Мазмұнды Көшіру

https://www.nvrislam.net/index.php?j=kz&post=8371
ӘДЕП БОЛМАСА, БІЛІММЕН ҚҰЛШЫЛЫҚ ПАЙДА БЕРЕ АЛМАС, ОЛАРҒА ӘДЕПТІ ҚОСЫҢЫЗ

әдеп адамды Аллаға жақындата түсетін періште сияқты, кімде әдеп болса, оның осы әдебі оны Қасиетті Бірләнға, яғни Аллаға жақындатып апаратын болады. Алланы тануда, дінді білуде, негіздік көзғарас қалыптастыруда білім маңызды, бірақ білім Аллаға жақындата алмайды, Аллаға адамды әдеп-иба жақындатады. Егер білім иесінде білім болғанымен әдеп болмаса, оның соншама жиған-терген білімі оны Аллаға жақындатпайды, бірақ керісінше, оны Алладан онан арман алыстата түсетін болады. Алдымен әдеп, сосын білім келер, әдебі жоқ білімділер қоғамды бұзады, мөралды кері кетіреді, адамзатты құртады. Мәселен, асқан білімді ібліс, әдепсіздігі себепті қарғысталып, шайтанға айналды. Әдеп болмаған жерде, білімнің қайыры болмас, тіпті кері әсер беріп, адамды Алладан алыстатар. Бұндай адам оқыған наданға айналады, және ол көп оқыған сайын, тіпті надан болады. Алланы, пайғамбарымызды, сахабаларды, әулиелерді, пайғамбарымыздың ұрпақтарын құрметтемейтін ғалымнан келер залал көп. Олар елдің иманын бұзып, шайтанға жәрдем берушілерге жатады. Егер құран-хадисті әбден білетін ғұлама, 'пайғамбарды, сахабаны, әулиені сыйлау керексіз, оларды сүйме' десе, немесе елді әулиеден аулақ болуға шақырса, оның соншама білімі міндетті түрде оған пайда бере алмайтын болады. Ол шайтани ғұламаға айналады. Себебі ол пайғамбарымызбен әулиелерді ең жек көретін шайтанмен ұқсас бір майданда тұрып қалды. Егер әдеп артса, адамның руханияты өсіп, жүрегі ашыла түседі. Бойға кие бітіретін нәрсе білім емес, бірақ әдеп еді. Сахабалар осыбір әдеп атты қасиетті нәрсені пайғамбарымыздан үйреніп, Алла алдында аса жоғары дәрежеге жетті, киелі жандарға айналды. Демек әдеп болмаса, мол біліміңнен пайда жоқ, тіпті пайдасынан зияны көп болар. Сондықтан біліммен құлшылыққа әдепті қосыңыз, сонда ғана біліміңізден шынайы пайда көріп, рухани хәліңіз жақсара түседі. Ал әдепті қайдан үйренеміз? Әдепті әдебі барлардан үйренеміз. Әдептің ең кемелдісі пайғамбарымызда, ал осы әдепті сахабалар пайғамбарымыздан үйреніп, өздерінен кейінгілерге үйретті. Ал олардан әулиелер үйреніп, пайғамбарымыздың әдептерімен сүннеттері сопылық тәриқат арқылы осы күнге дейін тірі қалпында жалғасып келді. Сондықтан әдеп үйренемін десеңіз, кемел мүршит әулие пірден ұйреніңіз, нағыз кемел толық әдепті тек солардан үйрене аласыз. Әдеп-ибаны кітаптан үйрене алмайсыз, оны тірі әулие пірлерден үйренесіз, себебі әдеп кітапқа жаза салатын құрғақ дүниелік білім емес, назария емес, ол математика, химия, физика емес. Ол жаны бар тірі киелі нәрсе, оны тірі әулие пірді үлгі етіп үйренесіз. Сонда иман күшімен әдеп әулие бойынан сіздің бойға жұғатын болады. Жүрегіңізді әулиеге ашып, өз нәпсіңізді әулиеден жоғары қоймасаңыз болғаны, осы жақсы қасиеттер әулиеден сізге де таралатын болады.

ادەپ بولماسا، بىلىممەن قۇلشىلىق پايدا بەرە الماس، ولارعا ادەپتى قوسىڭىز

ادەپ ادامدى اللاعا جاقىنداتا تۇسەتىن پەرىشتە سياقتى، كىمدە ادەپ بولسا، ونىڭ وسى ادەبى ونى قاسيەتتى ءبىرلانعا، ياعني اللاعا جاقىنداتىپ اپاراتىن بولادى. اللانى تانۋدا، ءدىندى بىلۋدە، نەگىزدىك كوزعاراس قالىپتاستىرۋدا ءبىلىم ماڭىزدى، ءبىراق ءبىلىم اللاعا جاقىنداتا المايدى، اللاعا ادامدى ادەپ-يبا جاقىنداتادى. ەگەر ءبىلىم يەسىندە ءبىلىم بولعانىمەن ادەپ بولماسا، ونىڭ سونشاما جيعان-تەرگەن ءبىلىمى ونى اللاعا جاقىنداتپايدى، ءبىراق كەرىسىنشە، ونى اللادان ونان ارمان الىستاتا تۇسەتىن بولادى. الدىمەن ادەپ، سوسىن ءبىلىم كەلەر، ادەبى جوق بىلىمدىلەر قوعامدى بۇزادى، ءمورالدى كەرى كەتىرەدى، ادامزاتتى قۇرتادى. ماسەلەن، اسقان ءبىلىمدى ءىبلىس، ادەپسىزدىگى سەبەپتى قارعىستالىپ، شايتانعا اينالدى. ادەپ بولماعان جەردە، ءبىلىمنىڭ قايىرى بولماس، ءتىپتى كەرى اسەر بەرىپ، ادامدى اللادان الىستاتار. بۇنداي ادام وقىعان نادانعا اينالادى، جانە ول كوپ وقىعان سايىن، ءتىپتى نادان بولادى. اللانى، پايعامبارىمىزدى، ساحابالاردى، اۋليەلەردى، پايعامبارىمىزدىڭ ۇرپاقتارىن قۇرمەتتەمەيتىن عالىمنان كەلەر زالال كوپ. ولار ەلدىڭ يمانىن بۇزىپ، شايتانعا جاردەم بەرۋشىلەرگە جاتادى. ەگەر قۇران-ءحاديستى ابدەن بىلەتىن عۇلاما، 'پايعامباردى، ساحابانى، اۋليەنى سىيلاۋ كەرەكسىز، ولاردى سۇيمە' دەسە، نەمەسە ەلدى اۋليەدەن اۋلاق بولۋعا شاقىرسا، ونىڭ سونشاما ءبىلىمى مىندەتتى تۇردە وعان پايدا بەرە المايتىن بولادى. ول شايتاني عۇلاماعا اينالادى. سەبەبى ول پايعامبارىمىزبەن اۋليەلەردى ەڭ جەك كورەتىن شايتانمەن ۇقساس ءبىر مايداندا تۇرىپ قالدى. ەگەر ادەپ ارتسا، ادامنىڭ رۋحانياتى ءوسىپ، جۇرەگى اشىلا تۇسەدى. بويعا كيە بىتىرەتىن نارسە ءبىلىم ەمەس، ءبىراق ادەپ ەدى. ساحابالار ءوسىبىر ادەپ اتتى قاسيەتتى نارسەنى پايعامبارىمىزدان ۇيرەنىپ، اللا الدىندا اسا جوعارى دارەجەگە جەتتى، كيەلى جاندارعا اينالدى. دەمەك ادەپ بولماسا، مول بىلىمىڭنەن پايدا جوق، ءتىپتى پايداسىنان زيانى كوپ بولار. سوندىقتان بىلىممەن قۇلشىلىققا ادەپتى قوسىڭىز، سوندا عانا بىلىمىڭىزدەن شىنايى پايدا كورىپ، رۋحاني ءحالىڭىز جاقسارا تۇسەدى. ال ادەپتى قايدان ۇيرەنەمىز؟ ادەپتى ادەبى بارلاردان ۇيرەنەمىز. ادەپتىڭ ەڭ كەمەلدىسى پايعامبارىمىزدا، ال وسى ادەپتى ساحابالار پايعامبارىمىزدان ۇيرەنىپ، وزدەرىنەن كەيىنگىلەرگە ۇيرەتتى. ال ولاردان اۋليەلەر ۇيرەنىپ، پايعامبارىمىزدىڭ ادەپتەرىمەن سۇننەتتەرى سوپىلىق ءتاريقات ارقىلى وسى كۇنگە دەيىن ءتىرى قالپىندا جالعاسىپ كەلدى. سوندىقتان ادەپ ۇيرەنەمىن دەسەڭىز، كەمەل ءمۇرشيت اۋليە پىردەن ۇيرەنىڭىز، ناعىز كەمەل تولىق ادەپتى تەك سولاردان ۇيرەنە الاسىز. ادەپ-يبانى كىتاپتان ۇيرەنە المايسىز، ونى ءتىرى اۋليە پىرلەردەن ۇيرەنەسىز، سەبەبى ادەپ كىتاپقا جازا سالاتىن قۇرعاق دۇنيەلىك ءبىلىم ەمەس، نازاريا ەمەس، ول ماتەماتيكا، حيميا، فيزيكا ەمەس. ول جانى بار ءتىرى كيەلى نارسە، ونى ءتىرى اۋليە ءپىردى ۇلگى ەتىپ ۇيرەنەسىز. سوندا يمان كۇشىمەن ادەپ اۋليە بويىنان ءسىزدىڭ بويعا جۇعاتىن بولادى. جۇرەگىڭىزدى اۋليەگە اشىپ، ءوز ءناپسىڭىزدى اۋليەدەن جوعارى قويماساڭىز بولعانى، وسى جاقسى قاسيەتتەر اۋليەدەن سىزگە دە تارالاتىن بولادى.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami

Сілтеме: https://www.nvrislam.net/index.php?j=kz&post=8371