Мазмұнды Көшіру

https://www.nvrislam.net/index.php?j=kz&post=8497
ИМАНДЫ КҮШЕЙТУ ҮШІН НИЕТТІ ДҰРЫСТАП, СОПЫЛЫҚ ТӘРИҚАТ ҰСТАН, ӘУЛИЕГЕ ЕР

иманыңызды шайтаннан қорғап, қауіпсіз етуде сопылық тәриқат аса маңызды рол атқарады. Себебі қазір шайтан, 'біз мұсылманбыз, бірақ сопылық тәриқат керек емес, мәзхап керек емес' дейтін мұсылмандар арқылы келуде. Ал сопылық тәриқат болса, сізді шайтаннан сақтап, иман-сеніміңізді онан арман күшейте түседі. Сопылық тәриқатқа көңіл бөлмейтін адамдар, оған қарсы болған адамдар ақырында бәрібір шайтанның шылауында қалады. Олар шайтанның қалай тепкісі келсе, солай тебетін добы болады. Сондықтан шайтан сопылық тәриқатқа қатты қарсы келеді. Сопылық тәриқат болмаса, адамның иманы солқылдақ болады, білім де адыра қалып, пайда бере алмайды, тіпті зиянды нәрсеге айналып, адамның сорын қайнатады. Дінде шәриғат-тәриқат бірдей келсін, сонда ғана ұстанған исламыңыздан шынайы игілік көре бастайсыз. Сол кезде ғана исламның дәмін шын татып, иман нығыметін сезінетін боласыз. Құлшылық жүк я міндет сияқты көрінбейді, бірақ ол жегіңіз келіп тұратын дәмді асыңыз сияқты болып кетеді, жеңіл болады. Пайғамбарымыздың жолының қандай болатындығын түсіне бастайсыз, өмір де, барлығы да әдемі көрінетін болады. Сопылық тәриқат жолында әулиеден піріңіз бар болғандықтан өмір оңайласады, және көкейде жұрген бар сұраққа жауап тауып, жүрек тыныштығына жетесіз. Әулиенің иманы өте күшті болатындықтан, оның жүрегінен сіздің жүрекке иман қуаты тарап, сіздің де иманың күшейе түседі. Ал мына дүниеде иманның күшті болуынан асқан бақыт жоқ, барша жақсылық атаулы иманы күштінің артынан ереді. Көптеген адамдар 'жақсылық деген ақшамен дүниенің көптігі' деп ойлайды, бірақ бұл қате көзғарас. Себебі Алланың қасына ақша-дүние және мына барша әлемнің масаның сынық қанатындай құны жоқ. Пайғамбарымыз да, 'Алла байлық-дүниені сүйетін және сүймейтін құлына да бере береді, бірақ иманды тек сүйген құлына ғана берер' дейді. Ол тағы, 'бай дегеніміз ақша-дүниесі көп адам емес, бірақ барына риза адам' дейді. Демек дүниеге кәпірлердің үйреншікті көзімен емес, пайғамбарымыздың, әулиелердің көзімен қаралық. Сонда ғана дүниеге алданбайтын боласыз. Әр адам үшін нәпсіден соң дүниенің бүлігі ең зор, оның бүлігі шайтаннан да күшті. Ал осы нәпсі, дүние және шайтанға қалай алданбауды, олардан қалай сақтануды, оларды қалай жеңуді сопылық тәриқат үйретеді. Демек ниеті дұрыс әрбір ықласты адам бұлардың барлығын әулие пірден үйрене алады. Ал қазіргіндей нәпсіге әбден орай беріліп, дүние мақсұт болған, шайтан басқа шыққан заманда сопылық тәриқат ауадай қажет, тіпті де керек. Дін мұсылман аман заманда сопылық тәриқат талғам болса, ал мынадай алмағайып заманда оны уәжіп нәрсе сияқты көруге болады. Себебі қазіргі адамдар шәриғатты өз ойынша өзгерте беретін болды. Демек сопылық тәриқат болмаған жерде мәзхап-шәриғаттың өзі біреулердің ойыншығына айналып кетеді. Сопылық тәриқат шариғаттың нақты атқарылуын қадағалайды, сондықтан шәриғатпен тәриқат бірге жүруі керек, ал олар бөлінсе, дін бұзылады.

يماندى كۇشەيتۋ ءۇشىن نيەتتى دۇرىستاپ، سوپىلىق ءتاريقات ۇستان، اۋليەگە ەر

يمانىڭىزدى شايتاننان قورعاپ، ءقاۋىپسىز ەتۋدە سوپىلىق ءتاريقات اسا ماڭىزدى رول اتقارادى. سەبەبى ءقازىر شايتان، 'ءبىز مۇسىلمانبىز، ءبىراق سوپىلىق ءتاريقات كەرەك ەمەس، ءمازحاپ كەرەك ەمەس' دەيتىن مۇسىلماندار ارقىلى كەلۋدە. ال سوپىلىق ءتاريقات بولسا، ءسىزدى شايتاننان ساقتاپ، يمان-سەنىمىڭىزدى ونان ارمان كۇشەيتە تۇسەدى. سوپىلىق ءتاريقاتقا كوڭىل بولمەيتىن ادامدار، وعان قارسى بولعان ادامدار اقىرىندا ءبارىبىر شايتاننىڭ شىلاۋىندا قالادى. ولار شايتاننىڭ قالاي تەپكىسى كەلسە، سولاي تەبەتىن دوبى بولادى. سوندىقتان شايتان سوپىلىق ءتاريقاتقا قاتتى قارسى كەلەدى. سوپىلىق ءتاريقات بولماسا، ادامنىڭ يمانى سولقىلداق بولادى، ءبىلىم دە ادىرا قالىپ، پايدا بەرە المايدى، ءتىپتى زياندى نارسەگە اينالىپ، ادامنىڭ سورىن قايناتادى. دىندە ءشاريعات-ءتاريقات بىردەي كەلسىن، سوندا عانا ۇستانعان يسلامىڭىزدان شىنايى يگىلىك كورە باستايسىز. سول كەزدە عانا يسلامنىڭ ءدامىن شىن تاتىپ، يمان نىعىمەتىن سەزىنەتىن بولاسىز. قۇلشىلىق جۇك يا مىندەت سياقتى كورىنبەيدى، ءبىراق ول جەگىڭىز كەلىپ تۇراتىن ءدامدى اسىڭىز سياقتى بولىپ كەتەدى، جەڭىل بولادى. پايعامبارىمىزدىڭ جولىنىڭ قانداي بولاتىندىعىن تۇسىنە باستايسىز، ءومىر دە، بارلىعى دا ادەمى كورىنەتىن بولادى. سوپىلىق ءتاريقات جولىندا اۋليەدەن ءپىرىڭىز بار بولعاندىقتان ءومىر وڭايلاسادى، جانە كوكەيدە جۇرگەن بار سۇراققا جاۋاپ تاۋىپ، جۇرەك تىنىشتىعىنا جەتەسىز. اۋليەنىڭ يمانى وتە كۇشتى بولاتىندىقتان، ونىڭ جۇرەگىنەن ءسىزدىڭ جۇرەككە يمان قۋاتى تاراپ، ءسىزدىڭ دە يمانىڭ كۇشەيە تۇسەدى. ال مىنا دۇنيەدە يماننىڭ كۇشتى بولۋىنان اسقان باقىت جوق، بارشا جاقسىلىق اتاۋلى يمانى كۇشتىنىڭ ارتىنان ەرەدى. كوپتەگەن ادامدار 'جاقسىلىق دەگەن اقشامەن دۇنيەنىڭ كوپتىگى' دەپ ويلايدى، ءبىراق بۇل قاتە كوزعاراس. سەبەبى اللانىڭ قاسىنا اقشا-دۇنيە جانە مىنا بارشا الەمنىڭ ماسانىڭ سىنىق قاناتىنداي قۇنى جوق. پايعامبارىمىز دا، 'اللا بايلىق-دۇنيەنى سۇيەتىن جانە سۇيمەيتىن قۇلىنا دا بەرە بەرەدى، ءبىراق يماندى تەك سۇيگەن قۇلىنا عانا بەرەر' دەيدى. ول تاعى، 'باي دەگەنىمىز اقشا-دۇنيەسى كوپ ادام ەمەس، ءبىراق بارىنا ريزا ادام' دەيدى. دەمەك دۇنيەگە كاپىرلەردىڭ ۇيرەنشىكتى كوزىمەن ەمەس، پايعامبارىمىزدىڭ، اۋليەلەردىڭ كوزىمەن قارالىق. سوندا عانا دۇنيەگە الدانبايتىن بولاسىز. ءار ادام ءۇشىن ناپسىدەن سوڭ دۇنيەنىڭ بۇلىگى ەڭ زور، ونىڭ بۇلىگى شايتاننان دا كۇشتى. ال وسى ءناپسى، دۇنيە جانە شايتانعا قالاي الدانباۋدى، ولاردان قالاي ساقتانۋدى، ولاردى قالاي جەڭۋدى سوپىلىق ءتاريقات ۇيرەتەدى. دەمەك نيەتى دۇرىس ءاربىر ىقلاستى ادام بۇلاردىڭ بارلىعىن اۋليە پىردەن ۇيرەنە الادى. ال قازىرگىندەي ناپسىگە ابدەن وراي بەرىلىپ، دۇنيە ماقسۇت بولعان، شايتان باسقا شىققان زاماندا سوپىلىق ءتاريقات اۋاداي قاجەت، ءتىپتى دە كەرەك. ءدىن مۇسىلمان امان زاماندا سوپىلىق ءتاريقات تالعام بولسا، ال مىناداي الماعايىپ زاماندا ونى ءۋاجىپ نارسە سياقتى كورۋگە بولادى. سەبەبى قازىرگى ادامدار ءشاريعاتتى ءوز ويىنشا وزگەرتە بەرەتىن بولدى. دەمەك سوپىلىق ءتاريقات بولماعان جەردە ءمازحاپ-ءشاريعاتتىڭ ءوزى بىرەۋلەردىڭ ويىنشىعىنا اينالىپ كەتەدى. سوپىلىق ءتاريقات شاريعاتتىڭ ناقتى اتقارىلۋىن قاداعالايدى، سوندىقتان شاريعاتپەن ءتاريقات بىرگە ءجۇرۋى كەرەك، ال ولار بولىنسە، ءدىن بۇزىلادى.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami

Сілтеме: https://www.nvrislam.net/index.php?j=kz&post=8497