Мазмұнды Көшіру

https://www.nvrislam.net/index.php?j=kz&post=8616
Сұхбат: өліммен мәңгіліктің шын ақиқаты хақында аз сөз (2025.12.13 / Хижри 1447-жыл 22-Жұмадал Әл-Тәни)
Исламбол (Станбул), Түркия.

Әс-сәламу Әлейкум уа Рахматуллахи уа Баракатуху.
Ағузубиллаһи Минаш-шайтанир ражим, Бисмиллахир Рахманир Рахим.
Уа с-салату уа с-Саламу ғалә Расулина Мұхамадин Сәйиди л-Ауалина уа л-Ақирин, Мәдәт я РасулАллаһ, Мәдәт я Сәдәти Әсхаби Расулилаһ, Мәдәт я Машайқина, Дәстүр Мәуләнә Шайық Абдуллаһ әл-Фәйз әд-Дағыстани, Шайық Мұхаммад Назым әл-Хаққани, Мәдәт. Тәриқатуна әс-Сұхбах уа л-Қайру фи л-Жәмиях.

(Türkiye, Istanbul, Akbaba Dergah-да айтылған сұхбат) Бисмиллахир рахманир рахим, «كُلُّ نَفْسٍ ذَآئِقَةُ ٱلْمَوْتِ ۖ ثُمَّ إِلَيْنَا تُرْجَعُونَ» яғни «әрбір адам өлім дәмін татады, одан соң сендер Бізге қайтасыңдар», садақаллахулғазим, (құран 29інші сүре 57інші аят). Демек өлім әрбір адам тататын нәрсе, бірақ адамдар тірі жүрген кезінде ешқашан өлмейтіндей ойлайды, бұл да Алла Әззә уә-Жәлләның хикіметінен еді. Пайғамбарымыз ﷺ, «қиямет күнінде барлық сұрақтармен есеп берулер біткен соң, өлім жәннәтпен тозақтың арасына қойылып, сонда кәдімгі мал сияқты бауыздалады, ал ол бауыздалып құрбан етілген соң, өлместік мәңгілікке айналар» дейді. Бұл жәннәттық адамдармен тозақтық адамдар үшін бірдей ұқсас болар, одан соң өлім деген ешқандай нәрсе болмайды.

Ал мына дүние өлімді жер, бұл дүниедегі әр адам сөзсіз өлім дәмін татады, одан соң өлім мәгілікке тоқтайды, яғни өлім жәннәтпен тозақ арасында өлтіріліп, өлім деген нәрсе қалмайды. Өлім осы дүниеде ғана, ал жәннәтта, ақиретте өлім болмайды, қазір кейде адамдар, «ал біз сол мәңгілік өмірде не істейміз» деп ойлар, бірақ сіз тіпті осы өмірде жүргенде-ақ еш өлмейтіндей ойлаушы едіңіз ғой! Демек адамдар қанша қиыншылықпен азап көрсе де өлгісі келмейді, олар тіпті өлімді ойлап қоймайды. Ал ақирет басқаша, ол арада бұл дүниелік хәлдер болмайды, демек біреу пайғамбарымыз ﷺның каусар бұлағының суын ішіп, жәннәтқа кірген соң оның бүкіл қайғысы, мазасыздығы, мына дүниенің жамандығы одан мүлдем жоғалып кетеді, онда ешбір көре-алмастық, іштарлық, қызғаншақтық, жаман ой, залалдан қорқу, және үйрей қалмайды, олардан ештеңе қалмас, бұлардың барлығы жоғалып кетеді.

Сондықтан, ақиреттің хәлі, жәннәттың хәлі мына дүниенің хәліне ұқсамайды, тіпті өздерін ғұлама ойлап жүрген кейбір адамдар, «біз онда не істейміз» деп сұрайды да, олар мәңгілікті қабыл етпейді. Алайда, Алла Әззә уә-Жәлләның уәдесі хақ, жәннәтта мәңгілік рахат бар, мәңгілік жәйлы өмір бар, барша сұлулықпен бүкіл игіліктер сонда, ол арада, «ертең не болмақ, мен қашан өсемін, қанша ақша табамын, жиын қалай болмақ, жинды қашан бітемін» деген сияқты алаңдаушылықтар болмайды. Онда бәрі жәйлы болады, сүйгенмен мәңгілік бірге жолдас болу болады, ажырап қалу болмайды, онда ешқандай алаң-елең, көңілсіздік, немесе мазасыздық, реніш-қайғы болмайды. Онда, «мен сүйгенімен ажырап қаламынба, ол қартайды, өліп қалар-ау, ол ауырып қалды, ол анау болды, мынау болды, оған мына іс болды, оған бірдеңе болды, оған біреу тиісіпті, анау бәлен іс қылыпты» деген нәрселер болмайды.

Сондықтан, адамдар ақирет үшін құлшынуы керек, тіпті мүмин үшін мына дүниенің уақытша қиындықтарының өзі оған пайдалы болмақ, рахатпен жәйлылық та мүмин үшін пайдалы, ал кәпірлер қанша жәйлы өмір сүрсе де, оларға еш пайда келмейді. Ең нағыз пайдалы нәрсе ақирет болмақ, Алла ﷻ бізді иманнан ажыратпағай. Қазір өздерін ғұлама санап, «ғұламамыз, ғалымбыз» деп айғайлап жүрген біреулер ел-жұртты адастыруда, тіпті бейкүнә адамдар да, балалар да сондайлардың кесірі себепті ақиретін қиратып жатыр. Алайда манағы бұзық қыңырлар өздері мәңгілікке құритын болады, Алла ﷻ бізді панасына алғай, Алла ﷻ бізді олардың жамандықтарымен кесір-кесапаттарынан сақтағай. Алла ﷻ біздің иманымызды күшейте бергей, иншалла.

- УәминАллаһиТауфиқ, әл-Фатиха.
- Әулие Сопы Маулана Шайық Мехмет Әділ әр-Раббани Хазірет, Нақышбанд Тәриқатының 41інші Әулие пір Шайығы

#ислам #сүннет #әулие #жүрек #қазақ #дін #тәриқат #сопылық #намаз #алла #аллаһ #ораза #нақшыбанд #kazakhstan #kazakh #islam
nvrislam.net
instagram.com/nvrislami



سۇحبات: ولىممەن ماڭگىلىكتىڭ شىن اقيقاتى حاقىندا از ءسوز (2025.12.13 / حيجري 1447-جىل 22-جۇمادال ءال-ءتاني)
يسلامبول (ستانبۋل)، تۇركيا.

ءاس-ءسالامۋ الەيكۋم ۋا راحماتۋللاحي ۋا باراكاتۋحۋ.
اعۋزۋبيللاھي ميناش-شايتانير راجيم، بيسميللاحير راحمانير راحيم.
ۋا س-سالاتۋ ۋا س-سالامۋ ءعالا راسۋلينا مۇحامادين ءسايدي ل-اۋالينا ۋا ل-اقيرين، ءمادات يا راسۋلاللاھ، ءمادات يا ءساداتي ءاسحابي راسۋليلاھ، ءمادات يا ماشايقينا، ءداستۇر ءماۋلانا شايىق ابدۋللاھ ءال-ءفايز ءاد-داعىستاني، شايىق مۇحامماد نازىم ءال-حاققاني، ءمادات. ءتاريقاتۋنا ءاس-سۇحباح ۋا ل-قايرۋ في ل-ءجامياح.

(Türkiye، Istanbul، Akbaba Dergah-دا ايتىلعان سۇحبات) بيسميللاحير راحمانير راحيم، «كُلُّ نَفْسٍ ذَآئِقَةُ ٱلْمَوْتِ ۖ ثُمَّ إِلَيْنَا تُرْجَعُونَ» ياعني «ءاربىر ادام ءولىم ءدامىن تاتادى، ودان سوڭ سەندەر بىزگە قايتاسىڭدار»، ساداقاللاحۋلعازيم، (قۇران 29ءىنشى سۇرە 57ءىنشى ايات). دەمەك ءولىم ءاربىر ادام تاتاتىن نارسە، ءبىراق ادامدار ءتىرى جۇرگەن كەزىندە ەشقاشان ولمەيتىندەي ويلايدى، بۇل دا اللا ءاززا ءۋا-ءجاللانىڭ حيكىمەتىنەن ەدى. پايعامبارىمىز ﷺ، «قيامەت كۇنىندە بارلىق سۇراقتارمەن ەسەپ بەرۋلەر بىتكەن سوڭ، ءولىم جانناتپەن توزاقتىڭ اراسىنا قويىلىپ، سوندا كادىمگى مال سياقتى باۋىزدالادى، ال ول باۋىزدالىپ قۇربان ەتىلگەن سوڭ، ولمەستىك ماڭگىلىككە اينالار» دەيدى. بۇل ءجانناتتىق ادامدارمەن توزاقتىق ادامدار ءۇشىن بىردەي ۇقساس بولار، ودان سوڭ ءولىم دەگەن ەشقانداي نارسە بولمايدى.

ال مىنا دۇنيە ءولىمدى جەر، بۇل دۇنيەدەگى ءار ادام ءسوزسىز ءولىم ءدامىن تاتادى، ودان سوڭ ءولىم ماگىلىككە توقتايدى، ياعني ءولىم جانناتپەن توزاق اراسىندا ءولتىرىلىپ، ءولىم دەگەن نارسە قالمايدى. ءولىم وسى دۇنيەدە عانا، ال ءجانناتتا، اقيرەتتە ءولىم بولمايدى، ءقازىر كەيدە ادامدار، «ال ءبىز سول ماڭگىلىك ومىردە نە ىستەيمىز» دەپ ويلار، ءبىراق ءسىز ءتىپتى وسى ومىردە جۇرگەندە-اق ەش ولمەيتىندەي ويلاۋشى ەدىڭىز عوي! دەمەك ادامدار قانشا قيىنشىلىقپەن ازاپ كورسە دە ولگىسى كەلمەيدى، ولار ءتىپتى ءولىمدى ويلاپ قويمايدى. ال اقيرەت باسقاشا، ول ارادا بۇل دۇنيەلىك حالدەر بولمايدى، دەمەك بىرەۋ پايعامبارىمىز ﷺنىڭ كاۋسار بۇلاعىنىڭ سۋىن ءىشىپ، ءجانناتقا كىرگەن سوڭ ونىڭ بۇكىل قايعىسى، مازاسىزدىعى، مىنا دۇنيەنىڭ جاماندىعى ودان مۇلدەم جوعالىپ كەتەدى، وندا ەشبىر كورە-الماستىق، ءىشتارلىق، قىزعانشاقتىق، جامان وي، زالالدان قورقۋ، جانە ۇيرەي قالمايدى، ولاردان ەشتەڭە قالماس، بۇلاردىڭ بارلىعى جوعالىپ كەتەدى.

سوندىقتان، اقيرەتتىڭ ءحالى، ءجانناتتىڭ ءحالى مىنا دۇنيەنىڭ حالىنە ۇقسامايدى، ءتىپتى وزدەرىن عۇلاما ويلاپ جۇرگەن كەيبىر ادامدار، «ءبىز وندا نە ىستەيمىز» دەپ سۇرايدى دا، ولار ماڭگىلىكتى قابىل ەتپەيدى. الايدا، اللا ءاززا ءۋا-ءجاللانىڭ ۋادەسى حاق، ءجانناتتا ماڭگىلىك راحات بار، ماڭگىلىك ءجايلى ءومىر بار، بارشا سۇلۋلىقپەن بۇكىل يگىلىكتەر سوندا، ول ارادا، «ەرتەڭ نە بولماق، مەن قاشان وسەمىن، قانشا اقشا تابامىن، جيىن قالاي بولماق، جيندى قاشان بىتەمىن» دەگەن سياقتى الاڭداۋشىلىقتار بولمايدى. وندا ءبارى ءجايلى بولادى، سۇيگەنمەن ماڭگىلىك بىرگە جولداس بولۋ بولادى، اجىراپ قالۋ بولمايدى، وندا ەشقانداي الاڭ-ەلەڭ، كوڭىلسىزدىك، نەمەسە مازاسىزدىق، رەنىش-قايعى بولمايدى. وندا، «مەن سۇيگەنىمەن اجىراپ قالامىنبا، ول قارتايدى، ءولىپ قالار-اۋ، ول اۋىرىپ قالدى، ول اناۋ بولدى، مىناۋ بولدى، وعان مىنا ءىس بولدى، وعان بىردەڭە بولدى، وعان بىرەۋ ءتيىسىپتى، اناۋ بالەن ءىس قىلىپتى» دەگەن نارسەلەر بولمايدى.

سوندىقتان، ادامدار اقيرەت ءۇشىن قۇلشىنۋى كەرەك، ءتىپتى ءمۇمين ءۇشىن مىنا دۇنيەنىڭ ۋاقىتشا قيىندىقتارىنىڭ ءوزى وعان پايدالى بولماق، راحاتپەن ءجايلىلىق تا ءمۇمين ءۇشىن پايدالى، ال كاپىرلەر قانشا ءجايلى ءومىر سۇرسە دە، ولارعا ەش پايدا كەلمەيدى. ەڭ ناعىز پايدالى نارسە اقيرەت بولماق، اللا ﷻ ءبىزدى يماننان اجىراتپاعاي. ءقازىر وزدەرىن عۇلاما ساناپ، «عۇلامامىز، عالىمبىز» دەپ ايعايلاپ جۇرگەن بىرەۋلەر ەل-جۇرتتى اداستىرۋدا، ءتىپتى بەيكۇنا ادامدار دا، بالالار دا سوندايلاردىڭ كەسىرى سەبەپتى اقيرەتىن قيراتىپ جاتىر. الايدا ماناعى بۇزىق قىڭىرلار وزدەرى ماڭگىلىككە قۇريتىن بولادى، اللا ﷻ ءبىزدى پاناسىنا العاي، اللا ﷻ ءبىزدى ولاردىڭ جاماندىقتارىمەن كەسىر-كەساپاتتارىنان ساقتاعاي. اللا ﷻ ءبىزدىڭ يمانىمىزدى كۇشەيتە بەرگەي، ينشاللا.

- ءۋاميناللاھيتاۋفيق، ءال-فاتيحا.
- اۋليە سوپى ماۋلانا شايىق مەحمەت ءادىل ءار-رابباني حازىرەت، ناقىشباند ءتاريقاتىنىڭ 41ءىنشى اۋليە ءپىر شايىعى

#يسلام #سۇننەت #اۋليە #جۇرەك #قازاق #ءدىن #ءتاريقات #سوپىلىق #ناماز #اللا #اللاھ #ورازا #ناقشىباند #kazakhstan #kazakh #islam
nvrislam.net
instagram.com/nvrislami
Сілтеме: https://www.nvrislam.net/index.php?j=kz&post=8616