Мазмұнды Көшіру

https://www.nvrislam.net/index.php?j=kz&post=8489
ПАЙҒАМБАРЛЫҚ ТОҚТАҒАНЫМЕН, ӘУЛИЕЛІК ТОҚТАМАДЫ, ӘУЛИЕГЕ ЕРСЕҢ, ПАЙҒАМБАРЫМЫЗҒА ЕРГЕН БОЛАСЫҢ

Алла жолына шынайы түсу үшін пайғамбарымызға ер, ал пайғамбарымызға еру үшін кәміл пір әулиеге ер. Алла жолына түсудің нағыз әдісі міне осы. Өзің құран-хадис оқып, Алла жолына түсе алмайсың. Бұлай өз нәпсісіне сеніп, өзімен қалған адамға, соңында бәрібір шайтан пір болады. Сондықтан исламда, 'пірі жоқтың пірі шайтан' деген сөз қалған. Алла адамдардың Алланы білуі үшін кітабына қоса оны түсіндіретін пайғамбарын бірге жібереді. Ол тек кітапті жіберіп, 'міне осы кітапті оқысаң болды, Алланы танисың' деген жоқ. Ол кітапті түсіндіретін, және оған қалай нақты амал етуді көрсететін пайғамбарымызды бірге жіберді. Ал Алла адамдардың пайғамбарымызбен оның жолын түсінулері үшін, пайғамбарымызға мұрагер болған әулиелерін жіберіп отырды. Пайғамбарлық жол тоқтағанымен, пайғамбарымызды түсіндіретін әулиелік жол тоқтамады, ол қияметке дейін жалғасады. Егер әулиелер болмаса, мұсылмандар мына христандар сияқты ертеде адасып кетер еді, пайғамбарымызды түсінуден қалар еді. Алла үзбей әулиелерін жіберу арқылы олармен пайғамбарымыздың жолын қуаттап, исламды қорғап келеді. Әр заманда 124000 әулие бар, олардың әрбірінде міндет бар. Алла мына ғаламның ұқығын пайғамбарымызға берген. Ал ақиретте де Алла пайғамбарымызды аршының үсіне отырғызып, адамдарға үкім жүргіздіреді. Ал пайғамбарымыз манағы әулиелеріне мәлім міндеттерді тапсырған. Бірақ біз оларды біле алмаймыз, олардың сыры өздерінде, оған ақыл жетпес. Бізге белгілісі сопылық тәриқат әулиелері, олар пайғамбарымыздың жолын сақтаушылар, исламды алып жүрушілер. Ғұламалар да әулиеге ереді, асқан ғұламаның білімі бір шөміс су болса, әулиенің білімі мұхит-дүр. Нағыз Ғұламалар бұны біледі, әулиелермен бірге болады, кітап құшақтап, өзімен қалмайды. Олар пайғамбарымызға рухани жалғанудың жолы әулиеге баят беру арқылы іске асатындығын біледі. Сондықтан олар әулиеге келіп, баят яғни қол береді. Әдетте, адам әулиеге баят бермей тұрып, ешқашан өз нәпсісін тани алмайды. Ал өз нәпсісін тани алмаған адамның, 'Алла жолындамын' дегені, бір жәй әңгіме ғана. Ондай адам тесік кемеге отырып алған адам, ол ұзақ жүре алмайды. Оны оның нәпсісімен шайтан кезкелген уақытта жеп кетеді. 'Пірі жоқ адам 1 күндік жолды, 200 жыл жүрер' дейді мәуләнә руми хазірет. Ал тағы бір үлкен әулие, 'мына дүниеде істеген ең жақсы бір ісің сол, сенің әулиемен бірге болуың' дейді. Демек осы әулие пірлер сізді Алла жолында алға сүйреп, сіздің нәпсі, хауа, дүние және шайтанға жем болуыңыздан сақтандырады. Ислам шәриғатын ұстану үшін мәзхап пірлері болған Әбу Ханифа сияқты пірге еріңіз, яғни мәзхапқа еріңіз. Ал ислам руханиятын ұстану үшін нақышбанд сияқты сопылық әулие пірлеріне еріңіз. Есте болсын, тірі пірге еріңіз. Кітап арқылы сопылыққа еру деген нәрсе жоқ. Ал құран-хадиске өз ой-көзіңізбен емес, әулие-ғұламалардың ой-көзімен қараңыз, сонда ғана құран-хадисті дұрыс түсінетін боласыз. Ал білімі таяз адамдарға ермеңіз.

پايعامبارلىق توقتاعانىمەن، اۋليەلىك توقتامادى، اۋليەگە ەرسەڭ، پايعامبارىمىزعا ەرگەن بولاسىڭ

اللا جولىنا شىنايى ءتۇسۋ ءۇشىن پايعامبارىمىزعا ەر، ال پايعامبارىمىزعا ەرۋ ءۇشىن كامىل ءپىر اۋليەگە ەر. اللا جولىنا ءتۇسۋدىڭ ناعىز ءادىسى مىنە وسى. ءوزىڭ قۇران-حاديس وقىپ، اللا جولىنا تۇسە المايسىڭ. بۇلاي ءوز ناپسىسىنە سەنىپ، وزىمەن قالعان ادامعا، سوڭىندا ءبارىبىر شايتان ءپىر بولادى. سوندىقتان يسلامدا، 'ءپىرى جوقتىڭ ءپىرى شايتان' دەگەن ءسوز قالعان. اللا ادامداردىڭ اللانى ءبىلۋى ءۇشىن كىتابىنا قوسا ونى تۇسىندىرەتىن پايعامبارىن بىرگە جىبەرەدى. ول تەك كىتاپتى جىبەرىپ، 'مىنە وسى كىتاپتى وقىساڭ بولدى، اللانى تانيسىڭ' دەگەن جوق. ول كىتاپتى تۇسىندىرەتىن، جانە وعان قالاي ناقتى امال ەتۋدى كورسەتەتىن پايعامبارىمىزدى بىرگە جىبەردى. ال اللا ادامداردىڭ پايعامبارىمىزبەن ونىڭ جولىن تۇسىنۋلەرى ءۇشىن، پايعامبارىمىزعا مۇراگەر بولعان اۋليەلەرىن جىبەرىپ وتىردى. پايعامبارلىق جول توقتاعانىمەن، پايعامبارىمىزدى تۇسىندىرەتىن اۋليەلىك جول توقتامادى، ول قيامەتكە دەيىن جالعاسادى. ەگەر اۋليەلەر بولماسا، مۇسىلماندار مىنا حريستاندار سياقتى ەرتەدە اداسىپ كەتەر ەدى، پايعامبارىمىزدى تۇسىنۋدەن قالار ەدى. اللا ۇزبەي اۋليەلەرىن جىبەرۋ ارقىلى ولارمەن پايعامبارىمىزدىڭ جولىن قۋاتتاپ، يسلامدى قورعاپ كەلەدى. ءار زاماندا 124000 اۋليە بار، ولاردىڭ اربىرىندە مىندەت بار. اللا مىنا عالامنىڭ ۇقىعىن پايعامبارىمىزعا بەرگەن. ال اقيرەتتە دە اللا پايعامبارىمىزدى ارشىنىڭ ۇسىنە وتىرعىزىپ، ادامدارعا ۇكىم جۇرگىزدىرەدى. ال پايعامبارىمىز ماناعى اۋليەلەرىنە ءمالىم مىندەتتەردى تاپسىرعان. ءبىراق ءبىز ولاردى بىلە المايمىز، ولاردىڭ سىرى وزدەرىندە، وعان اقىل جەتپەس. بىزگە بەلگىلىسى سوپىلىق ءتاريقات اۋليەلەرى، ولار پايعامبارىمىزدىڭ جولىن ساقتاۋشىلار، يسلامدى الىپ جۇرۋشىلەر. عۇلامالار دا اۋليەگە ەرەدى، اسقان عۇلامانىڭ ءبىلىمى ءبىر ءشومىس سۋ بولسا، اۋليەنىڭ ءبىلىمى مۇحيت-ءدۇر. ناعىز عۇلامالار بۇنى بىلەدى، اۋليەلەرمەن بىرگە بولادى، كىتاپ قۇشاقتاپ، وزىمەن قالمايدى. ولار پايعامبارىمىزعا رۋحاني جالعانۋدىڭ جولى اۋليەگە بايات بەرۋ ارقىلى ىسكە اساتىندىعىن بىلەدى. سوندىقتان ولار اۋليەگە كەلىپ، بايات ياعني قول بەرەدى. ادەتتە، ادام اۋليەگە بايات بەرمەي تۇرىپ، ەشقاشان ءوز ءناپسىسىن تاني المايدى. ال ءوز ءناپسىسىن تاني الماعان ادامنىڭ، 'اللا جولىندامىن' دەگەنى، ءبىر ءجاي اڭگىمە عانا. ونداي ادام تەسىك كەمەگە وتىرىپ العان ادام، ول ۇزاق جۇرە المايدى. ونى ونىڭ ناپسىسىمەن شايتان كەزكەلگەن ۋاقىتتا جەپ كەتەدى. 'ءپىرى جوق ادام 1 كۇندىك جولدى، 200 جىل جۇرەر' دەيدى ءماۋلانا رۋمي حازىرەت. ال تاعى ءبىر ۇلكەن اۋليە، 'مىنا دۇنيەدە ىستەگەن ەڭ جاقسى ءبىر ءىسىڭ سول، سەنىڭ اۋليەمەن بىرگە بولۋىڭ' دەيدى. دەمەك وسى اۋليە پىرلەر ءسىزدى اللا جولىندا العا سۇيرەپ، ءسىزدىڭ ءناپسى، حاۋا، دۇنيە جانە شايتانعا جەم بولۋىڭىزدان ساقتاندىرادى. يسلام ءشاريعاتىن ۇستانۋ ءۇشىن ءمازحاپ پىرلەرى بولعان ءابۋ حانيفا سياقتى پىرگە ەرىڭىز، ياعني ءمازحاپقا ەرىڭىز. ال يسلام رۋحانياتىن ۇستانۋ ءۇشىن ناقىشباند سياقتى سوپىلىق اۋليە پىرلەرىنە ەرىڭىز. ەستە بولسىن، ءتىرى پىرگە ەرىڭىز. كىتاپ ارقىلى سوپىلىققا ەرۋ دەگەن نارسە جوق. ال قۇران-حاديسكە ءوز وي-كوزىڭىزبەن ەمەس، اۋليە-عۇلامالاردىڭ وي-كوزىمەن قاراڭىز، سوندا عانا قۇران-ءحاديستى دۇرىس تۇسىنەتىن بولاسىز. ال ءبىلىمى تاياز ادامدارعا ەرمەڭىز.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami

Сілтеме: https://www.nvrislam.net/index.php?j=kz&post=8489