МАХАББАТ ИМАННАН, ОЛ СІЗДІ АЛЛАҒА БІРДЕМДЕ ЖЕТКІЗЕДІ
https://www.nvrislam.net/index.php?j=kz&post=8100
МАХАББАТ ИМАННАН, ОЛ СІЗДІ АЛЛАҒА БІРДЕМДЕ ЖЕТКІЗЕДІ
исламда махаббаттың орны ерекше жоғары, сондықтан Алла, 'маған құлшылығыңның өзі керек емес, бірақ құлшылығыңдағы махаббатың керек' дейді. Махаббатты тілмен толық бейнелеуге келмейді, ол жүрекпен жанға байланысты, сол үшін, 'мен сені миыммен сүймеймін, миым қартаяды, жүрегіммен де сүймеймін, себебі жүрегім бір күні тоқтайды, мен сені жаныммен сүйемін, жаным мәңгі өлмес' делінеді. Исламда ең биік махаббат Аллаға, сосын пайғамбарымызға, сосын әулиелерге, сосын ата-ана, бала-шаға, жар-ғашыққа арналады, махаббат тым сырлы, ол жан-рухтың мәселесі болып, адамзатпен тән жаралудан бұрынғы әлмисаққа жалғасқан, сондықтан әйгілі әулие Мәуләнә Руми хазірет, 'ғашықтар соңында бір жерде кездеспейді, олар сонау әлмисақтан бері бірге' дейді. Себебі Алла жан-рухтарды жаратқан соң оларды араластырып жібереді, сонда кейбір жан-рух тағы басқа жан-рухты ұнатып, ғашық болады, ал олар осы дүниеге келген соң да, өзара кездеседі және ғашық болысады. Алла махаббатты қатты қызғанады, ол пендесінің өзін ұмытып, тағы бір пендесін өле сүйгеніне қызғанады, срл үшін Алла, 'әуелі Мені сүй, сүйіктімді сүй, сосын қалғанын' дейді, әйтпесе, ол махаббат азапқа айналады. Махаббат адамға шәхиттік дәреже де береді, себебі пайғамбарымыз біреу тағы біруге ғашық болып өтсе я махаббат күйігінен өлсе, оған шәхиттік дәреже берілетіндігін айтқан. Махаббат сондай күшті, ол имандылық өлшемі, оның алдында себепке жол жоқ, ол құрбандыққа да бастайды, біз махаббаттан туылғанбыз, махаббат біздің анамыз. Мәселен, жаны бар білімді хикімет дейді, бірақ хикімет қағазға түскенде жаны кетіп, жәй білімге айналады, сол сияқты, махаббатта да жан бар, қалам барлығын жаза алады, бірақ махаббатты жазуға келгенде оның ұшы сынады, демек махаббатты хатқа түсіруге келмейді, оны жазбақ түгілі, сөзбен айтып жеткізу де қиын, оны тек жүрек және жанмен сезінеді. Махаббат сіздің кім екендігіңізді де айтып береді, сондықтан исламда, 'сіз нені сүйсеңіз, сіз солсыз' дейді, махаббат жүректі де ашады, жүрегіңіз ашылғанша оны махаббатпен ұрғылай беріңіз. Жүректі тазартатын, көре алмастықты және басқа сан түрлі рухани кеселдерді кетіретін де осы махаббат. Алланың махаббатпен жаратқан ғажап жаратылысының бірі әйел заты! исламда, 'әйел Алланың нұры, ол жәй жаратылыс қана емес, ол - жасампаз, одан жаңа адам жаратылар' делінеді, әйглі әулие Мәуләнә Руми хазірет, 'әйелге жәй қарама, егер ол жүрегіңді махаббат түйіншегімен түйсе, оны өзің өле-өлгенше шеше алмай кетесің, оны тек Алланың рахымы ғана шеше алар' дейді. Махаббат сондай құдіретті, Алла пайғамбарымызға, 'Мен сенің нұрың нұр-мұхаметті сүйгендіктен, мына әлемді жараттым' дейді, мына әлем, адамзат, дүниені тіреп тұрған нәрсе осы махаббат, сондықтан біз Алланың сүйіктісі пайғамбарымызды өз жанымыздан артық сұйеміз. Егер Алла осы махаббатты алып кетсе, бүкіл әлем, мына жершары әпсәтте ғайып болады, уақыт, кеңестік бәрі жоғалады. Әр атомдағы ядроны электронға жарықтың жылдамдығымен айналдырып қойған да осы махаббат. Ананы балаға емірентіп, біреуді біреуге ғашық етіп қойған да осы махаббаттың бір бөлшегі, ол барлығына ем, өмір бойы кітап оқысаңыз да Аллаға жете алмайсыз, бірақ махаббаттпен Оған әпсәтте жетесіз. Махаббат айтып тауысуға келмейтін илаһи тілсім жыр.
ماحاببات يماننان، ول ءسىزدى اللاعا بىردەمدە جەتكىزەدى
يسلامدا ماحابباتتىڭ ورنى ەرەكشە جوعارى، سوندىقتان اللا، 'ماعان قۇلشىلىعىڭنىڭ ءوزى كەرەك ەمەس، ءبىراق قۇلشىلىعىڭداعى ماحابباتىڭ كەرەك' دەيدى. ماحابباتتى تىلمەن تولىق بەينەلەۋگە كەلمەيدى، ول جۇرەكپەن جانعا بايلانىستى، سول ءۇشىن، 'مەن سەنى ميىممەن سۇيمەيمىن، ميىم قارتايادى، جۇرەگىممەن دە سۇيمەيمىن، سەبەبى جۇرەگىم ءبىر كۇنى توقتايدى، مەن سەنى جانىممەن سۇيەمىن، جانىم ماڭگى ولمەس' دەلىنەدى. يسلامدا ەڭ بيىك ماحاببات اللاعا، سوسىن پايعامبارىمىزعا، سوسىن اۋليەلەرگە، سوسىن اتا-انا، بالا-شاعا، جار-عاشىققا ارنالادى، ماحاببات تىم سىرلى، ول جان-رۋحتىڭ ماسەلەسى بولىپ، ادامزاتپەن ءتان جارالۋدان بۇرىنعى ءالميساققا جالعاسقان، سوندىقتان ايگىلى اۋليە ءماۋلانا رۋمي حازىرەت، 'عاشىقتار سوڭىندا ءبىر جەردە كەزدەسپەيدى، ولار سوناۋ ءالميساقتان بەرى بىرگە' دەيدى. سەبەبى اللا جان-رۋحتاردى جاراتقان سوڭ ولاردى ارالاستىرىپ جىبەرەدى، سوندا كەيبىر جان-رۋح تاعى باسقا جان-رۋحتى ۇناتىپ، عاشىق بولادى، ال ولار وسى دۇنيەگە كەلگەن سوڭ دا، ءوزارا كەزدەسەدى جانە عاشىق بولىسادى. اللا ماحابباتتى قاتتى قىزعانادى، ول پەندەسىنىڭ ءوزىن ۇمىتىپ، تاعى ءبىر پەندەسىن ولە سۇيگەنىنە قىزعانادى، سرل ءۇشىن اللا، 'اۋەلى مەنى ءسۇي، سۇيىكتىمدى ءسۇي، سوسىن قالعانىن' دەيدى، ايتپەسە، ول ماحاببات ازاپقا اينالادى. ماحاببات ادامعا شاحيتتىك دارەجە دە بەرەدى، سەبەبى پايعامبارىمىز بىرەۋ تاعى بىرۋگە عاشىق بولىپ وتسە يا ماحاببات كۇيىگىنەن ولسە، وعان شاحيتتىك دارەجە بەرىلەتىندىگىن ايتقان. ماحاببات سونداي كۇشتى، ول يماندىلىق ولشەمى، ونىڭ الدىندا سەبەپكە جول جوق، ول قۇرباندىققا دا باستايدى، ءبىز ماحابباتتان تۋىلعانبىز، ماحاببات ءبىزدىڭ انامىز. ماسەلەن، جانى بار ءبىلىمدى حيكىمەت دەيدى، ءبىراق حيكىمەت قاعازعا تۇسكەندە جانى كەتىپ، ءجاي بىلىمگە اينالادى، سول سياقتى، ماحابباتتا دا جان بار، قالام بارلىعىن جازا الادى، ءبىراق ماحابباتتى جازۋعا كەلگەندە ونىڭ ۇشى سىنادى، دەمەك ماحابباتتى حاتقا تۇسىرۋگە كەلمەيدى، ونى جازباق تۇگىلى، سوزبەن ايتىپ جەتكىزۋ دە قيىن، ونى تەك جۇرەك جانە جانمەن سەزىنەدى. ماحاببات ءسىزدىڭ كىم ەكەندىگىڭىزدى دە ايتىپ بەرەدى، سوندىقتان يسلامدا، 'ءسىز نەنى سۇيسەڭىز، ءسىز سولسىز' دەيدى، ماحاببات جۇرەكتى دە اشادى، جۇرەگىڭىز اشىلعانشا ونى ماحابباتپەن ۇرعىلاي بەرىڭىز. جۇرەكتى تازارتاتىن، كورە الماستىقتى جانە باسقا سان ءتۇرلى رۋحاني كەسەلدەردى كەتىرەتىن دە وسى ماحاببات. اللانىڭ ماحابباتپەن جاراتقان عاجاپ جاراتىلىسىنىڭ ءبىرى ايەل زاتى! يسلامدا، 'ايەل اللانىڭ نۇرى، ول ءجاي جاراتىلىس قانا ەمەس، ول - جاسامپاز، ودان جاڭا ادام جاراتىلار' دەلىنەدى، ايگلى اۋليە ءماۋلانا رۋمي حازىرەت، 'ايەلگە ءجاي قاراما، ەگەر ول جۇرەگىڭدى ماحاببات تۇيىنشەگىمەن تۇيسە، ونى ءوزىڭ ولە-ولگەنشە شەشە الماي كەتەسىڭ، ونى تەك اللانىڭ راحىمى عانا شەشە الار' دەيدى. ماحاببات سونداي قۇدىرەتتى، اللا پايعامبارىمىزعا، 'مەن سەنىڭ نۇرىڭ نۇر-مۇحامەتتى سۇيگەندىكتەن، مىنا الەمدى جاراتتىم' دەيدى، مىنا الەم، ادامزات، دۇنيەنى تىرەپ تۇرعان نارسە وسى ماحاببات، سوندىقتان ءبىز اللانىڭ سۇيىكتىسى پايعامبارىمىزدى ءوز جانىمىزدان ارتىق سۇيەمىز. ەگەر اللا وسى ماحابباتتى الىپ كەتسە، بۇكىل الەم، مىنا جەرشارى اپساتتە عايىپ بولادى، ۋاقىت، كەڭەستىك ءبارى جوعالادى. ءار اتومداعى يادرونى ەلەكترونعا جارىقتىڭ جىلدامدىعىمەن اينالدىرىپ قويعان دا وسى ماحاببات. انانى بالاعا ەمىرەنتىپ، بىرەۋدى بىرەۋگە عاشىق ەتىپ قويعان دا وسى ماحابباتتىڭ ءبىر بولشەگى، ول بارلىعىنا ەم، ءومىر بويى كىتاپ وقىساڭىز دا اللاعا جەتە المايسىز، ءبىراق ماحابباتتپەن وعان اپساتتە جەتەسىز. ماحاببات ايتىپ تاۋىسۋعا كەلمەيتىن يلاھي ءتىلسىم جىر.
#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8100