ҚАЗІРГІ ЗАМАН - БІЛІМДІ НАДАНДАРДЫҢ ЗАМАНЫ

БІЛІМДІНІҢ БӘРІ БІРДЕЙ ЖАҚСЫ БОЛА БЕРМЕС, Білімі қайырлы болмай, адасқандар қаншама! сондықтан исламда білімді надан және білімсіз надан деген ұғым бар, ислам, 'білімсіз надан бірді, білімді надан мыңды адастырар' дейді. Себебі, аңқау жұрт білімді адам сенімді адам, жақсы адам деп ойлайды, алайда жағдай бұлай емес. Демек, адамзатты адастырғандар сол білімділерден көп шыққан. Адам білімді бола тұра, бірақ жүрек көзі ашылмаса, иман болмаса, ол қауіпті адамға айналады. Себебі ол пайдасыз білімімен мыңдаған, миллиондаған аңқау жұртты оңай адастырады. Демек, біреудің білімді болуы, көп оқығаны оның иманды екендігіне дәлел емес. Пайғамбарымыздың заманында хат танитын адам тым аз еді, ал қазір хат танымайтын кісі жоқ, оқымаған адам жоқ. Бірақ осы кездегі адамдардың надандығы пайғамбардың кезіндегі адамдардан әлдеқайда асып кетті. Мәселен, қазір дінсіздер, әтейістер өте көп, тіпті мұсылман бола тұра құдайға күдігі көптер қаншама! Исламнан алыстар қаншама! Бірақ олардың барлығы хат таниды, білімнен кенде емес, өте білімді. Пайғамбарымыз, 'мен келуден бұрынғы заман бірінші реткі зор надандық дәуірі, ал ақырзаманда бұдан да ауыр екінші реткі зор надандық дәуірі келер' деп, қазіргіндей надандық заманының орнайтынын алдын ала айтып кетті. Ал білімнің пайдалысы, пайдасызы, зияндысы болады, ал қазіргілер сол пайдасыз, бос-зиянды білімнің артына түсіп, илаһи білімді тастады, себебі олар нәпсі, шайтан, дүниеге еріп кетті. Содан адамдар сау бола тұра, мас сияқты бастары айналған рухсыз, имансыз хәлге душар болды. Құрандағы дұха сүресінде бір тұманның жер жүзін қаптайтындығын айтар. Ал оның бір мағынасы сол, ақырзаманда жержүзін надандық тұманы қаптап, адамдар қиналады, надандық олардың жүрегін қысады, сол кезде олар сау бола тұра, мас сияқты жүреді, Аллаға сенбейді, иманы болмайды. Мас болу дегеніміз міне осы, себебі сау адам құдай жоқ демейді, ол Алла жолында болады. Ертеде ең білімсіз адамның өзі құдай жоқ демеген, ал қазір құдайсыздар әр жерде қаптап жүр. Басқаны қайдам, қазір мұсылмандарда надан ғұлама, надан қари, надан уағызшы көп, олар надандығымен барша мұсылманды адастыруда. Мәселен, олардың арасында сопылық тәриқатқа қарсылар көп! білімді надандар дегеніміз міне осылар. Ал ондай адамдар хақында әйгілі әулие шах Бахаудин Нақышбанд хазірет, 'сопылыққа қарсы оқымыстыны тыңдама, ал тыңдасаң, 40 күнге дейін шайтанның әмірінде боласың, егер тәубе етпесең, шайтанға еріп қарғысталасың' дейді. Қазіргілер дін оқиды, бірақ көбі оқығанын түсінбейтін тек жаттампаздар болып шығады. Демек олар дінді оқиды, бірақ оны тоқи білмейді, яғни оқу бөлек, тоқу бөлек. Бұл жәйлы Бахаудин хазірет, 'жаттампаздар тек сөз-есімдерді жаттаумен әбігер болар, ал сопылар сөз-есімдердің маңызын түсініп, мағынасын ашатындар' дейді.

قازىرگى زامان - ءبىلىمدى نادانداردىڭ زامانى

ءبىلىمدىنىڭ ءبارى بىردەي جاقسى بولا بەرمەس، ءبىلىمى قايىرلى بولماي، اداسقاندار قانشاما! سوندىقتان يسلامدا ءبىلىمدى نادان جانە ءبىلىمسىز نادان دەگەن ۇعىم بار، يسلام، 'ءبىلىمسىز نادان ءبىردى، ءبىلىمدى نادان مىڭدى اداستىرار' دەيدى. سەبەبى، اڭقاۋ جۇرت ءبىلىمدى ادام سەنىمدى ادام، جاقسى ادام دەپ ويلايدى، الايدا جاعداي بۇلاي ەمەس. دەمەك، ادامزاتتى اداستىرعاندار سول بىلىمدىلەردەن كوپ شىققان. ادام ءبىلىمدى بولا تۇرا، ءبىراق جۇرەك كوزى اشىلماسا، يمان بولماسا، ول ءقاۋىپتى ادامعا اينالادى. سەبەبى ول پايداسىز بىلىمىمەن مىڭداعان، ميلليونداعان اڭقاۋ جۇرتتى وڭاي اداستىرادى. دەمەك، بىرەۋدىڭ ءبىلىمدى بولۋى، كوپ وقىعانى ونىڭ يماندى ەكەندىگىنە دالەل ەمەس. پايعامبارىمىزدىڭ زامانىندا حات تانيتىن ادام تىم از ەدى، ال ءقازىر حات تانىمايتىن كىسى جوق، وقىماعان ادام جوق. ءبىراق وسى كەزدەگى ادامداردىڭ ناداندىعى پايعامباردىڭ كەزىندەگى ادامداردان الدەقايدا اسىپ كەتتى. ماسەلەن، ءقازىر دىنسىزدەر، اتەيىستەر وتە كوپ، ءتىپتى مۇسىلمان بولا تۇرا قۇدايعا كۇدىگى كوپتەر قانشاما! يسلامنان الىستار قانشاما! ءبىراق ولاردىڭ بارلىعى حات تانيدى، بىلىمنەن كەندە ەمەس، وتە ءبىلىمدى. پايعامبارىمىز، 'مەن كەلۋدەن بۇرىنعى زامان ءبىرىنشى رەتكى زور ناداندىق ءداۋىرى، ال اقىرزاماندا بۇدان دا اۋىر ەكىنشى رەتكى زور ناداندىق ءداۋىرى كەلەر' دەپ، قازىرگىندەي ناداندىق زامانىنىڭ ورنايتىنىن الدىن الا ايتىپ كەتتى. ال ءبىلىمنىڭ پايدالىسى، پايداسىزى، زياندىسى بولادى، ال قازىرگىلەر سول پايداسىز، بوس-زياندى ءبىلىمنىڭ ارتىنا ءتۇسىپ، يلاھي ءبىلىمدى تاستادى، سەبەبى ولار ءناپسى، شايتان، دۇنيەگە ەرىپ كەتتى. سودان ادامدار ساۋ بولا تۇرا، ماس سياقتى باستارى اينالعان رۋحسىز، يمانسىز حالگە دۋشار بولدى. قۇرانداعى دۇحا سۇرەسىندە ءبىر تۇماننىڭ جەر ءجۇزىن قاپتايتىندىعىن ايتار. ال ونىڭ ءبىر ماعىناسى سول، اقىرزاماندا جەرجۇزىن ناداندىق تۇمانى قاپتاپ، ادامدار قينالادى، ناداندىق ولاردىڭ جۇرەگىن قىسادى، سول كەزدە ولار ساۋ بولا تۇرا، ماس سياقتى جۇرەدى، اللاعا سەنبەيدى، يمانى بولمايدى. ماس بولۋ دەگەنىمىز مىنە وسى، سەبەبى ساۋ ادام قۇداي جوق دەمەيدى، ول اللا جولىندا بولادى. ەرتەدە ەڭ ءبىلىمسىز ادامنىڭ ءوزى قۇداي جوق دەمەگەن، ال ءقازىر قۇدايسىزدار ءار جەردە قاپتاپ ءجۇر. باسقانى قايدام، ءقازىر مۇسىلمانداردا نادان عۇلاما، نادان قاري، نادان ۋاعىزشى كوپ، ولار ناداندىعىمەن بارشا مۇسىلماندى اداستىرۋدا. ماسەلەن، ولاردىڭ اراسىندا سوپىلىق ءتاريقاتقا قارسىلار كوپ! ءبىلىمدى ناداندار دەگەنىمىز مىنە وسىلار. ال ونداي ادامدار حاقىندا ايگىلى اۋليە شاح باحاۋدين ناقىشباند حازىرەت، 'سوپىلىققا قارسى وقىمىستىنى تىڭداما، ال تىڭداساڭ، 40 كۇنگە دەيىن شايتاننىڭ امىرىندە بولاسىڭ، ەگەر تاۋبە ەتپەسەڭ، شايتانعا ەرىپ قارعىستالاسىڭ' دەيدى. قازىرگىلەر ءدىن وقيدى، ءبىراق كوبى وقىعانىن تۇسىنبەيتىن تەك جاتتامپازدار بولىپ شىعادى. دەمەك ولار ءدىندى وقيدى، ءبىراق ونى توقي بىلمەيدى، ياعني وقۋ بولەك، توقۋ بولەك. بۇل ءجايلى باحاۋدين حازىرەت، 'جاتتامپازدار تەك ءسوز-ەسىمدەردى جاتتاۋمەن ابىگەر بولار، ال سوپىلار ءسوز-ەسىمدەردىڭ ماڭىزىن ءتۇسىنىپ، ماعىناسىن اشاتىندار' دەيدى.

#қазақ #тәриқат #салауат #әулие #ислам #дін #сопылық #пайғамбар #құран #салауат #Kazakhstan #иман #islam #salawat #sufism #Қазақстан #naqshbandi #maulana #rumi #руми #мәуләнә #iman #sufi #muhammad #ораза
nvrislam.net
instagram.com/nvrislami


سىلتەمە: https://www.nvrislam.net/index.php?j=tote&post=8636