Мазмұнды Көшіру

https://www.nvrislam.net/index.php?j=kz&post=8505
Сұхбат: исламда баланы жасынан былай тәрбиелейді (2025.09.15 / Хижри 1447-жыл 23-Рабиул Ауал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye, Istanbul, Akbaba Dergah-да айтылған сұхбат) Бисмиллахир рахманир рахим, «وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ» яғни (және мен өзімен ада емеспін, егер Раббымның рахым еткені болмаса, расында нәпсі жамандыққа бейім тұрады, расында, Раббым аса кешірімді өте рахымды) (құран 12інші сүре 53інші аят), садақал лахул ғазим. Біз нәпсімізді жақсы немесе есті санамауымыз керек, бұл аят-каримада осылай делінген. Себебі адам нәпсісі еш тынбастан адамды жамандықпен кесір-кесапатқа әмір етеді, ол жамандықты қалайды, ал біз осы нәпсіні тежеуіміз керек, оның қалағанын істей беруімізге болмайды. Қазір көптеген адамдар, «біз нәпсімізбен күресіп жатырмыз» дейді, иә, егер бұны білсеңіз, жақсы болмақ, алайда кейбір адамдар олардың нәпсілері нені қаласа, олар соны төтесінен бере салады. Бірақ біз онымен күресуіміз яғни нәпсімізге жихат жасауымыз керек, ал отбасылар балаларын сонау сәби кезінен бастап, нәпсілерін меңгеруге тәрбиелеуі керек.

Ал шындығында балалар нені қаласа, барлығын бере салу жақсылық емес, берген күнде де, олар оның мәнін түсініп, құнын білуі керек, сонымен бірге олар барлығы әпсәтте бола қалмайтынын білуі керек, ал бұлар төзімділікті қажет етеді. Бүгінгі адамдар өте оғаш болып кеткен, себебі ертеде балалар отбасына, ата-анасына қызмет өтейтін, ал қазір, балаларды қоя тұралық, олар балаларына қызмет өтемек түгілі, хайуандарға қызмет өтеп, бәйек болып жүр. Яғни олардың қарайтын иттері бар, олар осы тектес хайуандарына қызмет етеді, олар күні бойы олардың не жеп, не ішкеніне, қайда апаратынына, не істейтініне, не қалайтынына қарайды, соған көңіл бөледі. Оларға осылай қызмет қылады, олардың артынан жүгіреді, демек олар бар күндерін осы хайуандардың тамағына, ішкен-жегеніне қараумен өткізеді. Уитамин береді дейме, және басқа нелері бар, оны білмедім, олар уақытын осыған кетіреді. Олар осылай бұл жануарлардың қызметінде жүреді, алайда қызмет Алла ﷻ үшін болуы керек болатұғын, демек сіз Алла ﷻ үшін қызмет өтеңіз, өз нәпсіңізді тәрбиелеңіз, және сәйкесті түрде балаларыңызды тәбиелеңіз.

Егер ата-анаңызға қызмет етсеңіз, сізге өте үлкен сауап бар, қажетті нәрсе міне осы, Алла Әззә уә-Жәллә осыны әмір етеді, ол құранда да айтылған, егер біреу осылай істесе, оның ұрпақтары жақсы ұрпақ болады. Ал егер олай етпесе, біз көріп жүрміз ғой, манағындай оғаш адамдар пайда болады, демек адамдар кәрі-жас болсын, олар нәпсісі қалағанын істейтін болады. Қазір, «18 жастан төмендерге жаза аз» деген заң бар, алайда адам ержете сала, оған жаза қолдану дұрыс еді, ал жаза қай кезде қолданылу керек? жаза балаға намаз парыз болғаннан бастап, яғни ол есейгеннен бастап, атқарылса болады. Олар ер немесе әйел болсын, балиғат жасына жеткенде, үйленуге жеткенде, немесе балалы болғанда, оларға жаза қолданылады, демек содан бастап олардың күнәсімен барлық істері естелікке алынатын болады. Алла Әззә уә-Жәллә осы жастан бастап олардың күнәларын жаза бастайды, сондықтан бұл дүниеде олардың ойына келгенін істете беруіңізге болмайды. Әйтпесе осыдан бастап, бәле-қалалар сізге түсе бастайды, әр жерде жамандық, кесір-кесапат, зомегерлік, және зұлымдық күшейетін болады. Себебі сіз оларды осы жасқа дейін басқара білмесеңіз, ал кейін олар есейіп, балиғатқа жеткенде оларды басқара алмай қалатын боласыз.

Сондықтан, сіз балаларыңызға 7 жастан бастап, намаз оқуды айтыңыз, ал 10 жаста намазды көбірек оқуға бұйырыңыз, ал есейгенде яғни балиғат жасына жеткенде олар намазды толық орындасын, ал балиғат жас 13, 14, 15тен аспайды, ол бұдан кіші емес. Бірақ қазіргі кезде балалардың жеген тамағына байланысты, олар балиғат жасына тіпті ерте жетеді, ал осы кезде олар намазын өтемесе, олар күнә жасаған болып, осы үшін жаза арқалайды. Әйтпесе, айтып өткеніміздей, олар есею жасына жетпей, ол күнә есептелінбейді, бірақ сол кішкене жастан бастап намаз өтеу бір жақсы іс, ол тіпті де сауапты келеді. Алайда олар балиғатқа жеткен соң, әрбір қаза еткен намазын толықтауға міндетті болады. Ал дана адам ғана бұл жосынды ұстанады, себебі олар адам есейіп, балиғатқа жеткен соң әрбір істеген қате ісіне жаза бар екендігін біледі. Алла ﷻ барлығымызға ақыл және жөн түсінерлік түсінік бергей, иншалла. Алла Әззә уә-Жәллә адамдарға не істеу керектігін анық көрсетіп қойған, бірақ адамдар оны істемейді де, артынша, «бала неге осылай болып қалды? біз оны қалай басқарсақ болды? оны қалай жөнге саламыз?» деп, бастары қатады. Алла ﷻ баршамызға жәрдем еткей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #сүннет #әулие #жүрек #қазақ #дін #тәриқат #сопылық #намаз #алла #аллаһ #ораза #нақшыбанд #kazakhstan #kazakh #islam
nvrislam.net
instagram.com/nvrislami


سۇحبات: يسلامدا بالانى جاسىنان بىلاي تاربيەلەيدى (2025.09.15 / حيجري 1447-جىل 23-رابيۋل اۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye، Istanbul، Akbaba Dergah-دا ايتىلعان سۇحبات) بيسميللاحير راحمانير راحيم، «وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ ءبِالسُّوِ إِلَّا مَا رَحِمَ رَبِّي ۚ إِنَّ رَبِّي غَفُورٌ رَّحِيمٌ» ياعني (جانە مەن وزىمەن ادا ەمەسپىن، ەگەر راببىمنىڭ راحىم ەتكەنى بولماسا، راسىندا ءناپسى جاماندىققا بەيىم تۇرادى، راسىندا، راببىم اسا كەشىرىمدى وتە راحىمدى) (قۇران 12ءىنشى سۇرە 53ءىنشى ايات)، ساداقال لاحۋل عازيم. ءبىز ءناپسىمىزدى جاقسى نەمەسە ەستى ساناماۋىمىز كەرەك، بۇل ايات-كاريمادا وسىلاي دەلىنگەن. سەبەبى ادام ءناپسىسى ەش تىنباستان ادامدى جاماندىقپەن كەسىر-كەساپاتقا ءامىر ەتەدى، ول جاماندىقتى قالايدى، ال ءبىز وسى ءناپسىنى تەجەۋىمىز كەرەك، ونىڭ قالاعانىن ىستەي بەرۋىمىزگە بولمايدى. ءقازىر كوپتەگەن ادامدار، «ءبىز ناپسىمىزبەن كۇرەسىپ جاتىرمىز» دەيدى، ءيا، ەگەر بۇنى بىلسەڭىز، جاقسى بولماق، الايدا كەيبىر ادامدار ولاردىڭ ناپسىلەرى نەنى قالاسا، ولار سونى توتەسىنەن بەرە سالادى. ءبىراق ءبىز ونىمەن كۇرەسۋىمىز ياعني ناپسىمىزگە جيحات جاساۋىمىز كەرەك، ال وتباسىلار بالالارىن سوناۋ ءسابي كەزىنەن باستاپ، ناپسىلەرىن مەڭگەرۋگە تاربيەلەۋى كەرەك.

ال شىندىعىندا بالالار نەنى قالاسا، بارلىعىن بەرە سالۋ جاقسىلىق ەمەس، بەرگەن كۇندە دە، ولار ونىڭ ءمانىن ءتۇسىنىپ، قۇنىن ءبىلۋى كەرەك، سونىمەن بىرگە ولار بارلىعى اپساتتە بولا قالمايتىنىن ءبىلۋى كەرەك، ال بۇلار توزىمدىلىكتى قاجەت ەتەدى. بۇگىنگى ادامدار وتە وعاش بولىپ كەتكەن، سەبەبى ەرتەدە بالالار وتباسىنا، اتا-اناسىنا قىزمەت وتەيتىن، ال ءقازىر، بالالاردى قويا تۇرالىق، ولار بالالارىنا قىزمەت وتەمەك تۇگىلى، حايۋاندارعا قىزمەت وتەپ، بايەك بولىپ ءجۇر. ياعني ولاردىڭ قارايتىن يتتەرى بار، ولار وسى تەكتەس حايۋاندارىنا قىزمەت ەتەدى، ولار كۇنى بويى ولاردىڭ نە جەپ، نە ىشكەنىنە، قايدا اپاراتىنىنا، نە ىستەيتىنىنە، نە قالايتىنىنا قارايدى، سوعان كوڭىل بولەدى. ولارعا وسىلاي قىزمەت قىلادى، ولاردىڭ ارتىنان جۇگىرەدى، دەمەك ولار بار كۇندەرىن وسى حايۋانداردىڭ تاماعىنا، ىشكەن-جەگەنىنە قاراۋمەن وتكىزەدى. ۋيتامين بەرەدى دەيمە، جانە باسقا نەلەرى بار، ونى بىلمەدىم، ولار ۋاقىتىن وسىعان كەتىرەدى. ولار وسىلاي بۇل جانۋارلاردىڭ قىزمەتىندە جۇرەدى، الايدا قىزمەت اللا ﷻ ءۇشىن بولۋى كەرەك بولاتۇعىن، دەمەك ءسىز اللا ﷻ ءۇشىن قىزمەت وتەڭىز، ءوز ءناپسىڭىزدى تاربيەلەڭىز، جانە سايكەستى تۇردە بالالارىڭىزدى تابيەلەڭىز.

ەگەر اتا-اناڭىزعا قىزمەت ەتسەڭىز، سىزگە وتە ۇلكەن ساۋاپ بار، قاجەتتى نارسە مىنە وسى، اللا ءاززا ءۋا-ءجاللا وسىنى ءامىر ەتەدى، ول قۇراندا دا ايتىلعان، ەگەر بىرەۋ وسىلاي ىستەسە، ونىڭ ۇرپاقتارى جاقسى ۇرپاق بولادى. ال ەگەر ولاي ەتپەسە، ءبىز كورىپ ءجۇرمىز عوي، ماناعىنداي وعاش ادامدار پايدا بولادى، دەمەك ادامدار كارى-جاس بولسىن، ولار ءناپسىسى قالاعانىن ىستەيتىن بولادى. ءقازىر، «18 جاستان تومەندەرگە جازا از» دەگەن زاڭ بار، الايدا ادام ەرجەتە سالا، وعان جازا قولدانۋ دۇرىس ەدى، ال جازا قاي كەزدە قولدانىلۋ كەرەك؟ جازا بالاعا ناماز پارىز بولعاننان باستاپ، ياعني ول ەسەيگەننەن باستاپ، اتقارىلسا بولادى. ولار ەر نەمەسە ايەل بولسىن، باليعات جاسىنا جەتكەندە، ۇيلەنۋگە جەتكەندە، نەمەسە بالالى بولعاندا، ولارعا جازا قولدانىلادى، دەمەك سودان باستاپ ولاردىڭ كۇناسىمەن بارلىق ىستەرى ەستەلىككە الىناتىن بولادى. اللا ءاززا ءۋا-ءجاللا وسى جاستان باستاپ ولاردىڭ كۇنالارىن جازا باستايدى، سوندىقتان بۇل دۇنيەدە ولاردىڭ ويىنا كەلگەنىن ىستەتە بەرۋىڭىزگە بولمايدى. ايتپەسە وسىدان باستاپ، بالە-قالالار سىزگە تۇسە باستايدى، ءار جەردە جاماندىق، كەسىر-كەساپات، زومەگەرلىك، جانە زۇلىمدىق كۇشەيەتىن بولادى. سەبەبى ءسىز ولاردى وسى جاسقا دەيىن باسقارا بىلمەسەڭىز، ال كەيىن ولار ەسەيىپ، باليعاتقا جەتكەندە ولاردى باسقارا الماي قالاتىن بولاسىز.

سوندىقتان، ءسىز بالالارىڭىزعا 7 جاستان باستاپ، ناماز وقۋدى ايتىڭىز، ال 10 جاستا نامازدى كوبىرەك وقۋعا بۇيىرىڭىز، ال ەسەيگەندە ياعني باليعات جاسىنا جەتكەندە ولار نامازدى تولىق ورىنداسىن، ال باليعات جاس 13، 14، 15تەن اسپايدى، ول بۇدان كىشى ەمەس. ءبىراق قازىرگى كەزدە بالالاردىڭ جەگەن تاماعىنا بايلانىستى، ولار باليعات جاسىنا ءتىپتى ەرتە جەتەدى، ال وسى كەزدە ولار نامازىن وتەمەسە، ولار كۇنا جاساعان بولىپ، وسى ءۇشىن جازا ارقالايدى. ايتپەسە، ايتىپ وتكەنىمىزدەي، ولار ەسەيۋ جاسىنا جەتپەي، ول كۇنا ەسەپتەلىنبەيدى، ءبىراق سول كىشكەنە جاستان باستاپ ناماز وتەۋ ءبىر جاقسى ءىس، ول ءتىپتى دە ساۋاپتى كەلەدى. الايدا ولار باليعاتقا جەتكەن سوڭ، ءاربىر قازا ەتكەن نامازىن تولىقتاۋعا مىندەتتى بولادى. ال دانا ادام عانا بۇل جوسىندى ۇستانادى، سەبەبى ولار ادام ەسەيىپ، باليعاتقا جەتكەن سوڭ ءاربىر ىستەگەن قاتە ىسىنە جازا بار ەكەندىگىن بىلەدى. اللا ﷻ بارلىعىمىزعا اقىل جانە ءجون تۇسىنەرلىك تۇسىنىك بەرگەي، ينشاللا. اللا ءاززا ءۋا-ءجاللا ادامدارعا نە ىستەۋ كەرەكتىگىن انىق كورسەتىپ قويعان، ءبىراق ادامدار ونى ىستەمەيدى دە، ارتىنشا، «بالا نەگە وسىلاي بولىپ قالدى؟ ءبىز ونى قالاي باسقارساق بولدى؟ ونى قالاي جونگە سالامىز؟» دەپ، باستارى قاتادى. اللا ﷻ بارشامىزعا جاردەم ەتكەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپىلىق #ناماز #اللا #اللاھ #ورازا #ناقشىباند #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8505