Сұхбат: мүминге берілер игіліктер өте көп (2023.11.09 / 1445-хижри 25-Рабиул Ахир)
https://www.nvrislam.net/index.php?j=kz&post=7229
Сұхбат: мүминге берілер игіліктер өте көп (2023.11.09 / 1445-хижри 25-Рабиул Ахир)
Исламбол (Стамбул), Түркия.
Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.
Алла Әззә уә-Жәллә мұсылмандарға және Алла Жәллә Жәләлухуға сенетіндерге аса зор нығыметтер береді, Алла Әззә уә-Жәллә ешкімге мұхтаж емес, бірақ әркім Алла Әззә уә-Жәлләға мұхтаж-дүр, ешкім Алла Жәллә Жәләлуху берген нығыметтерді бере алмайды, демек Ол бергенді ешкім бере алмас әрі Ол бермегенді ешкім ала алмас.
Адам өз қалағанындай сонша қуатты я көп білімді бола берер, ол өзін «соншама асқан зерекпін» деп ойлар, бірақ нағыз ақылды, асқан зерек кісі Алла Әззә уә-Жәлләның құдіреттілігін қабыл етіп, Оған жақсы құл болуға құрақ ұшатын адам, соған құлшынатын кісі, ол Алла Жәллә Жәләлухудың бізден қалаған жолына ереді, себебі ол жол бақыттың жолы, адамдар бақыт іздеп, әбден шаршаған, ал бақыттың жолы Алла Әззә уә-Жәлләның жолы-дүр, жеңілдікпен бақыт алып келетін басқа ешбір жол жоқ.
Алла Әззә уә-Жәлләдан бізге берілген көптеген нығыметтер берілген, ал құлшылық ету осы нығыметтердің ішіндегі ең зор нығыметтің бірі, себебі Алла Жәллә Жәләлуху ешкімге мұхтаж емес болғандықтан, бұл құлшылықтарыңыз сіздің өзіңіз үшін пайдалы болмақ, ол сіздің игілігіңіз үшін, адамдар «мен Оны мойындамаймын, қабыл етпеймін» дер, бірақ сіз кім едіңіз? сіз Алла Жәллә Жәләлухуды танысаңыз не болар, ал танымасаңыз не болар? бүкіл дүние Оны танымай-ақ қойсын, дүниені қоя тұралық, бүкіл әлем Оны танымасын, бұлар Алла Әззә уә-Жәлләға атомдай кіші зиян да алып келе алмайды.
Мәуләнә Шайық Назым хазірет бір тәмсіл айтар, бірде бір тышқан арақ толы күбіге түсіп кетіп, шылқа мас болып қайта шығады, әзер құтылады, бірақ бұл тышқан шығып алған соң «мысық қайда? мен онымен айқасамын!» деп өрекпиды, алайда ол бұл сөзді айтып болысы сол екен, мысық оны дереу жұта салады, оның шипасы осылай бітер, ал осы кездегі адамдардың ісі де осы тышқанның ісіне ұқсар, олар өздерінше керемет іс қылып жатқандай тепсінеді, Алла Жәллә Жәләлухуға қарсы келіп, Оны майданға шақырады, ал манағы тышқан бұл адамдарға қарағанда көбірек ақылды, көбірек тәуірлеу екен, себебі тышқан мас болмай тұрған кезінде манағы сөздерді айтқан жоқ, адамдар болса, мас болмай тұрған кездің өзінде соншама сандырақтарды айтады, бұл оларға ерекше зиянды, бірақ оның Алла Әззә уә-Жәлләға еш залалы жоқ.
Алла Әззә уә-Жәлләның адамдарға аса зор мейірім-рахымы бар, адамдарға олар қол жеткізетін бар игіліктер көрсетіліп қойылған, әдемі жол да оларға көрсетілген, міне осылар көрсетіліп қойғандықтан, олар оны үздіксіз жалғастырар, бірақ адамдар өздеріне өздері зұлымдық сұрап, жамандық тілеп алуда, сау басына сақина тіленер, ал бұған ешкім араласа алмас, Алла Жәллә Жәләлуху бізді ақырзаманның кесірлерімен шайтаннан сақтағай, адам шайтандар бар, олар қазір нақ шайтаннан да бетер бұзақы болды, осындай адам шайтандардан Алла Жәллә Жәләлуху мұсылман балаларды қорғағай, балалар осы адам шайтандарды кереметтей бірдеңе көріп, оларға ереді, оларды үлгі етеді, Алла Жәллә Жәләлуху бізді олардың кесір-кесапаттарынан сақтағай, Алла Жәллә Жәләлуху олардың кесірін өздеріне қайтарып жібергей.
Уәмин Аллаһ ат-Тауфиқ, әл-Фатиха.
- Әулие Сопы Маулана Шайық Мехмет Әділ әр-Раббани, Нақышбанд Тәриқатының 41-Әулие Шайқы
#ислам #сүннет #әулие #жүрек #қазақ #дін #тәриқат #сопы #сопылық #намаз #алла #аллах #ораза #мұсұлман #ғұлама #туражол #нақшыбанды #раббани #тасауф #kazakhstan #kazakh #islam
nvrislam.net
instagram.com/nvrislami
fb.com/tanirtaw
سۇحبات: مۇمينگە بەرىلەر يگىلىكتەر وتە كوپ (2023.11.09 / 1445-حيجري 25-رابيۋل احير)
يسلامبول (ستامبۋل)، تۇركيا.
ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.
اللا ءاززا ءۋا-ءجاللا مۇسىلماندارعا جانە اللا ءجاللا ءجالالۋحۋعا سەنەتىندەرگە اسا زور نىعىمەتتەر بەرەدى، اللا ءاززا ءۋا-ءجاللا ەشكىمگە مۇحتاج ەمەس، ءبىراق اركىم اللا ءاززا ءۋا-ءجاللاعا مۇحتاج-ءدۇر، ەشكىم اللا ءجاللا ءجالالۋحۋ بەرگەن نىعىمەتتەردى بەرە المايدى، دەمەك ول بەرگەندى ەشكىم بەرە الماس ءارى ول بەرمەگەندى ەشكىم الا الماس.
ادام ءوز قالاعانىنداي سونشا قۋاتتى يا كوپ ءبىلىمدى بولا بەرەر، ول ءوزىن «سونشاما اسقان زەرەكپىن» دەپ ويلار، ءبىراق ناعىز اقىلدى، اسقان زەرەك كىسى اللا ءاززا ءۋا-ءجاللانىڭ قۇدىرەتتىلىگىن قابىل ەتىپ، وعان جاقسى قۇل بولۋعا قۇراق ۇشاتىن ادام، سوعان قۇلشىناتىن كىسى، ول اللا ءجاللا ءجالالۋحۋدىڭ بىزدەن قالاعان جولىنا ەرەدى، سەبەبى ول جول باقىتتىڭ جولى، ادامدار باقىت ىزدەپ، ابدەن شارشاعان، ال باقىتتىڭ جولى اللا ءاززا ءۋا-ءجاللانىڭ جولى-ءدۇر، جەڭىلدىكپەن باقىت الىپ كەلەتىن باسقا ەشبىر جول جوق.
اللا ءاززا ءۋا-ءجاللادان بىزگە بەرىلگەن كوپتەگەن نىعىمەتتەر بەرىلگەن، ال قۇلشىلىق ەتۋ وسى نىعىمەتتەردىڭ ىشىندەگى ەڭ زور نىعىمەتتىڭ ءبىرى، سەبەبى اللا ءجاللا ءجالالۋحۋ ەشكىمگە مۇحتاج ەمەس بولعاندىقتان، بۇل قۇلشىلىقتارىڭىز ءسىزدىڭ ءوزىڭىز ءۇشىن پايدالى بولماق، ول ءسىزدىڭ يگىلىگىڭىز ءۇشىن، ادامدار «مەن ونى مويىندامايمىن، قابىل ەتپەيمىن» دەر، ءبىراق ءسىز كىم ەدىڭىز؟ ءسىز اللا ءجاللا ءجالالۋحۋدى تانىساڭىز نە بولار، ال تانىماساڭىز نە بولار؟ بۇكىل دۇنيە ونى تانىماي-اق قويسىن، دۇنيەنى قويا تۇرالىق، بۇكىل الەم ونى تانىماسىن، بۇلار اللا ءاززا ءۋا-ءجاللاعا اتومداي كىشى زيان دا الىپ كەلە المايدى.
ءماۋلانا شايىق نازىم حازىرەت ءبىر ءتامسىل ايتار، بىردە ءبىر تىشقان اراق تولى كۇبىگە ءتۇسىپ كەتىپ، شىلقا ماس بولىپ قايتا شىعادى، ازەر قۇتىلادى، ءبىراق بۇل تىشقان شىعىپ العان سوڭ «مىسىق قايدا؟ مەن ونىمەن ايقاسامىن!» دەپ ورەكپيدى، الايدا ول بۇل ءسوزدى ايتىپ بولىسى سول ەكەن، مىسىق ونى دەرەۋ جۇتا سالادى، ونىڭ شيپاسى وسىلاي بىتەر، ال وسى كەزدەگى ادامداردىڭ ءىسى دە وسى تىشقاننىڭ ىسىنە ۇقسار، ولار وزدەرىنشە كەرەمەت ءىس قىلىپ جاتقانداي تەپسىنەدى، اللا ءجاللا ءجالالۋحۋعا قارسى كەلىپ، ونى مايدانعا شاقىرادى، ال ماناعى تىشقان بۇل ادامدارعا قاراعاندا كوبىرەك اقىلدى، كوبىرەك تاۋىرلەۋ ەكەن، سەبەبى تىشقان ماس بولماي تۇرعان كەزىندە ماناعى سوزدەردى ايتقان جوق، ادامدار بولسا، ماس بولماي تۇرعان كەزدىڭ وزىندە سونشاما ساندىراقتاردى ايتادى، بۇل ولارعا ەرەكشە زياندى، ءبىراق ونىڭ اللا ءاززا ءۋا-ءجاللاعا ەش زالالى جوق.
اللا ءاززا ءۋا-ءجاللانىڭ ادامدارعا اسا زور مەيىرىم-راحىمى بار، ادامدارعا ولار قول جەتكىزەتىن بار يگىلىكتەر كورسەتىلىپ قويىلعان، ادەمى جول دا ولارعا كورسەتىلگەن، مىنە وسىلار كورسەتىلىپ قويعاندىقتان، ولار ونى ۇزدىكسىز جالعاستىرار، ءبىراق ادامدار وزدەرىنە وزدەرى زۇلىمدىق سۇراپ، جاماندىق تىلەپ الۋدا، ساۋ باسىنا ساقينا تىلەنەر، ال بۇعان ەشكىم ارالاسا الماس، اللا ءجاللا ءجالالۋحۋ ءبىزدى اقىرزاماننىڭ كەسىرلەرىمەن شايتاننان ساقتاعاي، ادام شايتاندار بار، ولار ءقازىر ناق شايتاننان دا بەتەر بۇزاقى بولدى، وسىنداي ادام شايتانداردان اللا ءجاللا ءجالالۋحۋ مۇسىلمان بالالاردى قورعاعاي، بالالار وسى ادام شايتانداردى كەرەمەتتەي بىردەڭە كورىپ، ولارعا ەرەدى، ولاردى ۇلگى ەتەدى، اللا ءجاللا ءجالالۋحۋ ءبىزدى ولاردىڭ كەسىر-كەساپاتتارىنان ساقتاعاي، اللا ءجاللا ءجالالۋحۋ ولاردىڭ كەسىرىن وزدەرىنە قايتارىپ جىبەرگەي.
ءۋامين اللاھ ات-تاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني، ناقىشباند ءتاريقاتىنىڭ 41-اۋليە شايقى
#يسلام #سۇننەت #اۋليە #جۇرەك #قازاق #ءدىن #ءتاريقات #سوپى #سوپىلىق #ناماز #اللا #اللاح #ورازا #مۇسۇلمان #عۇلاما #تۋراجول #ناقشىباندى #رابباني #تاساۋف #kazakhstan #kazakh #islam
nvrislam.net
instagram.com/nvrislami
fb.com/tanirtaw
Сілтеме: https://www.nvrislam.net/index.php?j=kz&post=7229