Мазмұнды Көшіру

https://www.nvrislam.net/index.php?j=kz&post=8164
Сұхбат: бұл заман тыныш қана үнсіз жүретін заман (2025.04.06 / Хижра 1446-жыл 08-Шауал)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye-Cyprus, Lefka, Shaykh Nazim Dergah-да айтылған сұхбат) Біз қазір өмір сүріп жатқан кез ақырзаман уақыты, шүкір-Алла, Алла ﷻ бізді осы заманда жаратты, демек Алла ﷻ не қаласа, сол болады, ештеңе сіздің қалағаныңыздай болмас, сондықтан, сіз Алла Әззә Уә-Жәлләның қалауына бас қойып, бағынуыңыз керек, «егер біз бұл заманда болған болсақ, егер біз ол заманда болған болсақ» деп айтқаннан ештеңе өнбейді, сіз осы заманда өмір сүріп жатырсыз, сол үшін осы заманның тәжәллиі (көрнісі) сізге түсетін болады, ал бұл заманның тәжәлииі біраз былыққа толы, демек бұл заманның тәжәлли бүлік-фитна. Бұл заманда адамдар әркүні бұл жерден, ол жерден я кезкелген жерде жаңа бірдеңені алып келеді де, ел-жұрт не істерін білмей алжасып жүр, ал сіздің істейтініңіз бағыну болмақ, яғни сіз Алла Әззә Уә-Жәллә не істеуге әмір етсе, соны істеңіз, қалған нәрселермен еш шаруаңыз болмасын, «мына іс болды, түгілен іс болды» дерсіз, бірақ Алла Әззә Уә-Жәлләның қалағаны туылады, басқа ештеңе болмас. Сондықтан бұл заманда, Мәуләнә Шайық Назым хазірет айтып өткендей, үйден сыртқа шықпау абзал болмақ, себебі сіз сыртқа шықсаңыз, онда бүлік болып жатыр, онда қауіп бар, үйде отырыңыз, тек қажет болғанда, жұмыс үшін болғанда ғана шығыңыз, ол, «сыртта не болып жатқанына қарама, не болып жатыр екен деме» дейді.

Міне бұл әулие-машайықтардың ұдайы айтатындары еді, себебі кім сыртқа шығып, не болғанын көрмекші болса, ол қауіп ішінде қалады, Мәуләнә Шайық Назым, Мәуләнә Шайық Абдуллаһ әд-Дағыстани хазіреттер осылай айтады, ал олардың заманы біздің қазіргі кездегідей емес, біздің заман тіпті де көп бүліктермен алжасуларға толы заман, ол дәл осылай, сондықтан хикіметі бар адам бірдеңе істерде оның ақырын ойлай біледі, ал хикіметі жоқтар еш ойланбастан әр істі істей береді де, артынан өкініп отырады. Олардың ең өкінетін ісі Алла Әззә Уә-Жәлләға қарсы болушылық еді, кейін бұл өкініштің орнын толтыруға келмейді, егер ол көзі тірісінде өкініп кетсе, тағы жақсы, бұндайда тірі кезіңізде істеп кеткен істеріңіз үшін Алла Әззә Уә-Жәлләның алдында бір шешімі болады. Сіз өкіне тәубе етіңіз, біреудің ұқығына тиіскен болсаңыз, оны қайтарып беріңіз, соғысқан адаммен шығысып алыңыз, біреуге зұлымдық қылған болсаңыз, одан кешірім сұраңыз, барлық іс болады, бірақ сіз қайтыс болып, ақиретке кеткен соң, іс қиындасып кетеді, сондықтан бұл заман шайтан айналып жүретін заман, ол адамдарды болымсыз іс үшін өзара соғыстырып қояды, осылайша олардың байланысы бұзылады.

Бір әңгіме бар, шайтан ұлымен бірге отырған еді, ол баласына, «біз істейтін көп іс қалмады, бұл жерден кетіп, басқа жаққа баралық, адамдарды бір-бірімен көптеп соғыстыралық, бүлік тудыралық» дейді, баласы, «жарайды, бұнда бір шаруа табылды, екі минутта мен оны бітіріп, қайтып келейін» дейді. Бір әйел сыйыр сауып отыр еді, шайтанның баласы барып, сыйырдың құйрығын тартады, ал сыйыр сауып жатқанда шошынып тебінеді де, сүтті жерге төгіп жібереді, сонда әйелдің күйеуі, «неге сүтті жерге төгесің!» деп ашуланып, әйелді ұрады, әйел жылап, руына барады. Ал әйелдің руластары оған ашуланып, әйелдің күйеуін ұрады және оны оқыста өлтіріп қояды, бұл іске күйеу жақтың руы да ашуланып, екі ру бір-бірімен соғысады, олар осы адамның өлімі үшін өзара бір-бірін өлтіре бастайды, бүкіл аумақ бүлікке толып кетеді. Әке шайтан баласына, «сен не істедің? керемет іс қылдың!» дейді, баласы, «жоқ, мен ештеңе істемедім, мен кішкене ғана қозғалыс жасадым, ештеңеге араласпадым, ал қалғандарын істеген адамдардың өзі» деп, жауап береді, міне осындай істер туыла береді, сондықтан біз сақ болуымыз керек, адамдар істеген әр ісінде, жасаған қозғалысында сақ болуы тиіс, сонда бәле-қала немесе қасіретті істер туылмайтын болады, онсызда Алла ﷻ жолындағы адамдар дүние ісіне араласпайды, олар дүние ісін дүниелік адамдарға қалдырған.

Адамдар дүниені былықтырып болды, қазір бүкіл дүние аударылып төңкерілген, олар не істерін білмей әлек болуда, сондықтан тек отырыңыз және көріңіз, ештеңе істемеңіз, еш қозғалыс жасамаңыз, Алла ﷻ дың не істейтініне қараңыз, сонда бәрін ақырындап білетін боласыз, демек дүниенің ақыры, шүкір-Алла, дүниенің ақыры кім? «وَالْعَاقِبَةُ لِلْمُتَّقِينَ» (ақыры (қайырлы ақыры) тақуа үшін) (құран 28:83), демек жақсы ақыр, жақсы тамамдау тақуалықтың адамдары үшін болмақ, жеңімпаздар міне осылар. Сондықтан, ештеңеге көңілсіз болмаңыз, Алла Әззә Уә-Жәлләмен бірге болған кезде ешкімге жүгірмеңіз, ешкіммен ұрыспаңыз, себебі бұл заман тыныш қана үнсіз жүретін заман, сөйлейтін кез болады, сондықтан, қазіргі кезде тыныш жүру ең жақсы іс болмақ, осыдан мың жыл бұрын бір құтты адам, «ِهَذَا زَمَنُ السُّكُوتِ وَمُلازَمَةُ البُيُوت» (бұл заман тыныш жүретін заман, бұл заман үйде отыратын заман) деп айтып кеткен екен, міне бұл мың жыл бұрын айтылған сөз, бірақ қазір осы есеп бойынша да біз үйден тысқа кетпеуіміз керек. Ал көптеген мұсылмандар жамандықпен кесірді жүректерінде мақұлдамай қойуына болады емеспе, егер сіз жамандық көрсеңіз, «бұл іс Алла ﷻ жақсы көрмейтін іс, біз оны Алла ﷻ ға қалдырдық» деп, жүрегіңізде айтыңыз, Алла ﷻ Ғакмул Хакимин, Ол ең Әділ, Оның заңы жүреді, шүкір-Алла.

- Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41-Әулие Шайығы

#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллаһ #ораза #нақшыбанд #тасауф #kazakhstan #kazakh #islam
nvrislam.net
instagram.com/nvrislami




سۇحبات: بۇل زامان تىنىش قانا ءۇنسىز جۇرەتىن زامان (2025.04.06 / حيجرا 1446-جىل 08-شاۋال)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye-Cyprus، Lefka، Shaykh Nazim Dergah-دا ايتىلعان سۇحبات) ءبىز ءقازىر ءومىر ءسۇرىپ جاتقان كەز اقىرزامان ۋاقىتى، شۇكىر-اللا، اللا ﷻ ءبىزدى وسى زاماندا جاراتتى، دەمەك اللا ﷻ نە قالاسا، سول بولادى، ەشتەڭە ءسىزدىڭ قالاعانىڭىزداي بولماس، سوندىقتان، ءسىز اللا ءاززا ءۋا-ءجاللانىڭ قالاۋىنا باس قويىپ، باعىنۋىڭىز كەرەك، «ەگەر ءبىز بۇل زاماندا بولعان بولساق، ەگەر ءبىز ول زاماندا بولعان بولساق» دەپ ايتقاننان ەشتەڭە ونبەيدى، ءسىز وسى زاماندا ءومىر ءسۇرىپ جاتىرسىز، سول ءۇشىن وسى زاماننىڭ ءتاجالليى (كورنىسى) سىزگە تۇسەتىن بولادى، ال بۇل زاماننىڭ ءتاجاليى ءبىراز بىلىققا تولى، دەمەك بۇل زاماننىڭ ءتاجاللي بۇلىك-فيتنا. بۇل زاماندا ادامدار اركۇنى بۇل جەردەن، ول جەردەن يا كەزكەلگەن جەردە جاڭا بىردەڭەنى الىپ كەلەدى دە، ەل-جۇرت نە ىستەرىن بىلمەي الجاسىپ ءجۇر، ال ءسىزدىڭ ىستەيتىنىڭىز باعىنۋ بولماق، ياعني ءسىز اللا ءاززا ءۋا-ءجاللا نە ىستەۋگە ءامىر ەتسە، سونى ىستەڭىز، قالعان نارسەلەرمەن ەش شارۋاڭىز بولماسىن، «مىنا ءىس بولدى، تۇگىلەن ءىس بولدى» دەرسىز، ءبىراق اللا ءاززا ءۋا-ءجاللانىڭ قالاعانى تۋىلادى، باسقا ەشتەڭە بولماس. سوندىقتان بۇل زاماندا، ءماۋلانا شايىق نازىم حازىرەت ايتىپ وتكەندەي، ۇيدەن سىرتقا شىقپاۋ ابزال بولماق، سەبەبى ءسىز سىرتقا شىقساڭىز، وندا بۇلىك بولىپ جاتىر، وندا ءقاۋىپ بار، ۇيدە وتىرىڭىز، تەك قاجەت بولعاندا، جۇمىس ءۇشىن بولعاندا عانا شىعىڭىز، ول، «سىرتتا نە بولىپ جاتقانىنا قاراما، نە بولىپ جاتىر ەكەن دەمە» دەيدى.

مىنە بۇل اۋليە-ماشايىقتاردىڭ ۇدايى ايتاتىندارى ەدى، سەبەبى كىم سىرتقا شىعىپ، نە بولعانىن كورمەكشى بولسا، ول ءقاۋىپ ىشىندە قالادى، ءماۋلانا شايىق نازىم، ءماۋلانا شايىق ابدۋللاھ ءاد-داعىستاني حازىرەتتەر وسىلاي ايتادى، ال ولاردىڭ زامانى ءبىزدىڭ قازىرگى كەزدەگىدەي ەمەس، ءبىزدىڭ زامان ءتىپتى دە كوپ بۇلىكتەرمەن الجاسۋلارعا تولى زامان، ول ءدال وسىلاي، سوندىقتان حيكىمەتى بار ادام بىردەڭە ىستەردە ونىڭ اقىرىن ويلاي بىلەدى، ال حيكىمەتى جوقتار ەش ويلانباستان ءار ءىستى ىستەي بەرەدى دە، ارتىنان وكىنىپ وتىرادى. ولاردىڭ ەڭ وكىنەتىن ءىسى اللا ءاززا ءۋا-ءجاللاعا قارسى بولۋشىلىق ەدى، كەيىن بۇل وكىنىشتىڭ ورنىن تولتىرۋعا كەلمەيدى، ەگەر ول كوزى تىرىسىندە وكىنىپ كەتسە، تاعى جاقسى، بۇندايدا ءتىرى كەزىڭىزدە ىستەپ كەتكەن ىستەرىڭىز ءۇشىن اللا ءاززا ءۋا-ءجاللانىڭ الدىندا ءبىر شەشىمى بولادى. ءسىز وكىنە تاۋبە ەتىڭىز، بىرەۋدىڭ ۇقىعىنا تيىسكەن بولساڭىز، ونى قايتارىپ بەرىڭىز، سوعىسقان اداممەن شىعىسىپ الىڭىز، بىرەۋگە زۇلىمدىق قىلعان بولساڭىز، ودان كەشىرىم سۇراڭىز، بارلىق ءىس بولادى، ءبىراق ءسىز قايتىس بولىپ، اقيرەتكە كەتكەن سوڭ، ءىس قيىنداسىپ كەتەدى، سوندىقتان بۇل زامان شايتان اينالىپ جۇرەتىن زامان، ول ادامداردى بولىمسىز ءىس ءۇشىن ءوزارا سوعىستىرىپ قويادى، وسىلايشا ولاردىڭ بايلانىسى بۇزىلادى.

ءبىر اڭگىمە بار، شايتان ۇلىمەن بىرگە وتىرعان ەدى، ول بالاسىنا، «ءبىز ىستەيتىن كوپ ءىس قالمادى، بۇل جەردەن كەتىپ، باسقا جاققا بارالىق، ادامداردى ءبىر-بىرىمەن كوپتەپ سوعىستىرالىق، بۇلىك تۋدىرالىق» دەيدى، بالاسى، «جارايدى، بۇندا ءبىر شارۋا تابىلدى، ەكى مينۋتتا مەن ونى ءبىتىرىپ، قايتىپ كەلەيىن» دەيدى. ءبىر ايەل سىيىر ساۋىپ وتىر ەدى، شايتاننىڭ بالاسى بارىپ، سىيىردىڭ قۇيرىعىن تارتادى، ال سىيىر ساۋىپ جاتقاندا شوشىنىپ تەبىنەدى دە، ءسۇتتى جەرگە توگىپ جىبەرەدى، سوندا ايەلدىڭ كۇيەۋى، «نەگە ءسۇتتى جەرگە توگەسىڭ!» دەپ اشۋلانىپ، ايەلدى ۇرادى، ايەل جىلاپ، رۋىنا بارادى. ال ايەلدىڭ رۋلاستارى وعان اشۋلانىپ، ايەلدىڭ كۇيەۋىن ۇرادى جانە ونى وقىستا ءولتىرىپ قويادى، بۇل ىسكە كۇيەۋ جاقتىڭ رۋى دا اشۋلانىپ، ەكى رۋ ءبىر-بىرىمەن سوعىسادى، ولار وسى ادامنىڭ ءولىمى ءۇشىن ءوزارا ءبىر-ءبىرىن ولتىرە باستايدى، بۇكىل اۋماق بۇلىككە تولىپ كەتەدى. اكە شايتان بالاسىنا، «سەن نە ىستەدىڭ؟ كەرەمەت ءىس قىلدىڭ!» دەيدى، بالاسى، «جوق، مەن ەشتەڭە ىستەمەدىم، مەن كىشكەنە عانا قوزعالىس جاسادىم، ەشتەڭەگە ارالاسپادىم، ال قالعاندارىن ىستەگەن ادامداردىڭ ءوزى» دەپ، جاۋاپ بەرەدى، مىنە وسىنداي ىستەر تۋىلا بەرەدى، سوندىقتان ءبىز ساق بولۋىمىز كەرەك، ادامدار ىستەگەن ءار ىسىندە، جاساعان قوزعالىسىندا ساق بولۋى ءتيىس، سوندا بالە-قالا نەمەسە قاسىرەتتى ىستەر تۋىلمايتىن بولادى، ونسىزدا اللا ﷻ جولىنداعى ادامدار دۇنيە ىسىنە ارالاسپايدى، ولار دۇنيە ءىسىن دۇنيەلىك ادامدارعا قالدىرعان.

ادامدار دۇنيەنى بىلىقتىرىپ بولدى، ءقازىر بۇكىل دۇنيە اۋدارىلىپ توڭكەرىلگەن، ولار نە ىستەرىن بىلمەي الەك بولۋدا، سوندىقتان تەك وتىرىڭىز جانە كورىڭىز، ەشتەڭە ىستەمەڭىز، ەش قوزعالىس جاساماڭىز، اللا ﷻ دىڭ نە ىستەيتىنىنە قاراڭىز، سوندا ءبارىن اقىرىنداپ بىلەتىن بولاسىز، دەمەك دۇنيەنىڭ اقىرى، شۇكىر-اللا، دۇنيەنىڭ اقىرى كىم؟ «وَالْعَاقِبَةُ لِلْمُتَّقِينَ» (اقىرى (قايىرلى اقىرى) تاقۋا ءۇشىن) (قۇران 28:83)، دەمەك جاقسى اقىر، جاقسى تامامداۋ تاقۋالىقتىڭ ادامدارى ءۇشىن بولماق، جەڭىمپازدار مىنە وسىلار. سوندىقتان، ەشتەڭەگە كوڭىلسىز بولماڭىز، اللا ءاززا ءۋا-جاللامەن بىرگە بولعان كەزدە ەشكىمگە جۇگىرمەڭىز، ەشكىممەن ۇرىسپاڭىز، سەبەبى بۇل زامان تىنىش قانا ءۇنسىز جۇرەتىن زامان، سويلەيتىن كەز بولادى، سوندىقتان، قازىرگى كەزدە تىنىش ءجۇرۋ ەڭ جاقسى ءىس بولماق، وسىدان مىڭ جىل بۇرىن ءبىر قۇتتى ادام، «ِهَذَا زَمَنُ السُّكُوتِ وَمُلازَمَةُ البُيُوت» (بۇل زامان تىنىش جۇرەتىن زامان، بۇل زامان ۇيدە وتىراتىن زامان) دەپ ايتىپ كەتكەن ەكەن، مىنە بۇل مىڭ جىل بۇرىن ايتىلعان ءسوز، ءبىراق ءقازىر وسى ەسەپ بويىنشا دا ءبىز ۇيدەن تىسقا كەتپەۋىمىز كەرەك. ال كوپتەگەن مۇسىلماندار جاماندىقپەن كەسىردى جۇرەكتەرىندە ماقۇلداماي قويۋىنا بولادى ەمەسپە، ەگەر ءسىز جاماندىق كورسەڭىز، «بۇل ءىس اللا ﷻ جاقسى كورمەيتىن ءىس، ءبىز ونى اللا ﷻ عا قالدىردىق» دەپ، جۇرەگىڭىزدە ايتىڭىز، اللا ﷻ عاكمۋل حاكيمين، ول ەڭ ءادىل، ونىڭ زاڭى جۇرەدى، شۇكىر-اللا.

- ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41-اۋليە شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاھ #ورازا #ناقشىباند #تاساۋف #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8164