىپ كەتەدى، ودان ەشتەڭە قالمايدى. ءبىراق ءناپسىڭىز، جانىڭىز قالادى، مىنە وسىلار قالادى، جانە ءسىز ولاردىڭ يگىلىگىن كورەتىن بولاسىز. بەينە اللا ﷻ ادامدارعا ءبىلىم بەرگەندەي، ول ادامدارعا اقىلمەن تۇسىنىك بەردى. اللا ﷻ ادامدارعا ءوز اقىلىمەن دارىنىن ىستەتە الاتىن قابىلەت بەرگەي، سوندا ولار تىنىشتىق تابار ەدى. ايتپەسە، ادامدار ەش تىنىشتىق تابا الماس، ەشتەڭەگە ريزا بولا الماس، جانە ولار ەشتەڭەگە قاناعات ەتپەيتىن بولادى. اللا ﷻ ادامدارعا جاردەم ەتكەي، ولاردى شايتاننان جانە ءوز ناپسىلەرىنەن قورعاعاي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #اۋليە #جۇرەك #قازاق #سوپىلىق
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8623